الحَسَنْ مُؤَيَّد.

و عاتبني اذا غيري صبر وياك
مثل گلبي
جذب يتحمل ويصبُر

على ياساس؟ ابنج كاعد يناغي
وحبيبج ينكطع نسله
على ياساس؟ نص دينج كمل بعدي
وحبيبج ضيع القبله
وعلى ياساس كبرتي بسرعه وتربين
واني الحاسبج طفله
ولو سامع ال ماريدك من لسانج
اتخطى واضن سهله
ولو راجع جنازه لبيتنه وممدود
ولا رجع بهل فشله
ولو شالع  فصوص العين بجفوفي
ولا شايف ضحكتج ذيج بالحفله
مو تدرين اغار عليج من روحي
على ياساس بيده يلملم الكذله

الله واكبر

الصبر
مات وي روحي خيال وسط الضل
اني اول ابن عشرين
شاحب لون وجها وغصنه ضل يذبل
اجيتك ميت وامنهار اريد اعدل
حفضتك سالفه ابروحي ولا تنمل
گلي اشلون يمدلل
اغنيلك غنه السبعين عاش بلذت ريه
ووافيض
وبيه لهفه شوگ زلف عاشگله ترجيه
تعال وخل اناغيلك
تعال وخل خضاري ايشب
تعال الحگ
گبل لاموت وسنين العشگ تخرب
تعال الحگ ايامي البقت لا تنحب
يل مطرز ابريسم شوفتك ترهب
يماي ومن دلالك لبس وزره الحب
اعتنيتك ريجي ضل عطشان اريد اشرب
امانه اضمني
بعيونك قصيدت شاعر امرتب
خل انعيش عشره مرز والمشرب
يصوغه ليلو
اشمارادو ايعوفوك ماتخرب
تعال وسير ابروحي گصب للماي
اعتنيتك سالفه ابگلبي احبه اهواي
ريض ياقطار الشوگ وامشي احذاي
اريد ارويك بعيوني واصير افياي
يلذه وطاحت ابريتي شكر بل ماي
كاتبلك رسايل تلهم العشاگ
ابگد شعر البراسي واحس بيها اشواي
يلمهيل ابطعمك لاتضل ابعيد
گرب حته اشوفك يمي رايح جاي
تعال اوسير ابروحي شمس واطيوف
واشوفنك مشاعر غافيه امن اسنين
غيرت حته لون السيف من الخوف
گرب ياتعب دنياي اريد اوگفلك امحزم
ميهمني كلام الناس العاشگ گلبه ماينذم
احبك لو تصير السم
اعشگگ لو تصير الدم
هويتك يادوه وابلسم
عيشني اعل گد دنياي وخل الناس بيه تذم

حسن العتابي

وكالو منجل وكتلهم استفهام ؟

المنجل من تعلكه يشوف روحه هلال

وَعَانَقْتُ كُلََّ الْحَائِرِين مُواسِياً
‏وَقَلبِي هُنا بَينَ الحَنايا مُمزَقُ
وَتَبَسَمْتُ بِوَجْهِ كُلَّ الضَائِعِين مُستَلطِفاً
وَقَلبِي هُنا بَينَ البَقايا مُفَتَتُ
وَخَاطَبْتُ كُلَّ الْسَاهِرِين مُنصِحَاً
وَقَلبِي هُنا بَينَ الثَنايا مُتعَبُ
وَشَهِقْتُ عِطرَ كُلَّ العَابِرِين مُفعَماً
وَقَلبِي هُنا بَينَ المَنايا مُعتَقُ

لا تعشك كلب معشوك
باجر صاحبه يريده

شما اكولن أيست تفضحني عيني
امبينه تنتضرك تجيها
من اسمع بديره جديده يكلي
كلبي يجوز بيها
وامشي ادورك
استغلني
العشگ فرصه
وخاف يبهت بيه عيدك
خضر بروحي
گبل لا صير صبخه وبيش افيدك
اطرد اصورك واحنن
وارجع وبالشوف ألح
واشكي من طيفك ولكن
شكوة العاشگ صلح
عفيه عمري الگاضي هم
الفرگه هم
الملگه هم
الجوري يسال ياهو ساعدني أعله شتله وهذا هم
كبرت الورده الزرعناها سويه
وصارت حديثه وتريد اليوم شم
وهذا هم
انت يا اول عرف واخر غريب
يحبني بس مو مالتي
ياحبيبي
ولايتي الما بيها مثلك عيب اگول ولايتي
الليل شنهو الليل عگبك
لون مشمور ابمدينه
الليل اذا ما بي محنه شفرقه عن العميه عينه

احمد عبد الرضا

موطني
الجمالُ
والسناءُ
والبها
ضاع العمر والتعب
مابين سلطه وحزب
مابين بوك ونهب
غربه نعيش بوطن
حتى نشيده جذب

