Ошиқ ҳам бўлмайликми...

@hurtatr_8

بِسْـــــــــــــــمِ اللّٰهِ الرَّ حْمَنِ الرَّ حِيم..
- Ёзиқларни қалбингиз ила ўқинг (ўқимасангиз бу ер сиз учун эмас, саҳифани тарк этинг!)
- Аллоҳ гўзал ва ҳайрли якун насиб этсин. امي
Манба кўрсатиш шарт эмас _ Мулк Аллоҳникидир ✍

П/С : 12-08-2024

Ошиқ ҳам бўлмайликми...

23 Oct, 08:20

Ей Муслима опа-синглим унутмангки, одам қариган чоғида кўз нурлари камайиб, кўриш қобилияти пасаяди ва мушафдан Қуръон ўқиш анча қийин бўлиб қолади. Aна шу вақтда у қалбида сақлаётган нарсаларини (ёшлигида ёд олган оятларни) ҳазина сифатида топиб, намозларида қироат қилади. кимда ким Қуръондан бирор нарса ўрганмаган бўлса, демак у қариган чоғида энг катта пушаймонликни топади.
------------------
Суфён ибн Уяйна айтадилар:
"Aллоҳга қасамки, сизга Aллоҳдан кўра маҳбуброқ нарса йўқ бўлмагунча бу ишнинг чўққисига йетмайсиз. Ким Қуръонни яхши кўрса, Aллоҳ уни яхши кўрибди".

Ошиқ ҳам бўлмайликми...

23 Oct, 06:10

"Одам ўзи учун ҳам яшаши керак" деганда баъзилар фақат вақтида дам олиш, санаторияга бориш, яхши кийим, таом, маскан ва маркабни аввало ўзига раво кўришни тушунади. Бу Охиратдан умиди бўлмаганларнинг тушунчаси.

Мусулмон киши ўзи учун яшаши деганда аввало ибодатларни вақтида гўзал суратда адо этишни, устидаги ҳақларни ўташни, хайрли ва солиҳ амалларни кўпроқ қилиб боришни тушунаркан. Чунки нариги дунёга борганда шундан бошқа нарсалар унга ёрдам бермайди. Болам-чақам, тирикчилик деб ибодатларини зоеъ қилганлар, зиммасидаги ҳақларни ўтамаганлар, солиҳ амалларни бой берганлар минг роҳат-фароғатда яшаб ўтган бўлса ҳам ўзи учун яшамаган бўлади.

Ошиқ ҳам бўлмайликми...

23 Oct, 05:04

Ҳар бир маҳзунлик ортида айтилмаган ҳикоя бор...

Ошиқ ҳам бўлмайликми...

23 Oct, 05:03

—Жисмоний машқлар пайтида ўзингизни заиф ҳис қилишингиз мумкин, аслида эса, улар сизни кучли қилаётган бўлади.
—Тавба сизни гуноҳкорларнинг энг ёмони каби ҳис қилишингизга мажбур қилади, аслида эса у сизни поклаётган бўлади.
—Бирор янги нарсани ўрганаётганингизда ўзингизни ҳеч нарса билмайдигандек ҳис қиласиз, аслида бу нарсалар сизни доно қилаётган бўлади.
—Яхшилик, эҳсон қилиб, ўзингизда етишмовчиликни ҳис қилишингиз мумкин, аслида эса бу амаллар сизни бой қилаётган бўлади.
—Аллоҳнинг синовларидан “Роббим мени севмайди” деган хулосага келасиз, аслида У сизни Ўзига яқинлаштираётган бўлади.

Ҳар нимаики бўлса—«ҳайрлиси» деган жумлани унутманг)

Ошиқ ҳам бўлмайликми...

23 Oct, 01:31

💡Аллоҳим, ота-онамни Ўзингнинг чексиз марҳаматинг ила сийлагин. Уларга Сенинг розилигинг йўлида қилинадиган амалларга тўла мазмунли, барокатли умр бер. Уларга саодатли ҳаёт ато эт, қалбларига ҳаловат индир ҳамда ташвиш, қўрқув ва қайғу яқинлашишига йўл қўйма. Уларни барча орзу ва мақсадларига энг ҳайрли йўл ила етиштиргин.

💡Уларга Ўзинг рози бўладиган энг гўзал суратдаги кексаликни насиб эт. Уларни тўшакка боғлаб қўйма ва уларни Сендан бошқа ҳеч кимга муҳтож қилма.

💡Роббим, улардан рози бўлмагунингча ва уларни фазлинг ила олий даражали Фирдавс жаннатингга лойиқ кўрмагунингча жонларини олма.

