ဥပဒေရေးရာ ဝန်ဆောင်မှုလုပ်ငန်း

မဂ်လာစရံဆိုပြီး အတင်းဇွတ်ချခိုင်း
=======================
မနေ့က တနဂ်နွေနေ့မှာ မိတ်ဆွေတစ်ယောက်ဖုန်းဆက်လာပြီး ဆရာရေ ကွန်ဒိုတိုက်ခန်းလေး ဝယ်ဖို့ပါ။ အမြန်လာရောက်ပြီး ဆောင်ရွက်ပေးပါအုံး- ဈေးကလည်း အခြားအခန်းတွေထက် သက်သာနေတော့ အခြားသူ ဦးသွားမှာမို့ဆိုကာ-

နေပါအုံး မလောပါနဲ့၊ ရောင်းသူမှာ ဘာစာရွက်စာတမ်းတွေ ရှိလဲ။ ဘယ်နားက ကွန်ဒိုလဲ။ အကျိုးအကြောင်းလေး အနည်း ငယ်ပြောပါအုံး။

ဆရာရေ ဒီလိုပါ ရောင်းသူကတော့ Home Loan နဲ့ ဝယ်ထားတယ်ဆိုတော့ စာရွက်စာတမ်းမူရင်းတွေကတော့ ဘဏ်မှာတဲ့။ အခုတော့ မိတ္တူအနည်းငယ်တော့ ရှိတယ်ပြောတယ်။ ဘဏ်ပိတ်ရက်မို့ မူရင်းတွေတော့ ကြည့်လို့မရဘူး။ဘဏ်ဖွင့်တဲ့ရက် Monday မှ ကြည့်လို့ရမယ်။ အခန်းမလွှတ်စေချင်ရင်တော့ မဂ်လာစရံကို သိန်း ၅၀/ ၁၀၀ ချထားရမယ်လို့တော့ အကျိုးတော်ဆောင်ကတော့ ပြောနေတယ်။

ဆရာရေ အခြားအခန်းတွေထက်စာရင်ပေါက်ဈေးထက်လျော့ နေတယ်။ ဝယ်ပြီး ပြန်ရောင်းရင်တောင် သိန်း ၁၅၀ လောက်မြတ်နေပြီဆိုတော့ ကျနော်ကတော့ ကြိုက်နေတယ်။

(အင်း ငါးမျှားချိတ်တော့မမြင်၊ ငါးစားပဲမြင်နေတယ် ကျနော်ရဲ့မိတ်ဆွေ။)

မိတ်ဆွေက စာရွက်မူရင်းတွေ မကြည့်ဘဲ မဂ်လာစရံချတော့ မယ်ဆိုတော့။ နေပါအုံးမိတ်ဆွေရယ်-
မနက်ဖြန်တစ်ရက်တော့ စောင့်ပါအုံး။ ဘဏ်ဖွင့်တဲ့ရက်နေ့မှ Home Loan နဲ့ပြုလုပ်ထားတဲ့ ဘဏ်ကိုသွားပြီး စုံစမ်းကြမယ်။
အားလုံးမှန်ကန်ရင် မဂ်လာစရံကိုမဟုတ်ဘူး စရံကြီးတောင်ချလို့ရတယ်လို့ အကြံပြုလိုက်ပါတယ်။

မိတ်ဆွေက ဒါဆို ဆရာပြောသလို့ အကျိုးဆောင်ကို ပြောထားလိုက်မယ်။ မနက်ဖြန်မှ ဆရာဆီဆက်သွယ်လိုက်ပါ့မယ်။

ယနေ့ ဘဏ်ဖွင့်တဲ့ရက်ဆိုတော့ မိတ်ဆွေရဲ့ ဖုန်းကိုစောင့်မျှော်ရင်း- မနက် ၉ နာရီလောက်မှာ မိတ်ဆွေထံမှ ဖုန်းဝင်လာတော့တယ်-
ဆရာရေ အကျိုးတော်ဆောင်ထံ ဖုန်းဆက်လိုက်တော့ "ရောင်းသူက မရောင်းတော့ဘူး" တဲ့ ဆိုပြီး ပြောတယ်တဲ့။

ဘာကြောင့် ပွဲပျက်ရတာလဲဆိုတာမိတ်ဆွေတို့ဘာသာ စဥ်းစား
ကြည့်ပါတော့။

ကဲ စာဖတ်မိတ်ဆွေတို့လည်း မဂ်လာစရံကို အားလုံး စီစစ်ပြီးမှ ချကြပါလို့ အကြံပြုချက်လေး ရေးသားပါရစေ။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း

Contact No& Viber no- 09 986 252 417

နုတ်ကျန် ဂရန်ဆိုတာ ဘာလဲ
===================

ဆရာရေ မြောက်ဒဂုံဘက်မှာ မြေဝယ်မလို့ပါ။ ကြည့်ထားတဲ့မြေကွက်က နုတ်ကျန်ဂရန်လို့ပြောနေလို့။ အဲ့ဒါနဲ့ပတ်သတ်လို့ နားမလည်းလို့ပါရှင့်-

နုတ်ကျန်ဂရန်ဆိုတာ ဂရန်မြေကွက် ပေ (၄၀× ၆၀) အနက်မှ ပေ (၂၀× ၆၀) ပေအား ဂရန်ခွဲထုတ်သွားပြီးဖြစ်၍ ကျန်သည့် အစိတ်အပိုင်းအား နုတ်ကျန်ဂရန်လို့ အရပ်တွင် ခေါ်ဆိုလေ့ရှိကြပါတယ်။

ဒါဆိုရင် နုတ်ကျန် ဂရန်ဝယ်မယ်ဆိုရင်ကော ဝယ်ယူသူ၏ အ မည်ပေါက်အနေဖြင့် ဆက်လုပ်လို့ ရနိုင်ပါ့မလား။ ဘယ်လိုဆောင်ရွက်ရမလဲ ဆရာ။

စာရွက်စာတမ်းစုံလင်ရင်ေတာ့ ရပါတယ်။ ဆောင်ရွက်ရမည့်လုပ်ငန်းစဥ်ကတော့-

ပထမအဆင့်မှာတော့ ခွဲစိတ်မြေပုံ၊ မြေတိုင်းမြေပုံ၊ တိုင်းခွဲအ တည်ပြုမြေပုံနှင့် အရောင်းမြေပုံတို့ကတော့ ကူးယူးရပါမယ်။ အကယ်၍ တစ်ဖက်က ပြုလုပ်ထားသည့်မြေပုံတွေက သက် တမ်းကကျန်ရှိပြီး ငှားရမ်းမယ်ဆိုရင်တော့ အရောင်းမြေပုံကလွဲ၍ ကျန်တဲ့မြေပုံတွေတော့ ထပ်ပြီး ကူးယူစရာတော့ မလိုတော့ပါဘူး။

ရာဖြတ်ဌာနတင်ပြီး အခွန်ထမ်းဆောင်၍ အရောင်းအဝယ်စာ ချုပ်အား ပုံမှန်အတိုင်းဆက်လက်ဆောင်ရွက်ကာ နုတ်ကျန်ဂရန်အား အမည်ပြောင်း ဂရန်ခွဲအသစ်ပြုလုပ်နိုင်ပါတယ်။

ကြာချိန် ၁ လခန့်တွင် ဂရန်ခွဲစာအုပ်ရရှိလာပါလိမ့်မယ်။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း

09 986 252 417

ဘီစီစီမကျသေးသည့် ကြိုပွိုင့် တိုက်ခန်းအား ငွေအကြေချေပြီး ဝယ်ယူမည်ဆိုပါက စာချုပ်ထဲတွင် ထည့်သွင်းဖော်ပြချုပ် ဆိုသင့်သည့် အချက်တစ်ချက်။

➡️ယနေ့ မိတ်ဆွေတစ်ယောက် ဆရာရုံးခန်းသို့ရောက်လာကာ
ဆရာရေ ကျမတို့အိမ်နားမှာ (၂)ခန်းတွဲ (၆)ထပ်တိုက်ဆောက်နေတာမို့ ကန်ထရိုက်တာဘက်အခြမ်းက တိုက်ခန်းတစ်ခန်းကို ကြိုပွိုင့်နဲ့ ဝယ်ချင်လို့ပါ။ မိမိအိမ်နှင့်လည်းနီးပြီး ကန်ထရိုက် တာနှင့် အိမ်ရှင်ကလည်း တစ်လမ်းတည်းဆိုတော့ ယုံကြည်ရသူတွေဖြစ်နေတယ်ဆိုပြီး စကားဦးသန်းလိုက်ကာ-

➡️ဒါဆို ငွေပေးချေမှုအပိုင်းက ဘယ်လိုတွေ ပြောထားကြပြီး ပြီးလဲ။

➡️ဆရာရယ် ငွေပေးချေမှုကတော့ လုပ်ငန်းတိုးတတ်မှုအဆင့်အပေါ်မှာ အရစ်ကျပေးချေရပါ့မယ်။ သို့သော် ဘီစီစီမကျခင် (ခေါင်းမိုးပြီးလို့ တိုက်ခန်းလက်ရောက်အပ်သည့်နေမှာတော့) ကျန်ငွေအကြေချေရမှာတဲ့။ အဆင်ပြေလောက်လား။

➡️ဘီစီစီအတွက် သိန်း (၅၀/၁၀၀) လောက် ချန်ထားဖို့ပြောတော့ ကန်ထရိုက်တာက ဘာပြောလဲ။

➡️အခုကာလမှာ ဘီစီစီအတွက်အတိအကျ ပြောလို့မရဘူးဆိုပြီး အကြောင်းပြ၍ ကန်ထရိုက်တာဘက်မှ လုံးဝလက်မခံဘူး။

