هاجِس

يوم كلّن فزع له خاله وعمّه
‏يكفي إنّي وردت العد بذراعي

‏أرفع الراس بين الروس ما همّه
‏وأتباهى و أنا الغرقان بأوجاعي

‏يمّه .. الحر طبعه يعشق القمّة
‏وأنتي إللي فطمتيني على أطباعي

‏الهواء دام راسي حيّ و يشمّه
‏والله إنّي لأسوق هناك ذعذاعي

‏غربةٍ تلوي ذراع أشجع الخمّة
‏لا تخافينها لو تقلّب أوضاعي

ولأن الجرح له قيمة تعادل قيمة الجارح
‏قدرت أسامح عداي وعجزت أسامح أحبابي

👹

شاركوني 🤎

عذرًا للقلوب الرهيفة اللي استثارنا حزنها وحنينها، عذرًا إذا كانت حروفنا عكست ألمًا ما نويتوه. ما في إنسان ما يشتاق ولا يحن، والذكريات اللي تلوح في الأفق ما تخلى القلب إلا يضعف. القلوب الطيبة دايمًا تظل تتأثر، وعسى الأيام تعيد الفرح لكل قلبٍ تعب"ولا اصيد الإصبع اللي يحط دس لايك"🤎

يا دار وين البيوت اللّي لها رنّه
وأهل القِيَم والشَّيَم والفرض والسِنّه
قالت تُوَفَوا وِراحوا يا ملا الجنّه
وش ينبغي بالمنازل عقب أهاليها
قمت آتَلَفّت ولا أدري ويش صايبني
مدري وش اللّي على الأطلال جايبني
هلّت دموع الشقا الله لا يعاقبني
العين تبكي وأنا أدري وش مِبَكّيها
تبكي على ماضي الأجداد ورْسُومه
وبيوت باقي أثر وبيوت مهدومه
ياعين على البكا منْتِيب ملزومه
ذي سِكّةٍ كل خلق الله مِشو فيها

أكثر ما يستثير الحنين البيوت الخالية، كل زاوية فيها تذكرنا بشي غالي، جدرانها تحمل صدى الأصوات الماضية وذكريات ما تنسى، واليوم صارت مليانة صمت، كل ركن فيها يحمل حكاية ضاعت بين الأيام

😞.

ذكرى عزيزة يوم قلبت الأوراق
‏مرت عليّ وأعلنت منها خضوعي

‏محتار أنا وقفت والدمع دفّاق
‏وأمسيت ساهر والخلايق هجوعي

‏قفى وأنا جاهل وفي سن إرهاق
‏وأبكي وعيّت ماتردّه دموعي

‏لو البكاء يجدي على كل من ضاق
‏ماكان أهون لو تمزّع ضلوعي

يارفيق الذكريات وياشريك فؤادي
‏ كل ظن فيك ظنيته تجي من فوقه

‏ يتسلل صوتك من الذاكره وينادي
‏ لين يفتق جوفي اللي كنت أخيط فتوقه

‏ ايه يا لبيه يا موتي .. ويا ميلادي
‏ جعل حزنٍ مرني ما تونسه وتذوقه

‏ ياوقودي وأندفاعي بالحياة وزادي
‏ ياحشاشة جوفي وقلبي ودم عروقه

شكلكم ما حزنتوا وين الفيسات الحزينة وين البكاء والدموع وش هالاستهتار يعني أزيد الجرعة؟

عيت تروح الذكريات القديمة
‏اللي تجدد مع مرور السنوات
‏صورة ورى صورة وذكرى أليمه
‏خلتني أراجع جميع الملفات

