🔲 Problemləriniz daha asan həll olunacaq.
👉🏼 Zehnimi İdarə Edirəm (8)
➖ İnsanlar adətən yalnız bir mövzuya qısa müddət ərzində dərin şəkildə cəmləşə bilirlər və tez bir zamanda yayındırılırlar. Bir mövzuya davamlı şəkildə diqqət yetirmək üçün gücləri çatmır. Lakin əgər biz zehnimizi idarə edə bilsək, yaxşı bir mövzuya diqqətlə bir müddət cəmləşə bilərik. Əgər zehninizi idarə edə bilsəniz, dəyərsiz şeylərə diqqət yetirməzsiniz. İmam Əli (ə) buyurur: "Dəyərsiz işlərə fikir verməməklə dəyərinizi artırın". ["Tuhəf əl-Uqul", səh. 224]
➖Bir çox insan televiziyada filmlər və seriallar izləyir. Onlardan soruşduqda ki, "Bu film sizə nə təsir edir? Zəkanıza daxil olan bu məlumat sizə nə edəcək?" Onlar cavab verirlər ki, "Bilmirəm!" Quran buyurur: "İnsan öz yediyinə baxsın". [80:24] Bu, yalnız yeyilən qidaya aid deyil [rəvayətlərə görə]. İnsan gördüyü, eşitdiyi və zəkasına daxil olan məlumatlara diqqət yetirməlidir.
➖Zehni idarəetmə bacarığımızı istifadə edə biləcəyimiz ən yaxşı yer namazdır. Peyğəmbər (s) buyurub: "Bir insan namazda fikrini və qəlbini Allaha yönəldərsə (və zehnini idarə edərsə), namazını bitirəndə bu dünyaya gəldiyi gün kimi (günahsız) olar". ["Müstədrək əl-Vəsail", c.4, səh.102]
➖Bütün qəlbi ilə Allaha diqqət yetirmək, İmam Əlinin (ə) bacardığı bir işdir. Əgər biz Allaha qəlbimizin yalnız bir hissəsi ilə diqqət yetirsək belə, çox fayda əldə edəcəyik. Ayətullah Bəhmən dedikdə, “Namazda Allaha necə diqqət yetirə bilərik?”, deyə soruşulanda, o belə cavab verib: “Nə vaxt yayındığınız zaman, diqqətinizi yenidən namaza yönəldin”. İndi əgər bir insanın problemi varsa, o, namaz vaxtı bu barədə düşünməlidir? Ayətullah Bəhmən deyirdi ki, əgər siz namazda probleminizi düşünməsəniz, görəcəksiniz ki, probleminiz namazdan sonra daha asan həll olunacaq.
➖İmam Sadiq (ə) buyurur: "Elə bir mömin yoxdur ki, namazda qəlbi ilə Allaha diqqət yetirsin və Allah ona diqqət yetirməsin, onu sevməsin və başqalarının da onu sevməsinə səbəb olmasın." ["Savab əl-Əmal", səh.135]
#ƏliRzaPənahian
#Zehninİdarəsi
✅@PanahianAZ