УУСтан сонуннар.
Ынах, сылгы атыылас.
Дьэ сыана муҥура суох өрө бара турар.
Россия Киин Баанын (ЦБ) процентнай ставката балаҕан ыйыгар 18% этэ, билигин хайы үйэ 19% буолбут, адьас бу күннэргэ 20% тиийээри турар. Аны туран бу үүнэ - тэҺиинэ суох үүнүү тохтуур чинчитэ көстүбэт. Ону сырса маҕаҺыын сыаната өрө сүүрэн иҺэр. Ким эрэ ууруу харчылаах да буоллаҕына, онтукайа сытан эрэн атыылаҺар кыаҕа өрүҺүлтэтэ суох симэлийэ турар. Туох да күүркэтиитэ суох эттэххэ, аны сааскыга диэри экэниэмикэбит ханна тиийиэ биллибэт. Ас-үөл маҕаҺыыҥҥа анньыллан турар да буоллаҕына сиэппитигэр уктан турар харчыбыт эппиэттэҺэрэ саарбах.
СүөҺү өлөрүүтэ чугаҺаан иҺэр. Онон уурунуу харчылаах дьоҥҥо этэбин: сүөҺүтэ, сылгыта атыылаҺа сатааҥ. Бэйэҕит көрөр кыаххыт суох буоллаҕына үчүгэй кээппэрэтипкэ туттарар курдук.
От хааччыммыт, эбии сүөҺү ылар кыахтаах кээппэрэтииптэр, ааҕынан - суоттанан баран, биллэрии таҺааран сүөҺүгүтүн элбэтиэххитин сөп курдук.
Эдэр дьоҥҥо холобур буолаары ынах сүөҺү атыылаҺан иитэргэ санаммыт Масаха Мэхээс бу уустук кэмҥэ саамай сөп хардыыны оҥорбут эбит. Уол сүрдээх наадалаах улахан общественнэй үлэни ыытарын биҺириибин. Онон Масаха былаанын маҥнай истэн баран, кистээбэккэ эттэххэ, "общественнай үлэтигэр атахтатыыҺык" диэн көҥөнө санаабыттааҕым. Хаар түспүтүн кэннэ өйдөөбүтүм бары өттүнэн саамай сөпкө быҺаарыммыт эбит.
Уйбаан Самаайап, алтынньы 10 күнэ, 2024 с.