💡Уларни қабр азобидан ва қиёмат куни фитналаридан асрагин ва ҳисобсиз жаннатингга кирувчилар сафидан айлагин. Уларнинг махфий ва ошкор, катта ва кичик, билиб-билмай қилган гуноҳларини мағфират эт.

💡Аллоҳим, уларнинг иймонларини зиёда эт, қалбларини Сенга ва Росулингга (алайҳиссалом) ошиқ қилгин.
Ота _ онамизга шундай дуо қилайлик ✨

102

Ошиқ ҳам бўлмайликми...

23 Oct, 01:26

Ошиқ ҳам бўлмайликми... pinned «Шайх Муҳаммад Содиқ Муҳаммад Юсуф ҳазратлари хос ва оммага тавсия қилган кунлик зикрлар: 1. Лаа илаааҳа иллаллоҳ(100та) 2. Астағфируллоҳ( 100 та) 3. Саловат( Аллоҳумма солли аъла саййидина Муҳаммад; Аллоҳумма солли васаллим ва барик аълайҳ; соллаллоҳу алайка…»

Ошиқ ҳам бўлмайликми...

23 Oct, 01:25

Шайх Муҳаммад Содиқ Муҳаммад Юсуф ҳазратлари хос ва оммага тавсия қилган кунлик зикрлар:

1. Лаа илаааҳа иллаллоҳ(100та)
2. Астағфируллоҳ( 100 та)
3. Саловат( Аллоҳумма солли аъла саййидина Муҳаммад; Аллоҳумма солли васаллим ва барик аълайҳ; соллаллоҳу алайка я Росулуллоҳ).

Ҳаммага иши бор-у, толибларга ҳам тушаверади.

Ошиқ ҳам бўлмайликми...

23 Oct, 01:11

اللهمَّ صَلِّ وَ سَلِّمْ علَى نَبِيِّنَا مُحَمَّدٍ ﷺ

Аллоҳумма солли ва саллим ъала Набиййинаа Муҳаммад ﷺ جمعة مبارك 🫧✨

Ошиқ ҳам бўлмайликми...

22 Oct, 15:09

#Тундалик

Ҳаётимда бирор кеч ўзимдан рози, ишларимдан қониққан ҳолда ётмадим.

Ойнада ўзимга қараб турган одам бошқа бўлиб қолишини доимо хоҳладим.

107

Ошиқ ҳам бўлмайликми...

22 Oct, 15:07

Она сени тўққиз ой қорнида кўтариб юради. Ота қолган вақт сени кўтаради, (сен буни сезмайсан).
Она сени оч эмаслигингни сўраб қайғуради. Ота оч қолмасликни ўргатади, (сен буни билмайсан).
Она сени кўксида кўтаради. Ота эса элкасида кўтаради, (сен буни кўрмайсан).
Онанинг муҳаббатини туғилганингдан бошлаб ҳис қила бошлайсан. Отанинг муҳаббатини ота бўлгандан бошлаб англай бошлайсан.
Онанинг баҳоси ҳеч қачон ўлчанмайди. Ота ҳеч қачон такрорланмайди.

110

Ошиқ ҳам бўлмайликми...

22 Oct, 13:56

Ҳозирги "муҳаббат" даъвогарларининг муҳаббати мана шундай...
Суҳбат хулосаси:

"Ҳой йигит, балиқни нега ейсан?" дейман.
"Чунки мен балиқни яхши кўраман", дейди.
"Ўҳ, сен балиқни яхши кўрасанми? Шунинг учун уни сувдан чиқариб, ўлдириб, пиширасанми? Менга балиқни яхши кўраман, дема. Сен ўзингни яхши кўрасан! Зотан сенга балиқнинг таъми ёқади. Сен уни сувдан чиқариб, ўлдириб, пишириб ейсан.
Кўпинча "муҳаббат" деб аталаётган нарса ана шу "балиқ севгиси"дандир. Йигит-қиз бир-бирини яхши кўриб қолади. Бу нима дегани? Бунинг маъноси шуки, йигит аёлда ўзининг жисмоний ва маънавий эҳтиёжларини қондира оладиган шахсни кўради. Аёл ҳам унда ўзи учун шундай шахсиятни кўради. Шу "муҳаббат" дейилади. Ўзи иккаласи ҳам ўз истак-ҳожатларини истаётган бўлади. Бу ўзгани яхши кўриш эмас! Балки бунда қарши томон эҳтиёж қондириш воситаси, холос. Кўпчилик "севги" деб атайдиган нарса мана шу "балиқ севгиси"дандир. Бу юзаки муҳаббат. Аслида муҳаббат олувда эмас, берувдадир!

Ҳусайнхон Бухорий

117