TAKBAND QANDEEL

https://youtu.be/Lrymz7j-LOg?si=BqauPeTYFaC-xiwh

مھلبیں رُژن

کپان،  اڑان،  تچان  باں
من  روچ ءَ پدگران  باں
پہ  دیگر  ءَ تہ  سر  بباں
اے رولہ ءِ بھشتیں چم
اے رنگ ءِ سوزناکیں گم
زرد  بیت  ءُ  سُھر  بیت
داں  ایر  روت  تھاری ءَ
ءُ شپ کپیت مئے باری ءَ
سباہ ءِ  ٹِک  ءَ  نوک‌  باں
سپر‌  کناں   جَلیں   گماں
گوں روچ ءِ زگریں نیت ءَ
وت ءَ  چہ  کمو  در  کپاں
ھدا  ءِ  ھد  ءَ  سر  کپاں
روان   باں   رواں   کناں
تاں  بیرگ ءَ  من‌  دمبراں
بُن  ءَ  کپاں  ءُ اُورت  باں
تھار  بیت  من‌  کوهن باں
پدا   پہ  نوکی   ءَ   زراں
اے‌ کوھن ءُ نوکی ءِ زِه ءَ
شِتگ  مئے  ھستی ءِ  بدن
رُتگ  مئے  واھگ  ءِ  چمن

- حماد ھمراز

@takabnd_kandeel

https://youtu.be/DzNtOMCEb6U?si=rJfGOdVoc8hjI1JO

وَب ءَ لَب ءَ ￴ڈب ڈب

hosam baloch @takband_kandeel

@takband_kandeel

ھمے ڈول بیت

بس ھمے ڈول بیت
من نہ زانتگ کہ مرگ ءَ ￴چہ ساری رواں
ساھیگانی گنھگار انچوش بنت
من کہ چم شانک دنت دیم پہ دروازگاں
ھچ ندارگ نگاھانی پیما نہ ات
تاک یک نیمگے
ھاک یک نیمگے
کانچ یک نیمگے
زند یک نیمگے
مرگ یک نیمگے
کسی پاداں نہ شت زندگی ءِ ￵سواس
من رواجانی مانا بدل کت نہ کت
دیگرانی مجاں میم انچوش بنت
من مساپر جسانی تھا گار اتاں
جلگھانی تھا ایوک اتاں
وار اِتاں
مرد نی، چون کن ئے؟
مردمانی بدل کانچ و کاگد نہ بیت.

- مبارک کازی

@takband_kandeel

من ءَ ￴چہ زندگی ءَ ￴نہ زیک گلگ بیتگ ناں مرچی است ءُ ￶ناں باندا گلگدار باں۔


Liaqat Amin @takband_kandeel

@takband_kandeel

اے اَجب سریالے

@takband_kandeel

ابیتکیں شھرے نگاھانی درمیان ءَ کیت۔
من ءَ گوں ھور بلے، دور دور روان ءَ کیت۔

من نیست ءِ کاسگ ءَ چَٹّاں گوں نیّت ءَ اَرسیں
من ءَ را رتکگیں ھیدانی تام زبان ءَ کیت۔

تنیگہ اِشک تئی دیدگانی،                ورنا اِنت
پمشکا آس تئی مستی ءِ             نِوان ءَ کیت۔۔

بُگش کہ مرچی ترا نوکیں عُذرے چمّان اِنت
بُگش ھما کہ نہ گشتگ       ھما زبان ءَ کیت۔

اے موسمانی تہ ءَ چینچو کسّہ اَنت چیریں۔
اشان ءَ وھد وتی ھوری ءَ         بران ءَ کیت۔۔۔

برے چہ بیگہ ءِ کیپانی     کدّھاں سر کیل ۔۔
برے اے تُنّگھی ریگزارے بیت، شِدان ءَ کیت

تو ھست ئے ھستی تئی، نیستیانی درمانیں
تو ھست ئے لزتے ارواہ ءُ، رُو ءُ، جان ءَ کیت۔۔

پزل رھگوز
@takband_kandeel

شپ وتی دامن ءِ کسھاں روک کنت
آ نزاناں پہ کے واھگاں روک کنت

من پہ تُرمپے تچاں گار ءُ بیگواہ باں
آ دگہ مردمے کدھاں روک کنت

آپ شیپ ءِ وڈا اِنت منی زندگی
مُرگ ءِ پیما منی بانزلاں روک کنت

ما چراگانی متلب کجا پھم اِتگ
ما نہ زانتگ کہ شپ الوتاں روک کنت

اے شھر ءَ کہ ساھگ اوں زندانی اَنت
روچ کُٹّ اِیت منی ساھگاں روک کنت

ھو تپاوت نہ بیت مرگ ءُ زند ءِ تھا
آ چراگاں پدا سرشپاں روک کنت

ما کہ کمبٓر سگارانی ھمراہ اِتیں
اھد ءِ درداں نہ چار ایت دلاں روک کنت

- کمبر مبارک

@takband_kandeel

@takband_kandeel

دیوالانی ساہ بہ ڈَّک اِیت، دروازگ ھیران بہ بیت
چوش مَیا کہ مارا مئے اے تھنائی تاوان بہ بیت

