YAXSHILAR

- ижара тўловидан қийналдим, эртагача тўламасам чиқариб юборишади, кўчада қоламан, етти миллион сўм қарзим ҳам бор, ёрдам беринг илтимос.

- ижара тўлови қанча?

- 250 $

- арзон жойлар борку, бизни шаҳар худудида эрлик хотинлар ҳам бунчалик қиммат ижарада туришмайдику, сиз ҳеч қаерда ишламасангиз, ижарага олишдан аввал ўуни ўйламадингизми?(жавоб йўқ).

- эрингиз вафот этган экан, эрингизни асл манзилини бера оласизми?

- мен иккинчи хотин эдим, тўчний адрисларини билмайман.

- фамилиясини ва аниқ бўлмаса ҳам яқинроқ манзилини биласизми?

- йўқ, фамилиялариниям билмайман.

- ишонишим қийин бўлаяпти, наҳотки биргаликда 6 йил яшаган эрингизни биринчи хотини билан яшаётган манзилини билмасангиз, фамилиясиниям билмасангиз?.(жавоб йўқ)

- хўп, эрингизни вафот этгани ҳақидаги гувоҳнома сизда йўқ экан, ҳеч бўлмаса болаларингизни туғилганлиги ҳақида гувоҳномасини кўрсатингчи, шунда эрингизни фамилияси ёзилгандир?

- болаларимни "мат одиночка" деб ёздириб туғилганлик хақида гувоҳнома олганман.

- бўпти, ўша гувоҳномани кўрсатингчи.

- йўқотиб қўйганман, нима менга ишонмаяпсизми?

Биздан хафа бўлманг, чунки биздан ёрдам сўровчилар орасида тирик эрини ўлдига чиқариб пул ёки уй ундиришга ҳаракат қилганлар, соғлом боласини оғир касал дея баҳона қилиб пул ундирмоқчи бўлган фирибгарларни кўпини кўрдик, шунинг учун дийдамиз қотиб қолгандай туюлиши мумкин, аммо суриштирмай кўз ёшларига ишониб алданмаслигимиз учун мурожаатни ўрганиб аниқлик киритиб олишга мажбурмиз.

Мана сиз ҳам саволларимизни жавобсиз қолдираяпсиз, ҳозир сиз сўраган уч миллион сўмга яқин ижара пули, етти миллион сўм қарзингизни узишингиз учун пул ва рўзғорингиз учун яна бир миллион сўмни асоссиз қўлингизга бериб кетолмаймиз.

Болангизни ёши олтига тўлибди, сиз эса ишламасангиз, қандай қилиб сизни йиллаб таъминотингизни қила оламиз?

Сизга маслаҳатим, ёш экансиз (аёлни ёши 30 ёшда), аёли билан ажрашган ёки аёли вафот этган бирорта эркакка турмушга чиқинг, иншааллох, шундагина барча ташвишлардан қутуласиз.

- "ҳмм, кўп гапирар экансиз, мен ёрдам сўрадим, эр топиб беринг демадим шекилли" дегандай эгсалари қотган ҳолда бизни кузатиб қўйган аёл билан хайрлашиб ташқарига чиқдик.

Мошинага ўтирар эканмиз:

- "хақиқатдан ҳам кўп гапириб юбордим шекилли а, онаси" дея аёлимдан сўрадим.

- "мен ҳам бу аёлни гапларига ишонмадим, керакли саволларингизга қониқарли жавоб бермадила, майли, Аллоҳ билгувчироқдир, Ўзи ҳаммамизни тўғри йўлдан адаштирмасин, пешин маҳал бўлди, уйга кетдик" деган жавобдан сал енгил тортдим.

Саволларим ва жавоблар ҳақида сиз азизлардан фикрларингизни кутиб қоламан, хатоси бўлса албатта тўғри хулоса чиқариб оламиз.

Саломат бўлинглар.

#Muhammad Ikrom

@yaxshiilar

Ўзбекзабон жамиятда жамоат фаоли, блогер ўзи гувоҳ бўлган ҳолат ҳақида ёзмоқда:

Мени синглимни қизи тез тез келиб қолади уйидан. Жанжалларнинг асосий ва қайталанадиган мавзуси СИНГЛИМ НЕВАРАНИНГ 1 ЁШГА КИРГАН ТУҒИЛГАН КУНИГА ПОДАРКАЛАР ОЛГАН, ЛЕКИН ИЧИДА ТОРТ ЙЎҚ ЭДИКАН. 1 ТА ТОРТ КИМНИНГ ОТАСИНИ ЎЛДИРИБДИ, ТОРТ ҚИЛИБ ҚЎЙСА БЎЛМАСМИДИ ПАСТЛАШМАЙ деган тема. Мен ўзим бир марта келиштириб қўяй деб қудаларникига бордим, ТОРТ деган сўз 50 мартадан зиёд тилга олинди. Эркак қудага охири СИЗЛАР ХУРМАТНИ ТОРТ БИЛАН ЎЛЧАЙСИЗЛАРМИ деганимда кейин хотинига БЎЛДИ , ТОРТНИ ХАДЕБ ГАПИРАВЕРМА деяпти.

