Bratni qamab qo‘yishibdi
Yaqinda Rossiyaga qaytib, mamlakat bo‘ylab tur konsertlarini boshlagan Dimitriy Gavrilovni 8-sentyabr kuni Nijniy Novgoroddagi konserti oldidan hibsga olishibdi. Sud qaroriga ko‘ra, “mobilizatsiya paytida Gruziyaga ketib qolgan va u yerdagi chiqishlarida rusofobiya ruhidagi hazillar aytgan” stendap komikka “aybiga iqrorligi, afsusdaligi va pozitsiyasini qat’iy o‘zgartirganligini inobatga olib” 13 kunlik qamoq jazosi tayinlanibdi va barcha konsertlari bekor qilinibdi.
Shaxsan o‘zim Dima Gavrilovning muhlisiman. U haqida yozish orqali boshqalargayam tanishtirish fikri doim bo‘lgan manda. Lekin erinardim. Ana endi ayni vaqti!
Aka mani nigohimda ortiqcha haypga berilmagan, o‘z prinsiplari, fikri, obro’si va to‘lqiniga ega inson va yumorist. Birinchi konsertini “Stiv Jobsning Stenford bitiruvchilari qarshisidagi nutqi” deb nomlagani va bu haqida bittayam hazil aytmagani Dimaning qanchalik “прикольный парень”ligini ifodalaydi. Masalan, montajda videoning rangi yoqmagani uchun butun boshli konsertni oq-qora rangda bosvorgan Youtube’ga! Ikkinchi konsertining nomi — “Stendapokalipsis”. Ikkala konsertini ham bir nafasda ko‘rib chiqish qiyin emas! Youtube kanaliga o‘tib ko‘ringlar. “Dima Gavrilov o‘ylayapti” degan bir o‘zi qatnashadigan podkasti bor. Telegram kanali nomi “Dima Gavrilov yozyapti”)
Yuqoridagi sifatlar uning o‘ziga xos odamligini anglash va muhlislik qilish uchun yetarli, manimcha!
Bratning ta’qibga uchrashi katta yo‘qotishni ifodalaydi. Ya’ni, endilikda rus stendaperlari nafaqat isyonkor ruhdagi hazillar (shunaqa hazil qilganlar allaqachon xorijiy agent deb e’lon qilingan va mamlakatdan qochib ketishga majbur bo‘lgan), balki shunchaki tinchlik so‘rash ohangidagi fikrlari uchun ham qamalib ketishlari mumkin! Bu haqda ko‘plab “tashqaridagi komiklar” ham yozishyapti. Mamlakat ichidagi komiklar uchun esa har doimgidek jim qolishni “ma’qul ko‘rishmoqda”.
Xulosa yo‘q, shunchaki stendaperlik yurak xuruji va qamoq o‘rtasidagi dordan ehtiyot bo‘lib yurish kerak bo‘lgan qaltis soha ekanligiga yana bir bor amin bo‘ldik! Gavrilovga esa tezroq ozodlikka chiqishini tilab qolardim!
@phaziloff
