គាំពារសង្គមកម្ពុជា Social Protection in Cambodia

ក្នុងព្រះរាជពិធីគោរពព្រះវិញ្ញាណក្ខន្ធគម្រប់ ១២ព្រះវស្សា នៃការយាងចូលព្រះទីវង្គត ​ព្រះករុណា ព្រះបាទ នរោត្ដម សីហនុ ព្រះមហាវីរក្សត្រ ព្រះវររាជបិតាឯករាជ្យ បូររណភាពទឹកដី និងឯកភាពជាតិខ្មែរ (១៥ តុលា ២០១២ - ១៥ តុលា ២០២៤) កូនចៅ ចៅ ចៅទួត សូមថ្វាយព្រះរាជមហាកុសលព្រះវិញ្ញាណក្ខន្ធ ព្រះបរមរតនកោដ្ឋ សូមទ្រង់យាងបដិសន្ធិក្នុងព្រះបរមសុគតិភពកុំបីអាក់ខានឡើយ។

TVET ធ្វើឱ្យខ្ញុំរកបានការងារល្អ និងក្លាយជាជន្ទល់គ្រួសារ
———————————————

យុវជនមកពីគ្រួសារក្រីក្រ ដែលជាជនជាតិដើមភាគតិច "ព្នង" នៅខេត្តមណ្ឌលគិរី សប្បាយចិត្តជាខ្លាំងដោយទទួលបានការងារល្អ បន្ទាប់​ពី​បាន​បញ្ចប់​ការ​សិក្សា​លើ​ជំនាញ​អគ្គិសនី ដោយ​ឥតគិតថ្លៃ នៅមជ្ឈមណ្ឌលបណ្តុះបណ្តាលវិជ្ជាជីវៈ ខេត្តមណ្ឌលគិរី 
ជាមួយនឹងប្រាក់ឧបត្ថមពីរាជរដ្ឋាភិបាល​ក្រោម​កម្មវិធី​ជាតិជំនួយ​សង្គមផ្នែកបណ្ដុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ។

ក្នុងចំណោមសិស្សក្រីក្រជាច្រើនរូប យុវជន ផាត សារ៉ាត បានលើកឡើងថា វគ្គសិក្សានេះ អាចសម្រួលជីវភាពគ្រួសារក្រីក្រ ដោយផ្តល់ជំនាញច្បាស់លាស់ និងសមត្ថភាពពេញលេញ ក្នុងការស្វែងរកការងារល្អប្រសើរ ដែលមានប្រាក់ខែសមរម្យ និងអាចជួយសម្រាលបន្ទុកគ្រួសារ និងចូលរួមអភិវឌ្ឍប្រទេសជាតិ។

សូមអនុមោទនា ពិធីបុណ្យភ្ជុំបិណ្ឌប្រពៃណីជាតិខ្មែរ! ក្នុងឱកាសបុណ្យភ្ជុំបិណ្ឌនេះ សូមគោរពជូនពរពុកម៉ែ បងប្អូន ជួបប្រទះតែសេចក្តីសុខ សេចក្តីចម្រើន សុខភាពល្អបរិបូណ៍ និងធ្វើដំណើរទៅទីជិតឆ្ងាយប្រកបដោយសុខសុវត្ថិភាព។

អបអរសាទរ ទិវាប្រកាសរដ្ឋធម្មនុញ្ញ នៃព្រះរាជាណាចក្រកម្ពុជា
២៤ កញ្ញា ១៩៩៣ – ២៤ កញ្ញា ២០២៤