➡️ကဲဒါဆိုလည်း မြေရှင်နှင့် ကန်ထရိုက်ချုပ်ဆိုထားသည့် စာ ချုပ်ပါလား။ ဖတ်ကြည့်ရအောင် ဆိုပြီး မိတ်ဆွေထံမှ ယူပြီးဖတ်ကြည့်သည့်အခါ တိုက်ကိုတော့ ၁နှစ် ၆လ အတွင်းပြီးစီးအောင်ဆောက်လုပ်ပေးပါ့မယ်၊ ဘီစီစီကိုတော့ တိုက်ဆောက် လုပ်ပြီးစီးသည့်နေမှ ဘယ်လောက်အတွင်း ရရှိအောင် ဆောင် ရွက်ပေးမည်ဆိုသည့် စကားရပ်က ပါမလားဘူး ဆိုသည့်အ ချက်ကို မိတ်ဆွေအား မြင်သာအောင်ပြောပြလိုက်ပါတယ်။

➡️ဆရာရယ် ကျမကတော့ ဝယ်ဖို့လည်း ဆုံးဖြတ်ထားပြီပြီးမို့ အဆင်ပြေအောင်သာ စာချုပ်ကို ပြင်ဆင်ပေးဖို့ အတင်းတိုက် တွန်းတာနဲ့- (သြော် Client တွေကလည်း အတင်းဇွတ်ပါလား၊ ဆရာဝန်က ဒီအစားအသောက်တွေစားရင် ဘယ်လိုရောဂါဖြစ် မယ်လို့ ဘယ်လိုပဲ ပြောကြားထားပါစေ လူနာကတော့ စားမှာပဲ စားမှာပဲ ငါ့ကိုလာမတားနဲ့ ဆိုပြီးအထားနဲ့- ရောဂါဖြစ်မှ ဆရာရေ ကူပါအုံး ကယ်ပါအုံးဆိုပြီး😁)

စာဖတ်မိတ်ဆွေများအနေဖြင့် အထက်ပါကဲသို့ ကြုံတွေ့လာပါက အောက်တွင်ဖော်ပြထားသည့် စာပုဒ်ကိုတော့ မဖြစ်မနေ ထည့်သွင်းချုပ်ဆိုသင့်ပါကြောင်း အကြံပြုလိုက်ပါရစေ။

ရောင်းချသူများသည် အရောင်းအဝယ်ပြုလုပ်သည့်တိုက်ခန်းအား (ဘီစီစီ) ရရှိအောင် ရောင်းချသူ၏ စရိတ်ဖြင့် အပြည့်အဝ တာဝန်ယူဆောင်ရွက်ပေးရမည်။

ခြွင်းချက်။ ။ မလွန်ဆန်နိုင်သောဖြစ်ရပ်များဖြစ်ပေါ်နေခြင်းကြောင့် ဘီစီစီရရှိရန် နှောင့်နှေးကြန့်ကြာမူများဖြစ်ပေါ်လာပါက ဘီစီစီရရှိနိုင်မည့် အချိန်ကာလကို နှစ်ဘက် ထပ်မံ ညှိနှိုင်းသတ်မှတ်ကြရန် သဘောတူညီကြပါသည်။

မလွန်ဆန်နိုင်ေသာကိစ္စရပ်များမှလွှဲ၍ ဘီစီစီမရရှိခဲ့ပါက ဝယ် ယူသူက အရောင်းအဝယ်ကို ဖျက်သိမ်း၍ တိုက်ခန်း၏ ကာလတန်ကြေးနှင့် အခြားသောနစ်နာကြေး အရပ်ရပ်တို့ကိုပြန်လည်တောင်းခံနိုင်သည်။ (သို့မဟုတ်) တိုက်ခန်းကို ဆက်လက်ရယူ ၍ မိမိတို့၏ ဆုံးရူံးနစ်နာမှုများအတွက် လျော်ကြေးငွေတောင်း ခံနိုင်သည်။
ထိုနည်းလမ်း (၂) မျိုးအနက် ဝယ်ယူသူက ၎င်းတို့ ကြိုက်နှစ် သက်ရာနည်းလမ်း တစ်ခုခုအား ရွေးချယ်ဆောင်ရွက်ခွင့်ရှိပါကြောင်း ရောင်းချသူက သိရှိသဘောတူညီပါသည်။

မလွန်ဆန်နိုင်သော သဘာဝဖြစ်ရပ်များဆိုသည်မှာ ရန်သူမျိုး (၅) ပါးအပါအဝင်၊ နိုင်ငံရေး မငြိမ်မသက် မှုဖြစ်ခြင်း ဆန္ဒပြခြင်း၊ သပိတ်မှောက်ခြင်း၊ စစ်မက်ဖြစ်ပွားခြင်း၊ ဘဏ်များပိတ်ထားခြင်း၊ ကပ်ရောများဖြစ် ပွားခြင်း၊ စသည်တို့ကို ဆိုလိုပါသည်။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း

09 986 252 417

ဂရန်အတု ဂရန်အစစ်အား ခွဲနိုင်သည့်အချက်တစ်ချက်အား ဖော်ပြသွားပါမယ်။
=========================================

မိတ်ဆွေတစ်ယောက် ဖုန်းဖြင့်ဆက်သွယ်လာကာ- ဆရာဦးဇင်လင်းအောင်လား ခင်ဗျာ ကျနော်က ဘယ်သူ ဘယ်ဝါပါ-

ရွှေပြည်သာဘက်မှာ ဂရန်ဝင်းမြေကွက်ဝယ်ချင်လို့ စာရွက်စာ တမ်းစစ်ဆေးပြီး အရောင်းအဝယ်စာချုပ်အပြီးအစီးထိ လိုက် လံဆောင်ရွက်ပေးနိုင်မလား ဆရာ-

Me- ဟုတ်ကဲ့ ဆောင်ရွက်ပေးပါတယ်- ဒါဆိုရင် မိတ်ဆွေ ဝယ် ယူမည့်ဂရန်ဝင်းမြေကွက်၏စာရွက်စာတမ်းမူရင်းတွေ ပီပီပြင် ပြင် Viber နဲ့ ရိုက်ပို့ပေးပါဆိုပြီး ပြောလိုက်ရာ-

ဆရာရေ မူရင်းတွေကိုတော့ ဓါတ်ပုံအရိုက်မခံဘူး။ လာကြည့်လို့ရတယ်တဲ့။

"မြေတိုင်းရပ်ကွက်နှင့် မြေကွက်အမှတ်" ပေးလိုက်ရင် အမည်ပေါက် ဘယ်သူဘယ်ဝါဆိုပြီး စစ်လို့ရတယ်တဲ့ ဆိုပြီး ပြောနေတယ်။
"မြေတိုင်းရပ်ကွက်နှင့် မြေကွက်အမှတ်" ပေးလိုက်လို့ ရလားဆရာ။

"မြေတိုင်းရပ်ကွက်နှင့် မြေကွက်အမှတ်" စစ်မေးယုံနဲ့ ဂရန်အ တု အစစ်ခွဲခြားလို့မရပါဘူး။

ဒါဆိုရင် လာခဲ့ပေးပါမယ် ရောင်းမည့်သူ၏ နေအိမ်မှာ လာခဲ့ပြီး စီစစ်မယ်၊ အရောင်းအဝယ်စာချုပ်လဲ ရောင်းချသူအိမ်မှာ ပြုလုပ်ရအောင်ဆိုပြီး ပြောလိုက်ကာ-

ရောင်းချသူမှ လက်ဘက်ရည်ဆိုင်မှာ ချိန်းဆိုလိုက်ပြီး ကျန်ုပ်၏မိတ်ဆွေအား ဂရန်မူရင်းများ မပီမပြင်ရိုက်ထားသည့် ပုံတွေ ပေးပို့ထားခဲ့ပါတယ်။

၎င်းမှတစ်ဆင့် ကျနော်ထံသို့ Viber ဖြင့်ပို့လိုက်ရာ-

အဲ့ဒါစပြီးတွေ့ပါလေကော-

အများအားဖြင့် ဂရန်မြေပုံမှာ ရေးဆွဲသည့်အခါ အဝိုင်းများနှင့်မြေကွက် ဘောင်ခတ်ခြင်းအား မှင်နီဖြင့်ရေးဆွဲပြီး လက်ရာမှာ သေသပ်ပြီး အစွန်းများထွက်မနေပါ လိုင်းများညီညာလွန်းပါတယ်။

(စာသားများအားအနက်ဖြင့်သာ ရေးလေ့ရှိပါတယ်)

(အတုမှာဘောင်လိုင်းများအစွန်းထွက်ပြီး စာသားအား မှင်ပြာဖြင့်ရေးလေ့ရှိပါတယ်)။

ဖော်ပြပါ အချက်တစ်ချက်အပါအဝင် အခြားအချက်အလက်များကြောင့် ကျွန်ုပ်၏ မိတ်ဆွေအား ဆက်လက် ဝယ်ယူရန် အားမပေးခဲ့ပါ။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417

မြေဝယ်သူတွေ စိစစ်ရမယ့် အချက်အလက် (၂၃) ချက်

မြေဝယ်ယူရာမှာသိသင့်တဲ့ အချက်အလက်တချို့ရှိပြီး စိစစ်ရွေးချယ်နိုင်တဲ့ အချက် (၂၃) ချက် ရှိတယ်ပါတယ်။

အဲ့သည်အချက် (၂၃) ချက်ကတော့ -

၁။ မြေကွက်တည်နေရာနဲ့အလားအလာ

၂။ မြေကွက်အမျိုးအစား

၃။ မြေကွက်တန်ဖိုးဈေးနှုန်း (ဆိုဈေးနဲ့ အလျှော့အတင်းအခြေအနေ)

၄။ မြေကွက်အကျယ်အဝန်း (နယ်နိမိတ်တိုင်းတာသတ်မှတ်တဲ့ မြေပုံနဲ့ တိုက်ဆိုင်စစ်ဆေးပြီး အမှန်တကယ်ရှိမရှိ လက်တွေ့တိုင်းကြည့်ရန် )

