#tabrik
🇺🇿"30-IYUN - YOSHLAR KUNI” MUNOSABATI BILAN URGANCH DAVLAT UNIVERSITETI REKTORINING BAYRAM TABRIGI
Aziz yoshlar!
Bugun universitetimiz talabalari o‘z bilimlari va iqtidorlari bilan o‘z tengdoshlari orasida o‘z o‘rniga ega bo‘lib, azm-u shijoatli, navqiron yigit-qizlarimiz o‘z sohalarida, jamoat ishlarida yutuqlarga munosib bo‘lishmoqda. Talabalarimizning turli jabhalarda faoliyat yuritib kelayotganligi va ularning ulkan natijalarga erishayotganligi, albatta, bizni quvontiradi.
Biz talabalarimizga nafaqat o‘z sohalari bo‘yicha nazariy va amaliy bilimlarni, balki mamlakatimiz hayotidagi demokratik jarayonlarda faol ishtirok etishiga, ularning siyosiy va ijtimoiy salohiyatini oshirishga alohida e’tibor qaratmoqdamiz. Kuni kecha davlatimiz rahbari Yoshlar kuni arafasida bir guruh yoshlar bilan uchrashuvida yoshlarimiz uchun yanada keng imkoniyatlarni yaratish uchun ko‘plab yangi tashabbuslarni ilgari surdi. Bunga javoban, universitetimizning har bir talabasi O‘zbekistonning buyuk kelajagini barpo etishdek ulug‘ ishga o‘z hissasini qo‘shishi, shuningdek, yoshlarning orzu-intilishlari, ilg‘or g‘oya va tashabbuslarini ro‘yobga chiqarish maqsadida Muhtaram Prezidentimiz boshlagan xayrli ishlarga o‘zlarining chuqur bilim va salohiyati, intilishlari bilan labbay deya javob berishi zarur.
Hurmatli talabalar!
Ishonchim komilki, Sizlar zamonaviy bilim va taraqqiyot cho‘qqilarini egallab, o‘z amaliy ishlaringiz, g‘ayrat-shijoatingiz bilan jonajon Vatanimizga munosib, sadoqatli farzandlar bo‘lasiz. Yana bir bor Siz, aziz talabalarni "Yoshlar kuni" bilan qutlab, barchangizga sihat-salomatlik, hayotingizda yangi yutuq va omadlar tilayman.
💐Yangi O‘zbekiston yoshlari, "30-iyun – Yoshlar kuni" muborak bo'lsin!
Baxrom Abdullayev
Urganch davlat universiteti rektori, professor.
🌐Telegram|Facebook|Instagram