اذا ردت بكرامه تعيش مرتاح
تطلع جوكري وابن السفاره
حيره شون وادم تكدر تعيش
وي ابن الزنا وابن الدعاره
ينام البرنمالي بحضن القصور
وابن الخير حاير بالجكاره
ساعه وكسرت كل التماثيل
وافلش آور واكفر بالحضاره
عراق الخير شعبك نام جوعان
باجر من وراك يبيع داره

عالحب گتلك البي تضحية يعيش
خذت رايي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت جن دمعة وبجنحينها رموش
وعلى شجرة ضحكتك سكته حطيت
خيل ظنوني طلعت خيل عرجاء
وانا مراهن عليها تفوز ظنيت
من شفتك اطش سنيني والله
لأن بيهن حلا حسبالي جكليت
غشيم وگلت ماساوي اليلمون
عزت نفسي ما خلتني لميت
انا بلا وعي من اطيتك الروح
وعقل ماجان عندي وهسة فزيت
ماجذب واگلك باجر انساك
عفتني وذكريات هوايه خليت
اذا كل حايط البي اسمك يطيح
على هـالحالة لازم نهدم البيت
بأخير ايام عشت بروحك هواي
ديرة شايلين اووحشة حسيت
ظلمة وريح بيها وصوت بيبان
وردت اطلع ولكن ما اندليت
انا الباني السفينة ومو مثل نوح
صعدتك اوبالطوفان ظليت
وجبت عشب الخلود اطيتك اياه
وگلت احمل الفشلة وخالي رديت
بحرگتي وخفت تدريجياً اشتاگ
وخفت ردود گلبي يگلي حنيت
من دمعتي لحجيك وكت الوداع
خط وهمي بوكتها ﺒﭽفي جريت
طلاسم نظرتك فكتها الاعذار
وبعيونك شگد الغاز حليت
جنت تحجيلي وايدي تهدم احلام
وبمعول دمعتي بقوة دگيت
بحيث من انتهيت من المواضيع
ذيج الساعة ماظل كلشي هديت
فده من ينجفي يگولون عالماي
وفدوة شلون اگلك ماتبديت
انا شفتك ثلج بحلوگ شمات
معقولة بحلگهم ما حتريت
ماگتلي الرواية اخرها مبتور
چا بأول مشاهد مانشديت
ولو ادري اليظل ممنوع مرغوب
لارخصت روحي ولا انذليت
انة ابحرت بيك اعناد عالروج
وعلى خصر الشراع وزار شديت
الهوه هذا اليمرني اتخيلك بي
حته التقي وياك منين ماجيت
يعني بمعنى اخر مستحي احجيه
ترى بس انت غيرك ما اشتميت
وحررت اسمك من شفايف الغير
وعلمودك شگد حروب طبيت
وبعدة ذرائع قادر اجتاح
.ولكن شبر منك ما أحتليت
اكض الليل بيدي من اوگف وياك
بدليل شگد عليك نجوم طشيت
جنت اگدر اجيك بدون عنوان
وحته ادخل بگلبك لو اضطريت
علي محسوب سر وانته مگيول
وعلى ازغر اعدائك ما انظميت
ما عندك عذر ينگال للناس
يمي ومن حجيهم ما افتكيت
لهسه اكل بصبعي الاشرت بي
عليك وبي الف نيشان خليت
مثل حب الارض وية الشمس بي
جنت سطحي بنظرتي وفطرة حبيت
لو ادري الشمس ماتفتر وياي
على روحي بعشرتك ما افتريت
انة عابيت حته عيوني ﺒﭽفاك
بيهن وبنظرهن مااعتزيت
مر يم بيتنا مستطرق وشوف
تلگة اباب بيتي عيون ذبيت
انة ظهري احترف طعنات العزاز
وگمت اعرف اديهم لو اندجيت
بلا شوف واگلهم ها منو فلان
بس انته عكسهم ماتسميت
حته انساك لازم ينلغي الليل
اذا بالليل اذكرك چا سويت
واحتار من اظل ابين رأيين
اذا عن رأي منهن ما استغنيت
بما انك عفتني بكل الاحوال
ماتفرق نسيتك لو تناسيت

اذا تزعل وما ودو على مراضاك؟
اهنانا تقيس نفسك
غالي لو مو غالي

‏لا تَحْسبِ الشِّعْرَ أوزاناً وقافِيَةً
ولا حُرُوفاً على لَوْحٍ كَتَبْناها

ما الشِّعْرُ إلا دُمُوعُ القَلْبِ مِنْ وَجَعٍ
لمَّا اخْتَنقْنا بها قهراً نَزَفْنَاها

