စစ်သားဖြစ်စေ၊ အရပ်သားဖြစ်စေ အင်တာနက်အသုံးပြုနိုင်ရင် ဆက်တိုက်ရဦးမယ့်စစ်ပွဲအတွက် အရေးကြီးတယ်။
Starlink က စစ်မြေပြင်သုံး ပထမဆုံးစီးပွားဖြစ်ဂြိုဟ်တုဝန်ဆောင်ပေးတဲ့ လုပ်ငန်းမဟုတ်ပါ။ ပထမပင်လယ်ကွေ့စစ်ပွဲတွင် အမေရိကန်စစ်တပ်က ပုဂ္ဂလိကကွန်ရက်များကို မှီခိုအားထားပြုခဲ့ရာ ကမ္ဘာတဝန်းရှိ ပဋိပက္ခဇုန်အတွင်း အဓိကကျတဲ့ ကွန်ရက်ဆိုင်ရာနည်းဗျူဟာ ဖြစ်လာခဲ့တယ်။
သမားရိုးကျဆက်သွယ်ရေးစက်များ ရပ်တန့်သွားပြီး အမြောက်များ တရစပ်ပစ်ခတ်နေချိန်မှာပင် ယူကရိန်းတပ်ဖွဲ့များက Starlink အင်တာနက်ချိတ်ဆက်မှုကတစ်ဆင့် စစ်ပွဲအတွင်း နောက်ဆုံး ဖြစ်ပေါ်တိုးတက်မှုအခြေအနေများကို သိမ်းဆည်းထားပြီး ဗုံးခိုကတုတ်ကျင်းထဲမှာနေပြီး လုံခြုံစိတ် ချစွာဖြင့် သူတို့စမတ်ဖုန်းကိုယ်စီကိုင်ရင်း အလှည့်ကျတာဝန်ကို သိရှိထမ်းဆောင်နေနိုင်တယ်။
ယူကရိန်းတပ်ဖွဲ့များက တန်ပြန်တိုက်ခိုက်ရေး (သို့မဟုတ်) အမြောက်ပစ်ခတ်မှု တားဆီးရန် စီစဉ် တဲ့အခါ လူမနေတော့သည့် အိမ်ခြံဝင်းတစ်ခုရှိ ကတုတ်ကျင်းက အဖြူရောင်စတုဂံပုံနှင့် မီးခိုး ရောင်အဆင်းရှိ Starlink ဂြိုဟ်တုဖမ်းယူစက်မှတစ်ဆင့် နောက်ဆုံးအချိန်အထိ အထက်အရာရှိ များကို ဖုန်းခေါ်ဆိုပြီး အမိန့်တောင်းခံနိုင်ကြတယ်။
ထိုနည်းလမ်းမှာ စစ်ဘက်သုံးဆက်သွယ်ရေး သက်သက်မဟုတ်ဘူး။ ယူကရိန်းအင်ဂျင်နီယာတပ် သားအချို့က တိုက်ပွဲပြင်းထန်နေစဉ်အတွင်း ပြည်တွင်းဆဲလ်ဖုန်းကွန်ရက်များ ပြတ်တောက်သွား သည့်တိုင် နေ့စဉ် စကားဝှက်များဖြင့် ဂြိုဟ်တုမှတစ်ဆင့် မတ်ဆေ့ချ်ပို့၍ မိတ်ဆွေများ၊ မိသားစုများ ထံ သူတို့ဘေးကင်းစွာ ရှိနေကြောင်း အသိပေးနိုင်ကြတယ်။
“ကျနော်တို့မှာ Starlink စခန်းပေါင်း ၁၁,၀၀၀ ကျော်ရှိပါတယ်။ အဲဒီစခန်းတွေက ကျနော်တို့ နေ့စဉ်တိုက်ပွဲတွေအတွက် အထောက်အကူပြုပေးနေပါတယ်” လို့ ယူကရိန်းဒုတိယဝန်ကြီးချုပ် မိုင်ခိုင်လိုဖီဒိုရော့ဗ်က Politico မီဒီယာကို ပြောပါတယ်။ “ကျနော်တို့က အဆင်သင့်ပြီ၊ လျှပ်စစ်မီး မရ၊ ပုံမှန်အင်တာနက်လိုင်းမရရင်တောင် ယူကရိန်းမှာရှိတဲ့ ဘယ်လိုချိတ်ဆက်မှုမဆို အင်တာ နက်ပြန်ရအောင် Starlink စက်တွေသုံးပါမယ်” လို့ သူကဆက်ပြောပါတယ်။
