Publicaciones de Telegram de ABCmedicine

من أكتر الجمل المستفزة :
" مادام عندك وقت تقعد علي الفيس بوك يبقي أكيد عندك وقت تتتعلم حاجة جديدة " أو " مادام عندك وقت تتفرج علي الفيدوهات الهايفة بتاعة اليوتيوب يبقي أكيد عندك وقت تمارس اي رياضة " ... إلخ

و كإن مشكلة الواحد في الحياة هي الوقت !! مفيش حاجة اسمها طاقة ؟ مفيش حاجة اسمها القدرة النفسية ؟! مفيش حاجة اسمها صفاء ذهن ؟ او الانسان في حالة من الألم او الاستنفاذ الجسدي .. عنده كل الوقت اللي في الدنيا بس مش قادر يبدأ .. مش قادر حتي يقوم من علي السرير !

.. فالسلوك الانساني ساعات كتير بيبقي معقد و متداخل بشكل يصعب حتي علي الشخص نفسه انه يستوعبه ، و اللي بتبقي اهم خطوة ساعتها انه ميزدش علي نفسه ضغط انه لازم حالا يبقي ايلون ماسك ، انه لازم حالا يبقي حلو و منتج و حياته مثالية .. أهم خطوة انه يدي نفسه وقت و مساحة
، في النهاية فيه جملة عظيمة بتقول :
(( you’re not a bad person for not having the energy to spend time with or do things with the people/things that you love ))
(( انت مش شخص سيء عشان معندكش الطاقة انك تقضي وقت مع الاشخاص اللي قريبين منك او تعمل الحاجات اللي بتحبها ))

.. فرفقا بنفسك - حتي لو للأسف - كنت في بيئة مش رفيقة بك ..

-د. كيرلوس بهجت
#صحتك_النفسية_خلال_فترة_الحرب
ABCmedicine team

هو انتِ SA node؟
- اشمعنا
اصلك you control my heart ♥

مع تحيات ABC medicine team

جيل التسعينات وبداية الألفية الثانية او ما يعرف اعلامياً بالجيل زيد ( generation z ) او جيل سبيس توون زي ما بنسميهو نحن اكثر عرضة للإصابة بالإضطرابات والأمراض النفسية من اي جيل اخر ،
تساؤل كان مطروح في الأوساط المهتمة بالصحة النفسية ، فهناك زيادة واضحة للإصابة بالتوتر والإكتئاب ومحاولات وحالات الإنتحار في الجيل ما بين ١٩٩٥ - ٢٠٠٥ ، لكن هل هي زيادة واقعية للفئة العمرية المعنية ؟ او بزيادة عدد البشر يزيد معدل جميع الأمراض ؟ او نسبة للوعي بالأمراض النفسية زادت نسبة الزيارات للأطباء النفسيين وبالتالي زاد عدد الحالات المسجلة ؟
فعلياً وبالنسبة للمحيط الأنا موجود فيهو والحالات البتمر بالواحد بالذات في السنين الأخيرة في زيادة في الحالات في الفئة العمرية المذكورة ، مع اختلاف حدتها والأغلب الحالات متوسطة الحدة البتحتاج تغيير نمط سلوك وحياة كامل كوقاية منها ( مع الأخذ بالإعتبار انه مافي احصاء دقيق يأكد المعلومة ) لكن عالمياً في ابحاث اكدت الحاجة دي وانه الجيل Z زادت فيهو نسبة الأمراض عن باقي الأجيال ، ودي النتيجة ولكن السبب !؟ ، يعزي بعض الخبراء في مجال الصحة النفسية عالمياً لأنه في عدة اسباب ممكن تقسيمها لي اتنين كبار وفيهم تفرعات :

الأول وهو الأخطاء التفكيرية ( thinking errors ) او التشوه المعرفي ( cognitive distortions ) :

