نسَّاي

إبحر بـ موج المفارق و أرفع الذكرى شراع
وأعذر رياح الحنين .. إن هزّت عزوم السفينه

وعزمي مثل عزم الكسير اللي يعنِّز له كسير
‏ويحس بـ إحساسه وبـ آلامه و يضلع ضلعتَه"

السلام عليكم ورحمة الله وبركاته
مساء الخير ، شلونكم يا الربع أما زلتم هنا ؟

‏"أنا النسَّاي يا أقسى جروح البال أنا النسَّاي
‏ولكن الحنين أكبر .. من النسيان والصدّة"

ضحايا المعارك موت شعب وخراب أوطان
‏و ضحايا الهوى لا عاشوا أهله .. ولا ماتوا

"مثل راحه يدينٍ صافحت قبلك نسيج الصوف
‏عشان تحس وش معنى الدفا لا مدَّت شعوره"

لي أكثر من ثلاث سنين أفتّش والعروق سهاف
على مد النظر سيلٍ قراح .. و رشفته نقمه

تجمّع فيني إحساس الأمان ورجفة الخوّاف
وصبر المؤمنين و ميلة المرتدّ .. عن سلمه

"يفزّ العشب من صحرا لها جاب البدو طاريك
‏ومن يقدر يلوم أرضٍ وطيتيها لو أخضرّت"

‏أشوف بـ وارف أهدابك ضياع وعاشقٍ رحّال
‏قضى عمره يدوّر في غياهب رمشك المنفى

"‏زدني محبه بـ الحياة اللي مجاهدها كليف
وإمسك يدي وأبيك تهديني على دربٍ سوي"

خير الدعاء دعاء يوم عرفة ، وخير ما قلت أنا
‏والنبيون من قبلي : لَا إله إِلا الله وحده لا شريك
‏له ، له الملك وله الحمد وهو على كل شيءٍ قدير

إلَهي و أنا عبدك و أدل السنع وأضيع
ولا غيرك المدعي ولا غيرك المعني

أنا أعوذ بك من ضيعةٍ ما لها ترقيع
إلى ضاعوا أهل المعرفة .. لا تضيّعني

من اللي يقول إن الفضا والبلاد وسيع
أنا لي سنة و الأرض ماهيب توسعني

و يا طير يا اللي لك فـ كبد السماء تشليع
أمانه عليك تطيع لا قلت لك طعني

خذني معك في رحلةٍ ما لها تشريع
على وين ؟ ما تفرق .. لكن لا ترجعني

شتاتي كبير وصمتي أفضل من التسميع
ولا كل مـا قالوا لـي النـاس .. يقنـعني

إبحر بـ موج المفارق و أرفع الذكرى شراع
وأعذر رياح الحنين .. إن هزّت عزوم السفينه

كبّروا لِيبلغ تكبيركم عنان السماء
‏كبّروا فإن اللّٰه عظيمٌ يستحق الثّناء