Hammaga tungi salom.
Tez-tez fikrlarimni yozib post qo'yib turaman degandim. Ya'ni, texnologiyalar, hayot, baxt, pul topish kabi mavzularda fikrlarim bilan bo'lishib turmoqchi edim. Lekin bunday qilmayapman
Sababini tushuntirsam. Yaxshilab o'ylab qarasam, yozayotgan gaplarim qiziqarli, o'ylantiradigan gaplar, lekin ba'zilari shunchaki "aqlli gaplar" bo'layapti. Buning ustiga, hozir qayerga qaramang kimdir aql o'rgatayapti, o'qiyotgan kitoblarimdan qilgan xulosalarimni video shaklda YouTube ga qo'ymoqchi edim, qarasam YouTube bunaqa quruq xulosalarga to'la). Lekin eng qizig'i, odamlar shunaqa videolarni ko'p ko'radi, ya'ni bu birovlarni gapini gapirib boshqalarga "aql ulashish" va shu orqali kanalda "podpischik" yig'ishni yaxshi yo'li ekan. Xullas, kel shu ishni qilmay dedim. Bitta men qolibman aql ulashmayotgan. Faqat o'zim uchun o'qishga qaror qildim. O'qiganlarimni esa faqatgina kimdir so'rasa aytishim mumkin.
Lekin..., lekin degan joyi bor. Men ba'zida fikrlarimni yozib turmoqchiman, ya'ni bular qanday fikrlar. Faqatgina o'zim amalda qilib ko'rgan va bemalol uddasidan chiqa oladigan narsalarim va aynan shularni qanday qilish mumkinligi haqidagina fikrlarimni yozib turaman. Faqatgina konkret foydasi tegishi mumkin bo'lgan ma'lumotlarnigina ulashib turmoqchiman. Qolganlari ichimda tura qolsin).
Bularning birinchisi ingliz tilini qanday qilib mustaqil o'rganish haqida bo'ladi. Chunki men ingliz tilini mustaqil o'rganganman. Yaqinda yana bitta tilni o'rganishni boshladim, 2024 - yil oxirigacha yaxshilab o'rganib olmoqchiman, ko'ramiz qanchalik o'rganaman. Bu til men uchun zaril emas, shunchaki bo'sh vaqtimni to'ldirish va miyani charxlab turish maqsadida o'rganayapman (masalan mashinada ketayotganda, ovqatlanayotganda, nimanidir kutib qolganda o'rganaman).
Hozircha xayr, tuningiz ham kuningiz ham yaxshi o'tsin)
Bizni kuzatishda davom eting:
@BarzuIbrohimov
@imperia_cg