НВК САХА

@nvk_sakha

Официальный канал национального телеканала Якутии НВК «Саха»

❗️НВК«Саха» саҥа сыһыарыытын ХАЧАЙДАА:

📲App Store https://apps.apple.com/ru/app/%D0%BD%D0%B2%D0%BA/id6447428114

📲Google Play https://play.google.com/store/apps/details?id=com.nvksakha

НВК САХА

22 Oct, 13:16

«Биир иирбит киһини эмтээбитин көрбүтүм»-2

Иван Иванович Попов аҕата Иван Васильевич Попов, Санкт-Петербург куоракка улахан гипнозтаах дьоҥҥо үөрэммит буолан, биир, төбөтүнэн моһуоктаабыт киһини, эмтээбитин туһунан кэпсээнин бүтүүтэ.

Редактор Нина Харитонова биэриититтэн быһа тардыы. 1993 сыл.

Бүтүүтэ тахсыа.

@arhiv_nvk_sakha суруттар

1,164

НВК САХА

22 Oct, 13:12

ХИРУРДАР. 10 серия

Пантелеев обургу хирургияҕа буолбут сураҕы истэ оҕуста, Феликс Поповка материал суруйарыгар сорудахтаата. Кылаабынай бырааһы ыҥыран, Софроновы үлэтиттэн тохтотуохтааҕын эттэ.🤦🏻‍♀️

Оттон хирургия коллектива сэбиэдиссэйдэрин көмүскэһэр санаалаах.✊🏼Арай Кравцов эрэ онно кыттыспат, Дмитриевкэ тиийэн камераҕа көстөр компроматы сотторо охсоругар көрдөстө.😣

Онон операция уһуллубута сотторуллунна быһыылаах.😔

Кравцов, Пантелеев, кини уола, Дмитриев үөрэ-көтө кафеҕа олороллорун хата Айыына түбэһэн көрдө. Тугу эмит сэрэйэрэ дуу? 🤔

Экстреннай хирургияҕа киһи тыына быстыбытын туһунан сакаастаммыт ыстатыйаны ааҕаат, дьон тугун-ханныгын билбэккэ эрэ ырытан, быраастары үөҕэн бардылар...😞

Олоххо эмиэ оннук баар дии...

1,049

НВК САХА

22 Oct, 13:03

👍Кэнники кэмҥэ ыччаты дойдуга бэриниилээх буоларга иитэр күрэс элбээтэ.

Сунтаар улууһугар «Тургутуу» диэн күөн күрэс тэриллибитэ быйыл үһүс сыла.

@nvk_sakha

1,161

НВК САХА

22 Oct, 12:35

🪖Таатта улууһуттан төрүттээх Арассыыйа дьоруойа Родимир Максимов туһунан биэриини көтүтүмэҥ.

Биир дойдулаахтара, чугас дьоно, учууталлара кини төрдүн-ууһун, киһи быһыытынан майгытын туһунан кэпсииллэр.

Дьоно-сэргэтэ Родимир оҥорбут хорсун быһыытынан киэн тутталлар.

Дьоруой дойдуга бэриниилээх, эрэллээх доҕор буолуу, ытык иэһи толоруу туһунан санааларын үллэстэр.

Бары түмсүүлээх буолуу кыайыыны чугаһатарын туһунан этэр.

⏺Алтынньы 23 күнүгэр киэһэ 19:15 чаастан «Талбан» биэриини НВК «Саха» ханаалыгар көрүҥ.

@nvk_sakha

1,342

НВК САХА

22 Oct, 12:17

📹

❄️

Саха сиригэр «Кыһыҥҥы айан» диэн видеоролик куонкуруһа саҕаланна

Куонкурус чэрчитинэн бары баҕалаахтар Саха сирин устун кыһыҥҥы айаннарын туһунан үллэстиэхтэрин сөп. Видеоролигы камераҕа эбэтэр мобильнай төлөпүөҥҥэ уһулуохха сөп.

Куонкурус сыала-соруга — өрөспүүбүлүкэ култуурунай уонна туристическай кыаҕын киэҥ эйгэҕэ таһаарыы.

Куонкурус туһунан сиһилии бу сигэнэн 🖥 киирэн билиҥ.

@nvk_sakha

1,391

НВК САХА

22 Oct, 12:08

🎗️🤝Нам улууҺугар "Үрүҥ туруйа" диэн кэриэстэбил күнүн бэлиэтээтилэр

Алтынньы 22 күнэ - араас кыргыҺыыларга, сэрии толоонугар охтубут буойуттары кэриэстиир күн.

Бу күн оҕолорго, ыччакка туҺуламмыт айар күрэх ыытылынна. Сүрүн тэрийээччилэр Намнааҕы прокуратура үлэҺиттэрэ.

Ыҥырыылаах ыалдьыттар истэригэр Арассыыйа Дьоруойа Родимир Максимов - Бурхат кыттыыны ылла.

Күрэххэ барыта 200 тахса оҕо кэллэ. Кинилэр 4 бөлөххө арахсан хоҺоон, эссе уонна плакат күрэҕэр кытыннылар.

Үүнэр көлүөнэ дьүүллүүр сүбэ иннигэр курус, санньыар, кыайыыга кынаттаабыт хоҺооннору толордулар.

@nvk_sakha

1,299

НВК САХА

22 Oct, 12:03

🗣Бырабыыталыстыба бэрэссэдээтэлин бастакы солбуйааччы Дмитрий Садовников Горнайга үлэлээтэ.