ယူကရိန်းစစ်သားများအတွက် စစ်အရှိန်မြင့်နေစဉ်မှာ အဆက်အသွယ်မပြတ်စေဖို့ သေချာတဲ့ နည်း လမ်းရရှိလိုကြောင်း ဇာလန်းစကီးအစိုးရက ကောင်းစွာသဘောပေါက်ထားသည်။ ယူကရိန်းနိုင်ငံ သားများက လူမှုကွန်ရက်မီဒီယာပေါ်သို့ မကြာခဏလွှင့်တင်လေ့ရှိကြတဲ့ရုရှားတိုက်ခိုက်နေပုံ ဗီဒီယိုဖိုင်အကြမ်းများကို ကမ္ဘာ့တဝန်းရှိ စမတ်ဖုန်းများမှ တိုက်ရိုက်ကြည့်ရှုနိုင်ခဲ့တယ်။
The Economist မီဒီယာ ဖော်ပြချက်အရ ယူကရိန်းစစ်သားများက အလားအလာရှိသော ရုရှားပစ် မှတ်များရဲ့ဓာတ်ပုံများကို တင်ဖို့ Starlink အင်တာနက်ကို ချိတ်ဆက်သုံးစွဲနေကြတယ်။ အဲ့ပုံများကို တပ်မှူးများက နောက်ပိုင်းမှာ အကဲဖြတ်ပြီး ပစ်မှတ်ကို ဗုံးခွဲတိုက်ခိုက်ရမှာလား၊ ဘယ်နေရာကနေ ဗုံးခွဲနိုင်သလဲဆိုတာကို ကောက်ချက်ချကြတယ်။ “အဲဒါက အခုထိသုံးနေရတုန်းဖြစ်တဲ့ တိုက်ခိုက်ရေး ညှိနှိုင်းဆောင်ရွက်ရာမှာ အရင်ကထက် ပိုမြန်လာပါတယ်” လို့ သူကထည့်ပြောပါတယ်။
ဒါပြင် Starlink က ဒရုန်းစစ်ဆင်ရေးကို ပိုမိုလွယ်ကူပြီး အဆင်ပြေချောမွေ့စေတယ်။ ပင်လယ်နက် အတွင်းရှိ ရုရှားစစ်သင်္ဘောအုပ်စုရဲ့ ခရိုင်းမီးယားဌာနချုပ်ဖြစ်တဲ့စီဗက်စတိုပေါလ်ကို အောင်မြင်စွာ တိုက်ခိုက်နိုင်ရန်အတွက် ယူကရိန်းက အင်တာနက်ဝန်ဆောင်မှုကို ကောင်းစွာအသုံးချခဲ့ကြောင်း သတင်းများဖော်ပြခဲ့ပြီးဖြစ်ပါတယ်။
“Starlink ဟာ ကျနော်တို့အသက်ဆက်နိုင်ဖို့ အောက်ဆီဂျင်ဖြစ်တယ်” လို့ စစ်သားတစ်ဦးရဲ့ပြော စကားကို သတင်းတစ်ပုဒ်တွင် တွေ့ရခြင်းအား ထောက်ရှုကြည့်ရင် ယူကရိန်းတပ်များက Starlink အပေါ် မှီခိုအားထားသည့်အနေအထား ပိုမိုသိသာထင်ရှားလာစေခဲ့ပါတယ်။ တကယ်လို့ အဲ့ဝန် ဆောင်မှု ရပ်တန့်သွားရင် ယူကရိန်းစစ်တပ်လည်း ပရမ်းပတာဖြစ်သွားနိူင်ကြောင်း အဆိုပါစစ် သားက ထပ်လောင်းပြောကြားခဲ့ပါတယ်။
အခု ကယားပြည်နယ်မှာ အမေရိကန်အစိုးရပံ့ပိုးပေးတဲ့ Starlink အင်တာနက် စသုံးနေပြီ၊ မြန်မာ နိုင်ငံမှာ ဘာတွေဆက်ဖြစ်မလဲဆိုတာစောင့်ကြည့်ရမှာဖြစ်ကြောင်းတင်ပြလိုက်ရပါတယ်။
မှတ်ချက်(ဖေါ်ပြပါဆောင်းပါးမှာ MHT News ရဲ့အာဘော်မဟုတ်ဘဲ ၊ ဘာသာပြန်သူရဲ့အာဘော်သာဖြစ်ကြောင်းသိစေအပ်ပါတယ်)
#mhtnews