Амакимни қизи келиб ўтирибди. Қайнона уришаверди, амаким разборга борса ТУАЛЕТНЫЙ БУМАГАНИ 3 ТАХЛАБ КЎП ИШЛАТАДИ, КЕЛГАНДАН БЕРИ УЙИМДАН БАРАКА ҚОЧДИ дебди. Қайнона рак бўлиб ўлди , куёв ярашиб келинни опкетди, энди яхши яшаса керак десак, йўқ. Келин мактабда ўқитувчи бўлиб ишлайди (ажрашганда кирган ишга) . Куёв хамма ойлигини олволаркан, рўзғор битта, эр хотин қўш хўкиз деб . Амаким куёв билан гаплашса ХОТИНИМГА ИШГА КЕТАЁТКАНДА КУНДА 60 СОМ ( 0.7$) БЕРАМАН, ЎТКАН КУНИ 100 СОМ (1.17$) ИШЛАТИБ ҚЎЙИБДИ дебди. Куёвнинг ошнаси менга чиқиб яраштириб қўйинг деганди, шунақа хотинни ойлигини олволаркану десам, ха шунақа деди. Мен унақа пасткашлар билан гаплашмайман дедим. Яна айтсам бошқа қариндошлар билан боғлиқ уят холатлар бор, уларни оиласи бузилмасин, ёзмай қўяверай.....

(с)

P. S. Бу холат Ошдаги ўзбек оилаларда...

@yaxshiilar

Ўзбекистон бозорларини нафақат Хитой маҳсулотлари, балки, ёппасига хитойликлар эгаллаяпти. Хитойликлар дўконларида ишлаётган ўзбеклар уларга ҳудди Раҳбари Олийдек муомала қилаётганини кўраяпман. Ўз юртингда қулдек бир дўкон соҳибига ялтоқлангандан кўра, ҳар бало бўл, дегинг келади.
Иқтисод қўлдан кетса, сиёсатгаям таъсирини ўтказабошлайди. Ўзимиз омон қолармиз, авлодимизчи? Уйғурлар куни бошимизга келмасин. Ҳозир хитойликлар ўзлари мол олиб келиб сотса, халққа яхши бўлар, аммо бунинг оқибати нима бўлади? Тепадагилар нега ўйлашмаяпти? Хитой қаерга борса, қайтиб чиқмаётганини кўрмаяпмизми?
Ўзбекистоннинг бир қарич ериниям шуларга беришни истамайман.
Сизларни билмадим—у, мен бунда хайр кўрмаяпман.

#Nodira Muallim.

@yaxshiilar

Сизлар ҳам сезяпсизларми, одамлар ҳаддидан ошиб кетишмоқда?! Айниқса овқат борасида…
Бир видеода моши йўқ, тўла гўш бўлган мошикичрага, бўйин гўштини майдалаб солди, устига, қазини тўғради, кейин лаганга солиб, четига қази, тил, яҳна гўшт билан зеб бериб, дастурҳонга тортишмоқда…

Барака топгурлар, нима бўляпти?! Шу мошидан гўшти кўп, мошкичрани ичидаги гўштни ўзи етмайдими?!

Эътибор беряпсизларми?! Шу нарсаларни ҳаммаси одамларни ҳайрон қолдириш учун, бундан бошқа эмас!!!

Биттаси бошқача ҳайрон қолдириш учун, ёғоч лаганга сузса, биттаси тиллага безаб келяпти, бошқаси, ошпазни ўзини саҳнага олиб чиқиб, олов билан овқатни солиб берса, яна бошқаси белкурак билан овқат солаяпти…

Қатга қараб кетяпмиз?!
Абдуллоҳ домлани бир гапи бор эди:
-Ҳамма бидъатларни бойлар ўйлаб топади деган.

Нафақат овқат борасида, бошқа ишларда ҳам. Бир куни бир окамизи танишлиги умрадан келган экан:
-Эшигини тегида кичкина ёш қизлар, нашида айтиб кутиб олди, жуда чиройли кўринаркан. Ман ҳам ойимлар келса, шунақа қиламан дейдилар.

-Ока, ҳафа бўлманг, ҳамма шунақа ким-кимдан зўр ишлар Тошкендан чиқади биласми дедим.
-Нимага?
-Ҳозир сиз қилас уладан кўриб, кейин Эшмат қилади, ундан кейин Тошмат ҳам қилгиси келади…қарабсизки, кейин шунақа қилиш керак экан деган тушунчалар шаклланади…
Нима кераги бор, бир динни билмаган жоҳил одам бўлсез экан тушунса, дуппа дуруст диндан ҳабариз бўлиб, сиз қимен шу ишни барака топгур дедим…

Кейин қилдилами йўқми билмиман, ман Америкага қайтгандим. Манимча қилмаганлар…

Ёшлигимизда шакар чойга нонни ботириб еб кетаверар эдик… ўлмадик, яшамоқдамиз, бундан кейин ҳам яшаймиз… ҳаддимиздан ошмайлик…

#Shoxrux Mirzo

Yaxshilar kanali:
➡️ @yaxshiilar

Тил дин, маданият ва ахлоқ ташийди. Мен зарурат бўлмаганда ғарбда яшашни ҳалол ҳисобламайман. Зарурат - дини, жони ва молига ҳалокат хатари юзага келишидир. Шунда ҳижрат қилинади. Тирикчилик ўтказиш эса зарурат ҳисобланмайди. Тирикчилик сабаб ҳижрат қилишга мусулмон мамлакатлар бор.