اما من زاوية / فواز العزيزي

بقت لي الذكريات اللي عزاها عزاي
‏الله من ليلٍ سرتني وسريتها

‏هي مكسبي من مقاديري ورحله شقاي
‏هي راحتي لا شتكيت الها و ناجيتها

‏يا نجم ليتك تغيب و لاتكدر صفاي
‏يكفي علي جروحٍ منك عانيتها

تاخذني الذكرى لبعض المداهيل
‏وازورها لو اني اصد عنها

‏عذري موادع ضيقةٍ هدت الحيل
‏كم لي سنه والقلب يدفع ثمنها

‏مع كل مبدا صبح والا مساء ليل
‏يارد على حدب المحاني ضعنها

‏تقبل على قلبي كما قرح الخيل
‏وادوي وتامر في خفوقي وتنّها

‏والنفس عيّت لا تروم التعاليل
‏مدري متى التفكير يطلق رسنها

‏والذكريات الي تحدر كما السيل
‏عجزت اودعها واغادر وطنها

والأكثر مرارة من كل هذا، حنيننا لأشخاص رحلوا. صحيح أن الأيام تمشي، لكن كيف للقلب ينسى من كان يومًا جزءًا من حياته؟ هنا يُترجم الشعر عن لحظات الفراق، وعن الأحبة اللي خذتهم الأيام

يا هاجس الذكرى، يوم كان الزمان بخير. حنين الأماكن اللي مرّ عليها زماننا، والطرق اللي مشينا فيها، كلها ما زالت تسكن في قلوبنا. كيف لبيتٍ كان يعج بالضحكات والأصوات، أن يصبح صمتًا لا يملأه إلا الذكريات؟ واللي كانت الطفولة بأبسط تفاصيلها، صيفها وشتاها، اليوم صارت في بالنا مثل حلم بعيد. رائحة الأرض المُبلله بالمطر يوم كانت تحتنا، وصوت الرفقة اللي كانت تملأ المكان، كلها تستحق أن تذكر، لأن الذكريات لا تذبل، وإن غبنا عنها، تبقى محفورة في أعماقنا.

السلام عليكم يا أحباب نرجع أحباب؟

بدا الشعر يمشي ويتهادى على القرطاس
‏حنيني عصاه وذكرياتي مناسبته

اتظاهر بـ قوّي في الظروف القويه
وابتسم رغم حرماني وقو احتياجي
ㅤㅤㅤㅤㅤ
ليت قلبي حديد وليت نفسي جريّه
في مواجه مقادير الزمن الازدواجي
ㅤㅤㅤㅤㅤ
صار حتى القصيد اللي طروقه عذيه
اكبر اسباب ضيقة خاطري وانزعاجي