من اجيبك عالسلف تسوه السلف كله

كل عقلك فرح تلكة بحلك بــي نـــاي
من تلمح عيوني راح تلـكة الـــــرد
شترجى من المكابر غير طاري الـمــوت
ومابيهـــــه المشانق غير حـــل وشد
صدكت الحجي او املت بيك احــلام
لكن مالكيتك لمن صارت جـــــد
انا ردتك تجيني بوكت بــــي شمات
جنت اسمع حجيهم من امريشـــتد
الى ان ايسوا منك ذروني ارتـــــاح
لكوغيرك وغيري والحديث انســـد
تجي هسة شبعد قصـــرت لوماجــاي
وين الكة الشماتـــــه حتـــى اكلهـــم رد
الك يد بحياتي اعـــــترف ماناســـــيك
بس انته مماتي هم الك بـــي يــــد
انه ردتك تجي الســـــــــاف الوكع تبنيه
هسه الساف سهلة بس اساسه انهـــــد
حجر عثرة الجرح حطيتة كبـــل الروح
و مأمن بجيتك راح بــي تصـــــطد
ولو حد بالبدايـــــة الك ماخـــــليت
بس حاولت تالي ردت احطـــلك حد
تريد شفاف تفرح وانه شرد انطــــــيك
اريد افرح ولكن مستحي مــن الــخد
غرك خدي دمع وشلت بي مافـــاد
اتصور فوك جفني ردت احطــن سد
جنت اسكت كبل لو هددتـــــني تروح
اخاف تروح مني عـــن زعلتـــــي ارتد
هسة انته رحت وانه من اخــــــــاف مـــنين
انه تناسيت كلشي واعتبرتــــك نـــد
شغير بيك كلبك مسـتحيل اتصـــــــير
هواللون الاسود يبقى لــون اســــود
كلما جايني جاي اقتنــع وانـــساك
وبكل امنياتي جاي احــس ازهــد
اله اسباب الزعل مو عن فراغ أيـــــــــصــير
ماصار الجزر لوما ايصــير الـــمد
نفسهن ماجبت فد شي جديد ويـــــاك
ياجرح الاشوفة عدي مـــــــنه شــــكد
وعة بيك الورد شافك شــتلت سهــــام
نايم سوة روحة حتــــــــى مايشـــــهد
واسئل جفن عيني حــتى ادينــــك بي
عن لايحجي اكله بيهه جنـــت ارمــد
اشيل ضماد جرحي تريد لاموهيــــــــــــــج؟
انته اسئلني الاول انه جرحي انشـد ؟
يستشري الحزن واستاصــلة كل يــــوم
الى ان اخبروني ان حزنك قــــــد
وصل حالة صعب منك بعـــــد ينشــال
جروحك بي مجلبــــة جـــذره بيهه امتــد
كضى وكتك مثل ما خلص وكتـــــــــي بيــوم
وين تريد احطك باب كلـبي انســد
الرذاذ ال علورد صح ندى بـــــــس لو طاح
تتغيراوصافه مو ندى ينعـــــد
بس ايجوز اذا حرا الشمس يجـــــــــــــــويه
يتبخر يجوز وللورد يصـــــــعد
علما شوف دمي ينكطــــع لو لا
من حرة صــــوابي تنطـــفي وتبرد
زين انته بقيت انـــه وراي وياك
انه مارحت عني مابقالي احـــد
موجرة مكص بس ماكو اثر جفـين
جابصمات ظلت لو بفـــــعلة يـــد
فرق يوسف بريء اتضح مـــــــن تهمو
تقنعني قميصك من دبـــر ينقــد
يوسف من لبــــس جان القميص كدار
بس انتــــــه قميصك بي زغر ماكــد
اريد اقضي بجريمة ماكوبيهه شهود
بس كلمة انساني والزعل والصـد
عندي المشكلة ابين الجرح والسيف
سيفك ؟جرحي ؟كلي يالاول هـــد
ولهذا انه كلما اوصل انطي احكام
اكول الجلسه هسه تنرفع للغـد

حب الطفوله يموت ويظل اثر بيك

كافي منكم
راح اعود العين ما تدمـع اذا شافت صوركم
راح اعود الروح ما تجفل اذا ينجاب اسمكم
راح اوصي الجــدم يبعد عن دربكم

كافي منكم
ما امر بكل حديقه
خاف اشوف الورد واتذكر عطركم
ما اسولف ويه احد
خاف نص السالفه واذكر اسمكم
كافي ضيم الشفته منكم
ياسهركم ، يا قهركم
فرني دولاب الليالي
وشالني بروحة حسنكم
وصــرت متغرب
وانتم عد اهلكم

لـ الكاطع

صرنالك ورد يل ماتسوه عاكول

تعشَك ونص دينك يكمله الغريب