Исломини ўрганиб, унга тўлиқ амал қила бошлагач, яъни иммунитет ҳосил қилгачгина, таълим учун чет элга юборилиши мумкин. Ота-оналар, бунга диққат қилинг!

Нега бундай кескин фикрлаётганимни эса қуйидаги шахсийга юборилган мактуб изоҳлаб беради:

#Mubashshir Ahmad ustoz

====

Ассалому алайкум устоз. Бу ёзаётганим ўз ҳаётимизда бўлган, бошимиздан ўтқизган реал ҳолат, сизга бир ўзбек қизи сифатида қолган миллатдошларимиз ўқиб ўрнак бўлиши учун ёздим.

Биз Германияда яшаймиз. Эр хотин зийоли ўқимишли нуфузли университетларни магистр даражасигача битирганмиз. Фарзандларимиз мактаб ёшида Германияга келди, бу ерда мактабда ўқиб немис тилини ва қўшимча инглиз тилини ўргана бошлади. Шунчалик тилни яхши ўзлаштиришдики, ҳатто она тилимиз ўзбек тилини унута бошлади. Секин аста уйда немис ва инглиз тилида гаплашишди, аввалига улар билан роса фахрландик, ҳамма яқинларимизга бу ҳақида оғиз кўпиртириб гапириб, уларни немис ва инглиз тилида гапирган видеоларини мақтаниб тарқатардик, айниқса она сифатида мен бу ишни бажонидил қила бошладим. Фарзандларим бора бора уйда биз ўзбекча гапирсак, гапларимизга тушунмасликни, ёки биз устимиздан кулишлик одати пайдо бўлди. Секин аста биз ўзбекча гапларимизга аҳамият бермай қўйишди. Қанча курашмайлик, улар бир-бирлари билан фақат шу тилларда гапирадиган бўлишди. Майли, чет элда яшаётган бола шу эканда, деган ҳаял билан таслим бўлдик. Ўғлим фақат инглиз тилида контент кўради, мен буни тил ўрганиши учун яхши деб ўйладим ва кўраётган видеоларини кузатиб тураман, у беҳаё эмас деб ўйладим. Улар билан ҳар куни ўтириб гаплашамиз, энг кўп вақтимизни уларга сарфлаймиз аслида. Бир куни ўғлим ислом динига қарши фикрлар билдириб қолди, шунда тўхта тўхта сен буларни қаердан олдинг дедим, у эса инглиз блогерларида эшитганини айтди. Мен унга қаттиқ тақиқлар қўя бошладим, лекин фарзандларим бу пайтгача инглиз ва немис тилларида ҳар ўз ҳуқуқлари ҳақидаги видеоларни кўравериб мен билан қандай ўзини ҳимоя қилиб гаплаша олишни, хуллас ҳамма демокрация ҳуқуқларини ўрганиб бўлган экан. Бир куни кечаси соат 2:30 ларда уйимизга полиция келди. Дадаси икковимиз шокка тушиб қолдик, сабаби фарзандингиз ўз жонига қасд қилмоқчи экан, бизга бир дугонаси телефон қилиб айтди деди, улар уйимизга кирди ва у билан ёлғиз гаплашишди. Нималарни ўргатишди билмайман, шулар келиб кетганидан кейин фарзандим мени умуман менсимай қўйди, гапирсам худди кучадаги бегона билан гаплашгандек эмоцияларсиз гаплаша бошлади. Ҳозир мен учун дунё қоронғу. Нима қилишимни билмайапман. Тил билиш биз учун бундай мусибатларга хизмат қилишини билмаган эканман, дунёвий илм ислом билан бирга ўргатилмаса мусибат келтирар экан. Энди тушундим исломи йўқ ривожланган давлатларда нима учун дунёвий илм чўққига чиққан бўлса ҳам одамлар бахтсиз эканини.

Yaxshilar kanali:
➡️ @yaxshiilar

😁😁😁

Халқимиз нега ўғил фарзандни қиздан устун қўйишини воқеъликни кузатиб тушуняпман. Бу шунчаки бор воқеъликка таслим бўлишдан экан.

