فضفضه

داكتب هلمسج وجسمي كله يرجف داتذكر لحضات اني وبعمر زغير حيلل مداعرف ليش احس روحي راح انخلق من جديد مدري شنو شعور غريب شعور غريب تشوف نفسك ضعفت وراح تسوي شي يأذيك وينهي حياتك ، اكدر اكول راح اتخلص من الالم الي جنت عايش بي او لا يمكن ماعرف شداحتب اني ايدي ايدي ترجفف

الصبح وكفت كبال المرايه كلت شدعوه خطوط الهلاات هيج مبينات بعدين كلت حقهن شسويت بنفسي بأخر اسبوع ،

هّو انا كَتبت كل ده!

بلعاده الشخص يحتاج وقت حتئ يصلح من نفسه واغلاطه ويحتاج وقت حته ينعزل عن العالم ويضبط طاقته النفسيه والعاطفيه ويراجع حساباته بأمور حياتيه .

اني اعرف احل مشاكلي بأيدي اعرف اقوي نفسي اعرف اغير من نفسي اعرف كلشي بس من يجي وقت اني احتاج شخص احجيله عن مشاكلي لتكعد تدور حلول لمشاكلي وتصير خبير براسي ولا حتا تنطيني نصايح ولا حتا تدور حل حته اتخلص عن مشاعري او تفكيري هذا لأن اني مو بيدي ، ف تكعد وتسمع الي اكوله وتنجب وتسكت حته مواساه ماريد ولا تتعب نفسك .

واني بعد ماتحمل اعيش كل هذا وكله علمود شخص بعد ماسوي ايشي ممكن يزعلني او يزعل نفسيي الحلوهه اتمنئ لنفسي حياه سعيده اتمنئ ابتعد عن الكل واعيش وحدي اتمنئ ابقه هيج تدرون شنو اتمنئ هسه تذكرت شي كلتت اتمنئ هيج صارت امنيه اكول لشخص ( حتدور عليه كدام هاي الوجوه كلها ومتلكيني حتدور عليه بكل مكان مراح تلكه هذاك الشخص الي كل يوم تكعد ع مسجاته الحلوه مو حتدور عله الشخص الي جان يراضيك بوكت زعلك الي جان يواسيك بوكت حزنك الي جان وياك بأوقات دراستك وبأوقات مو زينه بحياتك راح تضل تدور عليه ولا حتلكه مسج مني ، وبلأخير اني هم انسان واحتاج ارتاح ماريد اضل ع نفس حالي .

20 / Nov
الأحد /11
كل يوم اعيد نفس النمط كل يوم اعيد نفس التفكير نفس الانهيارات الي امارسها كل يوم نفس كل مره بليل ابجي، بسبب شخص جنت اقرب شخص اله جنت اقرب من اهله اله جنت دائما اواسيه بحزنه واحبه واهتم بي فوك متتصورون جنت اضحكه بوكت حزنه وماقبل دمعه تنزل منه وماقبل عله نفسي ازعله ومن ازعله اجي اراضي واكول اني غلطان وسامحيني وابد مستحيل اخلي يومي يمر اذا هلشخص زعلان من نفصلنا الي تقريبا قبل شهر لليوم اني نفسيتي صفر من اكول صفر يعني صفر صرت اتمنئ اموت ولا اضل عايش جنت اكول بكلبي اني محتاج هلشخص روحله حباب روحح والله بس بادر انت وكلشي يتصلح وكلشي يرجع مثل مجان والله حياتك تصير حلوه جنت هيج احجي بكلبي واني منهار ودموعي متقبل توكف جنت ابجي وحدي وابجي برحكه دم ، كلبي جان يدك سريع بس اشوف كلام من لهشخص وبنفس الوكت اكره حياتي وبكل رجعه يرجعها اليه اموت واكره نفسي لين ماسنه كلشي، اكول يالله ليش دخلت هيج شخص بحياتي والله تندمت مجنت اعرف حيصير اللي هيج كلت انسه حاله حال الي راحو بس اني اعرف نسي ادرس تفاصيل وتبقه ومتروح مني والذكريات والماضي ديلحك وراي الي اني كل يوم اعيشهم وحق الي نزل القرآن اني كل يوم اعيش اضغر تفاصيل هذاك الشخص واكول هذا مو ماضي هذا حاضر اذا ماضي ليش كل يوم اني داعيشه واطرح عله نفسي الف سؤال من تدرون عيوني تكولل ترا تعبنه كافيي تبجي والهلات الي صارن جوه عيوني يالله من كلتت تعبت ارجع واعيد نفس كل يوم وكل يوم ابجي اتمنئ اموت وماعيد هليله لحد ماقررت اخذ مهدئات بلكت اصير زين مجنت متوقع راح يجي يوم يصير هيج بيه بسبب شخص مجنت متوقع راح اخذ علاج بسبب الي داعني من شخص بطلت اخذ من هلعلاج خفت يصير عندي ادمان واني شخص يكره العلاج وابد ماحبهم بس ماعندي حل افضل حته استخدمه واني محد يدري بيه اخذ هيج نوع من المهدئات والقرآن اهلي لو يدرون يطرحون الف سوال عليه وميدرون شنو بيه لين ميعرفون محمد الي يمر بي كل الي داأعاني ويه نفسي وبس وحدي ميدرون شيصير بيه نعزلت عن الكل صرت اكعد وحدي وبس ادرس وابجي واعيد النمط واتذكر ومن انام يمر شريط حياتي واكول وصلت مرحله دادور دعاء او شي يخفف عن الوجع الي بداخلي تخيلو ملكيت شي يخفف عني رحت اكول بلكت دعاء شي يسوي محمد زين ويرجعه لحياته الحلوه ويرجعه مثل مجان بس اني تعبت ترا والله تعبت ممعقوله الكه انسان ديعيش الي اني اعيشه وصرت افكر انتحر مو بس تفكير وحاولت وبعدين اكول لنفسي ترا حراممم يابه حرامم وبعدين اعوف كلشي وترا اني ماريد اكتل شي بداخلي وجنت اجذب عله نفسي لا اريد اكتل نفسي لين هم خطيه تعبت تعبت والله تعبت طاقه ماصار عندي احجي ويه شخص جسمي صار يرجف كله اني واكتب صرت من ابجي اشهك شهكات اكولل بلكت اموتت احس روحي تطلع كله بسبب انسان شوهني لو ارجع واحجي حبابين الي يشوف رسالتي لحد يحب الله عليكم مو بس علمود حب هيج ديصير بيه والله مو بسبب حب بسبب غباء مني بسبب اني دخلت شخص بحياتي وبس رساله قبل ماروح اني انجبرت اصير شخص سعيد وهلشي ماحبه انجبرت بعد ماكتب انجبرت بعد ماحزن انجبرت اعيش حياتي بدون حزن وكلشي ، لتدخلون شخص بحياتكم لأي سبب كان بس افهموووو

