| سەلەفی ئوممەت |

=

سفیان پێی وتین : (هەستن با بڕۆین بۆ لای أبو علي) .
جا ڕۆیشت بۆ لای الفضیل و وتی : (ئایا ناگەڕێیتەوە بۆ شوێنەکەی خۆت؟) .
الفضیل وتی : (ئێستا ڕۆژگاری یەکتربینین نییە) .

📚 #الورع_روایة_المروذي : (٢)

@salafyummat

١١ - المَروزي ئەڵێت : گوێبیستی أمية بن بسطام کوڕەمامی یزید بن زریع بووم وتی : (یزید ئیشی الخُوص ـی ئەکرد، لەو ماڵەشدا بوو) .
ئاماژەی بۆ ماڵێکی بچووک کرد لە مزگەوتەکەدا .
ــــــــــــ
: الخُوص بریتیە لەو جۆرە ئیشەی کە لە پەلەکانی گەڵای دارخورما شتی وەکو کڵاو و حەسیر و زەمبیلە دروست ئەکرێت .
یزید بن زریع رحمه الله ئەوە ئیشەکەی بووە و لە ماڵێکی هێندە بچووکدا ژیاوە لەگەڵ ئەوەشدا پێنسەد هەزاری میراتی باوکی وەرنەگرتووە چونکە باوکی والی شورتەکانی بەسڕە بووە .
کەسێکی وەکو یزید ئیش و ماڵەکەی ئەوە بێت کە باسکراوە موحتاجی ئەو پارە میراتیەی باوکی بووە سەرەڕای ئەوە هەر خۆیی لێ پاراستووە .

١٢ - المَروزي ئەڵێت : گوێبیستی أبو حفص کوڕی خوشکی بشر بووم وتی : گوێبیستی بشر بن الحارث بووم وتی : (پەنجا ساڵە تێرم نەخواردووە) .

١٣ - المَروزي ئەڵێت : أبو عبدالله وتی : (هیچ شتێک یەکسان ناکەم بە هەژاری، من دڵخۆش ئەبم ئەگەر هیچم پێ نەبێت .
من ڕۆژ و شەو ئاواتی مردن ئەخوازم، ئەترسم لەوەی لە دنیادا تووشی فیتنە بم، مسروق ئەڵێت : (باشترین شوێنی ئیماندار گۆڕەکەیەتی)) .

١٤ - المَروزي ئەڵێت : گوێبیستی أبو بکر بن مسلم بووم وتی : (مەبەست لە دنیا چییە؟ ئەگەر بۆ لەززەت و خۆشی بێت ئەوە نە دنیا و نە ئەهلەکەشی نەئەبوون، بەڵکو مەبەست پێی ئەوەیە کە ئەهلەکەی تیایدا گوێڕایەڵی بکەن) .

١٥ - المَروزي ئەڵێت : گوێبیستی محمد بن إدریس الأنباري بووم وتی : گوێبیستی بشر بن الحارث بووم وتی : (پیاو نابێت لەمڕۆدا خۆی لە حەڵاڵ تێر بکات، چونکە ئەگەر خۆی بە حەڵاڵ تێر بکات ئەوە نەفسی بانگی ئەکات بۆ لای حەرام، ئەی چجای بە ئەم پیسیانەی ئەمڕۆ؟!) .
ــــــــــــــ
: لە ئەثەرێکی تردا مەبەستەکەی ڕوون ئەبێتەوە، مەبەستی ئەوەیە پیاو ئەبێت لە نێوان خۆی و شتە حەرامەکاندا بەربەستێک دابنێت بە شتە حەڵاڵەکان، بۆ ئەوەی هەمیشە لە نێوان خۆی و حەرامەکاندا شتی حەڵاڵ هەبێت، وە وەرعی هەبێت و هەموو شتە حەڵاڵەکان ئەنجام نەدات بۆ ئەوەی ئەو بەربەستە هەر بمێنێت، والله أعلم .

١٦ - المَروزي ئەڵێت : گوێبیستی مثنی الأنباري بووم وتی : گوێبیستی بشر بن الحارث بووم وتی : (پێویستە پیاو ئەگەر شتێکی حەڵاڵی لابوو ئەوە بەهێز و بەرزی بکاتەوە، وە بیپارێزێت لە ئەم پیسیانە - واتە شتە حەرامەکان - ) .

