- ﺎبوصَلوح ،💡!. Telegram-Beiträge

‏مايعنيني غياب ولاتضيعني مسافه
‏والتجارب عن قناعة كافله للي يليها

‏كل شي كنت اخافه شوفني ماعاد اخافه
‏وكل حاجة كنت ابيها هذا انا ماعاد ابيها

‏بختصار اني بعد ماذقت من مر الحسافه
‏وانتهيت الحمدلله حالفٍ ماعاد اجيها

‏التبلد صار عندي له مكان وله ضيافه
‏لو طلبني فرحتي باقول له تأمر عليها
ِ

‏وش فيك ياصدر الشمالي تضايقت
‏و الناس تضرب في سعتك المثايل

‏أفا ياصدري ضقت من جاير الوقت
‏خابرك يا صدري تشيل الثقايل

‏وش فيك علمني لك أيام مارقت
‏ضايق و فيك الهم صايل و جايل

‏خابرك ما عمرك للأحزان رافقت
‏و اليوم كنك شايل جبال حايل
ِ

ماني ضعيف ولا اتبع لي ضعوف
واسمي تجلى فالسماء منذ صغري
ملكع وعاقل وفاهم وملقوف
وبدري ماشفتو شي للحين بدري 🤷🏻‍♂️🍃.

صرت اشوف عيونهم تشبه عيونك
وضحكتك صارت على كل الوجيه
وش علام الناس صارو يشبهونك
وأنت اللي مالك فـ عيني شبيه 💯♥️ .

إن قالو لأجل عين تكرم مدينه
مانيّ قايل لجل عينه تكرم مداين
وشهي المداين عند رمشه وعينه
إلا تطيح أرقاب وتعتق رهاين ☹️💫 .

خاطري ماهوب طيب ولا مرتاح بال
والعرب ماعاد لي شفٍ في منطوقها
أتظاهر بالسعاده وأقول الحال عال
ولا أنا ضايقٍ والأخلاق طايح سوقها 😩🪡 .

يارفيقي والله اني لك عوين
لو يشحّ الوقت ازهمني واجيك
كأنها يمنايّ ما مدت ثمين
والله ان يمناي ماتغلى عليك 🥇✔️ .

أن شفتك مبادر على الوصل للحين
شرعت لك بيبان صّدري هلابك
وإن شفتك مقفيّ بدرب المقفين
اشره علي ان جيت طقيت بابك 🗣💤 .

من يعز النفس مايصبح ذليل
والردي الوقت يكشف لك راده
ماتحسفنا . . على فعل الجميل
نعتبرها فالردي مثل الزكاه ✌🏼🍃 .

الكامل الله والخطا طبع الانسان
والدرب يفرق عن يساره ويمّينه
والصاحب اللي له معزة وله شان
إن جاني بشينه تذكرت زينه 🤙🏻🖤 .