طبعئ لهنا وراح ينتهي كلامي بقناتي دائما اني ماحب اصير شخص يفضفض لأحد وماحب شخص يسمعني كلام ابد مهما كان الكلام او النصيحه وهسه اني ماحب اضل افضفض واخلي ناس تعرف بشنو دامر وشنو ديصير اليه احس شي مو حلو وبلنهايه اني اكتم فد تخيلو اكتم كلام بداخلي مو طبيعي ومستحيل اطلعه لشخص حتلو جنت احبه ، وطبعئ من وره قناتي عرفت ناس هوايه وهم من عرفتهم لحد الان همه رجعو غريبين مثل مجانو ققبل ، وعد مراح ارجع اكتب اي شي ولا افضفض وبس يبقئ كلامي الي بلقناه اتمنئ مارجع مثل كل مره واجي اكتب صحيح هسه اني بحاله مو زينه بس اتمنئ ميتغير رئي وارجع وبس اصير ذكريات

Well, it was a wonderful perfume For the first time, I was hugging a strange girl This is a strange feeling, but it is beautiful

ماكو احلا شعور من واحد يحضنك ويبقه ريحت العطر بملابسك الله شكد شعورر يخبل حرفياا كون تدرون تضل هلريحهه بملابسي متروح

منو يتذكر حياتنه شلون حلوه قبل مندخل اشخاص بحياتنه او  قبل منخوض علاقات وجانت اكو ناس تحذرنه من ندخل هيج علاقات صحيح اعرف انو الانسان يحتاج بفتره حب واهتمام من شخص يحتاج شخص بحياته حته يحبه حته يواسي بحزنه حته يضحكه حته يحبه حته يغار عليه بس دائما احنه نشوف هاي البدايات ومنسئل نفسنه شراح يصير بنهايه هاي العلاقات مجنت نعرف شكد اكو سلبيات بلحب وشكد اكو اشياء تخليك تكره تدخل انسان بحياتك لأي سبب كان وبس يرجع بيك الزمن متريد تعيد نفس التجربه وتحب الشخص بنفسه راح تضل دائما حذر بكل خطوه تسويها اكو اشخاص اعرفهم متعلمين من اول تجربه وبعد شالو هيج شي من عقلهم واكو ناس ثانيه لا رغم همه متعرضين للخذلان يرجعون يدخلون ناس بحياتهم وراح يصير بيهم نفس الي صار بلعلاقه السابقه وحيضل هيج لحد ميصير انسان بلا مشاعر يصير شخص بدون روح شخص بارد شخص ميهمه اي شي ويبدي ينعزل وميثق بأي شخص دائما تشوفه شخص قويي رغم هلتجارب الي خاضهم بحياته .

