Посты канала الاستاذ أحمد جبار الدايني- مدرس الاجتماعيات

https://vt.tiktok.com/ZSMFeYHeF/

الطالب الي يتحمل وكد الضغط تمام وان شاء الله يحصل مبتغاه ويحقق هدفه والي ماله خلك خلي يغادر المنافسه وليضيع وقته
موفقين ان شاء الله

هواي من الطلاب يكولون منين نجيب الوقت خلال اليوم حتى نلحك نحضر ونقره امتحان؟
احنه نداوم نص يوم ويبقى عدنه نص اليوم خلي ناخذ منه ٥ ساعات
نبتعد عن التليفون اقل شي ناخذ من وقت التليفون ساعتين للدراسه
نقلل من وقت النوم وناخذ من النوم او راحتنه ساعتين
لمن نجمع كل الساعات يطلع عدنه ٩ وهذا الوقت كلش كافي وزايد الك
الي يريد شي يضحجي من اجله
كل التوفيق والنجاح أن شاء الله
أحمد جبار الدايني

https://youtu.be/uZFdfP3wvcc?si=x8hy2N7o_pyBFokI

طلاب يسألون شلون اعرف نفسي اكدر اعوض ام لا بالفصل الثاني؟
تطبق المعادله التاليه حتى تعرف شكد محتاج بالدرس حتى تتقدم وتطبق على كل درس
الفصل الأول + نصف السنه +الفصل الثاني ÷٣
يعني اقل تقدير لازم تجمع ١٥٠ درجه وتقسمهن على ٢ يطلع ٥٠ حتى تتقدم
والتوفيق على الله
أحمد جبار الدايني

شلون اكدر اعدل وضعي بالفصل الثاني :
لازم تقتنع ١٠٠٪ بالتغيير
لازم تبتعد عن الأشياء التي تاخذ وقتك كانت
لازم تبتعد شوي عن الأصدقاء
لازم تختار صديق افضل منك دراسيا
تزيد ساعات الدراسه
تحب كتابك
تقره بحب دروسك
تشخص نقاط الضعف وتعالجه
تثبت للمدرس انت تغيرت من خلال تحاضيرك
والتوفيق على الله
أحمد جبار الدايني

خلي بالك شي مهم
إذا ردت تنجح محد راح يكدر يوكف بوجهك ولا يوقفك لان بارادتك وعندك قدرة وعزيمه
وإذا كنت ماعندك واهس وجاي الموظوع بدون رغبة ومن وره خشمك يستحيل راح تنجح لان انت ماراغب ماعندك هدف ومحد يكدر يساعدك لو اجيبلك انيشتاين يكعد يمك مراح تنجح باختصار المدرس وجوده مساعدتك على النجاح وليس النجاح نفس
كل التوفيق والنجاح أن شاء الله
أحمد جبار الدايني

جاي تقره مو
لو مرتاح مرساة..... اي انت لتباوع
جاي تسخت اعرف مجاي تقره عطله جمعه وسبت مو براحتك يجي يوم وتذكر كلامي
المهم الله يهديكم

قبل لتنام خلي شي بالك
ابد لتنطي لنفسك عذر لان مالك عذر لازم تنجح الكل حجت وياك لتكول ما ادري مدرسك امك ابوك أصدقائك يعني مالك عذر
إذا ضيعت هاي الفرصه راح تندم وخلي بالك ميفيدج الندم بعد فوات الاوان
كل التوفيق والنجاح أن شاء الله
أحمد جبار الدايني

هواي طلاب سالوني احنه شنسوي بعد نصف؟
اني اكلك شنسوي
نجيب النتيجه ونكعد نجمع درجات الفصل الأول مع نصف السنه ونشوف شكد تطلع عدنا وشكد محتاج حتى اوصل ١٥٠ حتى نقسم على ٣ تطلع ٥٠ يعني متقدم بهل الحاله انت راح تعرف شنو الي يحتاج معالجه من دروسك حتى تتقدم ومنا تبلش تنطلق والتوفيق على الله
هذا الكلام يخص الثالث والسادس