қар қызы

бүгіннен бастап пікір алаңын ашық деп жариялаймын. бірақ ауруым ұстап жауып тастауым мүмкін. алайда ол сәт келгенше еркін ойларыңды жаза берсеңдер болады ✨

Жалғыз өзім тамақтанғанда үнемі телефон қарап отырады екенмін. Дорама, кино көремін немесе сторис қараймын. Кейде кітап оқып, ойларымды жазатын сәт те болады. Осы бір қылығым өзіме ұнамсыз болып көрінгесін, телефонды ас үйге апармаймын деп шешкенмін. Нәпсіні тыю үшін тамақты тыя білу керек екенін біле тұра, тойып тамақ жеп аламыз. Ішкен асты шайнамай жұтып жатамыз. Ең маңыздысы ішкен астан рақат та ала алмайды екенбіз. Оған алғыс айта алмаймыз. Балқия апай “не ішіп отырғандарыңды біліңдер” деп үнемі айтатын. Бір рет телефонсыз, адамдарсыз, Аллаға шүкіршілік айтып тамақтандым. Сезімімді жеткізе алмаймын, тыыым ғажап✨.

Түйін: байқап көріңдер.

Жігіттің расымен қызға шынайы ниеті, ықыласы болса тек ӘРЕКЕТ етеді. Жиі хабарласып, жағдайын білуі - әрекет. Себепсіз гүл сыйлауы - әрекет. "Сен уайымдама, шешеміз" деген сөзі - әрекет. Ашық әңгіме айтып, шынайы сырласуы - әрекет.

Ас үйде тұрған әдемі шоқ гүлдер мен сүйсіне жеп отырған бенто тортыма қарап Алланың мейіріміне қайран қалдым. Төгіп бере салған. Бере береді де. Алып, көріп, түсініп, шүкір етіп, дер кезінде тәубе етсек болғаны.

қызық, иә.. біреуді қуанту үшін біреуді қолданғаны, ар жағында Оның Кеңдігі, Рахымы және сол адамның ықыласты әрекеті мен махаббатының үйлесімі 🌸

#күй

Әр нәрсені өз уақытында құлшыныспен жасасақ, өмір сүру әлдеқайда жеңіл болар ма еді?

“Алла әуел бастан сенің дұғаңды қабыл етпейтін болса, аузыңа салмас еді” деген сөзде қаншама тыныштық жатыр…

Бәрі біз қалағандай болмайды. Сүрген өмір де, қалаған көңіл де… кейде өзгереді, арнасы ауысады, толқыны түбегейлі төңкеріліп түседі. Бәрі көз алдыңда. “Ертең айтамын” деп, айтылмай кеткен сөздер қаншама, “ертең барамын” деп бармай кеткен жерлер ше? Біз білмейміз, ОЛ ғана біледі.

Адамды жейтін уайым ғой. Адамның көңіліне ауыры да, жеңілі де жоқ. Бәрін уайымдап, көңіліңе ала берсең - ерте солып кетесің.

Өкініш өткеніңді, ал қорқыныш болашағыңды өзгертпейді. Ал әрекет барлығын өзгертетін жалғыз шешім.

Өткенді ойлама, өкінішпен өмір сүресің. Болашақты да ойлама, уайымшыл боласың. Сондықтан бүгін, дәл қазіргіні ғана ойла!

сәлем, менің есімім - Аружан және мен әдемімін, сүйкімдімін, өте мейірімдімін. Менің жүрегім нәзіктік пен махаббатқа толы. Мен мына әлемді кішкене болсын жақсырақ қылуға қатты тырысамын. Айналамдағы адамдар үшін жүрегім әрдайым ашық. Ал кез келген ісіме мен жан тәніммен берілемін.

Бірақ меен… мінсіз емеспін. Кейде мен дөрекімін, сабырсызбын. Тіпті кей адамдарға өркөкірек боламын. Мен де қателіктер жасаймын, шынымды айтсам өөте көп. Себебі мен адаммын, пендемін.

Айтқым келгені - адам бол. Өзіңе қателіктер жасауға мүмкіндік бер. Өзіңді кінәләма. Бастысы күнәләріңді түсініп, оны қайта жасамауға тырыс. Аллаға шынайы көңілмен тәубе ет. Қабылдағанда ғана адам өзгереді, әйтпесе өзгеру мүмкін емес.

Жаңбыр жауғанда жүрегім толқып, көңілім босап, тебіреніп кетем. Дәл қазір де солай… нөсерлеп жауған жаңбыр, соққан найзағай, кішкентай ғана кітапхананың терезесінен сыртқа көз тастап отырған мен - сол баяғы суық қалада.

жаңбырды ерекше жақсы көретінімді бүгін тағы бір мәрте түсіндім. қуанғанымнан секіре жаздап айналамды құшақтағым келіп кетеді. хат жазуға шабыт ашылғандай…
қызық сезім.

қашаннан бері осылай тек өз-өзіммен уақыт өткізу жанға жылулық сыйлайтынын түсіндім екен… кезеңнен кезең - бұған да келу үшін талай құлағаным, адамға байланғаным болды емес пе?!

ПыСы: жаңбыр жауса, тоқтамай дұға ет. тоқтамай… нағыз дұға қабыл болатын, Оның нығметін байқай алатын, сезінетін уақыт 🫶🏻

Алла Тағала еркектерге әйел үшін үлкен жауапкершілік жүктеді: оларға қамқорлық жасау, адал болу, жақын болу, сенімді тірек болу, адам болу. Тіпті олардың бүкіл өмірі күйресе де ерлер құламайды, оларға сенуге болады.

