اساسيات يلا كيتو 😍 السودان 🔥🔥

.

الكيتو واللو كارب ممنوعين لاقل من 18 سنة

الوزن الزائد عند الاطفال يستوجب مقابلة دكتور مختص لنستبعد الاسباب العضوية ومشاكل الغدد

يمكن اتباع نظام صحي متوازن منع الاكل الضار مثل السكريات والحلويات والوجبات السريعة والغازيات والاطعمة المعلبة والمصنعة والاعتماد على الوجبات الصحية والفواكه والخضروات والعصائر الطبيعية وتنظيم النوم

🔆 التحاليل المطلوبةلبداية الكيتو 🔆
1 / وظائف الكلى .
2 /وظائف الكبد .
3 / صورة الدهون كاملة .
4 / السكر التراكمي .
5 / صورة الدم الكاملة .
6 / فيتامين دال .
7 / وظائف الغدة الدرقية .

أولا الفحوصات مهمه جدا جدا 💢
بنطلب كل الفحوصات عشان نتأكد إنه مافي مشكلة عضوية و العنده ربنا يشفيه بتعتبر لينا أساس و متابعة لأنه في بعض الناس ما بينفع معاهم الكيتو و بعضهم ممكن يجي يقول الكيتو ضراهو .
ف من مبدأ لا ضرر و لا ضرار من حقنا عليكم نطلب فحوصات و من حقكم علينا نتابعكم بكل مهنيه و أمانه .

*نتمني لكم دوام الصحه والعافيه*🌹
*الكيتو ممنوع للحوامل والرضع ⛔*
*دكتور عثمان السيد*
*مع تحيات أدمنز قروبات يلا كيتو*

تنويه 🛑🛑
في حالات مرضية كتيرة نظام الكيتو بيشكل خطورة حقيقية بالنسبة ليهم.. بناء على ذلك اي عضو عندو مشكلة صحية مهما كانت صغيرة او ادوية بياخدها لازم يخطر واحد من المشرفين قبل ما يبدا البرنامج

⛔️⛔️⛔️لكل اصحاب المشاكل الصحية ومرضى الضغط والسكري والكولسترول ومشاكل القلب والمناعة والادوية المزمنة ممنوع منعاً باتا تبدو كيتو بدون فحوصات شاملة لكل وظائف الجسم وإخطار المشرفين ..
والفحوصات الزامية وليست اختيارية
وشرط اساسي قبل ماتبدو الكيتو

و أي شخص عندو مشاكل في الكلى و أي شخص بياخد انسولين والحامل والمرضع ممنوعين من اتباع الكيتو تماما ❌❌❌


و اي عضو عندو مشكلة صحية وبدا بدون مايخطر الاشراف وبدون ما يعمل فحوصات وبدون ما يلتزم بشروطنا دي نحن بنخلي مسؤوليتنا منه تماما وغير مسؤولين من اي مضاعفات ممكن تحصل 🚫🚫

وربنا يديم العافية والصحة عليكم🌹🌹

.

الاضافات البتكون في المكملات لو طلع فيها نشا او زيت او محلي صناعي او صويا او غيرو والقائمة تطول دائما بتكون بنسب بسيطة داخلة في التصنيع .. لزول بيبلعها من فترة لفترة زي مثلا حبوب مسكنة ولا كدة ما بكون عندها تاثير لكن نحن المكملات بناخدها يومي فالنسب بتاعت النشا اليومية دي حتقلل لينا مستوى تكوين الكيتونات ودي عندها مشكلتين تابعين ليها الاولى انه مستوى حرق الدهون بيقل ونزول الوزن بيقل ودي مشكلة خفيفة وممكن اصلا وزنك ما يتاثر ويكون نازل عادي المشكلة التانية والحقيقية انه طالما مستوى تكون الكيتونات قل يبقى نسبة الدهون البتتحرق قلت ونحن بناخد دهون كتيرة فلو ما كلها اتحرقت بسبب قلة العملية الكيتونية الدهون الحتفضل حتقعد في الجسم وحترفع لينا كولسترول الدم ودي مشكلة مرضية حقيقية لاقتنا بالدليل والبرهان والفحوصات لكمية من الاعضاء هنا فعشان كدة انا بقيت متشددة جدا جدا في النقطة دي لانه المسؤولية في رقبتي وكتير من الحاجات الكنت بمشيها وموافقين عليها في الاول حاليا بعد شفنا التجارب منعناها فالكلام الكتير دة عشان ما تستهونو بالمكملات والادوية البتبلعوها وتشوفو اننا مصعبين الموضوع لانه العواقب وخيمة ونحن في غنى عنها