١٧ - المَروزي ئەڵێت : گوێبیستی أبو عبدالله أحمد بن حنبل بووم وتی : (خزمەتکارێکی إبن المبارک ـم لابوو، لە إبن المبارک ـەوە گێڕایەوە وتوویەتی : الأمر - مەبەستی دین و زوهد و وەرعە - ئەوەبوو کە داود الطائي ـی لەسەر بوو) .
ــــــــــــــ
- إسحاق السلولي ئەڵێت : أم سعید بۆی گێڕامەوە وتی : (لە نێوان ئێمە و داود الطائي ـدا دیوارێکی نزم هەبوو، من بە درێژایی شەو گوێبیستی نرکە و ناڵە و گریانی ئەبووم، هێور نەئەبوویەوە) .

- حفص الجعفي ئەڵێت : (داود الطائي لە دایکیەوە چوارسەد درهەمی بە میراتی بۆ مایەوە، سی ساڵ پێی ژیا) .

- کاتێک لە نوێژی جەماعەت سەلامی بدایەتەوە یەکسەر ئەڕۆشتەوە بۆ ماڵەوە، پیاوێک پێی وت : وەسیەتم بۆ بکە .
ئەویش وتی : (تەقوای الله ـت هەبێت، وە لەگەڵ دایکوباوکت باش بە، وە دنیا بکە بە ڕۆژووگرتن و با ڕۆژوو شکاندنەکەت مردن بێت، وە لە خەڵکی دوور بکەوەرەوە بەبێ جیابوونەوە لە کۆمەڵەکەیان) .
ـــــــــــــــــ
: وتەی (وە دنیا بکە بە ڕۆژووگرتن و با ڕۆژوو شکاندنەکەت مردن بێت) .
واتە چێژەکانی دنیا بەشێوەیەک وەلا بنێ وەک بڵێیت لە تەواوی ژیانی دنیاییتدا بەڕۆژوو بیت و مردن ببێت بە ڕۆژوو شکاندنت بۆ چێژبینین .

١٨ - المَروزي ئەڵێت : گوێبیستی أبو عبدالله بووم باسی وەرعی إبن المبارک ـی کرد و وتی : (الله عز وجل بە شتێکی ئاوا - واتە بە وەرعەکەی - بەرزی کردەوە) .

١٩ - المَروزي ئەڵێت : أبو عبدالله باسی عیسی بن یونس ـی کرد و وتی : (هاتە - بغداد -، فەرمانکرا سەد هەزاری پێ بدرێت، بەڵام قبووڵی نەکرد، ئایا ئەزانیت عیسی ئەوکاتە چەند ساڵ ئەبوو؟!) .
مەبەستی ئەوەبوو کە گەنج بوو .
ــــــــــــــ
: مەبەستی ئیمام أحمد ئەوەیە لەو تەمەنە گەنجیەدا کە ئینسان حەز و هیوای زۆر شتی هەیە ئەو پارە زۆرەی پێ دراوە بەڵام قبووڵی نەکردووە .
وە عیسی بە نۆرە ساڵێک لە جیهاد و ساڵێک ـیش لە حەج بووە .
وە لەگەڵ ئەوەشدا زانا و فەرموودەوان و فەقیهــ بووە .
کاتێک سەردانی سفیان بن عیینة ئەکات سفیان پێی ئەڵێت : (مەرحەبا لە فەقیهــ ـی کوڕی فەقیهـ ـی کوڕی فەقیهـ) .
چونکە عیسی کوڕی یونس و کوڕەزای أبو إسحاق السبیعي ـیە کە هەرسێکیان زانان .
وە حرب بن إسماعیل الکرماني ئەڵێت : پرسیاری عیسی لە علي بن المدیني کرا، وتی : (بَخ بَخ، ثِقة ـە، مأمون ـە) .

٢٠ - المَروزي ئەڵێت : گوێبیستی إبن أبي عمر العدني بووم ئاماژەی بۆ شوێنێک لە مسجد الحرام کرد و وتی : (الفضیل و إبن عیينة دائەنیشتن لەوێ، کاتێک سفیان هات الفضيل خۆی دوور گرت و لەماڵەکەی دانیشت .