نسولفلكم قصه
جان اكو شخص اسمهه محمد محمد اخر ٤ سنوات بحياته بسبب مشاكله العائليه وبسبب المشاكل النفسيه وبسبب اهله ، اعتزل عزل نفسه عزل تام طول هايه ال ٤ سنوات مجان يعرف احد مجان يعرف يحجي ولا جان يعرف يعبر عن الي بداخله مجان يعرف يكون صداقات ميعرف يتقرب من شخص علاقاته محدوده هادئ عصبي يتنفرز بساع، هوه خجول بشكل مو طبيعي بسبب هايه الفتره الي نعزل بيها بطل يعرف يتصرف ويه الناس وبطل يعرف يتعامل وياهم ويحجي وياهم ، بيوم من الايام هلشخص دخل علاقه حاله حال الي دخلو علاقات ومنهم النجح والفشل ، دائما جان ماخذ الشي الايجابي بلحب بكل بساطه مجان يعرف وره هاي العلاقه شنو بعد ماتعمق بهاي العلاقه وتعلق وحب هذا الشخص خذله ، تخيلو يعني فوك مشاكل حياته ، يجي شخص يهدم حيله ، اي نكمل اي ف هذا الشخص بعد مانفصل عن الطرف الثاني ، تقريبا نصدم من الي صارله ومجان متوقع هيج راح ينخذل من شخص قريب عليه ، ف كل يوم هوه يعيش انهيارات وكل يوم هوه يبجي ويحزن ومكتآب وكل مره يحاول ينتحر بيها حته يخلص من هذا الوجع الي بداخله حته يتخلص من حياته الي مابيها شي حلو ف بيوم من الايام سمع بشي اسمه فضفضه ضل يدور عليها ويعرف معناتها وفتح القناه وضل يحجي عن مشاعره وعله اشياء جان يزعل منها وبده يكتب شكد جان يحب هذاك الشخص وشكد هذاك خذله ، يعني بلبدايه ببدايات هذا الشخص تعلم يكتب ويعبر عن مشاعره ويعرف يوصلها للمقابل وبده يطرح مشاكله عله الناس لانو هوه بعمره مجان يحب يحجي لشخص قريب عليه عن مشاكله والي عايشه هوه لين يخاف يقدم ثقه لشخص، ف نكول بعد هذا الخذلان الاول صار عنده ادراك وعي شويه عله العلاقات بلمره الثانيه ضل يدخل بعلاقه ويطلع من علاقه ضل يدخل ويطلع لحد مانتهئ المطاف بي وقرر هلمره هوه الي يخذل المقابل وبنفس الوكت هوه عرف نفسه راح يضل يكتب وراح يضل يتعذب لين دخل بعلاقه وخذل الشخص الي هوه محمد اصلا مراد هذا الشخص يتعلق بي لين يعرف نفسه هم حيعوفه وراح يتأذه بشكل جبير ، بعد كل هذني العلاقات وكل هاي المشاكل الي صارتله اكيد مراح يرجع هذاك الشخص نفسه وتتبلد مشاعره ويمكن بيوم من الايام يحاول ينهي حياته بطرق بشعه بس حتا يتخلص من الوجع الي بي

صدك الاغاني تلعب بعقولنه لعب وتأثيرها مو طبيعي ابدد لدرجه اذا سمعت اغنيه حزينه وانته مابيك شي ممكن تعكس هذا الشي عله حياتك وتخليك من صدك تصير شخص حزين وتكتآب بينما اكو اغاني تحفز وتلعب بلعقل لعب بس تريد تسمعها حته تروح تدرس شعور الدوبامين الي عندك يرتفعع نفس الشي اذا دخلنه اشخاص سلبين بحياتنه همه الي راح يأثرون عليها وهمه راح يغيرونه ويخلونه اشخاص سلبين مثلهم وعيشونه ايام بعمرنه ماعشناها ويه اشخاص واقعينن

الدوبامين بس اسمعهاااااااااااااا

محد تحمل الجزء السيء مني جنت مرغوب بس واني لطيفف

but what I fear is that I will get infected by throwing words without taking them into account, I am afraid that the word will come out of me and hit a sensitive target, and it will hurt someone or harm him, even if it is unintentionally

من البارحه صافن احركهم واخلص ،بس للأسف معندي غيرهم همه الي معيشيني عله ذكرياتت وكلشي ، تدرون مرات احس اكو شي زغير رقم بساطه هذا الشي ورغم صغره وقيمته هوه حامل اشياء جبيره وحامل كلام ومحادثات ومشاعر وبي اشخاص هوايه، يعني فد بي شغلات حيل جبيره لدرجه اكول هاي حياتي كلها هنا بس للأسف احاول بيوم اتخلص منهم واكمل حياتي بدونهم،