Бастаан Маҕараска хаарбах дьиэттэн көһөрүү тосхолунан тутуллар тоҕус кыбартыыралаах, икки этээстээх дьиэ төһө сиппитин билистэ.

Салгыы Бэрдьигэстээххэ 22 кыбартыыралаах дьиэҕэ тутуу хаамыытын көрдө.

Ол кэннэ Дмитрий Садовников салайааччылаах бөлөх ууну ыраастыыр ыстаансыйа тутуутун бэрэбиэркэлээтэ.

@nvk_sakha

1,278

НВК САХА

22 Oct, 11:50

🎬

Бүгүн, алтынньы 22 күнүгэр, «Хирурдар» сериалы КӨТҮТҮМЭ!

НВК «Саха» ханаалыгар киэһэ 21:00 чаастан көр! ⏰

@nvk_sakha

1,356

НВК САХА

22 Oct, 11:48

✅💳📱СБЕР онлайн-баана "Бюджет онлайн" сыһыарыыта баар буолла

iPhone төлөпүөннэргэ "Бюджет онлайн" диэн саҥа сыһыарыы таҕыста. Бу арҕаа дойдулар санкцияларыттан сотторуллубут «Сбербанк онлайн», итиэннэ "Умный онлайн", "Учёт онлайн" "СБОЛ" сыһыарыылары солбуйуоҕа.

Саҥа сыһыарыы урукку сыһыарыыттан туох даҕаны уратыта суох. Манна каарта нүөмэринэн киириэххэ сөп.

Бу сигэнэн маҕаһыынтан хачайдыахха сөп.

Санатар буоллахха, 2022 сылга баан утары арҕаа дойдулар санкциялары киллэрэннэр, Apple хампаанньа App Store маҕаһыынтан Сбербаан сыһыарыытын сотторбута.

@nvk_sakha

1,364

НВК САХА

22 Oct, 11:35

🪖

Байыастарга Ньурба улууһун «Көмүскэл» иис сыаҕын таҥаһын-сабын туттардылар

Бурятияҕа Пелагея Данилова Ньурбатааҕы «Көмүскэл» волонтердар иистэнэр сыахтарыгар тигиллибит таҥаһы-сабы СВО-ҕа барар байыастарга туттарда.

Бу туһунан «Аҕа дойдуну көмүскээччилэр дьиэ кэргэттэрин кэмитиэтин» Ньурбатааҕы салаатын пресс-сулууспата иһитиннэрэр.

Байыастар Чурапчы уонна Нам улуустарыттан төрүттээхтэр, кинилэр Ньурба улууһун волонтердарыгар махталларын тиэрдэллэр.

Хаартыска: «Аҕа дойдуну көмүскээччилэр дьиэ кэргэттэрин кэмитиэтин» Ньурбатааҕы салаатын телеграм-ханаала

@nvk_sakha

1,311

НВК САХА

22 Oct, 11:10

🐈

🐕АГАТУ «Айболит» диэн ветеринарнай клиникатыгар куоскалары, ыттары эпэрээсийэлээн, төрөөбөт-ууһаабат оҥороллор.

Күҥҥэ уонтан тахса эпэрээсийэни ыыталлар.

Дьиэ кыылларын бастаан көрөллөр, бэрэбиэркэлииллэр, ол кэннэ хаһаайына сөбүлэһэр буоллаҕына, утутар укуолу биэрэллэр.

@nvk_sakha

1,367

НВК САХА

22 Oct, 11:03

🚑

Саха сирэ 46 мэдиссиинэ массынатын ылла

«Доруобуйа харыстабыла» национальнай бырайыак чэрчитинэн Саха сирэ быйыл 46 мэдиссиинэ массыынатын ыраах сытар улуустарга баар балыыһаларга анаан ылла.

Бу туһунан Дьокуускайдааҕы өрөспүүбүлүкэ офтальмологическай клиническэй балыыһатын пресс-сулууспата иһитиннэрэр.

Ол курдук, массыыналары Үөһээ Халыма, Үөһээ Дьааҥы, Өймөкөөн, Томпо, Булун уонна Өлөөн улуустарыгар биэриэхтэрэ.

Саҥа тырааныспары эмп-томп уонна ыарыһахтары таһарга туттуохтара, ону тэҥэ быраастары ыарыһах олорор дьиэтигэр илдьэргэ.

СӨ доруобуйаҕа харыстабылын миниистирэ Лена Афанасьева бэлиэтииринэн, бу мэдиссиинэ көмөтүн хаачыстыбатын үрдэтиэ.

@nvk_sakha

1,335

НВК САХА

22 Oct, 10:47

Книжный рынок СССР 📚

Советский Союз, несомненно, был одной из самых читающих стран на планете. Тиражи книг заметно превосходили нынешние. В 1988 году в СССР напечатали в общей совокупности 1 миллиард 150 миллионов книг художественной направленности. Но как ни парадоксально это не звучало, книги зачастую оказывались крайне дефицитным товаром, за которым буквально охотились, выстаивали огромные очереди.

Верным способом удовлетворить книжный голод считалась подписка на многотомные издания. Но эта подписка на интересные подписные издания заканчивалась в течение несколько часов. Например, было известно, что 1 сентября в якутских «Подписных изданиях» или «Пропагандисте» открывается подписка на, скажем, многотомник «Антология мировой фантастики». Естественно, с утра там уже дикая очередь библиофилов. И махом вся подписка кончалась.

Подпишись @arhiv_nvk_sakha

1,339