والي هي انماط تفكير غير عقلانية ( مبنية على التفكير الما منطقي ) وبتأدي بالإنسان للإكتئاب او بتكون مصاحبة للإكتئاب وكل ما كان الإنسان مكتئب كل ما زاد التشوه المعرفي العنده او بتأدي لي التوتر المزمن . والإنسان عشان يكسر الدايرة دي محتاج حاجة اسمها اسئلة ( challenging questions ) متحدية للتشوه دا . اكتر التشوهات المعرفية شيوعاً :

١ - الإستدلال التعسفي ( Arbitrary inference ) :
وهو انه الشاب يبني فكرة بدون اي دليل بأكد فكرته .
*كمثال : انا الناس كلهم بصاحبوني عشان مصلحة
الأسئلة البتتحدا الفكرة دي :
ليه انا بقول كدا ؟ هل في احتمالات انه في اصحابي ناس ما عندهم معاي مصلحة ؟ هل في ناس غيري عايشين نفس المأزق دا ؟

٢- التعميم المفرط ( Over-generalization ) :
بناء استنتاجات بأقل عدد من الأدلة
*كمثال : صحبتي ما عزمتني البرنامج الفلاني ، ياخ انا اساسا مافي زول بحبني
الأسئلة البتتحدا الفكرة دي :
هل في طرق تانية تشرح الحصل ؟ هل ادلتي قوية كفاية عشان اعتمدا ؟ هل ممكن اكون بالغت ؟ هل ممكن افكر بي حاجات ضد النتيجة بتاعتي ؟

٣- تضخيم وتصغير الأمور ( Magnification and minimization ) :
تضخيم وتصغير امور ووضعها بحجم غير حجمها الحقيقي
*كمثال التضخيم : انا فقدت صحبي العزيز او فرد من افراد اسرتي تاني ما عندي شي مهم في الحياة اهتم بيهو
*كمثال التصغير : دي شائعة شديد وهي انه الإنسان بستصغر الحاجات الجميلة العنده او النعم البقت بديهية ما بحس بيها ، يندم علي وظيفة وينسى الصحة ( صغَّر اهمية العافية )
الأسئلة البتتحدا الفكرة دي :
هل انا مريت بي حاجة زي دي قبل كدا ؟ هل دي هي ردة الفعل الصحيحة ولا ممكن اعمل حاجات افضل ؟ كيف الناس بتعاملو في مواقف زي دي ؟ شنو هي الحاجات الكويسة في حياتي ( لازم تشوفا ) ؟

٤- التجريد الإنتقائي ( Selective abstraction ) :
تسليط الضوء على حدث او ظرف سلبي واحد ، واستثناء ما تبقى من احداث ( الأكثر ايجابية )
*كمثال: الزول دا سلم علي بي طريقة كعبة ( متجاهلا انه ممكن قبلها بي ساعات او ايام كانو بتونسو عادي ) ويفكر في الموقف لي مدة من الزمن
الأسئلة البتتحدا الفكرة دي :
هل في جوانب ايجابية ممكن اركز فيها ؟ رأي اصحابي في الموقف دا شنو ؟ هل فكرتي من اساسا حقيقية ؟

٥- التفكير الكلي او الثنائي ( Dichotomous thinking , all or nothing thinking ) :
يا ابيض يا اسود ، يا حب يا كره ، يا في يا مافي
*كمثال: لو ما ضرب لي في العيد معناها ما عندو لي شي
الأسئلة البتتحدا الفكرة دي :
هل في سبب تاني ؟ هل الكلام دا فعلا بعني كدا ؟ هل كل شي فعلا يا ابيض يا اسود رمادي مافي ؟ هل في حاجات ضد فكرتي ؟

٦- الشخصنة ( Personalization ) :
ربط الأحداث العامة او المستقلة بأسباب شخصية
*كمثال: الزول دا قافل تلفونه لأنه ما عايزني اضرب ليهو
الأسئلة البتتحدا الفكرة دي :
هل في احتمالات تانية ؟ هل تفسيري اكتر واحد منطقي ؟ ادلتي المنطقية شنو للإستنتاج دا ؟ هل انا استعجلت الحكم ؟