Дарҳақиқат, миллий зеҳниятимизда ўзимиз сезмаган ҳолда паразитликни, эксплутацияни оқлаш ва шунга кўниш бор. Қиз кўриб уни қийналиб катта қиласиз, тарбиялаб ўқитиб узатасиз ундан ҳеч қандай фойда кўрмайсиз. Бошқа оила уни чўри қилиб олади, эксклюзив ўзиники ҳатто энди сизнинг хаққингиз йўқ, улар рухсат берса кўргани келади бўлмаса йўқ. Рухсатни битта эридан сўраши етмайди, қайнона, қайнота, момо қайнона, бобо қайнота, баъзи ҳолатларда эса қайни амма ва қайнисингиллардан ҳам рухсат сўраши керак. Касал ота-онасини бориб кўришга рухсат бермайдиган оилаларни биламан.

Қиз боладан ота-онага ҳеч қандай фойда йўқ фақат Охиратдаги ажрни умид қилиб яшайди. Қиз бола мажбурият ва жавобгарлик холос, у фойда эмас. Мункиллаб қариб ўлимингизни кутиб яшаётганда келиб хабар олиб туришини айтмаса то ўшангача сизга юк бўлади.

Саудияда эса аёллар турмуш қургандан кейин ҳам ота-онасига ўз маошидан ёрдам бериб туради, эри ғинг деёлмайди.

Ўзбек жамиятида қиз ота-онасига ёрдам беришини қўйиб туринг, ўзини ўзи эплаб тинч ўтирса катта гап. Тамаъгир қайнонанинг жағини ёпиш учун доимий совға салом билан хабар олишга мажбур баъзи оилалар.

Баъзи аёллар умрбод ота-онасига ва ака-укаларига юк бўлиб ўтади, кўзининг сувини оқизади.

Ҳей номард, бировнинг қизини тайёр чўри қилиб олдинг, ўз ота-онаси фақат машаққат чекди ҳеч қандай фойдасини кўрмади, сен ва ўғлинг кўряпсан, ҳеч бўлмаса таъминлаб қўй, ота-онасига юк қилма дегим келади.

Шуларни ўйлаб бўғзимга ғазаб тиқилади, албатта ҳамма шундай эмас ҳеч қачон ота-онасига юк бўлмаган аксинча доим ёрдами тегадиган қизлар ҳам бор ўзим биламан уларни ҳам аммо мана шундай бир муҳим ҳажмдаги оломон бор-ки улар инкор этиб бўлмас даражадаги катта миқдорни ташкил қилади.

Ота-она ўғлиникида умрбод бемалол яшайди аммо қизиникида бир кун туролмайди. (Истиснолар бор, қайнота қайнонам меникида бир неча марта келиб 6 ойлаб яшаб кетган, ўз уйидек ҳис қилдирганман ).

Ёлғиз ўғил бўлиш ҳам жуда қийин аммо отасиз ёлғиз ўғил бўлиш ундан ҳам қийинроқ.

Бевалар боласига ачиниб бошқа турмуш қурмайди аммо узоқ муддатда ўзига ва болаларига жавр бўлишини билмайди. Беванинг ўғли умрбод ёлғиз онаси учун азоб чекиб ўтади, вақт ўтган сари ёмонлашса ёмонлашадики яхшиланмайди. Отасиз ўғил етимлик азобини умрбод ҳис қилади. Отасини 50дан кейин йўқотган " етимлар" падари бузрукворимни соғиндим деса ҳақиқий етим ўсганларга эриш туюлади. Сизлар етимлик нималигини қаёқдан билардингиз, етимлик нелигин бизлардан сўранг .

Ўзимга ҳайрон қоламан. Ҳақиқий етим бўлиб отасизликдан ўксиб ўкиниб катта бўлган бўлсамда бу ҳақида умуман ёзмайман ва гапирмайман. Аммо ҳанузгача шундан азоб чекиб келаман. Ёлғиз отасиз ўғилга жуда қийин экан, у фақат Аллоҳдан мадад сўрайди, дардлашадиган ва муаммоларини юклаб қўядиган отаси йўқ, онасию сингилларию ва ўз оиласининг муаммоси фақат унинг гарданида. Аллоҳ нажот берсин, халқимизга феодал жоҳилона зеҳниятдан қутулишга тавфиқ берсин.

#Faiziddin Mumin

Yaxshilar kanali:
➡️ @yaxshiilar

#Ажрашсакмикан деган манзилга етиб борган оилаларга маслахатим.
Ажрашишдан аввал 3 ой бирга яшаманг.

1. Алохида яшанг, худди ажрашгандек.
2. Телефонда ёзишманг.
3. Қўшилиш қаттиян мумкинмас.

Бўлди, 3 ойдан кейин аниқ жавоб оласизлар.
Бир бирингизни соғинасизми, ёки хаётингиз янада гўзаллашдими.

#Миразиз Ахмедов

Yaxshilar kanali:
➡️ @yaxshiilar

Аёл қанчалик ақлли, бой бўлмасин, ҳатто ўзлаштирган илмидан дунёда тенги йўқ олима бўлса ҳам, коинотни забт этган тақдирда ҳам фақат ва фақат ўз севган эркакнинг кўксига бошини қўйганида ўзини ҳотиржам ва чин бахтли ҳис этади…

Биласизми нега?!
Чунки у эркакнинг кўксидаги қовурғадан яралган.