၅။ အမည်ပေါက်ပိုင်ရှင်ကိုယ်တိုင် ရောင်းချခြင်းဟုတ်မဟုတ်

၆။ ပိုင်ဆိုင်မှုအဆင့်ဆင့်နဲ့ သက်ဆိုင်တဲ့ စာချုပ် ၊ စာရွက်စာတမ်း အပြည့်အစုံမှုရှိမရှိ

၇။ ရောင်းသူဟာ အမှန်တကယ် ပိုင်ဆိုင်ခွင့် ၊ ရောင်းချခွင့်ရှိသူဟုတ်မဟုတ်

၈။ လိုအပ်ရင် အနည်းဆုံးလူနှစ်ဦးက လက်မှတ်ရေးထိုးပေးနိုင်ခြင်းရှိမရှိ

၉။ လိုအပ်ရင် ဝယ်ယူမယ့်အကြောင်းကို သတင်းစာမှာ ကြော်ငြာတာတွေ လက်ခံ ၊ လက်မခံ

၁၀ ။ လွှဲပြောင်း၊ ရောင်းချ ၊ ပေါင်နှံ ၊ စွန့်လွတ် ၊ လှူဒါန်း၊ အာမခံတင်သွင်းထားခြင်းရှိမရှိတို့ကို သိထားသင့်ပါတယ်။

ဒါ့အပြင်

၁၁ ။ မြေကွက် အမှတ် ၊ အိမ်အမှတ်

၁၂ ။ မြေကွက်မျက်နှာပြုလုပ်ရာအရပ်

၁၃ ။ လမ်းပန်းဆက်သွယ်ရေးနဲ့ ကား ဝင်နိုင်မှုအခြေအနေ

၁၄ ။ ရေဝပ် ၊ မဝပ်နဲ့ ရေဆင်းကောင်းမကောင်း

၁၅ ။ သဘာဝဘေးအန္တရာယ်ကြောင့် ပေါ်ပေါက်နိုင်တဲ့ အန္တရာယ်ရှိမရှိ (မြစ်ရေကြီးတာတွေ ၊ တာကျိုးရေလျှံတာတွေ ၊ ထူးကဲဒီရေမြှုပ်ခြင်း ၊ မြစ်ရေတိုက်စားတာတွေ ၊ ပတ်ဝန်းကျင် မီးဘေးအန္တရာယ်ရှိမရှိ )

၁၆ ။ လျှပ်စစ်မီးရှိမရှိ

၁၇ ။ ရေရှိမှုအခြေအနေ

၁၈ ။ အနီးပတ်ဝန်းကျင်အခြေအနေ

၁၉။ လမ်းမကြီး (ခရီးသည်တင်ဘတ်စ်ကားလိုင်း) က ဘယ်လောက်ကွာဝေးတယ်

၂၀ ။ မိမိလုပ်ကိုင်မယ့် လုပ်ငန်းနဲ့ ကိုက်ညီမှုရှိမရှိ

၂၁ ။ အနီးဆုံးဈေးနဲ့ အနီးဆုံးကျောင်းတွေ

၂၂ ။ သစ်ပင်နဲ့ စားပင်တွေ ပါဝင်မှု

၂၃ ။ ပြန်ရောင်းရန် အလွယ်တကူပြန်ရောင်းရနိုင် မရနိုင် စတဲ့အချက်အလက်တွေကို စိစစ်ဝယ်ယူသင့်ပါတယ်။

မတန်တဆ အတောင်းကြမ်းတဲ့ မြေရှင်လက်မှတ်ရေးထိုးခ
=======================================
မြေရှင်သဘောမတူ(လက်မှတ်မထိုး)ပါက အပျောက် (တိုက် ခန်း)အား လွှဲပြောင်းရောင်းချပိုင်ခွင့်ရှိ၊ မရှိ။

ဆရာရေ စမ်းချောင်းမှာ ဝယ်ယူထားတဲ့တိုက်ခန်းကိုအရောင်း အဝယ်လုပ်ဖို့ ဝယ်သူနှင့်လည်း စျေးက ညှိပြီးလို့ အဆင်လည်းပြေကော- မြေရှင်ကသဘောတူလက်မှတ်ရေးထိုးခ အနေဖြင့် ရောင်းရငွေ၏ ၁% မဟုတ်ဘဲ ကုန်စျေးနူန်းနှင့် အစစအရာရာ စျေးတတ်လို့ဆိုပြီး ၅% တောင်းနေတယ် ညှိလို့လည်းမရဘူး- ဒါကြောင့် မြေရှင်ရဲ့လက်မှတ်ပါမှရောင်းချခွင့်ရှိပါသလား ဆ ရာ။

- ဤမေးခွန်းဟာ ရန်ကုန်မြို့မှာဘဲ ကြုံတွေ့ရတတ်ပါတယ်။

တိုက်ခန်းပိုင်ရှင် (အိမ်ငှား) သည် အပျောက်စနစ်ဖြင့် ဝယ်ယူထားသည့်တိုက်ခန်းအား တစ်ဆင့်ပြန်လည်ရောင်းချသည့်အ ခါ မြေရှင်(အိမ်ရှင်)၏သဘောတူညီချက်ကို ရယူပြီးမှဆောင် ရွက်ရမည်ဟု ဥပေဒမှာ ပြဌာန်းချက်မရှိပေ။

အပျောက်စနစ်ဆိုသည်မှာ (နေထိုင်ပိုင်ခွင့်အတွက် တန်ရာတန် ကြေးပေး၍ ဥပစာ(တိုက်ခန်း)အား လွှဲပြောင်းရယူခြင်း) ကိုဆို လိုသည်။

***ဒေါ်ငွေသိန်းနှင့် ဒေါ်သိန်းညွန့် အမှု ( ၁၉၉၃ မတစ ၁၇ )

မတရား မတန်တဆတောင်းခံသည့် မြေရှင်တို့၏ သဘောတူလက်မှတ်မလိုဘဲ ရောင်းချသူ ဝယ်သူတို့ အဆင်ပြေပါက အ ပျောက်စနစ် (တိုက်ခန်း)အား လွှဲပြောင်းရောင်းချနိုင်ပါတယ်။

(၁၉၆၀ ပြည့်နှစ်၊ မြို့ပြဆိုင်ရာ ငှားရမ်းခကြီးကြပ်ရေးအက်ဥ ပဒေအရ အပျောက်စနစ်တိုက်ခန်းမှာ မြေရှင်၊ တိုက်ခန်းပိုင် ရှင် အသုံးနူန်းအစား အိမ်ရှင်၊ အိမ်ငှားလိုဘဲ သုံးနူန်းပါသည်။)

အောက်ပါ Telegram လင့်အား Like and Follow လုပ်ထားနိုင်ပါသည်။

https://t.me/Legalservi

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း

09 986 252 417

ကန်ထရိုက်တိုက်ခန်းကို ကန်ထရိုက်တာထံကနေ ကြိုပွိုင့်ဝယ်မှာ ဖြစ်တဲ့အတွက် စာချုပ်ချုပ်ဆိုပေးပါသလားဆိုပြီး တစ်ယောက်က ဖုန်းဆက်မေး လာပါတယ်။

ကြိုပွိုင့်ဝယ်မှာဆိုတော့ ငွေကို ဘယ်လိုချေဖို့သဘောတူထားသလဲ မေးလိုက်တော့ ၁၀ ရာခိုင်နှုန်းကို စရန်ပေးပြီး နောက်ထပ် ၃၀ ရာခိုင်နှုန်းကို မြေတူးတဲ့အခါ ပေးမှာဖြစ်ကြောင်း ၊ ကျန်တဲ့ ၆၀ ရာခိုင်နှုန်းကိုတော့ (၁) နှစ် အရစ်ကျနဲ့ ပေးမှာဖြစ်ကြောင်း ဖြေပါတယ်။

အခုလို ကန်ထရိုက်တိုက်ခန်းကို ကြိုပွိုင့်ဝယ်ယူခြင်းနဲ့ပတ်သက်ပြီး အဆိုပါ မိတ်ဆွေကို ရှင်းပြခဲ့တာကို ကျနော့်မိတ်ဆွေများအနက် မသိသေး သူများလည်း သိနိုင်စေဖို့ရန် ရေးသားတင်ပြလိုက်ပါတယ်။

ကန်ထရိုက်ထံကနေ တိုက်ခန်းကြိုပွိုင့်ဝယ်ယူတဲ့အခါမှာ သတိထား ရတဲ့အချက်တွေအများကြီးရှိပါတယ်။ ဥပမာအားဖြင့် အရောင်းအဝယ်ပြုသည့် တိုက်ခန်းသည် ကန်ထရိုက်က ရရှိသောတိုက်ခန်း ဟုတ် မဟုတ် ၊ ကြိုပွိုင့် ရောင်းချခြင်းကို မြေရှင်က သဘောတူ မတူ၊ ကန်ထရိုက်က အခြားသူများထံ မိမိနည်းတူ ကြိုပွိုင့်ရောင်းချထားခြင်း ရှိ မရှိ ၊ ကန်ထရိုက်သည် နာမည်ပျက် ရှိ မရှိ ၊ စည်ပင်ထံမှ ဆောက်လုပ်ခွင့် ရရှိထားခြင်း ရှိ မရှိ ---- စသည်ဖြင့် စိစစ်ရ သည့်အချက်များစွာရှိသလို စာချုပ်ချုပ်ဆိုသည့်အခါတွင်လည်း မိမိဖက်က အကာအကွယ်ရအောင် ချုပ်ဆိုရမှာ ရှိပါတယ်။

