وتذكر الروايات انه كلما دخل أحد أبناء أبي الفضل العباس على الامام السجاد كان الامام لايستطيع أن يتمالك نفسه فتجري دموعه على خديه.
اشم ريحة العباس يهـلي
ودمعي جرّح الخدين يهلي
امر بالدار ما شفته يهلي
دارك موحشه يا عم عليه
🏴🏴🏴🏴🏴🏴🏴🏴
دموع بشوفة اولادك عمنه
ذكرنه بكربله فكدنه عم النه
صار النوح والمبچه عملنه
نار ابو الفضل بينه سريه
🏴🏴🏴🏴🏴🏴🏴🏴
امر بالدار عاينت ل بنينه
صرح الاحزان للغالي بنينه
نشوفه وبالسمر وياه بنينه
عنت شوفتك ياعم عليه
🏴🏴🏴🏴🏴🏴🏴🏴
من شفت البنين وبالي شدهاي
شمالك يا دهر وياي شد هاي
جرح البلگلب ما رهم شدهاي
كثيره جروحي من الغاضريه
🏴🏴🏴🏴🏴🏴🏴🏴
اجيت الدار والدلال مرهم
يا بالفضل جرحي انته مرهم
اعدايه اخبرك ضوكوني مرهم
مشيت انه بيسر مگيده اديه
🏴🏴🏴🏴🏴🏴🏴🏴
شفت اولادك انه ودمعي كفن
ما انسه الشىريعه ويمها كفين
مصايب الدهر يا عمي كفن
علمسنايه طايح يا شفيه
نبضي حسين