٧- التفكير الهدام ( Catastrophic thinking ) :
المبالغة في عواقب حدث معين
*كمثال: انا لو ما انجزت قبل عمر التلاتين ، ما حأعرس بدري ما عرست بدري ما حأقدر احقق طموحاتي الكبيرة واتابع هواياتي ، ولو دا ما حصل تاني في حياتي ما بكون انسان عادي لأنه زمني راح وحأعيش حياة ما اتمنيتا

الأسئلة البتتحدا الفكرة دي :
هل فعلا الحاجات دي سيئة للدرجة دي ؟ شنو اكبر نتيجة محتملة لو ما انجزت قبل التلاتين ؟ هل في حاجات تانبة ممكن اعملا ؟ شنو الحاجات الكويسة الممكن تحصل لو ما عملت العايزو ؟ شنو هو تعريف النجاح ؟

السبب التاني :
فلسفة الجيل ورؤيتهم للحياة ، هنا المسمى بتاع جيل سبيس توون بكون منطقي ، لأنه المبادئ الإتعلم عليها الجيل انه في خير وفي شر ودايماً في النهاية الخير بنتصر ، اما واقع الحياة ، انه الحياة في تداخلاتها مع الإنسان تعاني من تبلد وجداني فهي لا تميز بين ماهو خير او شر ، وانما الأديان هي الحددت والإنسان هو البدا يعّرف ماهو خير وماهو شر حسب ما يفهم وحسب ما يحتاج ، فواقع الحياة قاسي للشباب في دولة زي السودان لأنهم في حلم الثورة اعتبرو انه الخير هم والعدو هو الشر وشافوا اصدقائهم يقتلو وحلمهم ما اتحقق ولا حقوقهم استردت ودا في حالات عمل ما يعرف اعلاميا بإكتئاب ما بعد الثورات ( post-revolutionary depression ) وهو بكون في الدول المرت بي ثورة وما انتصرت الثورة واهدافا كليا او جزئيا ، الشباب المصري نموذج

ايضا النظرة الغير حقيقية لمفهوم الحياة نفسه ، عمر العشرينات الإنسان ببدا يجمع مبادئ ومفاهيم وافكار مختلفة ونسبة الوعي الذاتي ( self conscious ) بتزيد عنده وببدا يجيهو احد اكتر الأسئلة البتستهلك طاقته وبتدخله في اشكالات مع نفسه ، وهو ما الهدف من الحياة ؟ وما فائدة العيش على الإنسان ؟ بتدخل اسئلة عدمية تزيد فترة العشرينات تعقيد ، السؤال دا بحتاج من الشاب وقت حتى يدرك انه للحياة معاني كتيرة هو البصنعها وبتصالح معاها ومع مجريات احداثها ، وهو للإنسان عالي الذكاء بحتاج اجابات فلسفية منطقية بتأدي للبعض لي مناحي قاسية ، بتحتاج شخص دليل ( mentor ) اكثر حكمة يتيح فرصة التفكير الضروري لإكتشاف الذات والعالم مع تقنين الأثر النفسي السلبي

بعض من الحلول لمساعدة الجيل الحالي في تخطي المرحلة الحالية :
- العمل بقرب مع الجيل زيد : مناقشتهم بأفكارهم وتبادل الأراء والخبرات وقصص الحياة معاهم بفيد بشرح الوضع الحالي وتعقيداته وتصحيح المفاهيم عندهم
- معرفة الجيل بضرورة تبادل الحكمة مع من هم اكبر في العمر : مهم للشباب انه يناقشو ابائهم او امهاتهم ويصارحوهم بي صعوبة الفترة الحالية البمرو بيها والتساؤلات البتجيهم ، حتى لو ما الأب او الأم اي انسان ثقة واكبر في العمر ، حتلقى عنده حاجة يطمئن بيها قلبك
- تعليم الشباب فلسفات حياتية ايجابية وواقعية ، وتخصيص وقت اكبر لفهم الدين كوسيلة للراحة النفسية
- تعليم الشباب بعض من وسائل العلاج السلوكي الإدراكي وتقنيات الإسترخاء ، لمساعدتهم في تجاوز نوبات اكتئابية وتخفيف حدة التوتر ، وايضا اتاحت الفرصة لتعبيرهم عن مشاعرهم
- تأخير العمر الذي يتعرض فيه الإنسان لوسائل التواصل الإجتماعي والهواتف الذكية ( كمية دراسات ربطت زيادة الأمراض النفسية بوسائل التواصل الإجتماعي ) فالجيل Z هو اول الأجيال التي تتعرض لوسائل التواصل الإجتماعي والهواتف الذكية في عمر صغير
- ايجاد الشباب نمط حياة هادئ وابداعي ، ليتيح للإنسان النظر للحياة بمنظوره الخاص

