سَواد .

شلتك عود يابس شارد من النار
ويوم الخضر تنكر فضل طيني

مثل كرسي المشَانق عايش يدفعوك
يوزوك وتجيني بغيضَك محملّ
صلف ماتستحي چنك وحيّد البيت
ويريد يحاچي اُمه يگلها أريد اعزل

بقينا اعله الجبل رماية إسهام
ونزلت غيرنا تلم الغنايم .

01
صفر ع اليسره
مالك قيمة من تنحط
عطشان أنجبرت اشرب
بماي الشط
من ارد أعدلك طبع منجل بيك
اجي ومن ارد اعدلك
ارجع مخيط
وما نرهم بعد روح
بجسد مكتول
أقلام الحبر شيفيد بيها القط؟
وما يتعب المثلي
وهل مثال افرض
جبت كل عمري أركض
بالجديد افحط؟
حجله بيت عاجز مو
سهل تنحط
جنك نومتي شماعدلك مخربط

انهجم كلبي وعساها ابيتكم كون
نفس هجمان كلبي البيت مهجوم
والي يكتلك قهر مو شماتت ناس
اجتي الغشمه كلها وكعدت اتلوم
جبتها وياي تحلف والله اداريك
بكلامك وصلتني بصف النجوم
عفتني بحال يصعب على الي يكرهون
ضايع منخذل مكسور مصدوم
لا من شافك الله ولا تهنيت
عساك من الصبح لليل مهموم
وعساك بناس متواسيك حتى بكلمة شلونك
وعساك بعين ما تفهم حچي عيونك
وعساك بحال يشبه حالي نص الليل
وعساك بليل يشبه ليلي من دونك

فانـوس وسـجنت نـار بالجام
ويمر غشمة الفراش يزور واجوي
عدوك لايخوفك وجه متروس
ظهر الصوره فارغ كلشي مابي

اليوم رافع خشمي كلش
والهوى يلتم عليه
فدوه شمني ، وما اشتمه
اليوم ماكو بگلبي رحمه
كلشي اللي يذكرني بيك اليوم اعدمه
الليله اصفط كل صورّك حدر راسي
خاف لو طكة البرد گلبي يتراخه
حتى اشككهن واصدمه
كلشي اليعنيك بغرفتي الليله اهدمه
الليله مافز فزة الكتلو بحلمه

واذا اردلك شرط
تنصب ضلوعك
مو جسر جسرين
واحد امشي بي
والثاني لخيالي

لا تحچيلي ماريد اعرف اسبابك
بس چفيني شَرك و لا ترد بيوم
و الله يكثر احبابك .

المثلي بطرف عينه مايباوعلك
منو انتَ وخاطر ٲنذلك .

اني احچي هاي المرة ، وانتِ تسمعين
گلولي ما متخطية ، جاي تحبين
هم گاعد تگُليلة قلل تدخين؟
لمن يسألج قبلي حبيتي انسان
بس مو بكدك ، هيج راح تگولين ؟
بكُل فلم تابعتة ، انتظر دورج بي
بكد ما علية بكلشي چنتي تمثلين
يا بصمة ايدي الچنت مطمن حيل
متخيلت من ايدي راح تروحين .

- شكثر باچي لخاطرك
گلي شكثر
تغلط بحقي وادورلك عذر
چنت ادور كلمة منك
ماردت منك سطر
انت يا اغلى خسارات العمر.

الدنيا مو دنية عشگ يا ابن الحلال
ولا تخلينه بمحبتك ننجبر
انت ابن العافيه وابن الدلال
واحنه ولد الموت ربانه الفقر
لـ جبار رشيد

الجانت وياي وعليه مو حريصه
هسه مختارتله للموعد قميصه

أحنة من واهس علاقتنه
أنكسر
وما تنازلنه ولا بينه أنجبر
صار همنه
الغلط من عدمن بدر !
طبعاً تسيئ الأمور
احنه مالينا الغرور
وكلمة ما نتحمل ثنيناتنه
بعد شيرجعة
انتهى الـ بيناتنه

ما مـرخـوص
من تروح
انت أول بشر ضحيتله بصحتي

سويتك سَبع
توگف بوجه الموت
ومِن صار المزامط
توگف بوجهي؟

دعاء امي الصبح ماجابج شلون
اصدگ بيج هسه الشوگ جابچ
دمرتي شبابي واني كل يوم
اكول الله يهنيچ بشبابچ