Qur'oni Karim oyatlari

Бир киши бир олимдан таҳорат ҳақида сўради ва олим унга шундай жавоб берди:

"Жисмингдан олдин қалбингни ва қўлингдан аввал тилингни покла ва одамлар ҳақида гумонингни яхши қил.
Ақлинг ва кўзларинг бўла туриб одамларга қулоқларинг билан қарама."

Ва ундан кейин жисмнинг таҳорати ҳақида жавоб берди.

Банда ўзини ўзгартирса, итоатсизликдан воз кесиб тоат йўлига юрса, Аллоҳ таоло у учун бериладиган жазони офиятга, хорликни иззатга ўзгартиради.

Ибн Қаййим раҳимаҳуллоҳ.

Ёки бир зот (Узайр пайғамбар) ҳақидаги масални (билмадингизмики), у зот томлари йиқилиб ҳувиллаб қолган бир қишлоқдан ўтаркан: «Аллоҳ бу хароб бўлган қишлоқни қандай тирилтирар экан-а?» деди. Шунда Аллоҳ уни юз йил муддатга ўлдирди. Сўнгра тирилтириб сўради: «Қанча муддат (ўлик ҳолда) турдинг?» «Бир кун ё ярим кун», деди у. Аллоҳ деди: «Йўқ, юз йил турдинг. Таом ва ичимлигингга қара — бузилган эмас. Энди эшагингни (чириб, суяклари ажраб кетганини) кўргин. (Бу ҳодисани Аллоҳнинг қудратини кўрсатиш) ва сени одамлар учун оят — ибрат қилиш учун (келтирдик). Бу суякларни қандай тиклаб, сўнг уларни гўшт билан қоплашимизни кўргин». Қачонки унга бу нарсалар аниқ кўрингач: «Албатта, Аллоҳ ҳамма нарсага қодир эканини биламан», деди.
Бақара , 259.
_____

Битта дарс учун юз йил керак бўлди. Бундан чиқади, илм учун бутун умр берилса ҳам арзир экан!

🌙 @QuroniKarim_oyatlari 🌙

https://youtu.be/MaN9UOM-bp0?si=WhucvBppdGDKkyoJ

Умид қиламизки, буни бепарво ўткизиб юбормайсиз.

* Таҳорат гуноҳлар кечирилишига сабаб бўлса

* намозга бориш учун қўйилган ҳар бир қадам бир гуноҳни ўчириб, бандани бир даража юқорига кўтарса

* намоз ўқиб бўлиб, кейинги намозни кутиш чегарани қўриқлашдек ажр бўлса

* намоз учун айтиладиган азон билан такбир орасидаги дуо рад этилмайдиган бўлса

* намоз ўқиб бўлиб жойида қолган киши учун фаришталар дуо қилиб турса

Энди намознинг ўзи (учун бериладиган ажр) ҳақида нима деб ўйлаш мумкин?!

🌙 @QuroniKarim_oyatlari 🌙

Аллоҳим, бизни турган вақтимизда ҳам, ўтирганда ҳам ва ётган ҳолимизда ҳам Исломда собит қадам қилгин. Душманларимизни ва ҳасадгўйларни бизга етган балолар билан хурсанд қилмагин. Аллоҳим, бизга яхши ишларни қилишга азму-қарор бергин. Бизга, нематларингга шукр қилишга тавфиқ ва ибодатларингга гўзал мудовамат бергин. Аллоҳим, бизга саломат қалб ва содиқ тил бергин. Эй қалбларни ўзгартирувчи Аллоҳим, бизнинг қалбимизни динингда сотиб қилгин. Аллоҳим, биз Сендан битмас неъматларни ва туганмас кўз қувончини сўраймиз. Карим Юзингга қараб лаззатланишни бизларга насиб этгин. Аллоҳим, биз Сендан, Ўзингга йўлиқишга бўлган шавқ ва завқ сўраймиз, лекин бу шавқ ҳаётдаги қийинчиликлардан қутилиш учун ёки дунёнинг адаштирувчи фитналарига алданиб қолишдан қўрққанимиз учун бўлмасин. Аллоҳим, биз Сендан қазои қадарингга розилик ва ўлимдан кейин яхши ҳаёт беришингни сўраймиз. Барча ҳамдлар оламларнинг Роббиси бўлган Аллоҳга хосдир. Саййидул башар бўлган пайғамбаримиз Муҳаммад саллаллоҳу алайҳи ва салламга, У зотнинг аҳлига, асҳобларига ва уларга яхшиликда эргашганларга Аллоҳнинг салавотлари ва саломлари бўлсин.