الصحة النفسية مهمة للإنسان كالهواء الذي يتنفسه

___
*
* امثلة التشوهات المعرفية لتقريب المفاهيم ، يمكن ان تقاس على اي شئ اخر
* والتشوهات المعرفية ليست للتعميم ( دا زاتو يعتبر تشوه فكري ) ومن الطبيعي للإنسان ان يمر بتجربة نوع او اكثر من التشوهات الفكرية ويتعلم التغلب عليها مع الخبرة ومواجهة النفس بالأسئلة المتحدية

د. مؤتمن بادي

صفحة الدكتور بنزل مقالات مفيدة في طب النفس

https://www.facebook.com/muttaman?mibextid=ZbWKwL

مع تحيات
ABC medicine

الCD8+وهي ماشة تكاتل الvirus infected cells و برضو الtumor cells:
وصونا قالو لينا الشردة عيب وشينة ، عيب وشينة
الراجل الحمش فوق الجمر بمش بسوي سمعة لينا تنتن تنتن تنتن تن ترا تن. 🤣

ABCmedicine

مرحبا بكم في دارنا الجديد 🔥💃
عملنا صفحة في الفيسبوك برضو
فشرفونا وشيرو الرابط.

https://www.facebook.com/profile.php?id=100095004226695&mibextid=ZbWKwL


ملحوظة
ممكن تقولو نزحنا فيسبوك كدا😂❤️

Best of luck
مع تحيات
ABC MEDICINE

السلام عليكم ورحمة الله وبركاته
الأيام دي بتكثر ظهور الثعابين و العقارب و يمكن الحصول على معلومة اكيده عن سميه الكائن قد يكون صعب و نظرا لانو في حالات تأخر العلاج فيها قد ينتج عنه وفاة المصاب او تضرره بصورة كبيرة فالشباب في مركز ابحاث الكائنات السامه و على رأسهم د. رانيا بليله Rania Baleela عاملين قروب اسمه

عقارب و ثعابين السودان
دا الرابط حق القروب

https://www.facebook.com/groups/574721000781492/?ref=share&mibextid=NSMWBT

بتنزل فيهو صورة الكائن و هم بيفيدوك بدرجه سميته و احتياج المصل من عدمه و تتصرف كيف، و فيهو معلومات مهمة عنها، ارجو انكم تنضمو ليه و تدعو اصحابكم ينضمو ليه، لانو هنا المعرفة تساوي حياة.

ذكِرَ لرَسولِ اللهِ صلَّى اللهُ علَيه وسلَّم رجُلانِ؛ أحدهما عابدٌ، والآخَرُ عالِمٌ، فقال رسولُ اللهِ صلَّى اللهُ علَيه وسلَّم: فضلُ العالمِ على العابدِ كفضلي على أدناكم ثمَّ قالَ رسولُ اللَّهِ صلَّى اللَّهُ عليْهِ وسلَّمَ إنَّ اللَّهَ وملائِكتَهُ وأَهلَ السَّماواتِ والأرضِ حتَّى النَّملةَ في جُحرِها وحتَّى الحوتَ ليصلُّونَ على معلِّمِ النَّاسِ الخيرَ
الراوي : أبو أمامة الباهلي | المحدث : الألباني | المصدر : صحيح الترمذي
جزاهم الله خير الجزاء و نفع بهم ❤️

-منقول

ABC medicine team