អត្ថប្រយោជន៍នៃកម្មវិធីជាតិជំនួយសង្គមក្នុងកញ្ចប់គ្រួសារ
--------------------
ក្រុមគ្រួសារដែលមានបណ្ណសមធម៌ ជាពិសេសជនជាតិដើមភាគតិចនៅខេត្តមណ្ឌលគិរី កំពុងទទួលបានអត្ថប្រយោជន៍ពីកម្មវិធីជាតិជំនួយសង្គមក្នុងកញ្ចប់គ្រួសារ ដែលជាបណ្តុំនៃកម្មវិធីជាតិជំនួយសង្គម ដែលមានលក្ខណៈប្រក្រតី និងអចិន្ត្រៃយ៍ ដែលរាជរដ្ឋាភិបាលបានដាក់ឱ្យអនុវត្ត កាលពីខែមេសា ឆ្នាំ២០២៤ កន្លងទៅ។
ដើម្បីទទួលបានអត្ថប្រយោជន៍ពីកម្មវិធីនេះ, សូមអញ្ជើញក្រុមគ្រួសារដែលមានបណ្ណសមធម៌មានសុពលភាព ទៅឃុំ សង្កាត់ ដើម្បីចុះឈ្មោះចូលក្នុងកម្មវិធីនេះ។
ព័ត៌មានបន្ថែម ៖ សូមទាក់ទងឃុំ សង្កាត់ ឬមូលនិធិជាតិជំនួយសង្គម តាមរយៈទូរសព្ទលេខ៖ ០៩២ ២១៩ ៨៨៨/០១៥ ២១៩ ៨៨៨
#គាំពារសង្គមកម្ពុជា #socialprotectioncambodia

សេក្ដីប្រកាសព័ត៌មាន ស្ដីពី លទ្ធផលកិច្ចប្រជុំក្រុមប្រឹក្សាជាតិគាំពារសង្គម លើកទី១៣។

តំណទាញយក៖ https://bit.ly/3My9SPd

ក្រុមប្រឹក្សាជាតិគាំពារសង្គម ដែលជាសេនាធិការរបស់រាជរដ្ឋាភិបាលក្នុងការដឹកនាំ និងអភិវឌ្ឍប្រព័ន្ធគាំពារសង្គមកម្ពុជា បានចេញផ្សាយរបាយការណ៍ ស្តីពីការតាមដានវឌ្ឍនភាពនៃប្រព័ន្ធគាំពារសង្គមកម្ពុជាក្នុងរយៈពេល ៥ឆ្នាំ (២០១៨-២០២២) កន្លងមក ដោយផ្ដោតជាពិសេសលើការវិនិយោគ, ការគ្របដណ្តប់នៃរបបសន្តិសុខសង្គម និងកម្មវិធីជំនួយសង្គម ព្រមទាំងការឆ្លើយតបនឹងគ្រោះអាសន្ន។

អាស្រ័យហេតុនេះ, សូម ក្រសួង-ស្ថាប័ន, ដៃគូអភិវឌ្ឍន៍ពាក់ព័ន្ធ, គ្រឹះស្ថានឯកជន, និងសាធារណជន ជ្រាបជាព័ត៌មាន និងអាចទាញយករបាយកាណ៍ ស្តីពីការតាមដានវឌ្ឍនភាពនៃប្រព័ន្ធគាំពារសង្គមកម្ពុជានេះបានតាមរយៈតំណភ្ជាប់ https://bit.ly/3Y6up4d។

សូមទស្សនាកិច្ចសម្ភាសពិសេសជាមួយ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ស្តីពីកិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) ។

សំណួរ-ចម្លេីយខ្លីតែខ្លឹម

សប្តាហ៍មុនពុកម៉ែបងប្អូនបានស្គាល់រួចហើយអំពីអត្ថប្រយោជន៍របស់បណ្ណ​ក្រោមមូលនិធិសមធម៌សុខាភិបាល ដូច្នេះសប្តាហ៍នេះយើងនាំគ្នាមកយល់ដឹងបន្ថែមអំពីសុពលភាពរបស់បណ្ណនីមួយៗវិញម្តង​។
​
បើសិនជាបណ្ណអស់សុពលភាព សូមពុកម៉ែបងប្អូនអញ្ជេីញសួរព័ត៌មាន​នៅឃុំសង្កាត់ដែលពុកម៉ែបងប្អូន​រស់នៅ​ ដេីម្បីពិនិត្យ​ និងវាយតម្លៃស្ថានភាពគ្រួសារឡេីងវិញ។