🌙 @QuroniKarim_oyatlari 🌙

🌙 @QuroniKarim_oyatlari 🌙

📚

Аллоҳни ёдга олиш.

Абдураҳмон Саъдий раҳимаҳуллоҳ айтадилар:
"Аллоҳ таоло ақлли инсонларни ҳар доим, турганда, ўтирганда ва ёнбошлаганда Аллоҳни ёдга оладиганлар, деб сифатлади. Бунинг ичига тил ва дил билан бўладиган зикр, Аллоҳни ёдга олишнинг барча турлари киради.
Намозни соғлом одам тик туриб ўқиши, касаллиги сабаб тура олмаса ўтириб ўқиши ва ёки ёнбошлаб ўқиши ҳам Аллоҳни ёдга олишга киради.
Аллоҳ таоло ақлли инсонларни еру осмонларнинг яратилиши ҳақида фикр юритиб, улардан нима мақсад қилинганига йўл топадилар деб сифатлаган.
Бу жумладан фикр юритиш, тафаккур қилиш Аллоҳни таниганлар, авлиёлар, Аллоҳнинг дўстларининг бир хислатлари, ҳамда тафаккурнинг ибодат ҳам экани чиқади. Аллоҳнинг дўстлари еру осмонлар ҳақида фикр қилганларида, уларнинг беҳуда яратилмаганини билиб шундай дейдилар:
"Парвардигоримиз буларни бекорга яратган эмассан, Сен Ўз буюклигинга ярашмаган нарсалардан поксан, балки, еру осмонларни ҳақ учун ҳақ билан, ҳақиқатни ўз ичига олган холда яратдинг".

Саъдий тафсири 161-бет

🌙 @QuroniKarim_oyatlari 🌙

📚
Тафаккур

﴿إِنَّ في خَلقِ السَّماواتِ وَالأَرضِ وَاختِلافِ اللَّيلِ وَالنَّهارِ لَآياتٍ لِأُولِي الأَلبابِ﴾ [آل عمران: ١٩٠]

Албатта, осмонлар ва Ернинг яралишида ҳамда кеча ва кундузнинг алмашиниб туришида ақл эгалари учун мўжизалар, оят-аломатлар бордир.
Оли Имрон , 190 .
_________

Бу оятларнинг тафсирида шайх Абдураҳмон Саъдий
раҳмтуллоҳи алайҳи қуйидагиларни айтганлар:
"Инсон коинотдаги мўжизалар оят-аломатларнинг саноғига ета олмайди, ҳатто уларнинг бир қисмини ҳам тўлиқ, қамровли била олмайди. Лекин хулоса қилиб шуларни айтиш мумкин;
Борлиқнинг буюклиги, бепаёнлиги, тартиб интизом билан ҳаракатланиши Яратувчисининг нақадар буюк зот, салтанати нақадар кенг, қудрати нақадар қамровли экани кўрсатади.
Борлиқнинг мустаҳкам, бежирим яратилиши, дақиқ ҳаракатланиши эса Аллоҳ таолонинг нақадар ҳикматли зот эканини, ҳар нарсани ўз жойига қўйганини, нақадар буюк илм соҳиби эканини кўрсатади.
Борлиқдаги инсонлар ва махлуқотлар манфаати учун яратилган нарсалар эса У зотнинг нақадар меҳрибон, эҳсон-яхшиликлари мўл, фазли-раҳмати барча учунлиги ва булар учун шукроналар қилиш лозимлигини кўрсатади

🌙 @QuroniKarim_oyatlari 🌙

“Айтинг: Барча шафоат-қўллаш ёлғиз Аллоҳникидир. Осмонлар ва ернинг подшоҳлиги ҳам Уникидир. Сўнгра (барчаларингиз) ёлғиз Унгагина қайтарилурсизлар”.
(Зумар сураси 44 оят).

🌙 @QuroniKarim_oyatlari 🌙

Бир донишманд айтади:

"Бир шахсни муқаддаслаштириш сабабли камситиш келиб чиқади. Кимнидир мақтсангиз, мақтов-санони бўрттирманг, акс ҳолда ғаразгўйлар учун сиз ҳурмат қилган шахсни пастга уришларига, ҳақорат қилишларига йўл очиб берасиз".

