- طابت نفسي منك بعد شتفيد .؟
وبعيني متت شتفيد الاعذار
لو كالولي نار وانته شتريد
هم ماريد وألا امشي للنار
انه وكلبي ننتضرك مگاريد
وتجينه الغبشه ازرگ كلك أثار
جنت وياك يمكن اقوه تهديد
من ازعل منك اشمر ذاك ألسوار
وحسبتك من هلي وشتطلب أنطيك ...؟
أبد ماكتلي مره وماكلت صار
ألثار الينوخذ من الغريبين
لاكن من هلي شلون أخذ ألثار .؟
ويني أو وين حب وهلمواضيع
لحد هسه ويعدوني أويالصغار
جنت اكتب رسايل يبقن شهور
وبشرنك صرت هسه اكتب اشعار
ولا حتى الحجار يلين بلماي
ابد مو مال اكلك كلبك حجار ..!