سبزیں چراگے گیر بیار اِیت کُنڈے ءَ یک بچکندے
ھاموشی ءِ دُوت بہ بنت ءُ دوستانی دِیوان بہ بیت

لبزءِ بَزیں پوشاک ءِ تھا اَندیم نہ بیت واھشت ءِ بدن
ما وت گیشیں جُست نہ کُت کہ چے بیسہ دلگران بہ بیت

سُھریں شینکاں روچ نہ جّل اِیت سبزیں شینکاں سردیں ماہ
من وَ جّلاں بلکیں بے من چندے کَس ویران بہ بیت

بیا کہ ھما جاہ ءَ اوشتاتگ، لُنٹ ءُ بچکندانی سپر
یا کہ مَیا اے دنیا بلکیں بے تئیگ ءَ وّشان بہ بیت

زاں چو یار ءِ گّپ نہ گیش اَنت، آ شوکیں استار وتا
کم سنگاریت دانکہ گوں من گّپ جنگ ارزان بہ بیت

وشبویے ءِ ساز بمان ایت داں است آں، اے پند زبیر
من چہ جاہ ءَ پاد میایاں دل دنیا گردان بہ بیت

🖊 زبیر کمبر

@takband_kandeel

ھتم پہ کیپے زر اِیت مسکاں پہ مھلبین درپش دات بام ءَ دل ءَ نہ من اِت
جھانے ءَ دات سکیں پاد ءَ بروگھیں واجہ ءِ سلام ءَ دل ءَ نہ من اِت

- اَتا شاد

@takband_kandeel

@takband_kandeel

وھدیکہ بے وانکی یے ساھیل بیت
راھسراں کے چیر گیج ایت الوَتاں

- منیر مومن

@takband_kandeel

لَڈّاِت اِد ءَ چه، شُت ماں دگہ ھَلک ءُ کھچَرے
گوں ھِنّیاں ھوار، چراگیں کپۆدرے

اِے مانشێں گِس ءَ که اِد ءَ بس تهاری‌اَت
تو یک دریگے پَچ کُت یک رۆشنێں دَرے

پد چه هما گلاب ءَ که گُوریچّ ءَ سِست ءُ بُرت
دنیا منی دل ءَ گُش‌ئے ویرانێں دیگرے

من اشکُتگ که دْرچک ءَ وتی بَر شمُشتگ‌اَنت
من اشکتگ که اِێر اِنت گْرنچے ءُ چادرے

منی سر تِی مِێتگ ءَ کپ‌اِیت یک گِلّهے کناں
پرچا من ءَ نه‌بَکش‌اِت، ماهے ءُ جَمبرے

تو بال کُت شُت‌ئے بلے تئی شاهاں پَشت‌کَپت:
مۆمے، نَدے، کتابے، تاکے ءُ دَپترے

🖊 جنید بلۆچ

@takband_kandeel

@takband_kandeel

جان ءِ پہ شیر شوداں
لنٹان ئے شھد میناں
من دوست ءَ دلبرین ءَ
دستاں گوں سمبھیناں

کدی من دل ءَ ￴شموشاں
کدی دل من ءَ ￴چے بیھال
دیاں من تب ءِ ￵تیاب ءَ ￴
رکاں تئی کاگدیناں

ھو دیدگ ءِ ھدائی
جی لزّتانی وشّی!
برے زیمرے تْرھیناں
برے اندرے کُدیناں

گم ءِ شیشگانی آس ءَ
دل ءِ دوزھے بہ توس ایت
وتی تْرانگانی دشت ءِ
وت ءَ چوں من انسریناں

ترا بْراہ ایت بے سمائی
منی ناز نازیں دلبر
منی دیدگانی روک ئے
ترا اُمرے ءَ بھیناں

منی چار ءُ ڈپ ءُ ٹپاس
من ءَ ایر بکن وت ءَ گوں
منی بو چو مِسک شنگ اِنت
ماں بالاداں باگچھیناں

اگاں من بباں کہ توئے
اگاں تو بہ بئے مناں من!
شوھازؔ ءِ شادھاں مئے
شوھازاں شادھیناں

- گلام ھسین شوھاز

@takband_kandeel

دروت ءُ ￶پُرمھریں سلام تاکبند کندیل ءِ ھمبل ءُ ￶ھمراھاں من چہ شمارا سک باز منتواراں کہ شما تاکبند کندیل ءَ ￴وانگ ءُ ￶گوشدارگ ءَ ￴اِت دزبندی کناں چینل ءَ ￴وتی سنگت ءُ ￶اَزیزانی واستا پجار بکن اِت داں آ ھم بھر بہ زیر اَنت ءُ ￶مئے ءُ ￶شمئے ھانوادہ مستر ءُ ￶مستر بہ بیت۔ ♥️

@takband_kandeel