Вассалом!

#Shoxruh Mirzo

Yaxshilar kanali:
➡️ @yaxshiilar

Аёллар кўпроқ касал бўлса-да эркаклардан узоқроқ умр кўради, эркаклар камроқ касал бўлса-да жиддий касалликлардан вафот этиши кўпроқ экан. 40дан кейин эркакларда юрак хуружи ва бошқа олиб кетадиган жиддий ҳолатлар кўп учрайди. Ийе яхши юргандику деб ҳайрон бўласиз

Ҳамма ўз вазиятидан билса керак аёллар дарров оғриб қолаверади , кунда кунора касал бўлади. Бу ҳали соғлом аёллар ҳақида, чинакам касалвандлари бошқа масала .

Эркаклар нисбатан камроқ касал бўлса-да аммо касал бўлганда бир йўла оёқ чўзвориши мумкин. Аллоҳ сақласин.

8 ёшли қизим сўраяпти:

— Дада, нега аялар ҳадеб касал бўлаверади лекин дадалар ҳеч касал бўлмайди?

Бўйдоқлар, онаси доим инқиллаб синқиллаб юришини кўриб бу фақат ёши катталарда бўлади деб ўйлаган бўлиши мумкин аммо уйлангандан кейин шок бўлади. Соппа-соғ бақувват кўринган қиз ҳомиладор бўлиши билан касаллик кунлари соғлом кунларидан кўп бўлади. Битта туққандан кейин эса бу оддий ҳолга айланади.

#Faiziddin Mo'min

@yaxshiilar

"Яхши муомала илонни инидан чиқаради, қўпол муомала пичоқни қинидан чиқаради".

" қанд" касаллигини шессекундда даволашларини айтиб интернетда тинмай реклом бераётган бир компанияга қўнғироқ қилдим:

Гўшакни кўтарган оператор қизимиз "бир оздан сўнг сиз билан мутахассисимиз боғланадилар" деб хайрлашиб гўшакни қўйди.

Ярим соатдан сўнг қўнғироқ бўлди:

- ассалому алайкум, ака бизни махсулотимизга буюртма қолдирган экансиз, беморни "сахарлари" неччи "юради"?

- ваалейкум ассалому, беморда "қанд" миқдори 8,5 - 9,5 "юради"

- ия, бай - бай - бай, жуда баланд эканку😳

Мутахассисни бу жавобини ёнимда эшитиб турган беморда ҳадик ва қўрқув пайдо бўла бошлади.

Табиийки бундай қўпол ва фаросатсиз жавобдан мени ҳам жаҳлим чиқди ва:

- "менга қаранг жаноб мутахассис, мен шифокор бўлмасам ҳам жаа сиз ўйлаганчалик содда эмасман, қачонки беморда қанд миқдори 15 - 20 бўладиган бўлса сиз айтганиздек кўтарилиб кетган бўлади, бундай ваҳма қилиб дори сотишингиз яхши эмас, сиз ҳозир беморни "пичоқсиз сўйдингизку" хайр, сизни дориларингизни сотиб олмаймиз, хайф сиздек "шифокорга" дея сухбатни тугатдим.

ёнимдаги беморга тасалли бердимда, яна бошқа бир шифокорга қўнғироқ қилдим.

Арзимни тинглаган шифокор ёнимдаги беморга телефонни беришимни илтимос қилди ва бир оз беморни тингладида:

- "ээ баракатопкурей , 8,5 - 9,5 кўп соғлом одамлардаям учраб туради, аслида қантли диабет ваҳимали касаллик эмас, бу сизга эркалик қилгиси келган оддий бир эркатой " ширин дўстдек" қабул қилинг, сиз ҳозирча бу билан муроса қилиб яшасангиз ўзи сиздан қочади ёки сизни безовта қилмай хамроҳдек ёнизда юриб туради.

"дўстингиз" ема деган нарсаларни еманг, ейвер деган таомларни паққос тушираверинг, шундай муроса (пархез) қилсангиз бемалол яшайверасиз, ҳозирда дунёни ярми "ширин" касаллик билан яшаб юрибди, иншааллох тезда тузалиб кетасиз, омон бўлинг, ҳечам махзун бўлманг" дея сухбатни якунлади.

Шифокор билан сухбатлашган беморни кўзларидаги махзунлик бир зумда қувончдан порлар, юзидаги сўлғинлик йўқолиб хурсандликдан қизаринқираб нур таралгандай эди, "алхамдулиллах, жа ваҳимали касал эмас эканманку, шу акани олдиларига бориб даволаниш маслаҳатларини олай" дедида "ширин тил" шифокорни хузурига жўнади.

Машнақа гаплар.

Хулоса ва маслаҳатлар учун изоҳлар ёзишга бошлаймиз ва пост ёққан бўлса тарқатиб қўямиз😊.

