📣 Hurmatli fuqarolar!
Avval xabar berganimizdek, joriy yilning 15–25-oktabr kunlari “Ochiq budjet” axborot portalida 2025-yil yangi quriladigan, rekonstruksiya qilinadigan hamda kapital taʼmirlanadigan bogʻchalarni aniqlash boʻyicha “Mening bogʻcham” loyihasi doirasida ovoz berish jarayoni oʻtkazilmoqda.
➡️ Bunda, 2025-yilda yangi quriladigan, rekonstruksiya qilinadigan obyektlarga aniqlik kiritish ovoz berish jarayoni yakunlariga koʻra, quyidagi ketma-ketlik boʻyicha amalga oshiriladi:
1️⃣ har bir tuman va shaharlarda eng koʻp ovoz toʻplagan bittadan loyihalarga aniqlik kiritiladi;
2️⃣ toʻplangan ovozlar sonidan kelib chiqib, tuman va shaharlardagi eng koʻp ovoz toʻplagan loyihalar yuqoridan pastga saralanadi;
3️⃣ har bir hudud boʻyicha (Qoraqalpogʻiston Respublikasi Vazirlar Kengashi, viloyatlar va Toshkent shahri) ajratilgan limit doirasida eng koʻp ovoz toʻplagan loyihalar tanlab olinadi.
✅ Agar tuman (shahar)larda bir nechta loyihalar bir xil ovoz toʻplasa, eng yuqori koʻrsatkichni birinchi boʻlib qayd etgan loyiha tanlab olinadi.
📝 Loyihalar roʻyxati bilan mazkur havola orqali tanishish mumkin.
#open_budget
Telegram | Facebook | Instagram | Youtube | Х