❤طفلي أمانة❤

🏃🏽لمن تريد أحياء وقتها بذكر الله لتربح أجر ومكانة الذاكرين العظيمة ....

انضمي للجروب وارسليه الى اخواتك وشاركينا الأجر


https://chat.whatsapp.com/HKddRaVegrT6mSwp88515X

أعتقد أن غاية ما قد يُنعِم الله به على عبدِه أن يتوقَّف عقله عن مساءلة الأقدار.. صغيرها وكبيرها، أن تكون الإجابة دائمًا " الله"، أراد فقدَّر فحكَم.. قدَّر فلطف.
أن تكفي عقلك تلك الإجابة، فيتحرَّك في هذه الدائرة بشكل تلقائي، أن يغزوه المعنى.. فيُسائل نفسَه إلى أقدارِه و ليس العكس.

أن تكون كسيدنا الخضر لسيدنا موسى عليه السلام مع نفسك.. فتنتهي محاولاتك إلى
" رحمةً من ربِّك و ما فعلته عن أمري.. "

ذلك تأويل ما لم تسطع عليه صبرا..

#مقتبس
🔹🔹🔹🔹🔹🔹🔹

🔹بوست جميل قوى للزوجات
👇🏼👇🏼👇🏼👇🏼👇🏼👇🏼👇🏼
نصيحه مني عفي زوجك 💕💕
لان عفه الزوج مش معاشره وبس ، كل راجل احتياجاته مختلفه عن التاني
اساس الزواج انك تعفي زوجك .. وظيفتك من يوم ما اتجوزتي ..
انتي كزوجه مطلوب انك تعفي زوجك بحسابات زوجك ، بحساباته هو ، مش بحساباتك انتي !
لو زوجك يتعف بالمعاشره .. عفيه بالمعاشره
لو زوجك يتعف بالمغازله .. عفيه بالمغازله
لو زوجك يتعف بالأكل ، نوعيله في اكله
لو زوجك يتعف بالنظافه ، خلي بيتك علي سنجه عشره
لو زوجك يتعف بالاولاد .. عفيه بالاولاد
لو زوجك يتعف بالمنظر ، لبس وصبغه وكوافير وجيم ، عفيه بده
لو زوجك يتعف بانه عايز حد يتكلم معاه
اتكلمي معاه بعيد عن الواد والبت والطبيخ فضي نفسك ليه واتكلمي معاه بدل ما يدور علي اللي تتمني تفضاله ...
لو زوجك رومانسي كوني رومانسيه ، عملي خليكي عمليه ، اجتماعي خليكي اجتماعيه
هتقوليلي ودوره هو ايه ؟ هقولك ليه دور والف دور كمان ، بس احنا في بلد بتفرم الرجاله ، ماتكونيش مفرمه معاهم ، دي نقطه
النقطه التانيه : كل ست تقدر تخلي جوزها يجي زي الحمل الوديع يشرب من ايدها ..
الدفه في ايدك انتي ...
دايما تلاقي واحده تشتكي من انها عامله لزوجها كل حاجه ومش عاجبه ، لا هو مش عاجبه ، هو حساباته غيرك ومش هيطمر فيه لانه مش عايز ده .. الموضوع بسيط ..
هو اصلا مش عايز كل ده يكون علي حسابه ، هو عايز يجي يلاقيكي صاحيه تحكي معاه شويه حتي لو قصرتي في الباقي هو عايز كده
غيره عايز يجي يلاقي العيال مصحصحين وقاعديله ، غيره عايز يرجع يلاقي شموع وورود ، غيره عايز يرجع يلاقكي علي سنجه عشره .. المهم هو عايز ايه مش انتي فاضيه لايه
وهتتسألي عن ده ، عن عفه زوجك ، لانك انتي مسؤله عنها واعرفي انك لما بتعفي زوجك بتعفي مجتمع بحاله
تاني بقولك : عفي زوجك بحساباته هو ، لا حساباتك ولا حسابات اهلك .. ومترحيش تشتكي لصحبتك.... لان صحبتك بتعف زوجها بحسابات زوجها واللي هي مختلفه عن حسابات زوجك فمش هتفيدك بحاجه
انتي كده عملتي اللي عليكي معاه وتمام وعلاماات ان ده تمام انك تلاقيه مايبصش بره .. هو عامل زي واحد شبعان قاعديه علي سفره مش هيبص لحد لانه شبعان حتي لو مقالش انه هو شبعان ..