=

@salafyummat

@salafyummat

الحَمدُلِلَّهِ الَّذي بِنِعمَتِهِ تَتِمُّ الصَّالِحَات

- پوختەی کتێبی (السُّنَّة لـ الإمَام أَبو بَکر أَحمَد بن مُحمد بن هارون الخَلَّال ٣١١ هـ رَحِمَهُ الله) .

https://workupload.com/file/PE7qQpH8EVG

@salafyummat

=

جا خەڵکی نزیک بوونەوە و شانیان نا بە شانی یەکەوە، پیاوێک وتی : ئایا فراوانی بکەین بۆ فریشتەکان یان خەڵکی؟
فەرمووی : (بۆ فریشتەکان، ئەوان کاتێک لەگەڵتاندان لە پێش و دواوەتانەوە نین، بەڵکو لەلای چەپ و ڕاستانەوەن) .
وتیان : بۆچی لە پێشمان یان پاشمانەوە نابن، ئایا بەهۆی فەزڵی ئێمە بەسەریانەوە، یان فەزڵی ئەوان بەسەرمانەوە؟
فەرمووی : (بەڵێ، ئێوە باشترن لە فریشتەکان) .

کۆتا پۆست لە #السنة_للخلال (١١٢)

@salafyummat

=

باب : (٤٧)
ئاگاداری دان لە زانستی الکلام و ئەهلەکەی

٢٣٩٨ - المروذي وتی : گوێبیستی أبو عبدالله بووم وتی : (هەرکەسێک تێکەڵی الکلام بێت سەرفراز نابێت، هەرکەسێک خووبداتە الکلام خاڵی نابێت لەوەی تووشی جەهمیەت نەبێت) .
وە گوێبیستی بووم وتی : (قسە ناکەم ئیللا بە شتێک نەبێت کە لە قورئان یان سوننەت یاخود لە هاوەڵان و تابیعینەوە نەبێت، وە جگە لەوە قسەکردن پێی باش نییە) .

٢٣٩٩ - حنبل وتی : گوێبیستی أبو عبدالله بووم وتی : (هەرکەسێک کەیفی بە الکلام بێت سەرفراز نابێت، کۆتایی قسە و دینەکەیان باش نابێت) .
وە گوێبیستی بووم وتی : (پەیوەست بن بە سوننەت و فەرموودە، وە ئاگاداری دەمەدەمێکردن و ڕۆچوون بن، چونکە ئەوەی حەزی لە الکلام بێت سەرفراز نابێت) .
وە پێی وتم : (لەگەڵیان دامەنیشە و قسە لەگەڵ هیچکامێکیان مەکە، گەیشتین بە خەڵکی نەیانئەزانی ئەمە چییە، وە خۆیان لە هاوەڵانی الکلام بەدوور ئەگرت، چارەنووسی الکلام بەرەو خێر و باشە نییە) .
وە گوێبیستی بووم وتی : (هیچ کەسێکم نەبینیوە بەدوای الکلام ـەوە بووبێت و حەزی پێ کردبێت و سەرفراز بووبێت، چونکە ئەیگەیەنێت بە قسەیەکی گەورە، لەم ڕۆژانەدا بە کۆمەڵە قسەیانێکیان کرد و بەڵگەیان بە شتێک هێنایەوە دڵم هێندە بەهێز نییە و زمانیشم ناتوانێت بیگێڕێتەوە) .

٢٤٠٠ - أحمد بن أصرم المزني وتی : ئامادە بووم لەلای أحمد بن حنبل کە الهمداني پێی وت : من جار جار وەڵامیان ئەدەمەوە .
أحمد وتی : (دەمەدەمێ و جیدال پێویست نییە) .
أحمد چوویە مزگەوتەوە و نوێژی کرد، کاتێک نوێژی سوننەتی کرد وتی : (تۆ عباس ـیت؟) .
وتی : بەڵێ .
أحمد وتی : (لە الله بترسە، پێویست ناکات خۆت تەرخان بکەیت و بەناوبانگ بیت بە الکلام، وە بە نووسینی کتێب، ئەگەر ئەمانە باش بوویانە ئەوە هاوەڵان رضي الله عنهم پێشمان ئەکەوتن بۆی، هیچ شتێکم نەبینیوە ئا لەم کتێبانە - واتە هی الکلام -، ئەمانە هەمووی بیدعەیە) .
وتی : لێت قبووڵکراوە ئەی أبو عبدالله، داوای لێخۆشبوون لە الله ئەکەم و ئەگەڕێمەوە بۆ لای، من بەدوایانەوە نیم و تەقە نادەم لە دەرگاکانیان، بەڵکو ئەبینم قسە ئەکەن بە الکلام و کەس وەڵامیان ناداتەوە، منیش خەفەت ئەخۆم و ئارام ناگرم ڕەددیان نەدەمەوە .
أحمد چەند جارێک پێی وت : (ئەگەر کەسێک بە نیەتی ڕێنمونی هات ڕێنمونی بکە) .