#គាំពារសង្គមកម្ពុជា

សំណួរ-ចម្លេីយខ្លីតែខ្លឹម

តោះ! ថ្ងៃនេះនាំពុកម៉ែបងប្អូនមកស្គាល់ប្រភេទបណ្ណ ដែលប្រើប្រាស់ដើម្បីទទួលបានអត្ថប្រយោជន៍ក្រោមមូលនិធិសមធម៌សុខាភិបាល។

ពុកម៉ែបងប្អូនដែលមានបណ្ណទាំងនេះ អាចប្រេីប្រាស់ដេីម្បីទទួលបាន​សេវាពិនិត្យ និងព្យាបាលជំងឺ ដោយឥតបង់ថ្លៃ នៅតាមមូលដ្ឋានសុខាភិបាលសាធារណ:​ (មន្ទីរពេទ្យរដ្ឋ) ដែលនៅជិតបងប្អូន។

#គាំពារសង្គមកម្ពុជា

សេចក្ដីប្រកាសព័ត៌មាន ស្ដីពី
លទ្ធផលកិច្ចប្រជុំក្រុមប្រឹក្សាជាតិគាំពារសង្គម លើកទី១២

ទៅរៀនទទួលបានអាហារបរិភោគ ញ៉ាំឆ្អែត មានកម្លាំងរៀន ក្រោមកម្មវិធីផ្តល់អាហាតាមសាលារៀន តាមសាលាតំបន់ដាច់ស្រយាល, ខណៈសិស្សចំនួនជាង ៣០ម៉ឺននាក់ បានទទួលផល
---------------------------------
កម្មវិធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ បាន និងកំពុងត្រូវបានដាក់ឱ្យអនុវត្តតាមសាលារៀនគោលដៅចំនួន ១ ១១៤ ក្នុងតំបន់ដែលជីវភាពពលរដ្ឋនៅមានកម្រិត ក្នុងខេត្តចំនួន ១០ រួមមានខេត្តសៀមរាប កំពង់ធំ ព្រះវិហារ បាត់ដំបង ស្ទឹងត្រែង បន្ទាយមានជ័យ កំពង់ចាម កំពង់ឆ្នាំង ពោធិ៍សាត់ និងឧត្តរមានជ័យ។ កម្មវិធីនេះ អនុវត្តរួមគ្នាដោយរាជរដ្ឋាភិបាលកម្ពុជា និងកម្មវិធីស្បៀងអាហារពិភពលោកនេះ បានរួមចំណែកដ៏សំខាន់ក្នុងការកសាងមូលធនមនុស្ស តាមរយៈការផ្ដល់អាហារពេលព្រឹកដល់កុមារដែលជាសិស្សចំនួនជាង ៣០ម៉ឺននាក់ នៅតាមសាលាបឋមសិក្សាគោលដៅខាងលើ។
សូមទាញយកឯកសារតាមរយៈតំណនេះ៖ https://bit.ly/4aDU601
#គាំពារសង្គមកម្ពុជា

ថ្ងៃទី៣០ ខែកក្កដា ឆ្នាំ២០២៤, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម បានអញ្ជើញដឹកនាំកិច្ចប្រជុំក្រុមប្រឹក្សាជាតិគាំពារសង្គមលើកទី១២ ដោយមានការចូលរួមពី ឯកឧត្តម លោកជំទាវ ដែលជាអនុប្រធាន និងសមាជិកនៃក្រុមប្រឹក្សាជាតិគាំពារសង្គម ព្រមទាំងតំណាងក្រសួង-ស្ថាប័នពាក់ព័ន្ធ ដើម្បីពិនិត្យ និងសម្រេចលើ សេចក្ដីព្រាងគោលនយោបាយជាតិស្តីពីការផ្តល់អាហារតាមសាលារៀន, របាយការណ៍បិទបញ្ចប់កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩, និងវឌ្ឍនភាពនៃការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ។