Қадрли бухороликлар, азиз опа-сингиллар!
Ҳукуматимиз томонидан 9 октябрдан бошлаб қўлда терилган 1 кг пахта учун 2 500 сўмдан тўлаш белгиланганидан хабарингиз бор.
Бу нарх аҳолимизни даромадлари ошишига, шунингдек, етиштирилган ҳосилни нест-нобуд қилмасдан йиғиштириб олиш имконини беради. Масалан, бир оиладан 4 киши кунига 400 кг пахта териб, 1 000 000 сўм ишлаб топса, бу қолган 20-25 кунлик теримда 20-25 млн оилавий даромад дегани.
Қолаверса, Бухородаги пахта-тўқимачилик кластерлари ташаббуси билан 1-теримда 80 кг, 2-теримда 60 кг пахта терган теримчиларга 1 литрдан пахта ёғи берилмоқда. Шунингдек, илғор теримчиларга алоҳида рағбатлантиришлар ҳам жорий қилинган.
Фурсатдан фойдаланиб, барча бухороликларни бободеҳқонларимизнинг йил бўйи пешона тери эвазига етиштирилган ҳосилни ёғин-сочинли кунларга қолдирмасдан йиғиб-териб олиш ишларида фаол иштирок этишга, бу орқали оилалари даромадини оширишга чақирамиз.
Фермер хўжаликлари раҳбарларидан эса мавсум давомида болалар меҳнати ва мажбурий меҳнатга йўл қўймаслик чораларини кўришларини сўраймиз.
Бухоро вилояти деҳқон, фермер хўжаликлари ва томорқа ер эгалари Кенгаши
Buxoro.uz | Facebook | Instagram | YouTube