Ерлерге: «қамқорлық жасай бер» дейді. Әйелдерге: «қорғамасаң, неке бұзылады, одан айырыласың» = күйеуінің ар-намысы мен абыройын, құрметі мен сенімін қорғаңыз дейді.

әрқашан және барлық жерде өзара қарым-қатынас бар
өзара өсу
өзара сыйластық
өзара махаббат

бәрі әділ. тек әркім өз орнын білсе, міндетін дұрыс атқарса болды. барлығы да болады :)

Анаңның ақ сүті мен ақ тілегінде, әкеңнің батасы мен саған қарата айтылған ғибратты сөздеріне ештеңе де жетпейді. Алай да дүлей боп жатқан тіршілікте тірек болары да, жан көмегі болары да – өздері.

Ғасырлар бойы айтылып келе жатқан осы қайнар көзіміздің мәні мен игілігін түсінсек, бізден асқан бақытты жан болмайтын шығар…

Жанымыздың шамын алғашқы болып жағатын ата-анамыздың әр ісі, сөзіне, мейлі ол қателік болсын, үлкен құрметпен қарап үйрену – жүріп өтетін жолыңызға дұрыс бағдаршам таңдағандай.

#түйгенім

Пендеміз ғой… күпірлігіміз көп, шүкіріміз аз. Мәңгі өмір мен ұзақ жасауды белгілеп алғандай қаймықпай жүреміз. Аузымыздан Алламыз тек қиналғанда ғана шығады. Жеп жатқан тамақтың, тамақты қойшы, ауаның өзі бізге берілген бақ пен баға жетпес сый екенін түсінбейміз де. Бірдеңе болса, “мен не жаздым? неге мен?” деп назданамыз тағы…

шынымен, ажал аяқ астынан. өлім періштесі сенің “дайын” болуыңды күтпейді. өлім жасты, күнді, мезгілді, атақты таңдамайды. жан алқымыңнан алған кезде туғаннан бүгінге дейінгі әр сәтің көзіңнен бір сәт боп өтеді де шығады. біз сол соңғы дем үзіліп кеткенше күтпей, бүгіннен тәубеге келейікші, бүгіннен есімізді жинайық.

адамдар, тірі күнімізде ренжіспейікші. өмір деген өткінші кезеңдегі дүниеге, жылтырға алданбайықшы.

Телеграмды сүйем. Оған жететін әлем желі жоқ мен үшін.

өйткені, телеграмда сенің түрің, кім екенің, қанша аудиторияң бар екені маңызды емес. бұнда тек маңыздысы - сенің жазбаларыңдағы ойларың. бірақ ешкім сені ойларың үшін сөкпейді. оқырмандар өз пікірін адекватно білдіреді, сендік пікірді қадірлейді.

Телеграмдағы әрбір арна - жеке бір әлем. Оқи отырып, өзіңе керектіні аласың, ой түйесің. Онымен қоса, оқырмандар әрдайым қолдауға дайын. Тіпті сені өмірде жеке танымаса да, үнемі жақын тартады, арнаңда пікір қалдырып, ой бөлісіп отырады. Ұнаған жазбалары болса, жекеге шығып, "жазбаларың ұнайды, дами бер" деген секілді жүрек жарды тілектерін айтады, арналарына бөліседі. Сосын бір-біріңнің арналарыңа взаимно жазылсаңдар, онда сендер уже доссыңдар деген түсінік бар ғой, сонысы ұнайды.

телеграмды және телеграм қолданушыларын сол үшін сүйем. сендер шынымен жүректен бөлек орын аласыңдар 🤍

Өсу үшін сен бас тартудың ауыртпалығын сезінуің керек. Тек мақтаудан өсуді күтпе.

Айналаңа берген көмегің, басқаларға жасағаның, өзгенің тыныштығы мен ақыретін ойлаған, соған қатысты істі жүзеге асырған сайын кішіпейіл болуды көздеген жөн.
Кішіпейілділік тәкаппарлыққа тоқтау қояды. «Мен» дегеннен «бізге» өтуге күш береді, рөліңді еске салады.

– дұғаммен құшақтадым – дейді ұстазым. жүрегім елжірей түсіп, көзім жасқа толды.
- қалай ол? қалай ол құшақтау? - деймін ішімнен абыр-сабыр күйде. не айтып тұрғанын түсінсем де, ішкі дүнием дел-сал болды.

біреуді дұғаңмен құшақтау – ол адамды жоғары рухани биік дәрежеде жақсы көрумен тең сияқты. жақсы көруің, ең алдымен Алланың құлы ретінде жақсы көруің, мейлі ол шәкіртің, әкең не күйеуің болсын. жақсы көруің = тура мағынасымен аударсақ, хорошо видеть. адамның жақсы-жаман, артықшылық пен кемшілігін де көре алуың секілді.

ешкімге керегі жоқ шаблондарға еріп, мына адамның мінезін, әрекетін, сөйлеуін көтере алмаймын деп шыр көбелек айналып кетеміз ғой. есікті тарс жауып, онымен араласуды қаламаймыз. бәрі бір сасық көкіректен шығатын әрекет. бірақ адамға – Алланың жаратқаны деп қарауға не кедергі? соны есіңе түсіргенде айналаңа мейірім, махаббат пен тыныштық сыйлайтын дәрежеге жетерсің, ол адам саған ұнамсыз әрекет жасаса да.

ПыСы: бәрін-бәрін дұғамен құшақтай білетін тұлға, дәл сондай салиқалы ұрпақ тәрбиелейтін ана болуға ұмтылайық ИншаАлла 🤲🏻