00:01 のテレグラム投稿

الذوق الزيادة بيوصل لضياع الحقوق و بيخلى اللى قدامك يتمادى و يفتكر إن ده حقه، و المجاملة الزيادة بتخلي الناس تفتكر انها صح و ليهم قيمة، و الصبر الزيادة بيخلي الي قدامك يفتكر اننا قابلين الغلط و بيزود فى قلة أدبه ، و الأدب الزيادة في طلب الحقوق بيخلي اللي واكل حقنا يفتكر اننا مش عايزينه وإننا ضعاف، و المساحة الزيادة بتخلي الناس تتدخل بزيادة و تبوظ حياتك و تقرفك، مش كل حاجة زيادة حلوة..

نحن بحاجة الى شجاعة الحذف
حذف التفاصيل حذف الماضي حذف الرسائل حذف الأصوات حذف الصور وحذف بعض الأشخاص أحياناً.

غارِقون في نعمك يا الله، فلك الحمد حتى ترضى

قبل أي حاجة خليني أوضح إنّي مش بقلل من حُزنك ولا بقول إنّك مكبر الموضوع، لكن كُل التجارب بتقول إن مَفيش حاجة مالهاش حل، الزعل هيتدفن وإنتَ هتكمل حياتك، المشاكل هتدفن وإنتَ برضو هتكمّل حياتك، الموضوع وما فيه إن كُل حاجة بتاخد وقتها، فتعامل مع حُزنك ومشاكلك على إنهم مرحلة وهيعدّوا زي ما عدى غيرهُم كتير.

ارتقيت بنفسي كثيرا حيث لا حسره علي مغادر ولا أسفا علي راحل ولا حزنا علي كاذب ولا تفكرا بمنافق.

‏إذا لم تترك ماضيك يموت ، لن يتركك تعيش.

من أصعب طباعي الشخصية لما بحب حد بحبه لدرجة التعلق، بتعلق فيه وفى وجودة وبشوفه على إنه الشخص الوحيد فى العالم اللى ممكن قلبي يحبه، بحبه لدرجة بتخليني مستبعد تماما فكرة إني أبعد عنه لأني أصلا مبعرفش اسيب، ولذلك بحاول بدال المحاوله ميه حتى وانا عارف إني مستحقش اللى بيحصل ده لكن ده أنا بعاتب كتير ودي بالنسبالي محبه، بعدي كتير ودي بالنسبالي محبه، ولما بسكت وبوصل لنقطة إنه خلاص مبقاش عندي طاقة فى السعى ورا الشخص ده حرفيا لو انطبقت السما على الأرض ما هعرف أكون معاه زي ما كنت حتى لو روحي هتروح من غيره.

لو ليك نصيب في حاجه هتاخُدها رغم استحالة الأسباب؛ ولو ملكش نصيب فيها هتروح منّك حتى لو هيَّه ملكك وموجوده في إيديك.. خليك مُقتنع إن كل شيء مهما كُنت مُسيطر عليه فهو ممكن يخرج من تحت سيطرتك في أي لحظة .. وإن اللي أنت شايفُه مُستحيل بعقلك وقلبك وعينيك. عند ربنا سهل إنه يتحقق.. كل المطلوب منّك هو إنك تقوّي ثقتك بالله باستمرار وبلاش نتوقع البلا قبل حدوثه، وخليك دايمًا فاكر إن نجاحك في أي حاجه هو (كرّم وستر ربنا عليك). قبل ما يكون شطاره منّك؛ قل الحمدلله فى السراء والضراء هتلاقي ربنا دبرها.

‏"لم نرى في الحمد إلا زيادة في العطاء، فالحمد لله بقدر كل شيء."

كل ما تحس إنك بتعافر فى حاجة مش ليك أو مع حد بيعافر فى إنه مايكونش معاك حاول تفكّر نفسك إنك بتضيَّع وقتك وجهدك سراب .. وإنك لو قربت خطوة هو هيبعد اتنين، وإنك لو فى يوم وصلت له وارد توصل متلاقيش حاجة لأنك بنيت حبك و علقت قلبك على مفيش!! ولو هتلاقي حاجة بعد المُعاناة دى كلها فمش هتلاقي غير مُعاناتك مع نفسك فى فُقدان شغفك و حُزنك الكبير على نفسك وده يعلمك إنك متدوّرش على حد بيتهرّب منك لأنك فى جميع الأحوال مش هتلاقيه، وأنت اللى هتضيع من كتر اللّف وراه .