တိုက်ခန်းကို ကြိုပွိုင့်ဝယ်တဲ့အခါမှာ ငွေပေးချေခြင်းနဲ့ပတ်သက်ပြီး အထက်က တစ်ယောက်ပြောသလို စရန် ၁၀ ရာခိုင်နှုန်း ၊ မြေတူးချိန် ၃၀ ရာခိုင်နှုန်း ၊ ကျန်ငွေ ၆၀ ရာခိုင်နှုန်းကို (၁) နှစ်အရစ်ကျ ဆိုတာမျိုးက ကျနော့် အမြင်အရဆိုလျင် မလုပ်သင့်ပါဘူး။

ဥပမာပြောပါမယ်။ စရန်ငွေ ၁၀ ရာခိုင်နှုန်း ပေးပြီးနောက် ၃၀ ရာခိုင် နှုန်းကို မြေတူးချိန်မှာ ပေးရမယ်သဘောတူထားပေမယ့် ပေးရမယ့်နေ့ရက် အတိအကျမပါတဲ့အတွက် ဆောက်လုပ်ခွင့်မကျဟုဆိုတာ ကန်ထရိုက်က မြေမတူးခဲ့လျင် စရန်ကို ပြန်တောင်းလို့မရတဲ့ ဝယ်သူက နစ်နာရပါမယ်။

ထိုနည်းတူ မြေတူးပြီးနောက် ကျန်ငွေ ၆၀ ရာခိုင်နှုန်းနဲ့ ပတ်သက်ပြီး ပြောရလျင် (၁) နှစ်အရစ်ကျဟု သတ်မှတ်ထားသည့်အတွက် ကန်ထရိုက်က တိုက်ကို ဆောက်သည်ဖြစ်စေ မဆောက်သည်ဖြစ်စေ ဝယ်သူက ပေးရပါမယ်။ မပေးလျင် စာချုပ်အရ ပေးထားတဲ့ငွေတွေ အဆုံးဖြစ်သွားပါမယ်။ ( များသော အားဖြင့် ကန်ထရိုက်တွေက စာချုပ်ကို အဲလိုချုပ်ကြပါတယ်။)

ဒါကြောင့် ကျနော့်အတွေ့အကြုံအရ ပြောရလျင် ကြိုပွိုင့်ဝယ်တဲ့အခါ စာချုပ်ချုပ်တဲ့အခါမှာ စရန်ပေးပြီးနောက် မည်သည့်နေ့ရက်အတွင်း မြေတူးခဲ့ လျင် ၃၀ ရာခိုင်နှုန်းကို ပေးမည်ဖြစ်ကြောင်း ၊ မတူးခဲ့လျင် စရန်ပြန်ပေးရမည် ဖြစ်ကြောင်း ၊ ကျန်ငွေ ၆၀ ရာခိုင်နှုန်းနှင့်ပတ်သက်၍လည်း -
(၁) မည်သည့်အလွှာ ရောက်သည့်အခါ မည်မျှပေးမည်
ဖြစ်ကြောင်း ၊
(၂) တိုက် အကြမ်းထည်ပြီးသည့်အခါ မည်မျှပေးမည်
ဖြစ်ကြောင်း၊
(၃) ဆေးပြီးသည့်အခါ မည်မျှပေးမည်ဖြစ်ကြောင်း ၊
(၄) ဘီစီစီ ရသည့်အခါ မည်မျှပေးမည်ဖြစ်ကြောင်း ၊
(၅) ကိုယ်ပိုင်မီတာဘောက် ရရှိသုံးစွဲရသည့်အခါ မည်မျှ
ပေးမည် ဖြစ်ကြောင်း ၊
(၆) တိုက်ခန်းကို ရေ မီး ဘီစီစီ အစုံဖြင့် မည်သည့်နေ့ရက်
နောက်ဆုံး ထား၍ ပေးအပ်ရန်ဖြစ်ကြောင်း ၊ ထိုသို့
ပေးအပ်သည့်အခါ အပြီး ပေး ချေမည်ဖြစ်ကြောင်း ၊
(၇) မြေရှင်လက်မှတ်အတွက် ရောင်းသူစရိတ်ဖြင့်
ဆောင်ရွက်ပေးရမည်ဖြစ်ကြောင်း ၊
(၈) စာချုပ်ပါအတိုင်း ကန်ထရိုက်ဘက်မှ ဆောင်ရွက်ရန်
ပျက်ကွက် ပါက မည်သို့ ပေးလျော်ရမည်
ဖြစ်ကြောင်း ချုပ်ဆိုသင့်ပါသည်။

သို့မှသာ ကန်ထရိုက်၏ဆောင်ရွက်မှုအပေါ်မူတည်၍ ငွေပေးချေရ သည်မှာ တန်ဖိုးရှိမည်ဖြစ်ပြီး အကယ်၍ ပျက်ကွက်ပါကလည်း ငွေမကျွံမီ အရေးယူဆောင်ရွက်နိုင်မည်ဖြစ်သည့်အတွက် ဝယ်သူအတွက် အကာအကွယ် ရရှိမည်ဖြစ်ပါသည်။

ဤသည်မှာ ဝယ်သူအတွက် အကျဉ်းနည်းအကြံပြုပေးခြင်းဖြစ်ပါ သည်။ စာချုပ်တွင် ရောင်းသူဖက်ကလည်း ဝယ်သူပျက်ကွက်ပါက မည်သို့ ဆောင်ရွက်မည်ဖြစ်သည်ကို ပါဝင်မည်ဖြစ်ပါသည်။

စာချုပ်ရှေ့နေ (ဦးအောင်ဇေယျ)
09-797783516

အိမ်ခြံမြေတစ်ခု ဝယ်တဲ့အခါ အထူးသဖြင့် ဂရန်မြေတွေကို ဝယ်ယူတဲ့အခါ မဖြစ်မနေ ဆောင်ရမဲ့ အခွန် ၂ မျိုးရှိပါတယ်။

ပထမ တစ်ခုက ရောင်းသူက ဆောင်ရမဲ့ ရောင်းခွန် ဖြစ်ပြီး၊ ဒုတိယ တစ်ခုက ဝယ်သူက ဆောင်ရမဲ့
ဝယ်ခွန် ဖြစ်ပါတယ်။

ရောင်းခွန်ကတော့ အိမ်ခြံမြေရောင်းချတဲ့ အခါ ရရှိလာတဲ့ အမြတ်အစွန်းရဲ့ ၁၀ ရာခိုင်နှုန်းကို အခွန်ပေးရပါတယ်။

ဥပမာ - ဦးဖြူက မြေကွက်တစ်ကွက်ကို ၂၀၂၀ မှာ သိန်း ၁၀၀၀ နဲ့ ဝယ်ခဲ့တဲ့ မြေကွက်ကို ၂၀၂၄ မှာ သိန်း ၅၀၀၀ နဲ့ ပြန်လည်ရောင်းချခဲ့တယ်ဆိုရင် သူရရှိတဲ့ အမြတ်အစွန်းက သိန်း ၄၀၀၀ ဖြစ်ပါတယ်။

ဒါကြောင့် ဒီအမြတ်အစွန်း သိန်း ၄၀၀၀ ရဲ့ ၁၀ ရာခိုင်နှုန်း သိန်း ၄၀၀ ကို အခွန်ဆောင်ရမှာ
ဖြစ်ပါတယ်။

ဝယ်ခွန်ကတော့ ဝယ်သူဘက်က ဆောင်ရမှာ ဖြစ်ပြီး ပေးဆောင်ရမဲ့ နှုန်းထားတွေကတော့ အောက်ပါအတိုင်း ဖြစ်ပါတယ်။

ငွေကျပ်သိန်းတစ်ထောင်အထိ ၃ ရာခိုင် နှုန်း။
ငွေကျပ်သိန်းတစ်ထောင် မှ ငွေကျပ်သိန်း
ငါးထောင်အထိ ၅ ရာခိုင်နှုန်း။
ငွေကျပ်သိန်း ငါးထောင်မှ၊ ငွေကျပ်သိန်း တစ်သောင်းအထိ ၁ဝ ရာခိုင်နှုန်း။
ငွေကျပ်သိန်းတစ်သောင်း မှ ငွေကျပ်သိန်းတစ်သောင်း ငါးထောင်အထိ ၂ဝ ရာခိုင်နှုန်း
ငွေကျပ်သိန်းတစ်သောင်း ငါးထောင်တစ်ကျပ်နှင့် အထက် ၃ဝ ရာခိုင်နှုန်း ထမ်းဆောင်ရမည် ဟု သတ်မှတ်ထားပါတယ်။

ဝယ်ခွန်ဆောင်တဲ့အခါမှာ အခွန်သက်သာစေတဲ့ နည်းလမ်းကတော့ ဝင်ငွေရလမ်းကို ဖေါ်ပြနိုင်ပြီး အခွန်ဆောင်ထားတယ်ဆိုရင် တော့ အိမ်ခြံမြေဝယ်တဲ့အခါ ဆောင်ရတဲ့အခွန်က သက်သာပါတယ်။

ဒီအခွန်ကိစ္စတွေကို ရောင်းသူ ဝယ်သူကြား ရှင်းရှင်းလင်းလင်း ဖြစ်အောင် စရန်စာချုပ် ချုပ်ဆိုကတည်းက ရောင်းသူက ရောင်းခွန်ဆောင် ဝယ်သူက ဝယ်ခွန်ဆောင်ရပါမယ်လို့ အတိအလင်း ရေးသားပြီး စာချုပ်ချုပ်ဖို့ လိုပါတယ်နော်...

ဥပဒေရေးရာ

ကွန်ဒိုတိုက်ခန်းဝယ်ယူမည်ဆိုပါကစစ်ဆေးရမည့်အချက် များကို မျှဝေပေးလိုက်ပါတယ်။.....

