Тошкент ҳақиқати – Haqiqat online

#қойил

⚡️Техника мўжизасини кўрганману, лекин бунақасини...

Оддий клавиатура билан бошқариладиган машинани кўрганмисиз?

@haqiqatonline_24

#жиноят

❗️Наркокурерга ёрдамлашган профилактика инспектори узоқ муддатга қамалди

Андижонлик 29 ёшли наркокурер Россиядан турли маиший техника воситалари орасига яширилган ҳолда жўнатилган гиёҳванд воситаларини манзилидан олиб, айтилган жойга етказиб бериш билан шуғулланган. У бу ишда Андижон туман ИИО ФМБ ХПБ профилактика инспектори билан жиноий тил бириктирган. Наркокурер Тошкент шаҳрида ўтказилган тезкор тадбирда қўлга олинган.

@haqiqatonline_24

#диққат

❗️Паркент, Оҳангарон ҳамда Янгийўл туманларидаги ёқилғи шаҳобчаларида сифатсиз бензин сотилаётгани аниқланди

Хусусан, Оҳангарон туманида жойлашган «Д.» хусусий корхонасига қарашли АЙҚШ ўрганилганда 4 дона минг литрлик елим идишларда дизель ёнилғиси сақланаётгани ҳамда ностандарт елим идишларга дизель ёнилғиси қуйиш ҳолати аниқланган.

Шунингдек, ушбу шохобчада сотилаётган автобензиндан намуна олиниб, лаборатория таҳлилларидан ўтказилганда Аи-92 русумли автобензин давлат стандарт талабларига мос келмаслиги (сифатсиз) маълум бўлган.

Бу каби ҳолатлар Янгийўл туманида «С.Ф.Б.» МЧЖ ва Паркент туманида «П.» фермер хўжалигига қарашли АЙҚШларда ҳам аниқланган.

Қайд этилишича, мазкур ҳолатлар юзасидан қоидабузарликка йўл қўйган ушбу АЙҚШлар камчиликлар бартараф этилгунча биржа савдоларида иштирок этиши вақтинча тўхтатилган.

@haqiqatonline_24

#диққат

🚘❌Эртага “Автомобилсиз кун” акцияси ўтказилади

Акция ҳар ойнинг тўртинчи чоршанбасида ўтказилиши режалаштирилган, дея эслатди Экология вазирлиги.

Президент фармонига кўра, шу куни биноси пойтахтда жойлашган барча давлат идоралари раҳбарлари ва ходимлари ишга жамоат транспортида келиши керак.

✔️Тезкор янгиликларни биз билан кузатинг!
@haqiqatonline_24

#ана_бўлмаса

❗️Арзимаган пул учун 10 га яқин инсон ўзаро муштлашди

Ҳолат Жиззах вилоятида рўй берган.

Таъкидланишича, жанжал кафеда 800 минг сўм қарзни ундириш учун келган одамдан бошланган. Қарздор қарзни қайтаришни рад этгани сабабли зўравонлик юзага келган, бошқалар ҳам аралашган.

Кейин қарздор танишлари билан қайтиб келиб, қарз талаб қилувчини ва унинг шерикларини калтаклаган.

Ҳозирда жабрланувчиларнинг аризаси асосида жиноят иши қўзғатилди ва айбдорларга чоралар кўрилмоқда.

@haqiqatonline_24

#об_ҳаво

☀️🌥🌧Бугун Тошкент вилоятининг айрим жойларида ёмғир ёғиши кутилмоқда

Гидрометеорология марказининг хабар беришича, бугун, 22 октябрь куни куни Тошкент вилоятида ҳаво ўзгариб туради, куннинг иккинчи ярмида айрим жойларда ёмғир ёғади. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 13-18 метргача кучайиши мумкин.

Ҳарорат кечаси 10-15, кундузи 15-20 даража илиқ бўлади.   

