Kyym.ru

⚡Ил Түмэн дьокутаата, РФ кикбоксиҥҥа үтүөлээх тириэньэрэ, Эр санаа уордьаннаах Василий Егоров АБДь кэмигэр судаарыстыба бүддьүөтүттэн элбэх үбү эрэйэр бырааһынньыктары, аралдьытар тэрээһиннэри, күрэхтэһиилэри тохтоторго этии киллэрдэ.

Этэрбэс араадьыйата суруйарынан, кини этиитин өйөөн, дьокутааттартан ким даҕаны тыл эппэтэх.

Эһиги санааҕытыгар, ааһан эрэр сылга ханнык бырааһынньыктары тохтотон эриэххэ сөп этэй?

Холобура, мин быйылгы Олоҥхо ыһыаҕын ыытымыахха сөп этэ диибин.

Таатта улууһун баһылыга АБДь-га сулууспалыы барда

Улуус баһылыгын эбээһинэһэ кини бастакы солбуйааччыта Руслан Захаровка сүктэрилиннэ.

Таатта улууһун баһылыга Айаал Бурцев бэйэтин баҕатынан анал байыаннай дьайыы буола турар сиригэр сулууспалыы барда. Ол туһунан ТАСС-ка улуус баһылыгын социальнай бэлиитикэҕэ солбуйааччыта Святослав Сунхалыров иһитиннэрбит.

Сунхалыров чопчулаабытынан, улуус баһылыгын эбээһинэһин кини бастакы солбуйааччыта Руслан Захаров толорор буолбут.

Даҕатан эттэххэ, “Боотур” доброволецтар этэрээттэрин кытта анал байыаннай дьайыыга Сунтаар бөһүөлэгин баһылыга Эдуард Филиппов айаннаата. Ол туһунан улуус баһылыга Анатолий Григорьев кэпсээбит.

Сиһилии: https://kyym.ru/sonunnar/main/12792-taatta-uluu-un-ba-ylyga-abd-ga-suluuspalyy-barda

🌐Алампа "Аҕабар сурук" айымньытын кумыктыы тылбаастаабыт Багавутдин Самадов эҕэрдэлээтэ👏🏼

Бэҕэһээ Арассыыйа Дьоруойа Родимир Максимов-Бурҕаакка Надежда Алексеевна Аржакова-Иванова-Илгийэ киниэхэ анаабыт хоһооно бэчээттэммит "Күрүлгэн" сурунаалын бэлэхтээтим, хоһоону алгыс быһыытынан ааҕан иһитиннэрдим.

Эссе күрэҕэр бастаабыт Вика Ивановаҕа, Хатырык оскуолатын үөрэнээччитигэр, Бурҕаат илии баттааһыннаах "Күрүлгэни" биһирэбил быһыытынан анаатым. Бэс ыйыгар тахсыбыт нүөмэр.

Ол кэмҥэ Бурҕаат Арассыыйа Дьоруойа буолуо уонна кинилиин "День белых журавлей" тэрээһиҥҥэ Намҥа бииргэ тахсыахпыт диэн өйгө да суох буоллаҕа.
Алампаны тылбаастаабыт кумык суруйааччыта Таатта ньургун уолугар Бурҕаакка эҕэрдэтин ыыппыта эмиэ бэрт дьиктитик тоҕоосто👍👍👍

Намтан "Күрүлгэн" уус-уран сурунаал бас эрэдээктэрэ Афанасий Гуринов-АРЧЫЛАН иһитиннэрдэ.

Тохтобулга уонна пааркаҕа табахтыыр бобуллар буолла

Оптуобус тохтобулугар уонна сынньалаҥ пааркаларыгар табахтаабыт дьону уостарын харчынан быһа охсор 500 солк. ыстарааптыырга этии киллэрдилэр.

Саха сиригэр оптуобус тохтобулларыгар уонна пааркаларга табахтаабыт дьону ыстарааптыыр санаалаахтар. Туһааннаах сокуон барылын алтынньы 22 күнүгэр Ил Түмэн тохсус пленарнай мунньаҕар дьокутааттар өйөөтүлэр.
Санатар эбит буоллахха, ити туһунан кэпсэтии өссө былырыыҥҥыттан саҕаламмыта. Нэһилиэнньэ баһыйар өттө ону өйөөбүтэ. Биллэн турар, утарааччылар да бааллара.
Ол да буоллар бэҕэһээ сокуон барыла өйөннө. Онон, өтөр өрөспүүбүлүкэ административнай быраабын кодексыгар уларытыылары киллэрдэхтэринэ, сокуон күүһүгэр киирэн барыахтаах.

Кыстык ыган кэллэ... Эрэннэриллибит үп-харчы суоҕун курдук суох...
“Көмө харчытын хаһан биэрэллэрэ буолла? Билигин 2 мөлүйүөн кэриҥэ иэскэ сылдьабын. Кирэдьиит бөҕөтүн ыллым уонна чугас дьоммуттан, аймахтарбыттан элбэх харчыны иэс ыллыбыт. Хотонум олох хаарбах этэ, эбиитин уу ылан туһаттан тахсыбыта. Онон саҥа хотону тутуннум уонна дьиэбин өрөмүөннээтим. Ылбыт кирэдьииппит бырыһыана наһаа улахан. Онон иэһи-күүһү уонна кирэдьиити төлөһө охсуохха наада”.
“Бырабыыталыстыба ууга барбыттарга “хапытаалынай өрөмүөҥҥэ” диэн ааттаан, дьиэ 1 кв.м. бастаан 7-лии тыһыынча, онтон кэнники 9-туу тыһыынча харчы биэриэх буолбута даҕаны күн бүгүҥҥэ диэри суох. “Федеральнай харчы кэлиэхтээх” диэбиттэрэ даҕаны хамсыы илик. Биир үксүн ону кэтэһэммит бириэмэни халтай ыыттыбыт. Эрдэттэн түспүтэ эбитэ буоллар, манныкка тиийиэ суох этибит. Аны билигин кэлэн хапытаалынай өрөмүөн харчытын өрөспүүбүлүкэ уйунар диэн буолла. Онон хайдах-туох буоларын бу диэн чуолкай билбэккэ олоробут”.
Ол туһунан халаан уутугар улаханнык эмсэҕэлээбит Нам улууһун Маймаҕа, Хатырык уонна Модут нэһилиэктэринэн сылдьан, суруналыыс Саргылаана БАГЫНАНОВА суруйбут матырыйаалын “Кыым” хаһыат чэппиэрдээҕи, алтынньы 24 күнүнээҕи нүөмэригэр ааҕыҥ.