▪️ကိုယ်ဝယ်ယူမည့်ကွန်ဒိုရဲ့ Developer ကနေပေးထားသော Owner Bookမူရင်းရှိမရှိပိုင်ရှင်ကိုယ်တိုင်အမည်ပေါက်ဟုတ် မဟုတ် စစ်ဆေးရန် ( Developer Owner Book , အိုးအိမ် Owner Book , ဆက်စပ်စာချုပ် , BCC မိတ္တူ )။

▪️ Developer နှင့် Owner ချုပ်ဆိုထားသော စာချုပ်မူရင်း ရှိမရှိ , အမည်ပေါက်မပေါက် သေချာစစ်ဆေးရန်။

▪️လစဉ် ( သို့ ) နှစ်စဉ် ပေးဆောင်ရသော Maintenance Fee , မီတာခ , ရေဖိုး အကြွေးကျန်ရှိမရှိ , ငွေသွင်းထားပါက ချလံမူရင်းပြခိုင်းရပါမည်။

▪️အခန်းပိုင်ရှင်ဟာ ကားပါကင်နေရာကိုအပိုင်ဝယ်ထားလား/ ငှါးထားတာလား စစ်ဆေးရန် (အတည်တကျဝယ်ထားတာဆိုရင်နေရာအတိအကျရှိမရှိ စစ်ရန် , ငှါးထားတာဆိုရင် ငွေဘယ်ကာလထိသွင်းထားသလဲ ကြည့်ရပါမည် )။

▪️ဝယ်ယူပြီးပါက ကိုယ့်အမည်ပြန်ပြောင်းရမှာဖြစ်သည့် အ တွက် Owner Book Name Change Fee သည် Develop er တစ်ခုနဲ့တစ်ခု မတူတဲ့အတွက်ကုန်ကျစရိတ်အား ကြိုတင်မေးမြန်းထားရပါမည်။

▪️လက်ရှိ Owner၏ အငှါးတင်ထားသော အခန်းကိုဝယ်ယူမယ်ဆိုပါက အခန်းကဘယ်နေ့နောက်ဆုံးဖယ်ပေးနိုင်မလဲဆိုတာ ( သို့ ) လက်လွှဲအငှါးယူမယ်ဆိုပါက စာချုပ်မူရင်းနဲ့ လက် ရှိအငှါးနေနေတဲ့သူ သိရှိကြောင်း လက်မှတ်ထိုးခိုင်းရန်။

▪️ဤအရာတွေအားလုံးကို ကိုယ်ဝယ်ယူမည့် ကွန်ဒို Project Developer ရဲ့ Management Team မှာအားလုံးစစ်ဆေးရန်လိုအပ်ပါသည်။

▪️အခန်းကြိုက်၍ စရံပေးစာချုပ်ချုပ်ဆိုတော့မည်ဆိုပါက ရောင်းသူဝယ်သူ ညှိနှိုင်းပြီးသည့်အချက်အလက်များကိုသေချာရေးထည့်ရပါမည်။

▪️စရံပေးစာချုပ်သည်လည်း အရမ်းအရေးကြီးပါသည် စရံ ပေးစာချုပ်မှာပါသည့် အချက်အလက်တွေအတိုင်းကို နောက် ဆုံးငွေအပြီးချေပြီးတဲ့အပြင်အခန်းကိုလက်ရောက်ပေးနိုင်တဲ့အထိဆက်လုပ်ဆောင်သွားရမှာပဲဖြစ်ပါတယ်။

▪️ငွေအပြေအကြေချေတဲ့စာချုပ်ထဲမှာ Payment နဲ့ ပါဝင်ပစ္စည်းများကို အတိအကျထည့်သွင်းရေးထည့်ထားရပါမည်။

▪️ Developer Owner Book ရသည့် Project တွေဆိုပါက သတင်းစာကြေငြာထည့်ဖို့ အရမ်းအရေးမကြီးပေမဲ့ ဆက်စပ်စာချုပ်နဲ့ဝယ်ယူမည်ဆိုပါက သတင်းစာကြေငြာထည့်သွင်းဖို့လိုအပ်ပါတယ်။

▪️နောက်ဆုံးတစ်ခုအနေနဲ့ အိမ်ခြံမြေတစ်ခုခုဝယ်ယူမည်ဆိုပါက သိတတ်နားလည်သည့်မိတ်ဆွေ ( သို့ ) ရှေ့နေ များဖြင့်သာ ဝယ်ယူဖို့အတွက် အကြံပြုလိုက်ပါရစေ။

Crd_to_owner_with_respect

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417

ဒီတော့ “မောင်ကောင်းဖေ” အနေနဲ့ အိမ်ခြံမြေဝယ်ကြတဲ့ သူများကို အသိပေးပါရစေ…မြေကွက် တစ်ကွက်လုံးဝယ်နိုင်ရင် ဝယ်ပါ။ မဝယ်နိုင်လို့၊ ဂရန်မိတ္တူပဲ ဝယ်ရတော့မယ်ဆိုရင်တော့ တစ်ခြမ်းဝယ် အထူးကိုယ်စားလှယ်လွှဲစာလုပ်ပါ။ ဒါအပြင် အရောင်းမြေပုံကူးနဲ့၊ မှတ်ပုံတင်အရောင်းအဝယ်စာချုပ်ချုပ်ဖို့ ဂရန်မူရင်းကိုင်ထားသူက လိုက်ပါဆောင်ရွက်ပေးအောင်လည်း တာဝန်ယူပေးပါရန် တောင်းဆိုသင့်ပါကြောင်း အကြံပေး တင်ပြလိုက်ရပါတယ်။

ရေးသားသူ လွှတ်တော်ရှေ့နေမောင်ကောင်းဖေ

အိမ်ခြံမြေ ဂရန် မိတ္တူခြမ်း ဝယ်ယူထားပြီးသည့်နောက် ဖြေရှင်းရမည့် အခက်အခဲ

အိမ်ခြံမြေ အရောင်းအဝယ်တွေ ကောင်းနေတဲ့ ကာလတွေမှာတောင် ဝယ်ရသူတွေဟာ “ရော့ပတ္တမြား၊ ရော့နဂါး” ဆိုသလို လွယ်လွယ်နဲ့ ပိုင်ဆိုင်လက်ခံရရှိသူ နည်းပါးလှပါတယ်။ ခက်ခက်ခဲခဲနဲ့ ကြိုးစားယူကြရလိမ့်မယ်လို့ "မောင်ကောင်းဖေ" ထင်ပါတယ်။

လက်ရှိအနေအထားမှာတော့ မြေချပါမစ်မြေကွက်ဝယ်ရင်လည်း ပေါ့ပေါ့ဆဆဝယ်လို့မရ၊ ဂရန်မြေဝယ်ပြန်ရင်လည်း စာချုပ်အဆက်အစပ်တွေက ခပ်များများနဲ့မို့ မြေနဲ့အိမ် ဝယ်လိုသူတွေအဖို့ ပိုင်ဆိုင်မှုခိုင်ခိုင်မာမာနဲ့ စိတ်အေးလက်အေးနေထိုင်နိုင်ဖို့ အတော်ကြိုးစားယူရတာကို" မောင်ကောင်းဖေ"တွေ့ရပြန်ပါတယ်။

ဂရန်မြေဆိုရင်လည်း မြေအမည်ပေါက်မှန်ကန်ရင် ဝယ်ရတာ အလိမ်မခံရဘူးဆိုပေမယ့် အချို့သောသူများက ဂရန်မြေနဲ့ အိမ်ကို ဝယ်ထားသော်လည်း ကိုယ်အမည်မဖောက်ဘဲ မူလအမည်ပေါက်ထံက (General Power)ဖြစ်စေ၊ (Special Power) ဖြစ်စေ ယူထားပြီး သိမ်းထားတတ်ကြတယ်။

အချို့ဝယ်သူတွေကျပြန်တော့ လမ်းမကြီးတန်းက (40'×60') မြေကွက်ကြီးတစ်ခုလုံး မဝယ်နိုင်လို့ (20'×60')ပဲ ခွဲပြီး ဝယ်ထားတာကို တွေ့ရပြန်တယ်။ (20'×60') ဝယ်ထားပေမယ့် တရားဝင်ခွဲစိပ်ပြီး အမည်မပြောင်းဘဲ (20'×60') တစ်ခြမ်းဝယ် အရောင်းအဝယ်စာချုပ်ကို အခွန်ဆောင်ပြီး မှတ်ပုံတင်ထားတတ်ကြတယ်။ ဒါပေမဲ့ တချို့သောသူများက အမည်မပြောင်းဘဲ တစ်ခြမ်း (20'×60') အရောင်းအဝယ်မှတ်ပုံတင်စာချုပ်နဲ့ ဂရန်မူရင်းကြီးကို ကိုင်ထားတတ်ကြပြန်တယ်။

ဘာကြောင့် အဲဒီလို ပထမဝယ်သူက ဂရန်မူရင်းကြီးလည်း ကိုင်ထားပြီး (20'×60' ) တစ်ခြမ်းဝယ် မှတ်ပုံတင်အရောင်းအဝယ်စာချုပ်ကြီးကိုလည်း အမည်မပြောင်းသေးဘဲ ထားရသလည်းဆိုရင် အမည်ပြောင်းခ ကုန်ကျစရိတ်နဲ့ ဂရန်ခွဲကုန်ကျစရိတ်တွေ အကုန်အကျမခံချင်ကြလို့ပဲပေါ့။အမည်မပြောင်းသေးသရွေ့ကတော့ ရန်ကုန်မြို့တော်စည်ပင်သာယာရေးကော်မတီ မြို့မြေစာရင်းမှာတော့ မူလဂရန်အမည်ပေါက်သူရဲ့နာမည်နဲ့ပဲ ရှိနေမှာပဲဖြစ်ပါတယ်။

