#رسالة من القلب إلى طلاب الأشعة بجميع المراحل.
يا طلابنا الأعزاء،
أحب أكلمكم بصراحة ومن كل قلبي عن موضوع صار يهمني ويهم مستواكم العلمي. بالفترة الأخيرة، انتشرت كورسات إلكترونية تعلن عن شرح المواد الوزارية لتقنيات الأشعة والسونار مقابل أجور مادية. للأسف، هواي طلاب بدأوا يتركون المحاضرات الحضورية مع أساتذتهم بالجامعة ويتوجهون لهذه الكورسات.
أريد أوضح نقطة أساسية:
أستاذك بالجامعة هو إنسان مختص بمجاله، موجود يمك حتى ينطيك كل اللي تحتاجه علمياً. المحاضرة الحضورية مو مجرد وقت تقضيه، هي فرصة تسأل، تناقش، وتفهم المادة بأسلوب علمي مدروس. بينما الكورسات الإلكترونية، أغلبها يقدمها أشخاص غير مختصين بمجال الأشعة، وتفتقر للتفاعل الحقيقي اللي تحتاجه حتى تفهم عمق المادة.
العلم يحتاج تواصل مباشر، أسئلة، واستفادة من خبرة الأستاذ اللي قضى سنوات يتعلم حتى يوصلك المعلومة بالشكل الصحيح. لا تضيع وقتك وفلوسك على شيء ما ينفعك، ركز على ما يبني مستقبلك بشكل صحيح.
تذكر دائماً. زكاة العلم نشره وتعليمه.
رسالتي الأخيرة: يا طلاب الأشعة، مستقبلكم بإيدكم، اختاروا الطريق الصح، واعتمدوا على أساتذتكم اللي حريصين على نجاحكم. خليكم أذكياء بقراراتكم، لأنكم جيل المستقبل اللي راح يرفع اسم تخصص الأشعة عاليًا.
شعارنا لكم:
"العلم أمانة.. فلا تضيعوه بيد غير أهله."
طلابنا الأعزاء،
لأننا نعرف مدى أهمية التخطيط لدراستكم، أحب أزف لكم خبر مفرح:
الأسبوع المقبل إن شاء الله، راح تكون عدنا ورشة حضورية مجانية وندوة إلكترونية مجانية بعنوان "طرق دراسة المواد الوزارية بشكل صحيح". هدفنا من هذي الورشة والندوة هو توجيهكم للطريقة المثالية لدراسة المواد الوزارية والاعتماد بشكل أساسي على نفسكم كطلاب، مع كيفية تحقيق أكبر استفادة من الأستاذ المتوفر بجامعتكم.
رح نتحدث عن:
1. كيفية إدارة الوقت أثناء دراسة المواد.
2. أساليب التركيز مع الأستاذ خلال المحاضرات.
3. أفضل طرق لتحضير للامتحانات الوزارية.
4. أهمية التفاعل مع أستاذك المباشر بدل الاعتماد على مصادر غير مختصة.
مستقبلكم العلمي هو الأولوية الأولى، وواجبنا نوفر لكم كل الأدوات اللي تساعدكم تبنون هذا المستقبل على أساس علمي صحيح.
انتظروا الإعلان الرسمي عن توقيت الورشة والندوة قريباً.
#طرق_الدراسة_الصحيحة
#طلاب_الأشعة_نحو_النجاح
#تعليم_مجاني
#معاً_لمستقبل_أفضل