Халлаан сылыйар чинчилээх эрээри...

Бу күннэргэ Саха сирин кэккэ улуустарыгар халлаан сылыйар чинчилээх. Күнү-дьылы кэтээн көрөөччүлэр этэллэринэн, сорох сиргэ инньэ “+” кыраадыс буолуоҕа.

Красноярскай кыраай диэкиттэн иһэр циклон өрөспүүбүлүкэ үгүс улуустарыгар сылаас салгыны үүрэн аҕалыаҕа. Онон сибээстээн, соҕуруулуу-арҕаа улуустарга халлаан +1 кыраадыска тиийэ сылыйыаҕа.

Киин улуустарга салгыммыт чэппиэргэ сылыйыахтаах. Ити күн күнүс -4...-9 буолара күүтүллэр.

Сиһилии: https://kyym.ru/sonunnar/ajyl-a/12789-khallaan-sylyjar-chinchileekh-ereeri

Кыстыкка киирии үтүө сонуннара
Тыа дьонун сиэринэн, кыстыкка тэрээһиннээхтик киирии түбүгүн сыллата ааһабыт. Күн бүгүн үгүс ыал сүөһүтүн хотоннорун булларан, отторун, сүөһүлэрин ааҕынан-суоттанан бүттүлэр.
Ол курдук, "Сырдык Аартык" кооперативпытыгар үлэ күөстүү оргуйар. Бэҕэһээҥҥиттэн сүөһүнү астыыр сыах үлэтин саҕалаата, быйыл 60-ча идэһэ астаныахтаах. Саҥа, киэҥ хотон тутуута бүтэн бүгүн уота тардыллан сандаарда, үлэһиттэр олорор сынньанар дьиэлэрэ, күрүө-хаһаа тутуллан бүттэ. Манна бэйэбит олохтоох, тутууга дьоҕурдаах дьоммут уонна хаһаайыттар, эрэллэрбит, кэскиллэрбит-үрдүкү кылааска үөрэнэр уолаттарбыт субуотунньугунан күргүөмүнэн тахсан түргэн кэм иһигэр хаачыстыбалаахтык үлэлээтилэр.
Аҕыйах хонугунан, ыанар ынахтарбыт саҥа сырдык,киэҥ хотоҥҥо киирэн бааллыахтара, үрүҥ илгэ үрүлүйэ сүүрүөҕэ!

⚡️Үҥкүү тыйаатыра Александр Алексеев көмүскэлигэр турда

Аҕыйах хонуктааҕыта Сахалайф.ру аан ситимҥэ Сергей Зверев-Кыыл Уолун аатынан Үҥкүү тыйаатырын өр сылларга ситиһиилээхтик салайан кэлбит дириэктэр Александр Алексеевы туох да төрүөтэ суох уураппыттарын туһунан ыстатыйа уонна кэлэктиип аатыттан Ил Дархаҥҥа элбэх илии баттааһыннаах сурук тахсыбыта.

Онно этиллэринэн, Александр Иванович, кэлэр сылга бэлиэтэнэр Кыыл Уолун төрөөбүтэ 125 уонна Үҥкүү тыйаатыра тэриллибитэ 45 сылынан кинигэ таһаараары матырыйаал хомуйар эспэдииссийэ тэрийэн, Сунтаар улууһугар тиийэн култуура управлениетын үлэһиттэрин уонна олохтоохтору кытта көрсүбүт. СӨ Култууратын министиэристибэтэ дириэктэр көҕүлээһинин сөбүлээбэтэх. Ол иһин, Сунтаартан кэлээтин кытары, кинини министиэристибэҕэ ыҥыран дириэктэр дуоһунаһыттан ууратыллан Сүбэһит буоларын, онон баҕа өттүнэн сайабылыанньа суруйуохтааҕын туһунан иһитиннэрбиттэр.

Онон, Александр Алексеев Судаарыстыбаннай Үлэ иниспиэксийэтин Саха сиринээҕи салаатыгар тиийэн көмө көрдүүргэ күһэллибит. Үлэһиттэр бырааптарын көмүскүүр уоргаҥҥа министиэристибэ салалтатын дьайыытыгар чопчу сокуону кэһии баарын көрбүт уонна суукка үҥсүү суруйарыгар сүбэлээбит. Ууратыллыбыт дириэктэр сууттаһарга бэлэмин биллэрбит.

Салгыы «салайааччытын урукку да өттүгэр көмүскэһэн кэлбит тыйаатыр кэлэктиибэ эмиэ көмүскэлгэ турда» диэн суруллар. Ол курдук, Ил Дархан Айсен Николаев аатыгар дириэктэри дуоһунаһыгар хаалларар туһунан 88 илии баттааһыннаах көрдөһүү сурук барбыт.

Сиһилии➡️https://kyym.ru/sonunnar/kultura/12784-k-tyjaatyra-aleksandr-alekseev-k-m-skeliger-turda