٢٤٠١ - أبو الحارث وتی : پرسیارم کرد لە أبو عبدالله وتم : لێرە کەسانێکی لێیە موناقەشە ئەکەن لەگەڵ جەهمیەکاندا و ئەچنە ناو وردەکاری بابەتەکانەوە لەگەڵیاندا، بۆچوونت چییە؟
وتی : (قسەکردنم پێ باش نییە لە هیچ یەکێک لەم هەوا و ئارەزوویانەدا، وە پێم باش نییە هیچ کەسێک دەمەدەمێیان موناقەشەیان لەگەڵدا بکات، ئایا معاویة بن قرة ناڵێت : (دەمەدەمێکردن کاروکردەوە پووچەڵ ئەکاتەوە؟) .
الکلام خراپ و پیسە، سەرناکێشێت بۆ شتێکی باش، خۆتان بەدوور بگرن لە ئەهلی جیدال و الکلام، وە دەست بگرن بە سوننەت و ئەوەی زانایانی پێش خۆتان لەسەری بوون، ئەوان ڕقیان لە الکلام و ڕۆچوون لەگەڵ بیدعەچیەکاندا بوو، بەڕاستی سەلامەتی لە وازهێنانیدایە، فەرمانمان پێ نەکراوە بە دەمە دەمە و جیدال، ئەگەر کەسێکتان بینی حەزی لە الکلام بوو ئاگاداری بن) .

٢٤٠٢ - أبو عمران موسی الأصبهاني وتی : (دامەنیشە لەگەڵ هاوەڵانی الکلام ـدا ئەگەرچی بەرگری لە سوننەتیش بکەن) .

٢٤٠٣ - المیموني وتی : گوێبیستی أحمد بن حنبل بووم وتی : (لەلای ئەهلی خێر و چاکە الکلام شتێکی خراپی لانەبردووە) .

٢٤٠٤ - أبو الحارث وتی : أبو عبدالله وتی : (دانانی کتێب بەهیلاکی بردن، وازیان لە ئاثارەکانی رسول الله ﷺ هێنا و ڕوویانکردە الکلام) .

٢٤٠٥ - أبو داود السجستاني وتی : گوێبیستی أبو ثور بووم وتی : الشافعي پێی وتم : (ئەی أبو ثور، هیچ کەسێکم نەبینیوە خویدابێتە الکلام و سەفرازبووبێت) .

٢٤٠٦ - أبو الحارث وتی : أبو عبدالله وتی : أيوب السختیاني وتی : (کاتێک یەکێکیان دەرچوو - واتە لە دین - ئەوە ناگەڕێتەوە ناوی) .


باب : (٤٨)
الجامع

٢٤٠٧ - عبدالله بن عمرو رضي الله عنه وتی : پرسیار کرا لە رسول الله ﷺ : زەوی لەسەر چییە؟
فەرمووی : (زەویەکان لەسەر ئاون) .

٢٤٠٨  - أحمد بن الصباح الکندي وتی : پرسیارم کرد لە أحمد بن حنبل : چەندە ماوەی نێوان ئێمە و عەرشی پەروەردگارمان؟
وتی : (دوعای موسوڵمانێک الله وەڵامی دوعاکەی بداتەوە) .

٢٤٠٩ - میسرة دەربارەی فەرمایشتی الله عز وجل | وَقَرَّبۡنَـٰهُ نَجِیًّا | (مَرۡيَم : ٥٢) .
وتی : (نزیک کرایەوە هەتا گوێی لە دەنگی قەڵەمەکە بوو لەسەر لەوحەکان) .

