Бугун Жиззах давлат педагогика университетида 14-чи чет тилларни ўқитиш ва амалий тилшунослик бўйича анъанавий йиллик конференциямизни (Foreign Language Teaching and Applied Linguistics – FLTAL) бошладик. Пандемия туфайли сўнгги 4 йил давомида конференцияни онлайн форматда ўтказгандик, Аллоҳга шукрлар бўлсин бу галгиси ҳам жонли ҳамда онлайн форматда ўтмоқда. 22 та давлатдан 100 дан ошиқ олимлар иштирок этишмоқда. Бунинг учун ЖДПУ университети ректори профессор Шавкат Шариповга ва ажойиб жамоасига ўз миннатдорчилигимни изҳор этаман. Айтганча, конференция эл оқсоқоли Шароф Рашидов асос солган ва бу йили 50-йиллик юбилейини нишонлаётган ЖДПУнинг байрами билан бирлашиб кетди.
Конференциянинг ялпи мажлисидаги асосий спикерлар дунёнинг энг топ университетларидан таклиф этилди. Буюк Британиянинг Оксфорд университети дунёда 3-чи, Лондон Университет коллежи (UCL) дунёда 9-чи (педагогикада дунёда биринчи),, Янги Зеландиядаги Окленд университети дунёда 65-чи, АҚШнинг Пенсильвания давлат университети дунёда 89-чи. Бу спикерлар билан узоқ йилларга борадиган дўстлигимиз бор. Янги Зеландиялик Гари эса учинчи бор қатнашиши, 2019 йилда Тошкентдаги 9-чи FLTAL-га, 2022 йил эса 12-чи FLTAL-га онлайн қатнашганди. FLTAL-нинг бошқа анъанавий конференциялардан фарқи шундаки, пленар спикерлар 10 дақиқа эмас, 60 дақиқа маъруза қилишади, қолган спикерлар эса 15-20 дақиқа.
Viva FLTAL! Олға ЖДПУ! Тафсилотларни кузатиб боринг.