مثال لملتي فيتامين
واوميقا 3
وملتي معادن
لازم يكون عندك التلاتة

دي امثلة فقط ل المكملات ومكوناتهم كل مكمل وتحتو المكونات البيها بنعرف المكمل مسموح ولالا لكن الشركات كتيرة والانواع كتيرة شوفو المتوفر عندكم شنو واسألو المشرفين يراجعو معاكم لو مسموح ولالا

🔆المكملات 🔆
بالنسبة للمكملات فهي ضرورية ولا غنى عنها .. نحن في الكيتو معرضين لنقص في المعادن والفيتامينات بصورة كبيرة لانه معظم الاطعمة البتمدنا بيهم ممنوعة في الكيتو ونقص المعادن والفيتامينات بيسبب مشاكل كتيرة في الجسم بتتدرج من اعراض بسيطة إلى مضاعفات خطيرة…
بنحتاج بصورة اساسية لتلاتة انواع:::
1.ملتي فيتامين
2.مغنيزيوم او ملتي معادن يكون فيو كمية كافية من المغنيزيوم
3.اوميقا 3
** بالاضافة لو عندك نقص في فيتامين معين لازم تجيبو

.

**#قروبات_يلاكيتو* 💐

*#ماهو _الكيتوفلو*
🌺🌺🌺🌺🌺🌺🌺🌺
*#اعراضه والوقاية *

ماهو ؟؟

يسمي انفلونزا  الكيتو  او الكيتو فلو (Keto flu)
هي  اعراض بتجينا لم يبدأ الجسم يتحول من حرق الكربوهيدرات لحرق الدهون  في إنتاج الطاقه حقتو ..
وكل الأعراض دي اتسجلت من تجارب  ناس بدو نظام الكيتو  وماف دراسة لحد الآن  اكدت انها لازم تجي للكل  .. في ناس مابتجيهم ابداً وفي ناس بيجيهم جزء منها وهكذا 🔺🔺

#الاعراض

*1- الصداع  او التعب والارهاق او الدوخة* :
⚫ نقص اليود والصوديوم
🔴 تضبط احتياجك من  الملح و المياة والماكولات البحرية الغنية باليود لما يجيك واحد من الاعراض اشرب كوب ماء عليه ربع ملعقه ملح صغيره او زيتون مخلل بعدها بفتره 15-30 دقيقه الاعراض ح تبدا تختفي.

*2-الشد العضلي ودقات القلب السريعة :*
⚫ بيحصل نتيجه نقص الالكتروليتس  (الصوديوم والبوتاسيوم والمغنسيوم).
🔴 لازم تاخد مغنسيوم مكمل  والبوتاسيوم اهم مصدر ليه الخضار الورقي (السبانخ والجرجير والملوخيه ) والصوديوم اهم مصدر ليه الملح .
*
*3-الإمساك:*

⚫ السبب الأكثر شيوعا للإمساك هو الجفاف.
🔴 اشرب مياة كثيره واكل كميه كبيره من الالياف "الخضروات" واستخدم مغنسيوم و ناخد ملعقتين زيت زيتون علي الريق من ضمن سعراتنا  .

*4-النفس أو رائحة الفم الكريهة*

⚫ اذا كان فمك يشعر بالجفاف ب التالى بتسبب من قله اللعاب الذى يغسل البكتريا
🔴 حافظ على شرب المياه و اغسل فمك بفرشه الاسنان مره الى مرتين يوميا واستخدم المسواك و ممكن تستخدم قرنفلة

*5- التشنج العضلي والأرق (قلة النوم):*
⚫نقص المغنسيوم
🔴  تاكل معظم الكارب فى اخر وجبه  قبل النوم ب3 ساعات  حيساعدك ف الاسترخاء والنوم وناخد مكمل المغنسيوم قبل النوم .
*6- ألم في الكتف اليمين*
🔴 تقليل الدهون والمكسرات
*7-الشعور ب الجوع*
🔴تكمله السعرات واستخدام الدهون الصحيه
*8- عصبية وتوتر وحبوب أو طفح جلدي*
🔴الإهتمام ب فيتامين ب وافضل مصادر له اللحوم والأسماك
*9- ألم الكلى وأسفل الظهر*
⚫ بسبب ارتفاع اليوريك اسيد وحصوات الكلي
🔴  تقليل اللحوم الحمراء والتركيز علي اللحوم البيضاء وشرب الماء والليمون وخل التفاح العضوي

¶¶ #الخلاصه
لو إلتزمت ب الصوديوم والمغنسيوم والمكملات و المياه والمحلول الكيتوني *( ملعقه خل تفاح عضوي ونص ليمونه ونص ملعقه صغيره ملح الهملايا في كبايه مويه نشربه ب مصاصه )* *وكملت سعراتك* فى الاول معظم الأعراض هتروح و ما تهملو اى شىء  فيهم.