👈 وانتي كأخت لما تسمعي مشكله واحده ماتقعديش تتريقي عليها وتسخنيها علي جوزها هو حر لو مش هيطلب من زوجته هيطلب من مين
يا أختي العزيزه حافظي علي بيتك والله الطلاق ده حاجه بشعه و 90% من اللي عملوه ندموا وان لم يعترفوا بذلك
يا اختي انتي لو قعدتي اتكلمتي مع زوحك وفهمتوا بعض 80% من مشاكلكم هتتحل ... لا دي مش هتحصل من أصله /

لقائله
🔹🔹🔹🔹🔹🔹🔹

لماذا لا ينفطر قلبي عندما تتهمني ابنتي بالتقصير؟!
*****
أولاً: لإني حتمًا وطبعًا مقصرة... 😎
مهما طلعت ونزلت واتفردت وانثنيت، مفيش حد ممكن أبدا يدّعي إنه مش مقصر في مقام الأمومة، خصوصًا واحدة طماعة زيي قررت تفتح صدرها على كل جبهات الحياة.

ثانيًا: لأنها كطفلة تعبر عن مشاعر اللحظة فقط. ❤
الأطفال بيطلعوا الكلام بتعميم يبدو كأنه أفكار راسخة... ده مش حقيقي في أوقات كتير، الأطفال بتعبر عن الحال وليس المقام.

ثالثًا: لأني عارفة إني علمتها مفردات كبيرة وتراكيب لغوية معقدة تساعدها في التعبير عن مشاعرها.. وهذا الزخم اللغوي بيطلع عليا أنا أول واحدة 😅
حرفيًا: وكم علمته نظم القوافي فلما قال قافية هجاني. 😂
الحقيقة إني بأشوف ده نجاح ساحق لمجهود كبير اتحط في إنها تعرف تتواصل مع مشاعرها، وتفهمها، ويبقى عندها مفردات تساعدها تعبر عنها...
والأهم من ده كله... جرأة كبيرة في مواجهة أي حد بمشاعرها دي.
ودايمًا إحنا في تمرين مستمر على اختيار أسلوب وألفاظ بهدف مراعاة مشاعر الآخرين أثناء تعبيرنا عن مشاعرنا.
عشان كده الأطفال مش مكلفين يا جماعة...
لإنهم قيد التمرين والإعداد..
الإعداد ده هيتخلله مراحل من الأنانية عشان يعرفوا نفسهم واحتياجاتهم
ومراحل من الاندفاع والعنف عشان يعرفوا يدافعوا عن نفسهم واحتياجاتهم
ودورنا إحنا نهذب ده بطريقة آمنة عشان يوصلوا لمرحلة التكليف وهما عارفين يحافظوا على حدودهم وحقوقهم... لكن بأدب ومراعاة للآخرين.

رابعًا: ودي قد تبدو متناقضة مع أولاً لكنها في الحقيقة بتكملها... 😅
هي إني بأفكر نفسي دايمًا إني كفاية...
بأعمل أقصى ما عندي... وأحسن ما عندي... وآخر ما عندي...
يطلع زي ما يطلع بقى بس أنا بأتمرن معاها على إني Good enough mother 💚
وصراحتها -وإن كانت عنيفة- بتواجهني بحقيقة حاجات محتاجة أشوفها... الحقيقة اللي اخترت عشانها اسمه "ليلى" أصلاً اللي معناه في الشعر العربي القديم هو "الحقيقة"... عشان أفضل افتكر إن إحنا هنا عشان ندور على الحقيقة...
والحقيقة مش مريحة..الحقيقة دايمًا مؤلمة... فحتى لو انفطر قلبي للحظة، هيلتئم بعدها على طول ويكمّل..