✔️Тезкор янгиликларни биз билан кузатинг!
@haqiqatonline_24

22 октябрь – Халқаро эркакларнинг асаб тизимини аёллар зўравонлигидан ҳимоя қилиш куни.

Муҳтарама аёллар, кўп гапга ҳожат йўқ. Байрам байрамдек бўлсин! Бунинг учун кўп нарса керак эмас: ширин овқат, тинчлик, эрини телефонини кавламаслик, футбол вақти безовта қилмаслик ва чой сўраганда суратдагидек қарамаслик.

@haqiqatonline_24

❗️2025 йил 1 январдан бошлаб умумтаълим мактабларида миллий сертификатга эга бўлган ўзбек тили ўқитувчиларига маошининг 50 фоизи миқдорида ойлик устама ҳақ тўланади.

Бу ҳақда Ўзбек тили байрами муносабати билан Президентнинг Ўзбекистон халқига йўллаган табригида эслаб ўтилди.

@haqiqatonline_24

#диққат

❗️Ўзбекистонда ҳафта давомида ёмғир ёғади

Ўзбекистонда 21−25 октябрь кунлари ёмғирли об-ҳаво кузатилади. Сешанба куни кўп жойларда ёмғир ёғиб, ҳарорат +15 даражагача пасаяди. Ҳафта ўртасида ҳарорат кечаси +5 даражагача тушади. Республикада энг жадал ёмғирлар 25 октябрь куни кутилмоқда, баланд тоғли ҳудудларда ёмғир қорга айланиши мумкин.

@haqiqatonline_24

#хушхабар

⚡️Техникум битирувчилари GPA баллари орқали олий таълимда ўқиши мумкин

Касбий таълим ташкилотларининг амалдаги турлари мақбуллаштирилиб, касбий таълимнинг барча даражалари бўйича кадрлар тайёрлайдиган ягона техникумлар тармоғи ташкил этилади.

Бу ҳақда Президент томонидан имзоланилган "Касбий таълимда малакали кадрлар тайёрлаш тизимини янада такомиллаштириш ва халқаро таълим дастурларини жорий қилиш чора-тадбирлари тўғрисида"ги Фармонида маълум қилинди.

@haqiqatonline_24

#Фармон

❗️Республика ижро этувчи ҳокимият органлари ва хўжалик бирлашмалари техникумларга бириктирилади — Президент Фармони

2025 йил 1 январдан негизида техникумлар ташкил этиладиган касбий таълим ташкилотлари рўйхати тасдиқланди.

2025 йил 1 сентябргача республика ижро этувчи ҳокимият органлари ва хўжалик бирлашмалари белгиланган тартибда кадрлар буюртмачиси ва саноат ҳамкори сифатида техникумларга бириктирилади.

2025/2026 ўқув йилидан техникумларга қуйидагиларни амалга оширишга рухсат берилади:

➖ фанларни бир-бирига интеграция қилишга ҳамда ажратилган соатлар доирасида мутахассислик ва умумкасбий фан (модул)ларнинг соатларини 30 фоизгача ўзгартиришга;

➖ етакчи хорижий таълим ташкилотлари иштирокида тўлов-контракт асосидаги қўшма таълим дастурларини жорий қилишга;

➖ кадрлар тайёрлаш ва қисқа муддатли ўқув курсларини ташкил этиш бўйича тўғридан-тўғри шартномалар тузишга;

➖ фуқаролар ва ишсизларни касб-ҳунар, хорижий тиллар ва тадбиркорликка ўқитиш бўйича қисқа муддатли ўқув курсларини ташкил қилишга;

➖ касбий кўникмалар марказларидан амалиёт базалари сифатида бепул фойдаланишга.

@haqiqatonline_24

#кун_тарихи

🎉1989 йил 21 октябрь - Ўзбек тилига давлат тили мақоми берилган кун

Қадринг баланд бўлсин, она тилим!

@haqiqatonline_24

#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 21 октябрь куни Тошкент вилоятида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Айрим жойларда шамолнинг тезлиги секундига 13-18 метргача кучайиши мумкин.