#Muhammad Ikrom

@yaxshiilar

Аёлини ҳимоя қилиш деганда баъзилар худди ёв аскарлари бостириб келиб хотинини зўрламоқчию бу эса улар билан жанг қилиб номусини ҳимоя қилиши керак деб тушунади.

Йўқ, Худога шукр Ўзбекистон осойишта давлат, бир дона ўқ отилмаганига мана юз йил бўлди. Бундай баҳодирликка ҳожат йўқ, бўлмасин ҳам. Аёлингизга кўчада кимдир зарар бериш эҳтимоли ўз уйингизда зулм кўришидан анча паст.

Сиз рафиқангизни аввало онангиз, синглингиз, амма-холангиз зуғумидан ҳимоя қилишингиз керак.

Тоғни урса талқон қиладиган, улфатлари орасида тили икки қарич , топармон-тутармон аммо уйда гапи бир тийин бўлган эркакларни биламан. Сингиллари хотинини йиллар давомида эзиб келади аммо ғинг демайди,мен аралашмайман дейди.

Баъзи ўзбек йигитлари бу даражада сўтаклигини, онага ҳамма нарса мумкин деб оқ дўппи кийган калласини хам қилиб қўл қовуштириб туришини тушунолмайман.

Жоҳилларни жоҳил десанг намозхон сал диндан хабари болалари ҳам қолишмайди.

Ану кишим ману кишимлаб майдагаплик қилмасдан хотинингни ҳимоя қил латта дегим келади.

#Faiziddin Mo'min

@yaxshiilar

Бир жоҳил кимса сал ғашига теккан одамларга қарата «Падарингга лаънат!» деяверарди. Шу иллати сабаб қанча дўстлари билан юз кўрмас бўлиб кетди. Айниқса, отаси ўтган дўстларига каттиқ таъсир қиларди бундай ҳақорат. Бандалик экан, навбат жоҳилнинг отасига ҳам келди… ва ниҳоят бундай сўкишни ташлади жоҳилбек. Қанчалар қаттиқ сўз эканини ўз танасида ҳис қилиб кўрди шекилли-да.

https://youtube.com/shorts/hhVMA3tpwWI?si=RtV-IENahLCybCdp

#Jamshidxon Япония ҳақида жуда ажойиб кўрсатув тайёрлабди...
1 соат қандай ўтиб кетганини билмаям қолдим...
Сизларга ҳам илиндим.

https://youtu.be/edXr0Gt1AVg?si=vnXDIGsqEpjzF-Kg

Саудия каби давлатларга қариндош-уруғларингиз билан кўчиб келиб яшашга рухсат берса бемалол яшаб кетсангиз бўлади. Энг катта муаммо ўша битта ўзингиз учун бўлса ҳам яшаш учун рухсат олиш. Ўша бўлса бўлди қолгани ўз ўзидан ҳал бўлиб кетади.

Яшашга ёмон жой эмас. Ўзбекларга рухсат берса у ерларни гуллатиб юборса керак чунки имкониятлар кенг.

Худди шу гапни бошқа давлатларга ҳам айтиш мумкин

Ўзбекларга АҚШда яшашга рухсат берса, визани осонлаштирса ўзбеклар икки давлатни ҳам бирдек гуллатади. Негадир ўзбеклар ўзи яшаб турган жойни, ўзи туғилиб ўсган жойни гуллатолмайдию лекин бошқа давлатга бориб у ерни ҳам ватанини ҳам бирдек гуллатади. Ўзбекларга кимёвий реакция керакда, бошқа давлатнинг ҳавоси билан реакцияга киришиб ухлаб ётган талантлари ишлаб кетади.

Халқимиз ҳақиқаттан тадбиркор, қаловини топиб қорни ҳам ёқиб юборади, йўқ жойдан имконият топади, олма пиш оғзимга туш деб ўтиравермайди.

#Faiziddin Mo'min

@yaxshiilar

#пропаганда

Одамларнинг онгини бошқариш ва уларни ҳақдан чалғитишнинг энг кучли усулларидан бири тескари маълумот тарқатишдир.

Яъни оқни қора, қорани оқ дейишдир.

Бу усулга кўпчилик одамлар алданиб қолганини сезмай қолади. Фақатгина ақли расоларгина ёлғонни фош қила олади.

Бунга мисоллар:

Энг покиза аёл — Марям онамизни фоҳиша дедилар.

Ўз уйини хақиқий босқинчилардан озод қилмоқчи бўлган қоракўзларни босмачи дедилар.

Энг тубан, разил ва номуссиз ишларга, яъни ЛГБТга "pride" — ғурур дедилар.

Ҳужумни — ҳимоя, бузғунчиликни — ислоҳ, ислоҳни — фасод дейдилар.

Жаҳолатни — маърифат, маърифатни — жаҳолат дейдилар.

Булар азалдан қўлланилган манипуляция усулларидир.