٢٤١١ - أبو هریرة رضي الله عنه وتی : رسول الله ﷺ وتاری بۆ داین - چەند قسەیەکی کرد و لە کۆتاییەکەیدا وتی - (نزیک ببەنەوە، وە بۆ پاش خۆتانی فراوان بکەن) .

=

باب : (٤٥)
ئاگاداری دان لەو کەسەی لەگەڵ بیدعەچیەکاندا ڕێ ئەکات

٢٣٧٩ - رسول الله ﷺ فەرمووی : (پیاو لەسەر دینی هاوڕێکەیەتی، جا هەریەکێکتان تەماشا بکەن بزانن هاوڕێیەتی کێ ئەکەن) .

٢٣٨٠ - خصيف الجزري وتی : (شایەتی ئەدەم لە تەوراتدا نووسرابوو : ئەی موسی، دامەنیشە لەگەڵ هەوا و ئارەزووبازاندا دڵت لێ خراپ بکەن بە شتێک کە وێرانی ئەکات و بەوهۆیەوە بچیتە جەهەننەمەوە) .

٢٣٨١ - عبدالله بن مسعود رضي الله عنه ئەفەرمووێت : (خەڵکی هەڵبسەنگێنن بە هاوڕێکانیان، چونکە پیاو هاوڕێیەتی کەسێک ناکات پێی سەرسام نەبێت) .

٢٣٨٢ - أبو قلابة وتی : أبو الدرداء رضي الله عنه فەرمووی : (ڕێکردن و چوونەژوورەوە و هاتنەدەرەوەی پیاو لە تێگەیشتن و فیقهـ ـی پیاوە) .
أبو قلابة وتی : (شاعیر ئەڵێت :
پرسیار مەکە دەربارەی پیاو بەڵکو تەماشای هاوڕێکەی بکە * چونکە هاوڕێ شوێن هاوڕێیەکەی ئەکەوێت) .

٢٣٨٣ - محمد بن النضر الحارثي وتی : (الله عز وجل وەحی کرد بۆ موسی : چاوکراوە و ئاگادار بە، وە هاوڕێیانێک بۆ خۆت بدۆزەرەوە، وە هەر هاوڕێیەک یارمەتیدەرت نەبێت بۆ ڕەزامەندی من ئەوە هاوەڵایەتی مەکە، چونکە ئەوە دوژمنی تۆیە و دڵت توند ئەکات) .

٢٣٨٤ - الأعمش وتی : (پاش سێ شت پرسیاریان دەربارەی پیاو نەئەکرد : ڕێکردنی، چوونەژوورەوەی، وە هۆگری بۆ خەڵکی) .
ــــــــــــ
: واتە ئەگەر کەسێکیان ببینیایە لەگەڵ کێدا ڕێئەکات، وە ئەڕواتە ماڵی کێوە، وە هۆگری کێیە ئیدی پرسیاریان لەبارەوە نەکرد و بە ئەوەندە حاڵیان بۆ دەرئەکەوت .

٢٣٨٥ - الأوزاعي وتی : (هەرکەسێک بیدعەکەیمان لێ بشارێتەوە ئەوە هۆگری و خۆشەویستیەکەیمان لێ ناشارێتەوە) .

٢٣٨٦ - یحیی بن سعید القطان وتی : کاتێک سفیان هاتە بەسڕەوە تەماشای بارودۆخی الربیع بن صبیح ـی و پێگەی لەلای خەڵکی کرد .
وتی : (ڕێباز و بۆچوونی چییە؟) .
وتیان : ڕێبازی هەر سوننەتە .
وتی : (هاوڕێیانی کێن؟) .
وتیان : قەدەریەکان .
وتی : (دەی ئەویش قەدەریە) .

٢٣٨٧ - مبشر بن إسماعیل الحبلي وتی : وترا بە الأوزاعي : پیاوێک ئەڵێت من لەگەڵ ئەهلی سوننە دائەنیشم، وە لەگەڵ بیدعەچیەکانیش .
وتی : (ئەم پیاوە ئەیەوێت حەق و باتڵ یەکسان بکات بە یەک) .