احتريني و البسي لي كل لون إلا الرمادي
‏الرمادي كل ما اشوفه عرفت إنه مكيدة

‏واعبري بي، لا اغدي عادي و أنا مانيب عادي
‏الحريص تورّده لـ الموت غلطته الوحيدة

صباح الخير🤍

مد لي صوتك يا أول الأحباب قبل أسريك كلي
وأسترد العارض المنشود، لين أسرق جفافه

ياحبيبي كل ماهلّ السحاب، وسال، قلّي
من تحب عيونك من الناس ولا من تخافه

مر نورك بين تلويح الحياه وبين ظلي
وعشت عن بارد هواه، فـ شرهته، وأول عْجافه

أتمنى ضحكتك، صوتك، وش أحدد وأخلي
الجفاف يحدني .. والبيد زادتني صلافه

أن عذرت الطاري المرّار في طيّة سجلي
ماعذرت عيونك النجلاء على قِلّ الكلافه

أتماهى مع ديارك .. فيك ترحالي وحلّي
لين أرجّع سيرة العشاق ورا جسر الرصافه

السنين أستأذنتني، والهوى صوته مْجلي
والطريق اللي تعرفه زين، ميّلت أنتصافه

وأن هدأ صوت الكلام، أحتلت في دقي وجلي
كف صمتك ماتقدّر عيشي، وتعرف كفافه

أتكاثر نظرتك "في صفحتي" وأحب قِلّي
من قدر غيرك على قلبي ومن أحب أختلافه

في مقامك أنسج الغيمه على الغصن المدلّي
قل لعودك ياخذ من البارق الوسمي لْحافه

وأنت وحدك تمنح الأشياء مقامات، وتجلّي
مابقى إلا شاعرٍ بلّت غيومك ضفافه

هات ظلّك، قرّب أيامك، أخذني من محلي
شدني لين الحقايق تحتضر فيها الخرافه

كيف عينك تقتل الرجال، ورموشك تصلي
ليش صوتك يجرح الأيام وأحبه، وأخافه

شرّد الأحزان .. مارد السكون إلا التخلي
عاشقك قدامه سيوفك، وفزعاتك خلافه

وأترك الصوت الرقيق أن زلّت الريبه يهلي
وأبشر بـ شعرٍ تذوب الناس في وزنه، وقافه

عاد قلبك وأعرفه، وأجهل مشاويري، وغلّي
لو قدرت أجودّه وشلون أبىْ أمِلْ أرتجافه

الهوى دربه طويل، وحِر شمسك جايزٍ لي
كلما أزداد الشعور، تقلّ لـ رضاك المسافه

لا تحاول يابعد كل الأحبه خاطر اللي
ماتلدد في ديارك غير من كثر الحسافه

أن رضيت أجيك كلي، وأن زعلت أجيك كلي
أنت ذنبٍ لو يعاد الوقت أبعيد أقترافه

مكتفي باللي يجي منك من باب الوصال
‏ إن عجزت تسوي الصعب سوّ المفترض

‏ أرسل .. إن عيت عليك الظروف الاتصال
‏ الرسايل بعض الاحيان ، توفي بـ الغرض

-

‏( رِوحُ ورِّيحَان وجَّنَّةُ نَعُيمَ )
‏اللّهُمَّ ارحم موتانا وأجعل قبرهم مُناراً مُستضاء لا يشكون فيه ظلمه ولا ضيق وبشرهم بروح وريحان
‏وجنه ونعيم

سقى الله دارهم من غزير المطر همال
‏ثقيل السحاب اللي رعوده لها حنّه

صباح المطر و الخير🤍

صباح الخير يا ضحكة العمر عقب النكايد
‏يا سلوة الخاطر اللي مبطيٍ ما صفى جوه

يعني ياعزيزي فيّاض العاطفه أحتفظ بها
حقيقه إن الكثيرين لا يقدرونها.

غالبًا الأمور لا راحت في غير محلّها / وقَّعها مؤلم
فَما بالك مشاعرك
لا راحت فيّ من لا يثمنها

من زاوية فهد بن سعيد

ان جت الزمانة في وجهك فِرْقَة
ما كل من يضحك لك قلبه معك

يقول ابراهيم بن عبدالرحمن

ماكل من يسلك طريقك يفهمك
و لا كل من يدعي لك يحبك

صباح الخير يا أحبه

طول عمري مابعد وخذت حقوقي بالغصيبه
مالقت بقعا معي غير المكافح والصلابه

مادريت ان رحلة ايامي محطتها القريبه
تبتدي ب أخر وطن كنت اتمنى اطق بابه

https://ehsan.sa/campaign/CDE3BA4DEC

ختامًا نلتقي بــ جولات عاطفية و شاعرية أخرى.

أشهد أن حبّه خذا في المعاليق اتّساع
‏جعل عيني ما تخسره ، ولا تبكي عليه

‏احفظه حفظ الأمانة ، بقدر المستطاع
‏وأعشقه عشق الأجاويد بيضان الوجيه

‏صرت ألبّي ليا دعاني وله دايم مطاع
‏مثل من قضّى حياته لطاعة والديــه

‏في حضوره طاب جرحي ولا للحزن داع
‏وفي غيابه كأن عيوني وقلبي تحتريه

محمد الخس

حبك طفح بي طفحت الساج بالمروج
ماعاد لي عن حبك اليوم مخراج
اودعتني لاشرب ولاكل ولادوج
ولاستطعم المنطوق من كل هراج
لاغبت عني دق بي كل دالوج
قامت تواردني هواجيسي ازراج
قلبي يجيني نوج واضيعه نوج
يجيه من فرقاك سجه وسوهاج
كن البنات الشقر عندي من الهوج
ماكن به غيرك على الارض دواج