မူလဂရန်အမည်ပေါက်သူတွေကတော့ ဘာဖြစ်လို့ ဂရန်မူရင်းကြီးကို ပေးလိုက်ရသလဲဆိုရင် ဂရန်မူရင်းပေးလိုက်ရင် ဈေးပိုရလို့ပါပဲ။ ဥပမာ~~မြေနဲ့ အိမ်တန်ဖိုးက သိန်း (၁၅၀၀)တန်တယ်ဆိုပါတော့ ရောင်းသူက ဂရန်မူရင်းလိုချင်ရင် (20'×60')တစ်ခြမ်းမြေကွက်ကို သိန်း (၈ဝဝ) သတ်မှတ်ပြီး ရောင်းတယ်။ ကျန်တဲ့မြေကွက်ကို ဝယ်သူ အနေနဲ့ကျတော့ ဂရန်မိတ္တူပဲရတယ်။ မြေဈေးနှုန်းကျတော့ သိန်း(၇ဝဝ) နဲ့ရောင်းလိုက်တယ်။ အဲဒီ မြေကွက်ထဲမှာရှိတဲ့ အိမ်ကိုတော့ ဂရန်အမည်ပေါက်သူတွေက ဖျက်ယူသွားတတ်ကြတယ်။

အဲဒီတော့ တစ်ဦးက ဂရန်မူရင်းကြီးကိုင်ထားပြီး ကျန်တစ်ဦးကျတော့ ဂရန်မိတ္တူပဲ ကိုင်ထားရတာလေ။ ပြန်ရောင်းတဲ့အခါမှာ မျက်နှာငယ်ရတာပေါ့။ ဂရန်မူရင်းကိုင်ထားသူကတော့ ခေါင်းရင်းခြမ်း(20'×60')ဝယ်ထားတဲ့ မှတ်ပုံတင်အရောင်းအဝယ်စာချုပ်ပြပြီး ဝယ်သူလာရင် အပေါ်စီးကနေ ဈေးတင်ရောင်းတာကို တွေ့ရတယ်။

ခြေရင်းဘက်ခြမ်း (20'×60')ဝယ်ထားသူကတော့ သူ့လက်ထဲရှိတာ အမည်ပေါက်ရဲ့မိတ္တူနဲ့ အရပ်ကတိအရောင်းအဝယ်စာချုပ်ပဲရှိတာလေ။ ပိုင်ဆိုင်မှုဆိုလို့ မြေကွက်ကိုပဲ လက်ညှိုးထိုးပြလို့ရတယ်။ ဂရန်မူရင်းနဲ့ ပိုင်ဆိုင်မှုတွေအားလုံးက ခေါင်းရင်းဘက်ခြမ်းက လူဆီမှာရှိနေတော့ စီးပွားရေးအဆင်မပြေလို့ ပြန်ရောင်းမယ်လို့ ပြင်ဆင်လိုက်တာနဲ့ ဂရန်မူရင်းရှိတဲ့သူကို မျက်နှာချိုသွေးရပြီပေါ့။

ဂရန်မူရင်းကိုင်ထားသူဆီကလည်း ဒီအတိုင်းတော့ အလွယ်တကူနဲ့ မငှားဘူး။ တန်ဖိုးတစ်ခုပေးမှ ဂရန်ကိုငှားတာလေ။ တန်ဖိုးတစ်ခုဆိုတာကလည်း တစ်သိန်း၊ နှစ်သိန်းအောက်မဟုတ်ဘူး၊ ဂရန်ငှားပြီး တစ်ခြမ်းအရောင်းအဝယ်လုပ်ဖို့ စည်ပင်မှာ အရောင်းမြေပုံကူးလိုက်ပေးရလို့၊ စာချုပ်ရုံးမှာ လိုက်ပေးရလို့၊ အခွန်ရုံးမှာလိုက်ပေးရလို့ဆိုပြီး (၁၅) သိန်းတောင် တောင်းတဲ့သူ "မောင်ကောင်းဖေ" ကြုံခဲ့ဖူးတယ်ဗျာ။အင်း..ဒါလည်း မှတ်သားစရာပါပဲ။

ဒါကြောင့် ဂရန်မိတ္တူနဲ့ မြေကွက်တစ်ခြမ်းဝယ်ထားမိသူတွေရဲ့ ဒုက္ခကလည်း မသက်သာလှပါဘူး။ ဒါကြောင့် ပြောတာ မြေဝယ်ရင် မိတ္တူနဲ့ဝယ်ရတာ “သူများနှာခေါင်းပေါက်နဲ့အသက်ရှူရသလို” ခံစားရတယ်ဆိုတာပေါ့။ 'ရွှေအကြောင်းဖယောင်းမှသိ၊ လူအကြောင်း ပေါင်းမှသိ” ဆိုတာ ဒီလိုလူမျိုးတွေပြောတာထင်ပါရဲ့။ အချို့ဂရန်မူရင်း​ခေတ္တအငှားလိုက်သူများဆိုရင် သူတို့ရဲ့ ဂုဏ်သိက္ခာကိုကြည့်ပြီး (၁၀)သိန်းတောင်းလိမ့်မယ်လို့ ထင်တောင်ထင်ရက်စရာမရှိပါဘူး။ ဒါပေ့မယ်လည်း ငွေနဲ့ပတ်သက်လာရင် “ဘယ်သူသေသေ ငတေမာရင် ပြီးရော’ဆိုတဲ့ စိတ်ဓာတ်မျိုးတွေ ရှိတတ်ကြတယ် မဟုတ်ပေဘူးလား။

အချို့သော ဂရန်မူရင်းကိုင်ထားသူများဟာဆိုရင် "ပြောတော့ဖြင့် တရားသဘောတွေပြောလိုက်ကြတာ၊ ကြားရသူအပေါင်း တရားကျလောက်ပါရဲ့။ သို့ပေမယ့် မထင်နဲ့ဗျို့။ တကယ်ဆက်ဆံကြည့်တော့မှ ငွေမျက်နှာတစ်ခုပဲ'ကြည့်တာကိုတွေ့ခဲ့ရတယ်။" ဘုရားမှတ်လို့ ကိုးကွယ်၊ ဖွတ်ထွက်မှ တောင်ပို့မှန်းသိ' ဆိုတာ ဒီလိုလူမျိုးကို ပြောတာထင်ပါရဲ့လို့ “မောင်ကောင်းဖေ” တွေးမိတယ်ဗျာ။

မြေကွက်ကျယ်ထဲမှမြေတစိတ်တပိုင်းဝယ်ယူရာတွင် သတိထားရမည့်အချက်

မိတ်ဆွေတစ်ဦးမှ သူ၏ရှေ့နေနှင့် အရောင်းအဝယ်စာချုပ်တစ်ခု မှတ်ပုံတင်ခဲ့ကြောင်း၊ အဆိုပါအရောင်းအဝယ်မှတ်ပုံတင်စာချုပ်အား အထောက်အထားပြုပြီးရန်ကုန်မြို့တော် စည်ပင်သာယာရေးကော်မတီတွင် အမည်ပြောင်း အမှု့တွဲဖွင့်လှစ်ရာ အမှု့တွဲဖွင့်မရဖြစ်နေသဖြင့် အကူအညီပေးစေလိုကြောင်းနှင့် စာရွက်စာတမ်းများအားပြန်လည်ပြင်ဆင်ပေးပါရန် တောင်းဆိုသဖြင့်
ကျွန်ုပ် မှ ရုံးခန်းသို့လာခဲ့ရန် ဖိတ်ခေါ်လိုက်ပါသည်။

အဆိုပါမိတ်ဆွေ ဝယ်ယူထားသော မြေနှင့်ပတ်သက်သည့် အထောက်အထား မူရင်းများအား ကျွန်ုပ်မှ စစ်ဆေးကြည့်ရှု့ရာတွင်

၎င်းဝယ်ယူထားသည်မှာ ( မျက်နှာစာ ပေ၄၀×အနံ ပေ၆၀ )အကျယ်ရှိ မြေကွက်အနက်မှ (မျက်နှာစာ ပေ၃၀×အနံပေ၆၀) ကိုဝယ်ယူခြင်းဖြစ်သည်။

၎င်း၏ရှေ့နေမှ အဆိုပါဝယ်ယူသည့်မြေကို ကာလတန်ဖိုးစိစစ်ရေးအဖွဲ့သို့ တင်ပြ၍ (ဝယ်ခွန်) အခွန်ထမ်းဆောင်သည့်အခါ မူရင်းမြေ (မျက်နှာစာပေ၄၀×ပေ၆၀)အပေါ် အပြည့်ထမ်းဆောင်ခဲ့ပါသည်။
မှတ်ပုံတင်စာချုပ်ချုပ်ဆိုသည့် အခါတွင် ဝယ်ယူသည့်ပစ္စည်းစာရင်း အပြည့်အစုံရေးပြီးသည့်အခါ (မှတ်ချက်။ ။ ဘေးချင်းကပ်လျက်ရှိသည့် မြေ ၁၀ပေ×ပေ၆၀ မပါဝင်ပါဟု) ဖော်ပြခဲ့ပါသည်။

ပူးတွဲပိုင်ရှင်(၁၀ပေ×ပေ၆၀) ပိုင်ဆိုင်သူမှ ၎င်း၏မြေအား ကျွန်ုပ်၏မိတ်ဆွေက ဝယ်ခွန်ထည့်ပြီးထမ်းဆောင်ထားသဖြင့် ၎င်း၏ပိုင်ဆိုင်မှု့ကို ထိခိုက်သည်ဟုဆိုကာ စည်ပင်တွင် ကန့်ကွက်ခဲ့ပါသည်။
ထို့ကြောင့်မှတ်ပုံတင်စာချုပ်ချုပ်ဆိုပြီးသော်လည်း မြေကွက်အားမိမိအမည်ပြောင်းလဲမရဖြစ်နေပါသဖြင့် ကျွန်ုပ်ထံအကူအညီတောင်းခံခြင်းဖြစ်ပါသည်။

