Ризқ йўлингиз ёпилиши сизнинг беқарорлигингиздандир
Нофеий исмли киши Шомга,ора-чора Мисрга тижорат карвони юборарди.Бир сафар савдо моллари ортилган карвонни Ироққа юборибди.Кейин мўминлар онасу Оиша розияллоҳу анҳо олдига бориб,бўлган воқеани айтиб берибди.Шунда Оиша розияллоҳу анҳо: "Тижоратингга нима бўлди? Нега Шомга эмас,Ироққа мол жўнатяпсан? Нима,даромадинг камайиб кетдими ёки касодга учрадингми? Аллоҳ сенга фойда бериб турган нарсани тарк этибсан.Мен Расулуллоҳ соллаллоҳу алайҳи васаллам: "Аллоҳ қайси бирингизга бирор тарафдан ризқ(келиши)ни сабаб қилган бўлса,ўзи учун ўша нарса ўзгармагунча ёки иши орқага кетмагунича уни тарк этмасин", деганларини эшитганман",деди.
Хадис мазмунига кўра,Аллоҳ сизга бир касб ёки соҳа орқали ризқ келадиган эшикни очиб қўйибдими,фойда кескин камаймагунича ёки инқирозга учрамагунингизгача ўша ишни ташлаб кетманг.Фақат жиддий сабаблар билан ўзгартирса бўлади.
Юқоридаги хадисдан маълумки биз инсонлар ишимиз озгина юришмай ёки ўртада қоқилиш бўлиб қолса дарров бошқа ёғли соҳаларга ўтишни ўйлаб қоламиз.Аслида ўз соҳасида мукаммал ўқиб ўрганиб,изланиб,тажрибани оширган инсоннинг ризқи янада кўп бўлади
Аслида ризқингиз кенг бўлиши инсонларга қиладиган эзгу амалларингиз,меҳнатингиз ва яхшилигингиз бикан ўлчанади.
Эҳсон қилиш ҳақида жуда кўп маротаба гапирганман.Лекин,айрим инсонларимиз "Мени ўзим ёрдамга мухтожман.Қандай эҳсон қиламан?" деб саволларни беришади.Ризқ йўлингиз кенгайишида сиз:
- инсонларга яхшилик қилишингиз
- уларга табассум қилиб муносабатда бўлишингиз
- бирор-бир хизматингиз билан ёрдам беришингиз орқали илоҳий оламдан ризқ йўлларингизни кенгайтиришга доступ оласиз.
Ишингиз юришмай турганида соҳангизни тарк этиш ҳақида ўйлаш бу сизнинг ички ношукрлигингиз ҳисобланади.Илоҳий оламга қанча ношукрлик энергиясини юбораверсангиз моддий қийинчиликларингиз янада ортиб боради.Чунки,сизга берилган синов ортида каттагина мукофот тайёрлаб қўйилган бўлади.Агарда оддий имтиҳондан ўта олмасангиз янада мураккаб синовлар сизнинг манзилингиз томон келаверади.
Демак,инсоннинг ризқ йўли озгина иши юришмаганда ортга чекиниб бошқа ишларга шўнғиб кетганида ва инсонларга фойдали хизмат кўрсатишни тўхтатганида илоҳийлик томонидан ёпилар экан.Аллоҳни сизга берадиган ризқини ёпишни истамасангиз тепадаги иккита тавсияга риоя қилинг
Доимо ўқиб-ўрганиб ўз соҳангизда янада кучли шахсга айланинг
Эҳсон - моддий томондан ёрдам қила олмасангиз манавий ва жисмоний тарафдан ўз хизматларингиз билан ёрдамингизни инсонлардан аяманг.
П/с: ишим юришмаябди деб қийналиб юрган танишларингизга ушбу постимизни юбориб қўйинг
@psixolog_jaxongir9