🌙 @QuroniKarim_oyatlari 🌙

Ҳар бир нарсанинг офати бор. Илмнинг офати унутиш, ибодатнинг офати дангасаликдир. Ақлининг офати эса ўзига бино қўйиш ва манмансирашдир.

🌙 @QuroniKarim_oyatlari 🌙

Жаннат аҳлининг энг қуйи даражаси.

Анас ибн Молик розияллоҳу анҳунинг ҳадиси: «Расулуллоҳ соллаллоҳу алайҳи ва саллам айтдилар: «Аллоҳ Қиёмат куни одамларни жамлайди. Улар (бу ерда кўп туриб қолганликлари учун) «Раббимиздан ёрдам сўрасак, бу ўрнимиздан (ундаги даҳшатли кутиш машаққатидан) қутқарармиди…» дейишади. Кейин Одамнинг олдига бориб, «Сиз Аллоҳ Ўз қўли билан яратган, Ўз руҳидан пуфлаган, фаришталарга буюрган – улар сизга сажда қилган кишисиз. Шундай экан, Раббимизнинг ҳузурида бизни шафоат қилинг (бу ҳолатимиздан қутқарсин)», деб айтишади. У: «Сизларнинг (шафоат истаган) мақомингизда эмасман (бунга имконим йўқ)», деб ўзининг хатосини зикр қилади ва «Аллоҳ жўнатган биринчи расул – Нуҳнинг олдига боринглар», дейди. Унинг олдига боришади (ва шафоат қилишини сўрашади). У ҳам: «Сизлар (истаган) мақомда эмасман», деб ўзининг хатосини айтади ва «Аллоҳ ўзига халил қилиб олган Иброҳимнинг олдига боринглар», дейди. Унинг олдига боришади. У ҳам: «Сизлар (истаган) мақомда эмасман», деб ўзининг хатосини тилга олади ва «Аллоҳ (бевосита) гаплашган Мусонинг олдига боринглар», дейди. Унинг олдига боришади. У ҳам: «Сизлар (истаган) мақомда эмасман», деб ўзининг хатосини айтади ва «Ийсонинг олдига боринглар», дейди. Унинг олдига боришади. У ҳам: «Сизлар (истаган) мақомда эмасман. Муҳаммад соллаллоҳу алайҳи ва салламнинг олдига боринглар. Унинг олдинги ва кейинги гуноҳлари мағфират қилинган», дейди. Улар менинг олдимга келишади. Шунда мен Раббим ҳузурига изн сўрайман. Уни кўрганимда саждага йиқиламан. Аллоҳ Ўзи хоҳлаганча мени шундай қолдиради. Кейин: «Бошингни кўтар. Сўра, сўраганинг берилади; гапир, тингланади; шафоат қил, шафоатинг қабул этилади», дейилади. Бошимни кўтариб, Раббимга (ўша куни) менга ўргатадиган мақтовлар билан ҳамд айтаман. Кейин шафоат сўрайман. Менга муайян миқдорни белгилаб беради. Кейин уларни дўзахдан олиб чиқиб жаннатга киритаман. Кейин қайтиб, худди шу йўсинда, учинчи ёки тўртинчи (марта) саждага йиқиламан. Охири дўзахда Қуръон ушлаб қолганларгина (у ерда абадий қолишини хабар берган кишиларгина) қолади».

Бухорий (6565), Муслим (193/363).

🌙 @QuroniKarim_oyatlari 🌙

Зиёвуддин Рахим ёзяптилар: “Негадир жума кунлари хаёлимга “Табрик йўлловчи уммат” бирикмаси келадиган бўлиб қолибди”.
Рости ҳам шу, диний тушунча жуда саёзлашиб кетти. Кўпчилигимизда дин деганда: жума куни билан табриклаш, телеграмдан гурухларга хар хил маърузалар, нашидлар юбориш тушунилади. Диний илм олишга қизиқмай қўйилди, фонига мусиқа қўйилган, аксари тўқима ривоятлардан иборат олди-қочди савиясиз “маъруза”ларни шу Дин экан деб қабул қилиняпти.
Ақийда, фиқх илмлари хақида умуман тушунча йўқ, Тавхид билан Тажвидни фарқига борилмайди.
Бу холатга каттаю кичик барчамиз айбдормиз. Аллох бизга раҳим қилиб, Ўзи холимизни ислох қилсин!

🌙 @QuroniKarim_oyatlari 🌙

🌙 @QuroniKarim_oyatlari 🌙

🌙 @QuroniKarim_oyatlari 🌙

🌙 @QuroniKarim_oyatlari 🌙