မိတ်ဆွေတို့အနေဖြင့်လည်း (ပေ၄၀×ပေ၆၀) အနက် (ပေ၃၀×ပေ၆၀) သာဝယ်ယူပါက
အရောင်းအဝယ်ပြုလုပ်ရန် မြေပုံတွင် အရောင်ခြယ်ပြီး ၊

ကာလတန်ဖိုးသတ်မှတ်ပေးရန် ရာဖြတ်တောင်းရာတွင် (ပေ၄၀×ပေ၆၀) အနက် တရားဝင်မခွဲမစိတ်ရသေးသော (ပေ၃၀×ပေ၆၀) ဟုဖော်ပြပြီး ရာဖြတ်တင်ရန်နှင့်

စာချုပ်စာတမ်းများရုံးတွင် မှတ်ပုံတင်ပါကလည်း အထက်ဖော်ပြပါ အတိုင်း(ပေ၄၀×ပေ၆၀) အနက် တရားဝင်မခွဲမစိတ်ရသေးသော(ပေ၃၀×ပေ၆၀) ဟုထည့်သွင်းချုပ်ဆိုပါရန်

လေးစားစွာဖြင့် အကြံပြုအပ်ပါသည်။

လင်ယောကျာ်းအမည်ဖြင့် ဝယ်ယူထားသည့်မြေကွက်ကို ဝယ် ယူထားသူမှ ခရီးထွက်နေသဖြင့် ၎င်း၏ကိုယ်စားဇနီးဖြစ်သူမှ ရောင်းချမည်ဆိုပါက-စရံပေးစာချုပ်တွင်ထည့်သွင်းရေးသားဖော်ပြသင့်သည့် စာသားတစ်ကြောင်းကတော့-
=====================≈====================

ဤစာချုပ်ချုပ်ဆိုသော ကိစ္စရပ်များအတွက်ကာယကံရှင်လင် ယောကျာ်းကဤချုပ်ဆိုသောကိစ္စကိုအသိအမှတ်မပြုဟု ငြင်း ဆိုပါက ယင်းငြင်းဆိုမှုကြောင့် ဝယ်သူမှာ နစ်နာမှုဆုံးရူံးလျှင် ယင်းနစ်နာမှုဆုံးရူံးမှု မှန်သမျှအတွက် ဇနီးဖြစ်သူက တာဝန်ယူကြောင်းဆိုတဲ့ စာသားလေးထည့်သွင်းသင့်ပါကြောင်း အကြံ ပြုပါရစေ။

https://t.me/Legalservi

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417

အိမ်ခြံမြေစာချုပ် ချုပ်ဆိုမည်ဆိုလျှင်... GP/SP ကိုယ်စား လှယ်ရရှိသူနှင့် ဝယ်ယူသူတို့ကြား ခိုင်မာမှုရရှိစေရန်ဘယ်လိုချုပ်ဆိုရမလဲ။
=======================================

အိမ်ခြံမြေစာချုပ်ချုပ်ဆိုရာတွင် ရောင်းချသူနှင့် ဝယ်ယူသူအ ချင်းချင်း ချုပ်ဆိုသည်များ ရှိသကဲသို့ ရောင်းချသူ၏ ကိုယ် စားလှယ်ရရှိသူနှင့် ချုပ်ဆိုသည်များလည်း ရှိတတ်ပါသည်။

ကိုယ်စားလှယ်ရရှိသူနှင့် စာချုပ် ချုပ်ဆိုရာတွင် ဝယ်ယူသူအ နေဖြင့် အောက်ပါအချက်များကို စာချုပ်တွင် ထည့်သွင်းချုပ်ဆိုထားရန် မလွဲမသွေ လိုအပ်မည် ထင်ပါသည်။

၁။ ရောင်းချသူ (ပိုင်ရှင်) က ကိုယ်စားလှယ်အား ပေးထားသော ကိုယ်စားလှယ်လွဲစာကို ပြန်လည်ရုတ်သိမ်းခြင်း မရှိသေးကြောင်း၊

၂။ ကိုယ်စားလှယ်လွဲစာပေးသူ ကာယကံရှင်သည် ယနေ့ထက် တိုင် သက်ရှိထင်ရှား ရှိနေသေးသူဖြစ်ကြောင်း၊

၃။ ချုပ်ဆိုသော ကိစ္စရပ်အတွက်ကိုယ်စားလှယ်လွဲ စာပေးသူ ကာယကံရှင်က ဤချုပ်ဆိုသောကိစ္စကို အသိအမှတ်မပြုဟု ငြင်းဆိုပါက ယင်းငြင်းဆိုမှုကြောင့် ဝယ်ယူသူနစ်နာမှုဆုံးရူံးလျှင် ယင်းနစ်နာမှုဆုံးရူံးမှု မှန်သမျှအတွက် ကိုယ်စားလှယ်ရရှိသူက တာဝန်ယူကြောင်း၊

၄။ ဤချုပ်ဆိုသော ကိစ္စရပ်အတွက် ကိုယ်စားလှယ်လွှဲစာရရှိသူက ကိုယ်စားလှယ်လွှဲစာပေးသူကာယကံ ရှင်သို့ အသိပေးအကြောင်းကြာပြီ ဖြစ်ကြောင်း၊ ဤစာချုပ် ချုပ်ဆိုသည့်အ တွက် ခံစားခွင့်နှင့် တာဝန်များအတွက်လည်း အသိပေး အ ကြောင်းကြားပြီဖြစ်ကြောင်း စသည်တို့ကို ထည့်သွင်းချုပ်ဆိုထားသင့်သည်ဟု ယူဆပါသည်။

စာချုပ်စာတမ်းမှတ်ပုံတင်ရုံး၌ ​ပြဿနာရှိရန်အကြောင်း မရှိသော်လည်း အရပ်ဘက်ချုပ်ဆိုသော စာချုပ်များတွင်မူ ပြ ဿနာအငြင်းပွားမှုများ မကြာခဏ ပေါ်ပေါက်တတ်ပေသည်။

စာချုပ်ချုပ်ဆိုရာတွင် ကိုယ်စားလှယ်သည်ကိုယ်စားလှယ်အ ဖြစ်သာ ပေါ်လွင်မှုရှိရန် လိုအပ်ပေသည်။ ဥပမာ- ရောင်းချသူသည် ကာယကံရှင်ဦးမြဖြစ်ပါသည်။ ဦးမြက ဦးဖြူအားကိုယ် စားလှယ်လွှဲစာ ပေးပါသည်။ စာချုပ်ချုပ်ဆိုရာတွင် ရောင်းသူနေရာ၌ ဦးဖြူဟူ၍ ဖော်ပြချုပ်ဆိုခြင်းသည် မှားယွင်းသော ဖော်ပြမှု ဖြစ်ပါသည်။ အမှန်ဖော်ပြရမည်မှာ ရောင်းသူသည် ဦးမြသာဖြစ်ရပါမည်။

ထို့ကြောင့် ရောင်းသူ ဦးမြ၊ ဦးမြ၏ မှတ်ပုံတင်အမှတ်၊ နေရပ်လိပ်စာတို့ကို ဖော်ပြရပါမည်။ ထိုသို့ ဖော်ပြပြီး အောက်ဘက်တွင် လက်သည်းကွင်းဖွင့်၍ (ဦးမြ၏ တရားဝင်ကိုယ်စားလှယ် ပေးအပ်ခြင်းခံရသူ ဦးဖြူ) ဟူ၍ ဖော်ပြရမည်။

စာချုပ်တွင် လက်မှတ်ရေးထိုးရာတွင်လည်း ဖော်ပြပါအတိုင်း ကိုယ်စားလှယ်လွှဲစာရရှိသူအနေဖြင့် လက်မှတ်ရေးထိုးရပါမည်။

https://t.me/Legalservi

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
၀၉၉၈၆၂၅၂၄၁၇

ရောင်းခွန်၊ ဝယ်ခွန်ဆောင်ရပါတော့မည့် ပါမစ်မြေ (အထူးသ တင်း)
=======================================
- ဂရန်သစ်လျှောက်ထားဆဲ ပါမစ်မြေများ အားလုံးသတ်မှတ်ထားသည့် အခွန်ထမ်းထမ်းဆောင်ပြီးမှသာ ဂရန်လျှောက်လို့ရပါတော့မည်။

- ပါမစ်မြေမှ ဂရန်သစ်လျှောက်မည်ဆိုပါက တရားရုံးအနိုင်ဒီကရီရရှိပြီး ကျသင့်သည့်အခွန်ထမ်းဆောင်ပြီးမှ ဂရန်သစ်ထုတ်ပေးနိုင်မည်။

- ပါမစ်အမည်ပေါက်သေဆုံးပါက မှီခိုသူစာရင်းထဲတွင် ပါဝင်မှုမရှိပါကအမွေဆက်ခံသူများမှ အမွေဆက်ခံပိုင်ဆိုင်ကြောင်းစာချုပ်ပြုလုပ်ပြီးမှ ဂရန်သစ်လျှောက်လို့ရပါတော့မည်။

- ပါမစ်အမည်ပေါက်သေဆုံး၍ ပါမစ်စာရွက် မှီခိုသူစာရင်းပါဝင်တဲ့သူမှ ဂရန်လျှောက်လို့ရပါတော့မည်။

- အထက်ပါကိစ္စရပ်များအားလုံး ပါမစ်မူရင်းတင်ပြမှသာလျှင် လျှောက်လို့ရပါတော့မည်။

ညွန်ကြားစာ အောက်ပါလင့်တွင် ကြည့်ရူ့နိုင်ပါတယ်။

https://t.me/Legalservi

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417

အိမ်ခြံမြေ ဥပဒေရေးရာ(အထူး)သင်တန်း အပတ်စဉ် (၈)
=======================================
အိမ်ခြံမြေနဲ့ပတ်သတ်၍ သိသင့်သိအပ်သည့် ဥပဒေရေးရာ အ ထူးသင်တန်း

