كلهم يچذبون
They all do lie
اني دائما اسمع اراء الطلبة للأقسام بشكل عام
In the general run of things
فذاك اليوم شفت فد طالبة شطوورة كلششش ، كتلها شنو هدفج او حلمچ و شنو تردين تحققين
What is your goal and achieve?
شفت هي تكول مستر درجاتي كلها ميه و اريد اروح اسنان ، كتلها حلوو كلشش تروحين للقسم اللي تحبينها ، تكول لا والله استاذ ، اني كلشش احب الطب عام ، بس اخوي هم جاي يدرس طب عام و يوميه يحچي عل قسم و مراضي عنه و يكول صعب و حته كايل لا تورطي نفسج
ههههه اهنا اني ما انصدمت لان دوم اسمع هيج نماذج من الجذب من طلاب الأقسام ، كتلها اولا اللي كايل هذا الحچي چذاب ، لأن اذا هالكد صعب و مستحيل المفروض محد يكمل طب عام ، و سنويا نشوف ملايين الطلبة يتخرجون ،. اذا هو او همه يكدرون ، انتي ليش لا ، يجوز اشطر منهم و من اخوج حته ، اني هم هسه اذا يصير فرصة اقرا موادهم و اتحدى اذا ماجيب درجة اعلى منهم ، لأن اغلبهم بس يدرخون ، اني ادرس و افتهم و ادرخ ، و نشوف منو اللي اقوى و اشطر من الناحية العلمية و الدراسية وكتها …
و ثانيا اذا اخوج ميحب قسمه ، لو جان كفو ، حته لو لفلوس مجان يروح لهذا القسم ، جان يشتغل كتاجر او يكمل القسم اللي يحبه بس مبين فاشل و مچلب بالطب للفلوس و راتبه بس، فهو متورط مثل ميكول ، بس اكو يحبون القسم و يعشقونه ، انتي كوني قدوة اله اذا هو ضائع …
فذولي لا تسمعوهم رجاءا ، قسمنا صعب و مادري ايش و مستحيل ، ماكو شيء اسمه مستحيل
Nothing is impossible, the word itself says ‘I’m possible’!
و لا تخلوا اي واحد يصعب عليكم اي شيء في الحياة ، سواء الدراسة ، اللغة ، العمل ، كل شيء ، و اللي يصعب عليكم الأمر ، اولا يچذب و ثانيا يحسدكم بسسسسس و بالأصل من داخله عباله اذا واحد ثاني يوصل لنفس مستواه هو يخسر ، صح يجوز يخسر لان اصلا كل شيء ماعنده
تحياتي
المدرب الدولي امين حسن