خامسًا: ودي أهم حاجة في التربية على الإطلاق واللي بأدعي ربنا يثبتها في قلوبنا على طول... 🙏🙏🙏
أنا مبعملش حاجة لبناتي عشان خاطر بناتي... ولا عشان أفرح بيهم... وأفرح بتربيتي... وأحس بالإنجاز... الحاجات الحلوة الكتير اللي بنحسها مع العيال دي... نحسها ماشي أوكيه وحلوة على عيني وراسي....
بس مش هي الهدف...
وبالتالي لما بتيجي بتحسها bonus
ولما مبتجيش مبتزعلش
ولما بيجي عكسها بتشوف إنها لفت نظر إنك بتعكّ

أومال إحنا بنشقى الشقا ده ليه؟!
هي لله ❤
التربية والزواج هما أصعب تجربتين عشتهم في حياتي...
مفيش أي معنى أو هدف أو حكمة من الشقا ده كله غير إنه يكون لله...
ساعتها كل حاجة بتقع في مكانها زي مكعبات ال tetris... وكل ما يوم يعدي بتسمع في آخر الصوت الجميل المميز ل tetris...
فيه سطر اتكون، وخلص، واتحسب لك في السكور...

ربنا يتقبل.
#ليلى_وحياة

▪️مفيش حد هيسقفلك

اتربينا دايما على فكرة ان الحدوتة الحلوة لازم تنتهي بإن البطل البطلة ينجحوا ويوصلوا للهدف اللي هما عايزينه ،

والناس تكون مبهورة بيه وسعيدة عشانه ويسقفوله بفخر ويتمنوا يكونوا زيه..

وهو بيبص على كل الصعاب ويقول انا عديت كل ده ،
ويقول لنفسه الحمد لله انا هرتاح والراحة جت ..

لما بنكبر ونكون امهات بتلاقينا لا إراديا عايزين نعيش نفس السيناربو
نلاقي حد يصقف لنا ويقولنا برافو
نلاقي اللحظة اللي نقول فيها الحمد لله خلصنا وهنرتاح
نلاقي الحد اللي يقولنا انه فخور بينا وبإنجازاتنا

بس للاسف ده مش بيحصل فالواقع ..

لان احنا اتربينا برضو على فكرة ان الام لازم تكون مضحية وماتنتظرش شكر من اي حد وخاصة ولادها .
ومفيش حد بيقدر يقدر مجهود الأم أويديها حقها

والنتيجة /
إن اغلب الامهات بيقعوا في مشكلة عدم تقدير الذات وجلدها ، والإحباط المستمر ..

بسبب انها نفسها حد يقدر مجهودها بس في نفس الوقت بتأدي دور المضحية
انا عشت الدور ده والنتيجة كانت عصبية وتوتر مع وفشل على كل الاصعدة

واللي ساعدني أخرج من الحالة دي /

تجديد النية وإخلاصها لله .

افهمي ان التربية رحلة ، بتمشي فيها خطوة خطوة

النجاح في استمرار السعي

قدمي لنفسك الدعم والتشجيع اللي انت محتاجاه..

دعاء مكى
▪️▪️▪️▪️▪️▪️▪️▪️

👈 لما بنتك تقولك لا يا ماما أنا مش هخرج مع صحابى عشان أنتى تعبانة ماتقوليلهاش لا اخرجى واتفسحى واتبسطى

👈 ولما أبنك يقولك هات يا بابا أشيل عنك أو معاك الشنط ماتقولش لا يا حبيبى ده تقيل عليك

👈 لما الأم أيدها تتلسع من القلى او تتعور من السكينة قول لبنتك قومى أغسلى المواعين بدل ماما .... ولما بابا يبقى بيصلح كرسى ولا حاجة فى السباكة قولى لأبنك قوم ساعد بابا..

