Saida Mirziyoyeva:
– Jahon banki eʼlon qilgan maʼlumotlarga koʻra, Oʻzbekiston dunyo boʻyicha gender tengligi sohasida eng samarali rivojlanayotgan davlatlar 5 taligiga kiribdi.
Bunday natijaga erishishimizga ayollarni zoʻravonlik va kamsitishdan himoya qilish borasida qabul qilingan qonunlar sabab boʻldi.
Albatta, biz birdaniga eng rivojlangan ongli jamiyatda yashay boshladik, zoʻravonlikni tag-tugi bilan yoʻq qildik, deya olmaymiz. Bu – qonunlarni hayotga doimiy tatbiq qilish, mehnat faoliyati uchun barchaga birdek sharoit yaratish, teng iqtisodiy imkoniyat berish ustida tinimsiz ishlashimiz zarur, degani.
Biz bugun shunday darajaga yetdikki, xotin-qizlarga faqat kvotalar va alohida imtiyozlar berishning oʻzi kamlik qiladi. Men jamiyatimizda amalda ayollarga mutlaqo teng imkoniyatlar beradigan tizimli oʻzgarishlar boʻlishini istardim.
Har kuni zoʻravonlik va eskicha qarashlarga qarshi kurashib, temir toʻsiqlarni sindirib, mashaqqatli islohotlarimizni amalga oshirishga hissa qoʻshayotganlar – haqiqiy qahramonlik koʻrsatmoqda. Bunday insonlarning har biriga rahmat deyman.
https://t.me/uzboav