*ألف سلامه وصحه عليكم*🌹
*#توعيه_كيتونيه*

*💐 *مع تحيات آدمنز #يلا_كيتو*

.

.

2.الكيتو ليزي
نفس نظام الكلاسيك تحسبو سعراتكم في الاول وتشتغلو بالفات سيكرت الفرق انو الكارب بيكون بين 25 لحدي 50 وبعداك حسب السبب الاخترتوه ل الليزي عايزين تخسو بيه يكون بين 25_35 جم نت كارب عايزين تثبيت تتدرجو لحدي م توصلوه ال50 والفرق الثاني في المسموحات 👌

حتدخلو مسموحات الليزي في اكلكم اللي هي دي المسموحات👇

*1.كل الحاجات المسموحه في الكلاسيك معاكم
2.منتجات الحليب (الاجبان الصلبة الما مطبوخة زي الرومي والايدام والجودة والفرنسي والشيدر والموزاريلا 
جبنتنا السودانيه العاديه والمضفره بيكون فيها باقي لاكتووز ف م تنفع ❌
والاجبان الكريمية الدهنية والقشطة وكريمة الطبخ والخفق المامضاف ليهم زيت نباتي والزبادي اليوناني السادة)(في منتجات ممنوعة في الكيتو تماما فلازم تتاكدو من المكونات )
3.دقيق اللوز
4.دقيق جوز الهند
5.السمسم
6.جوز الهند
7.الفواكه المسموحة (الفراوله والتوت كميات بسيطه)
8.الدكوه
9.المكسرات(اللوز التسالي الجوز الحب عباد الشمس الفول السوداني)الكميات م تكون كتيرة قدر قبضة اليد او فنجان
10.الكبكي قدر فنجان عشان م تجرو  تعملوه طعمية بسيط بس
11.الطحينة
12.الجزر
13.التبلدي
وكل الحاجات دي لازم تكون مسموحة في الكيتو تراجعو مكونات المنتجات وتتاكدو انها ليزي ولالا

1.الكيتو كلااسيك💪

في الكيتو لازم الوجبة تكون مكتملة العناصر يعني فيها كارب (خضروات) وبروتين(لحوم) ودهون ب حسابات معينه اللي هي اتكلمنا عنها فوق
مافي جدول ثابت تختار اي صنف بنفع معاك ماملزم بنوع معين المهم بس يكون مسموح

⛔يلا نجي ل المسموحات :-

كل البهارات مسموحه عدا الماجي

⚡الدهون المسموحة

1.ضنب الخروف تسيحوه
2.الزبدة الحيوانية
3.السمنة الحيوانية
4.زيت السمسم م يدخل النار على البارد
5.زيت الزيتون بكر عصرة اولى
6.زيت الافوكادو
7.زيت جوز الهند

⚡البروتين موجود في اللحوم بانواعها (ممنوع البروتين النباتي)

1.البيض
2.اللحوم الحمراء بانواعها (البقر ،الضان،الماعز،الابل ، العجل ….الخ كل الانعام الممكن ناكلها )بما في ذلك الكوارع والكمونية والكبدة وكل مايؤكل فيها
3. السمك والتونة وكل المنتجات البحرية
4.الدجاج والديك الرومي وكل العائلة دي 

⚡الكارب اللي هو موجود في الخضار

1.الخضروات الخضراء الورقيات (جرجير خس سبانخ ملوخيه رجله ملفوف بقدونس شمار اخضر كسبرة نعناع ….الخ )
2.البصل (يفضل استخدام البصل الاخضر .. في حال استخدام البصل الابيض تتوقع انه يطلعك من الكيتوزز لانه الكارب فيو عالي جدا )
3.الطماطم
4.الخيار
5.الكوسه
6.الاسود
7.الزيتون
8.الفلفلية
9.الثوم

⚡العصائر المسموحة

1.ليمون
2.كركردي
3.افوكادو
4.التبلدي الكبايه تكون خفيفة

⛔ ب النسبة ل سكر الاستيفيا ظرف في اليوم تختبرو بيه الثبات ثبتكم قللوه م ثبتكم استمرو

نجي ل انواع الكيتو 👌