#Said Komil

P. S. Ўз юртини ҳимоя қилаётган Фаластинликларни — террорист дейдилар.

@yaxshiilar

#диққат #тарқатинг

УМРАГА БОРГАНЛАР ЖАВОБГАРЛИККА ТОРТИЛМАЙДИ.
(чунки бунга асос йўқ!)

Эндиликда чекловларни айланиб ўтиб Дубай ёки бошқа давлатлар орқали транзит йўл билан Умрага борганлар қайтиб келишганда паспортида СА печати урилган бўлса жавобгарликка тортилмайди. Худди Хитойга бориб келиш қанчалик эркин бўлса, САга бориш ҳам шунчалик бемалол.
#Abduvohid Atametov
————————
Асоссиз хабарлар. Шунақа миш-мишлар билан синаб олишади. Эътибор бермаслик, эътибор берганда эса бундай тўқима гапларни кескин инкор қилиш керак.

Конституцияга кўра Ўзбекистон фуқаролари ундан ҳеч қандай тўсиқсиз чиқиб кетиш ёки кириб келиш ҳуқуқига эга. Суд ҳукми билан бу ҳуқуқни чеклаб қўйиш истисно ҳолат.

32-модда.

Қонуний асосларда Ўзбекистон Республикаси ҳудудида бўлиб турган ҳар ким мамлакат бўйлаб эркин ҳаракатланиш, турар ва яшаш жойини танлаш ҳуқуқига эга, бундан қонунда белгиланган чекловлар мустасно.

Ҳар ким Ўзбекистондан ташқарига эркин чиқиш ҳуқуқига эга, бундан қонунда белгиланган чекловлар мустасно. Ўзбекистон Республикаси фуқароси Ўзбекистонга тўсқинликсиз қайтиш ҳуқуқига эга.
#Musannif Adham

P.S.
Ювинди оқадиган канализация каналлардаги асоссиз хабарларга алданманглар!!!🙄

@yaxshiilar

Ассалому алайкум Ҳурматли Азизлар! Сизлардан ёрдам сўраб мурожаат қилмоқдаман. Турмуш ўртоғим Қодиров Толиб 1986-йил, анчадан бери оғир бетоблар. 3 марта операция бўлдила. Аҳволлари янаям оғирлашиб қолдила. Тошкентда жуда кўп касалхона, шифокорларга мурожаат қилиб, муолажа олдик. Ўзгариш бўлмаяпти. Ўзимиздаги ва  Туркиядаги шифокорлар билан маслахатлашиб Туркияда  даволатишга қарор қилдик. Зудлик билан олиб боришимиз зарур. Билетлар олинди, эртага учиб кетишади Иншааллоҳ.
Касаллик бир нечта ва жиддий бўлганлиги сабабли тахминий 70 минг $ дейишди. Шу сабабли авваламбор дуоларингизга ва моддий ёрдамга эҳтиёжимиз бор.
3 та ёш фарзандим хали кичик😔 Имконингиз бўлса ёрдам беринг.
Ўзлари ўқимишли, илмий-маърифий соҳадала. Жамиятга керакли инсонлар. Иншааллоҳ шифо топиб, тузалсала Жамиятимизга, келажак авлодларга манфаат бўладиган кўп ишларни насиб айласин🤲😪

Telefon raqam:
Ayollar uchun:  +998946945161

Erkaklar uchun: +998998684648

VISA:  4023 0602 4649 6490
TOLIB KODIROV

UZCARD:  5614 6821 1472 8985
GULBAKHOR  KHOSHIMOVA

HUMO: 9860 3501 0111 2380
TOLIB KODIROV

P.S. Дарҳақиқат Толибжон укамиз шогирдимиз бўлиб, дин хизматида камарбаста ёшлардан. Бунга гувоҳлик берамиз.

@MubashshirAhmad

ИСЛОМОФОБЛАР УЧУН!

Ассалому алайкум, иймонлари юзларидан уфуриб турадиган ўқирманлар.
Яқинда бир видео остига мени белгилаб чақиришибди. Видеода Умрага борган одамларимиз меҳмонхонадаги овқатларни керагидан кўп олиб исроф қилишаётгани акс этган. Видео улашган одам, Бизни Ҳожиларни молликда, бефаросатликда айблаган ва шундай изоҳ қолдирган. "Яқинда Йпонияга бордим. Йпонияда буфет стилидаги овқатланиш жойида, Йпонлар жуда маданиятли. Бизни бу моллар одам бўлмайди".

Ўша гапларини ўқидим-у, ўша одамга момонгни мойкалтагини ебсан деб юбордим. Ўша одам билан бир осмон остида кислород ютаётганимдан афсусланиб кетдим. Эй, молпам, буфет стилидаги овқатланиш жойида ҳар қандай одам керагидан кўп овқат олиши илмий ишларда исботланган. Сен айтаётган Японлар, айнан, шу буфет стилидаги овқатланиш жойларида, бизни одамлардан минг марта маданиятсизроқ ва минг марта кўп исроф қилишади.

