Рәсмий мүнәсибет
Министрлер Кабинетиниң 2023-жыл, 8-август күнги 345-санлы «Умра» илажларын шөлкемлестириў ҳәм өткериўде зыяратшылардың мәплерин нәтийжели қорғаў бойынша қосымша илажлар ҳаққында»ғы қарары қабыл етилген еди.
Бүгинги күнде социаллық тармақ бетлеринде усы қарардағы айырым тәреплер бойынша жеке көз қарасларға тийкарланған надурыс шолыўлар тарқалып атыр.
Қарар менен зыяратларды шөлкемлестириў ҳуқықы жергиликли туроператорларға берилмекте. «Умра» илажларын шөлкемлестириў ҳуқықы жергиликли туроператорларға берилмекте!
Усы жол менен «Умра» илажларын шөлкемлестириў ҳәм өткериўде бәсеки орталығы жаратылыўы жобаластырылмақта.
Туризм комитетиниң веб-сайтында Туроператорлар хызметинен пайдаланған зыяратшылардың даўыс бериў нәтийжелерине бола, «Умра» хызметлерин көрсетиўши туроператорлар рейтинги қәлиплестириледи. Нәтийжеде, ең сапалы хызмет көрсетиўши туроператорлар жоқары текшелерди ийелеўи, келеси зыяратшылар ушын таңлаў мүмкиншиликлерин асырыў нәзерде тутылған.
2023-жыл, 1-октябрьден «Умра» хызметлерин көрсетиўши туроператорлар жумысын рейтинг тийкарында баҳалаў системасы енгизиледи. Баҳалаў системасы Туризм комитетиниң арнаўлы сайтында жәриялап барылады.
Қарарда белгиленген қосымша лицензия талап ҳәм шәртлери 2023-жыл, 1-ноябрьден қолланылады.
Министрлер Кабинетиниң 2023-жыл, 8-августтеги 345-санлы қарарына муўапық, «Умра» хызметлерин жас өспирим пуқараларға көрсетиў қадаған етиледи.