သင်ကြားမည့် အကြောင်းအရာများ
------------------------------------------------
-မြေယာအမျိုးမျိုးနှင့် တိုက်ခန်းအမျိုးမျိုးများအကြောင်း
-လယ်ယာမြေနှင့် အခြားနည်းသုံးစွဲခွင့်လျှောက်ထားခြင်းအ ကြောင်း၊
-ကိုယ်စားလှယ်လွှဲစာ GP၊ SP အကြောင်း၊
-စာချုပ်စာတမ်းမှတ်ပုံတင်လုပ်ငန်းစဥ်အကြောင်း
-ဂရန်အမည်ပြောင်း၊ ဂရန်မြေကွက်ခွဲစိတ်နှင့် ပါမစ်မြေမှ ဂရန်အသစ်ပြုလုပ်သည့်လုပ်ငန်းစဥ်အ ကြောင်း။
-ဂရန်မြေ၊ လယ်ယာမြေ၊ ပါမစ်မြေနှင့် တိုက်ခန်းများအရောင်းအဝယ်ပြုလုပ်မည်ဆိုပါက စာရွက်စာတမ်းများ စစ်ဆေးပုံစစ်ဆေးနည်းနှင့် စာချုပ်စာတမ်းရေးသားနည်းများအကြောင်း။

🥇ဥပဒေရေးရာ (အထူး) သင်တန်း၊ ၂၀၂၄-အပတ်စဉ်(၀၀၈)

🔍 သင်တန်းပို့ချနည်း Online (Zoom) Class

(ပို့ချပြီးသည့် သင်ခန်းစာများကိုလည်း Recording Audio and Video File များကိုလည်း မျှဝေပေးမှာမို့ သင်တန်းပျက် ကွက်သူများအတွက်လည်း စိုးရိမ်စရာမလိုပါ။)

🕘 သင်တန်းစတင်ပို့ချမည့်နေ့နှင့် အချိန်
(စနေနှင့် တနဂ်နွေနေ့တိုင်း)၊ ညနေ ၆နာရီမှ ၇.၃၀ နာရီထိ)

🗓 သင်တန်းပို့ချမည့်ကာလ- ( ၄- ပတ်) (၁၂-နာရီ)
💸 သင်တန်းကြေး -၂၀၀,၀၀၀/ ကျပ်

(သင်တန်းကြေးလွှဲလိုပါကအောက်ပါ Kpay အကောင့်တွင် လွှဲ အပ်ပေးပါရန် တောင်းဆိုအပ်ပါသည်။)

Kpay Account-09974760443
(Don't transfer with password)

🎁 အထူးအခွင့်အရေး🎁

ဤသင်တန်းတတ်ရောက်ပြီးသာနဲ့ အိမ်ခြံမြေ၊ တိုက်ခန်းနှင့်ဥပေဒေရးရာကိစ္စနဲ့ပတ်သတ်၍ မေးမြန်းလာပါက အခမဲ့ဆွေး နွေးပေးသွားပါမည်။

👨‍💻 သင်ကြားပို့ချမည့်ဆရာ

ဦးဇင်လင်းအောင် (Real Estate)
တရားလွှတ်တော်ရှေ့နေ

မှတ်ချက်။ အလုပ်အကိုင် ပညာအရည်အချင်းကန့်သတ်ချက်မရှိပါ။ မည်သူမဆို တက်​ရောက်နိုင်ပါသည်။

📲ဆက်သွယ် စုံစမ်းစာရင်းပေးသွင်းရန်
၀၉၉၈၆၂၅၂၄၁၇ (Viber) @ Page CB

အိမ်ခြံမြေဥပဒေရေးရာ ဝန်ဆောင်မှုများ
===========================
ဆရာရေ အိမ်ခြံမြေ၊ တိုက်ခန်းနှင့်ပတ်သတ်ပြီး ဥပဒေရေးရာကိစ္စရပ်တွေ အွန်လိုင်းပေါ်မှာ မျှဝေနေတာတွေတော့ တွေ့နေရပါတယ်။ အဲ့ကိစ္စတွေနှင့်ပတ်သတ်ပြီးဘာတွေဝန်ဆောင်မှုတွေ ပေးပါသလဲဆိုပြီးမေးမြန်းနေသည့် မိတ်ဆွေများအတွက်-

ဝန်ဆောင်မှုများ
---------------------
၁။ မြေယာနှင့်တိုက်ခန်းအမျိုးမျိုးများကိုစရန်ပေးမှစ၍ အပြီး သတ်စာချုပ် ချုပ်ဆိုပေးပြီး၊ အမည်ပေါက်ရရှိသည့်အထိ ဝန် ဆောင်မှု ဆောင်ရွက်ပေးခြင်း။

၂။ မြေရာဇဝင်နှင့် ပိုင်ဆိုင်မှုစာရွက်စာတမ်းများ စစ်ဆေးပေးခြင်း

၃။ GP/SP ကိုယ်စားလှယ်လွှဲစာ ဝန်ဆောင်မှုများ ဆောင်ရွက်ပေးခြင်း။

၄။ သတင်းစာ ကြေငြာထည့်ခြင်း။

၅။ စာချုပ်အမျိုးမျိုး ချုပ်ဆိုပေးခြင်း။

၆။ ဂရန်အမည်ပြောင်း/ မြေကွက်ခွဲစိတ်/ ပါမစ်မှ ဂရန်သစ်ပြု လုပ်ခြင်း/ ဂရန်ပျောက်ဆုံး၍ ပြန်လည်လျှောက်ထားခြင်းကိစ္စရပ်များ ဆောင်ရွက်ပေးခြင်း။

၇။ တရားရုံးတွင် အမှုကိစ္စရပ်များ (ပြစ်မှု၊ တရားမ)နှင့် ပတ်သတ်၍ ရှေ့နေအဖြစ် လိုက်ပါဆောင်ရွက်ပေးခြင်း။

၈။ တိုက်ခန်းအုံနာဘုတ်အမည်ပြောင်းကိစ္စ ဆောင်ရွက်ပေးခြင်း။

၉။ ဥပေဒေရးရာကိစ္စရပ်များအကြံပြု/ ဆွေးနွေးပေးခြင်း။

၁၀။ အိမ်ခြံမြေ ဥပဒေရေးရာ သင်တန်းဖွင့်လှစ်ထားခြင်း။

၁၁။ ကျမ်းကျိန်လွှာနှင့် နိုတြိကိစ္စရပ်များ ဝန်ဆောင်မှုပေးခြင်း။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း

09 986 252 417

မိဘက သားသမီးတစ်ယောက်တည်းအား ပစ္စည်းအားလုံးပေး ကမ်းခြင်းသည် တရားမဝင်။
==========================================

၁။ ဒေါ်သိုင်း နှင့်ဒေါ်ငွတ် ( ၁၉၄၉ မတစ လွှတ်တော် ၄၇၁ )
အသက် ၇၂ နှစ်အရွယ်ရှိ ဒေါ်ရွှေရီ ဆိုသူသည် မသေမီ ကိုးရက်အလိုတွင် မှတ်ပုံတင်အရာရှိကို အိမ်သို့ခေါ်ယူပြီး မှတ်ပုံ တင်စာချုပ်ချုပ်ဆို၍ ရှိသမျှ ပစ္စည်း အားလုံးကို ၎င်းအား နှစ်ပေါင်းများစွာ ပြုစုသူအား ပေးကမ်းခဲ့သည်။ ဒေါ်ရွှေရီသည် နှစ်ပေါင်းအတော်ကြာ ကိုယ်ရေပြားရောဂါဖြစ်ပြီး မှတ်ပုံတင်စာချုပ်သည့် အချိန်တွင် မမာမကျန်းဖြစ်နေသည်။
ထို့ကြောင့် အဆိုပါ စာချုပ်ကို မြန်မာဓလေ့ထုံတမ်းဥပဒေနှင့်အညီ မညီညွတ်၍ တရားလွှတ်တော်မှ အတည်မပြုပေ။
တရားလွှတ်တော်မှ အကြောင်းနှစ်ရပ်ပြသည်-
ပထမအကြောင်းမှာ သေခါနီးဆဲဆဲ ပေးကမ်းခြင်း ဖြစ်သည်။ ဒုတိယအကြောင်းပြချက်မှာသေသူသည် ရှိသမျှပစ္စည်း အား လုံးကို ပေးကမ်းခဲ့ခြင်း ဖြစ်သည်။

၂။ မြန်မာဗုဒ္ဓဘာသာတစ်ဦးသည် မိမိပိုင်ပစ္စည်းကို ပေး ကမ်း ခွင့် မရှိဟု တားမြစ်ချက်မရှိပေ။ သို့ရာတွင် ဓမ္မသတ် သုံးဆယ်ခြောက်စောင်တွဲအခန်း ၈၊ ပုဒ်မ ၇၅ အရမြန်မာဗုဒ္ဓဘာသာတစ် ဦးသည် အမွေခံများအတွက် ဝေခြမ်းစရာ အမွေပစ္စည်း မရှိခြင်းဖြစ်သည့်အခါ ထိုသို့ ပေးကမ်းခြင်းသည် မြန်မာဓလေ့ ထုံးတမ်း ဥပဒေ နှင့် ဆန့်ကျင်သည်ဟု မှတ်ယူကြရမည်ဖြစ်ပြီး ပေးကမ်းခြင်းကြောင့် ရရှိထားသည့်ပစ္စည်းကို အမွေပုံတွင် ထည့်သွင်း၍ ခွဲဝေယူကြရမည် ဖြစ်ပေသည်။

[ ဦးတင်ဝင်း ပါ- ၂နှင့် ဦးတင်ညွန့် ပါ -၃ ၁၉၈၃ မတစ ၁၉၁ ]။

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417
( ဦးမြစိန် ၊ တရားမလမ်းညွှန်စီရင်ထုံးများ၊ စာ ၁၅၁ )။