Анаға дұға🫀
Раббым! Мені сәби кезімнен мейірімділік бесігіне бөлегендей Сен де анамды рахымыңа бөлей көр!
Раббым! Балалық шағымды бақытты сәттерге толтырған анашымды бақытты ете көр!
Раббым! Анамның шын ниетімен жасаған ізгі амалдарын қабыл еткейсің!
Раббым! Анамды қайғы-қасірет пен қауіп- қатерден аман болған пенделеріңнің қатарына қоса көр!
Раббым! Анамның ғұмырын ұзақ,денін сау етші!
Раббым! Анамның әрбір жасаған құлшылықтары мен дұғаларын қабыл етші!
Раббым! Анамның біліп,білмей,әдейі жасаған үлкенді-кішілі қателіктерін кешірші!
Раббым! Анамды Фирдаус жәннатымен сүйіншілеп дәрежесін үстем етші!
раббирхәмһумәә кәмәә раббәйәәнии сағиираа
«Уа, Раббым! Олар мені бала күнімде қалай мәпелеп өсірген болса, Сен де оларды дәл солай мейіріміңе бөлей көр!» – деп дұға ет.
(«Исра» сүресі 17:24)