🔴 ماتحسسوش أوى على ولادكم وتفتكروا أن ده كدة دلع بالعكس أنتوا كدة بتطلعوهم عديمى الأحساس أنانيين لكن لو ربيتوا فيهم الأحساس بيكم والمشاركة هيتعلموا يحسوا بيكم
ويقدروا لما تكبروا يشيلوكم باحساسهم بيكم

👌 فى دراسة أثبتت أن أكثر الناس تعرضا لعقوق الأولاد (أكثرهم تدليعا) لأولادهم ، ‏فالأولاد (المدللون) يتبرمجون على أن الأب والأم مجرد خادمين لهم، على استعداد دائم للقيام عليهم، وتوفير حوائجهم، دون أي اعتبار لظروف الوالدين ، ‏ومنهج الدلال (الزائد) يتجاوز (ضرره) الأبوين إلى (مستقبل) الأولاد.! 👌
🔹🔹🔹🔹🔹🔹

افتقاد الطفل للتشجيع المستمر لما يصنعه بنفسه و يعتبره انجازاته وعدم الاهتمام بما يهتم به يحبط الطفل و يجعله لا يرى قيمة فيما يفعله فيفتقد الدافع لتنمية مهاراته وهواياته و يصبح شخصا غير واثق من قدراته، يشعر بانعدام القيمة وسط أقرانه و ربما يقلل من قيمة ما يفعله الاخرين.

حث الأولاد على عدم البكاء لإعتقادهم انه مفيش رجل بيعيط، يعلمهم انه ليس من حقهم التعبيرعن شعورهم و يخلق رجل جامد المشاعر لا يشعر بمعاناة الاخرين وربما السخرية من آلامهم مستقبلا‎

ايهام الطفل بأنه أصبح كبيرا ومسئولا خدعة قد يصدقها عقل الطفل و يتعامل معها كحقيقة لكنه ما ان يدرك أنه ( انضحك عليه ) سيشعر بالأسف والحرمان من سنوات طفولته التي لم يعيشها و يشعر بأنه مشوه نفسيا وسيلازمه محاولات تعويض هذا الحرمان طوال حياته مما يجعله غير راضي سواء عن حاضره أو عن ماضيه

عدم تشجيع الطفل من ابداء رأيه يجعله يخاف من التعبير عن نفسه فيخلق انسان مهزوز الشخصية معدوم الثقة بالنفس يشعر بانعدام القيمة ولا يقوى حتى على اتخاذ ابسط القرارات

التقليل من مشاعر الطفل الناتجة عن تفاعله مع الاشياء من حوله و عدم تفهم ان هذا هو عالمه يجعله يتردد في التعبير عن احساسه خوفا من الاستهزاء به، و يكبت مشاعره لانه أصبح يدرك ان مشاعره تافهة بلا قيمة.

التفرقة في التعامل بين الاخ واخته ينشيء مشاعر سلبية فى نفوس الاطفال مثل الغضب و الكراهية و الحقد و يكرس لمفهوم عدم المساواة و يخلق رجلا لا يعتمد على نفسه و يغرس في الانثي انه من الطبيعي ان تكون خدمة الرجل دورها ومسؤوليتها

استخدام اسلوب التفضل من الأباء بواجباتهم الأساسية نحو أبنائهم يشعر الطفل بالعبأ النفسي و الاحساس بالذنب عند طلب احتياجاتهم فيفضل الطفل كبت احتياجاته المادية والمعنوية بدلا من التعبير عنها و هو ما يدمر علاقات الطفل بابويه مع الوقت

إن ما نتفهمه من شعور الطفل ونراعيه هو ما سيتفهمه الطفل وسيراعيه في غيره عندما يكبر
#راعي_شعور_ابنك