Ҳарорат кечаси  10-15, кундузи 20-25 даража илиқ бўлади.     

@haqiqatonline_24

❗️Энди ҳоким бир вақтнинг ўзида вакиллик ҳокимиятига бошчилик қилмайди

Президент томонидан 17 октябрда имзоланган Қонун билан айрим қонун ҳужжатларига ўзгартириш ва қўшимчалар киритилди.

Унга кўра:

“Маҳаллий давлат ҳокимияти тўғрисида”ги Қонунидан вилоят, туман, шаҳар ҳокими бир вақтнинг ўзида тегишли ҳудуддаги вакиллик ҳокимиятига бошчилик қилиши ҳақидаги норма чиқариб ташланди.

Халқ депутатлари Кенгашларига депутатлар орасидан сайланадиган раис бошчилик қилиши, у ўз фаолиятини жамоатчилик асосида амалга ошириши белгиланмоқда, уни ваколатлари муддати тугагунига қадар лавозимидан озод қилиш тартиби назарда тутилмоқда.

Ҳокимларга тегишли халқ депутатлари Кенгашлари сессиясига масалалар киритиш, зарурат бўлганда Кенгаш сессияси чақирилишини талаб қилиш ва тегишли халқ депутатлари Кенгашининг қонунчиликка зид бўлган қарорларини бекор қилиш учун Сенатга ёки судга мурожаат қилиш каби қатор янги ваколатлар берилмоқда.

@haqiqatonline_24

❗️Ўзбекистонда мактабларда кузги таътил 4 ноябрдан бошланади

Мактаб ўқувчилари учун биринчи чоракнинг охирги ўқув куни 3 ноябрь, 4 ноябрь эса кузги таътилнинг биринчи куни бўлади.

Ўқув йилининг 2-чораги 2024 йил 11 ноябрдан бошланади.

@haqiqatonline_24

#фирибгарлик

❗️ИПОТЕКА КРЕДИТИ ЭВАЗИГА ФИРИБГАРЛИК ҚИЛГАНЛАР АНИҚЛАНДИ. УЛАРНИНГ БИТТАСИ БАНКИР.

Бош прокуратура ҳузуридаги Департаментнинг Сергели тумани бўлими томонидан ўтказилган терговга қадар текширувда ҳудудий тижорат банки филиали етакчи мутахассиси М.Т. ва фуқаро Ш.А. фуқаро Ф.Э.га янги қурилаётган уйлардан бирини кредит эвазига харид қилиш учун ипотека кредити ажратиб беришларини ваъда қилиб, олдиндан бошланғич тўлов сифатида фуқаронинг 61 000 АҚШ долларини фирибгарлик йўли билан қўлга киритганликлари аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

@haqiqatonline_24

#матбуот

📌"Тoshkent haqiqati" газетасининг 2024 йил 19 октябрдаги 82-сонининг электрон варианти мутолаа учун тақдим этилмоқда.

@haqiqatonline_24

#диққат
#фойдали

❗️ Чипс ва кракерлар юрак хасталигига сабаб бўлади

Кўпчилик ҳар куни кўп миқдорда тузли маҳсулотлар истеъмол қиладилар.

👉 Вақт ўтиши билан бу организмга таъсир қилади: қонда туз кўп бўлса, буйраклар кераксиз моддаларни олиб ташлаши қийинлашади ва қон босими кўтарилиши мумкин.

👉 Тузли маҳсулотлар - чипс ва кракерлар ўрнига натрийга қарши табиий антидот бўлган калийга бой банан ва авокадо каби соғлом егуликларни истеъмол қилишга ҳаракат қилинг.

@haqqiatonline_24

#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 19 октябрь куни Тошкент вилоятида ҳаво ўзгариб туради, ёғингарчилик бўлмайди. Шарқдан секундига 9-14 метр тезликда шамол эсади.

Ҳарорат кечаси 5-10, кундузи 20-25 даража илиқ бўлади.

@haqiqatonline_24