٢٣٨٨ - سوید وتی : عبدالرحمن بن مهدي باسی هەندێک لە سۆفیەکانی کرد و وتی : (لەگەڵیان دامەنیشن، وە لەگەڵ هاوەڵانی کەلامیشدا، پەیوەست بن بە هاوەڵی دەفتەرەکانەوە، چونکە ئەوان وەکو خاوەن کانزاکان وان، وەکو ئەو مەلەوانەن کە ئەمیان مرواری دەرئەکات، وە ئەمی دیکەشیان پارچەیەک زێڕ) .

٢٣٨٩ - أبو عبدالله وتی : (ثور هات بۆ مەدینە، بە مالک وترا : ئایا نایەیت بۆ لای؟
وتی : (کۆنابینەوە لەگەڵ بیدعەچیەکدا لە مزگەوتی رسول الله ﷺ) .
ــــــــــــــ
: مەبەستی ثور بن یزید ـە کە تۆمەتبارکراوە بە قەدەری بوون .

٢٣٩٠ - هشام وتی : أیوب السختیاني بانگکرا بۆ شۆردنی مردوویەک، ئەویش لەگەڵ خەڵکیدا دەرچوو، کاتێک ڕووی مردووەکە دەرکەوت ناسیەوە .
وتی : (وەرن بەدەم هاوڕێکەی خۆتانەوە، من نایشۆم، بینیم لەگەڵ خاوەن هەوا و ئارەزوویەکدا ڕێی ئەکرد) .

٢٣٩١ - محمد بن سیرین وتی : (خێراترینی خەڵکی بۆ مورتەدبوونەوە ئەهلی هەوا و ئارەزوون) .
وە بۆچوونی وابوو ئەم ئایەتە دەربارەی ئەوان دابەزیبێت : | وَإِذَا رَأَیۡتَ ٱلَّذِینَ یَخُوضُونَ فِیۤ ءَایَـٰتِنَا فَأَعۡرِضۡ عَنۡهُمۡ حَتَّىٰ یَخُوضُوا۟ فِی حَدِیثٍ غَیۡرِهِۦۚ | (الأَنۡعَام : ٦٨) .


باب : (٤٦)
ئاگاداری دان دەربارەی دەمەدەمێکردن لە دیندا

٢٣٩٢ - الحارث العکلي وتی : (ئەگەر دوو کەس دانیشتن دەمە دەمێیان کرد لە دیندا ئەوە بابزانن لە بابەتێکی بیدعەدان هەتا جیا ئەبنەوە لە یەکتری) .

٢٣٩٣ - جعفر بن محمد وتی : (ئاگاداری دەمەدەمێکردن بن لە دیندا، چونکە ئەبێتە هۆی دووڕوویی) .

٢٣٩٤ - عمر بن عبدالعزیز وتی : (ئەگەر گوێبیستی دەمەدەمێکردن بوویت ئەوە تۆ دەمت بگرەرەوە) .

٢٣٩٥ - السیاري وتی : (بینیم الأصمعی بۆچوونی وابوو کە دەمەدەمێکەرەکان زەندیقن) .

٢٣٩٦ - أبو عبدالله وتی : (پەیوەست بن بە سوننەت و فەرموودە و ئەوەی بەسوودە بۆتان، وە ئاگاداری ڕۆچوون و دەمەدەمێ بن، چونکە ئەوەی حەزی لە الکلام بێت سەرفراز نابێت، وە هەرکەسێک قسەیەک دابهێنێت کۆتایی دینەکەی ئیللا بەرەو بیدعەیە، چونکە الکلام سەر بۆ خێر و چاکە ناکێشێت، وە حەزم لە الکلام نییە، وە حەزم لە ڕۆچوون و دەمە دەمێش نییە .
پەیوەست بن بە سوننەتەکان و ئاثارەکان و ئەو فیقهەی کە سوودی هەیە بۆتان، وە واز لە دەمەدەمێ و قسەی ئەهلی لادان بن، گەیشتین بە خەڵکی نەیانئەزانی ئەمانە چییە، وە خۆیان بەدوور ئەگرت لە ئەهلی الکلام، وە عاقیبەت و چارەنووسی ئەهلی الکلام بەرەو باش ناچێت .
الله ئێمە و ئێوەش پەنا بدات لە فیتنە، وە سەلامەتمان بکات لە هەموو بەهیلاکچوونێک) .

=