Savol: farzandlarimga ko’p narsalar o’rgatgim keladi, ammo vaqt yetmaydi, yoki doimiylik yo’q, siz qanday qilib ulgurasiz?
Avvalo har bir bola uchun aniq reja yozilishi, tushunarli qilib devorda yopishtirilishi, ularga ham hammasi aniq ko’rinib turishi kerak!
Bundan tashqari reja imkonli bo’lishi kerak, ortiqcha yuklama (nagruzka) bo’lsa, tabiiyki hammasiga ulgurmaysiz!
Tajribamdan 3-7 yosh bolalar uchun kunlik uzog’i 2 soatli mashg’ulotlar rejalash mumkin, undan ortiq narsa kutmayman, qolgan soatlarda asosan erkin amaliy harakat, sayr, mehnat, chizish, bo’yash, oshxonada biror tamaddi tayyorlashadi.
Til erta ta’limning ajralmas qismi bo’lib, biz haftada 2 marta rus tili , 2 marta arab tili, 2 marta ingliz tili kuni belgilab olganmiz. Belgilangan kunda matematikasi ham, oqiydigan hikoyasi ham, ko’radigan multfilmlari ham, ishlaydigan workbooklari ham, imkon qadar muloqot ham hammasi shu tilda bo’lishi eng muhim qoida! Nimadan boshlash tanlovi boladan, kunlik miqdor qat’iy belgilangan, albatta ularning mehnati qadrlanadi, kun davomida istalgan payt savol so’rashganda batafsil javob beriladi!
Bazi universal darsliklarimizni (asosan ingliz tilida hamma fanlar amaliy mashqlar orqali berilgan WORKBOOKLAR) har kun 5 sahifadan bajarishadi, bu mutlaqo mustaqil ish, men tekshirib olaman xolos!
Bolalarga uyqu oldi ertaga ularni nima kutayotganini aytib qoysangiz juda yaxshi eslab qolisharkan, 2 ta vazifa va 1 ta mukofot qoidasiga amal qilaman, oxirida ularga yoqadigan ishni aytsam xursand bo’lib uxlashadi. Ertasiga esimdan chiqsa ham o’zlari eslatishadi:)
Rejalarni har oy uchun alohida tuzaman, manbalar va darsliklar aniq belgilansa reja o’xshaydi. Manba bo’lmasa, onada qat’iyat va bolaga rag’bat berilmasa, reja uzoqqa bormaydi. Oylik reja bajarilgani haqida hisobot qilamiz, va bolalarni playground yo biror joyga aylantirishga olib borib nishonlaymiz!
Ona nimani sevsa, bola ham shuni sevadi!
O’zingizda yo’q narsani uyda bolangizdan talab qilmang.
Ilmni, kitobni, tartibni, kiyimni, xullas nimani sevsangiz, bolangiz ham o’shanga muhabbatli bo’ladi, onasini korib qizini ol dermidi, o’g’lini ham (onasiga qarab) kuyov qilish mumkin, ishanavering!🤭