بغيت نهدر على حاجة لي راهي بزااف في مواقع التواصل الاجتماعي وهي قلة الاحترام من طرف بعض الأطباء
حبيت نقولكم برك وين حابين توصلو بيها ؟؟ اسكو راكم تشوفو رواحكم في وضع يسمح انو تبقاو لاتيين ببعضكم و تكلاشيو بعض لي يحط بيب و لي يقلبلو ووتولي معمعة ركزو على اهدافكم ماتقلبوش زملاءكم هما الهدف ..اذا نتوم بين بعض ماكنتوش متضامين ومحترمين بعض شكون رح يضامن معاكم و يحترمكم ؟؟ الشعب؟؟ لي روحو برك شوفو تعليقاتهم و لي ديما ضدكم و جامي يوقف معاكم ...
مله اتقو الله في واش راكم تكتبو !! ماتنساوش كلمة تقولها لا تلقي لها بالا تهوي بك سبعين خريفا في جهنم ..كلامك و يديك لي كتبت رح تشهد عليك !! خمم قبل ما تهدر لا هدرتي هذي ترضي الله قبل العباد ولا لا ؟؟
علابالي الضغط و الشحنة ووكلش كامل رانا عايشينها لكن ولا سبب يعذرك انك تقول كلام جارح ولا تقلل من قيمة زميلك ولا ..انتبهو ..ولا الواحد يخاف يهدر لاه وين رانا !!
من اخلاقيات المهنة اكم قريتوها احترام الزميل و الدفاع عنه في مواقف ..هذي لا عدت طبيب لازمة عليك ...
وثاني ماتقبلوش على انفسكم الموضع هذاا!! لأنو قيمتك نتا تطيح قبل قيمة لي راك تقولو فلكلام هذا لذا أعزو انفسكم وترفعو !
كان لازم ندير التذكير هذا لأنو وش راني نشوف مهوش طبيعي و ربي يهدينا لاحسن الكلام هذا مكان..بالتوفيق و ان شاء الله يتحققو المطالب اكل والناس اكل ترضا ماتتقلقوش بشوي برك على أنفسكم وعلى الآخرين ❤️✨