Келинг, у буфетни соддароқ тушунтириб берай, кўпчилик буфет стилини Шведлар ўйлаб топган, шунинг учун "Шведский стол" деймиз дейишади. Лекин, бу хато. Бу буфет дегани бизни қишлоқда ўйлаб топилган бўлса керак. Тўйхонада ўтиришга жой тополмай, ошни суздириб, анорни панасига ўтиб, тик туриб ошни тез-тез еб оладиганлар бўлади-ку, ўша буфет дейилади.

Японияда бу буфет усулини, "Ришшоку партй" дейишади. Сўзма-сўз таржима қилсангиз, "Туриб овқатланиш" дегани. Бу буфетни миридан-сиригача биламан мен. Бизни Ҳожиларни айблаб мол деб, Японларни маданиятли деётганлар уялинглар. Сизларда на дин, ма миллий ғурур бор. Буфет услубида, ҳар қандай одам керагидан ортиқ овқат олиб юбориши аниқ. Айниқса, Японлар, умрида овқат кўрмагандек ёпишади. Бизда тўйга борсанг, тўйиб бор деган гаплар бор. Камига, ҳаммани уйида қозон қайнайди. Японларда унақа қозон қайнаш йўқ. Нима бўлса ҳам кўчадан овқатланиб олса бўлди. Текинга овқат бўлса улардан бахтли одам йўқ.

Мен 10 минга яқин одамга менежерлик қиламан! Шулардан 300 тачаси Ўзбек. Шу Ўзбекларимиз бирортаси овқат деб муаммо қилмайди, ишда. Бўлса еймиз, бўлмаса ҳам майли дейишади. Лекин, Японлар, овқат учун ишга келишади. Овқат учун ҳамма нарсага таййор-а булар дейсиз, кўрсангиз. Буфетда ҳам бўкиб қолгунча еб, қолганини пала-партиш қилиб, исроф қилишади. Айнан, ана шунақа исрофгарчиликлар кўпайиб кетгани учун, марҳум, Шинзо Абе бошчилигида "SDGs" деган шиор ўйлаб топилиб, ўша шиорни эмлбелмаси Япониядаги ҳар битта овқатга алоқадор компаниясига ёпиштирилиб чиқилган. Бош вазир, Абени 1000 кишилик йиғилиш, базмида ўзим жонли қатнашганман ва нутқини эшитганман: "Хурматли Японияликлар, биз исроф қилаётган овқатлар, 1 йилда неччи минг тоннага етади. Ўша овқатлар билан Африканинг қайсидир давлатидаги оч болаларни 1 йил боқсак бўлар экан. Илтимос, исроф қилмайлик" мазмунида!

Умрага бораётган азиз ватандошлар. Бунақаларни гапига эътибор бермай, мазза қилиб еб келинглар. Шундай муқаддас жойларда овқатланиш кимга насиб қилади, кимга қилмайди. Фақат, 1000 дан ортиқ шундай буфетларни сенарийси тузган одам сифатида маслаҳат бераман, 10 хил овқат бўлса, ҳаммасидан бирдан олманг! Кам-камдан солиб, ўтириб еб, яна егингиз келса, яна солиб енг! Қорнингиз тўйганда тўхтатасиз. Исроф ҳам бўлмайди, егандек ҳам бўласиз!

Энди, маҳаллада қўшнини ити ҳам хурмат қилмаган, ким ўтса бир туртиб ўтаверганидан, травмада катта бўлган, ИСЛОМОФОБЛАР билиб-билмай, қўлингизга нима илинса, ростми-ёлғонми мусулмонларга қарши қурол сифатида ишлатишни тўхтатинглар! Биз ажралишмас, бирлашишимиз керак. ЎЗБЕКИСТОНЛИК деган брендни яратиб, Ўзбекистонданман деб фахрланишимиз керак.

ЁҚТИРМАНИ босганлар ўша ерларга бориб, мазза қилиб, буфетни овқатларини еб келиш насиб қилсин)) со булас)

#Bahodir Iskandarov

@yaxshiilar

Мактублардан қисқартмалар

"50 ёшли дугонам 65 ёшдаги кўр одамга Аллоҳ учун турмушга чиқди. Амакининг яқинлари келавериб, аёлни қўлини сўрайвериб охири кўндиришди. Никоҳдан кейин ҳаммаси яхши эди, лекин амаки кўр бўлсалар ҳам жуда нозик кўнгил эканлар. Аёлнинг юзида, бурнининг ёнида катта холи бор эди. Амаки қўллари билан пайпаслаб, хотинини юзларини силаганда шу хол ғашларига тегаверганмиш. Ва холни олдириб ташлашга мажбурлайверганмиш. Ўтирса ҳам, турса ҳам холни гапираверганидан охири 3 ой деганда дугонам ажрашиб қутулди".

Ўша амакини айтаман-да, ўзи зўрға хотин топганакансан, жимгина ўтиравермасмидинг, ўша холни ўйнаааб.

#Зулфия Махмуд

@yaxshiilar