*સબંધમાં નફો કે નુકસાન ન જોવાય*
સડક કિનારે એક 12-13 વર્ષ ની દીકરી તરબુચ વેચતી હતી...
વિશાલે ગાડી રોકી પૂછયું, બેટા, તરબુચ કેમ આપ્યા..??
દીકરીએ કહ્યું, એક નંગના 50 રૂપિયા સાહેબ, પાંચેક કિલા વજન હશે,,
પાછળની સીટ પર બેઠેલી તેની પત્ની ભાવિકા એ કહ્યું... આટલા મોંઘા ?
ચાલો આગળથી લઈ લઈશું....
વિશાલે કહ્યું, ક્યાં મોંઘા છે ?
બજાર માં થી તો તું વીસ રૂપિયા કિલોના લઈ આવે છે.
ભાવિકા એ કહ્યું, તમને ના ખબર પડે...
મને ભાવ તાલ કરવા દો...
દીકરીને કહ્યું, 30 નું નંગ આપવું હોય તો આપ નહિંતર કઈ નહિ...
દીકરી બોલી, આંટી 40 નું તો મને પડે છે...
ચાલો 45 આપી દેજો...
એના થી સસ્તું તો નહી આપી શકું 🙏🏻
ભાવિકા એ હવે 10 ₹ માટે ય ઈમોશનલ દાવ રમી લીધો અને પોતાના દીકરા ને બતાવી ને પેલી છોકરી ને ક્યે કે " જો આ તારા નાના ભાઈ જેવો છે, એના માટે થોડું સસ્તું કરી આપ...
આમ કહી પોતાના દીકરા તરફ ઈશારો કર્યો..
સુંદર બાળકને જોઇ ને દીકરી ગાડી તરફ આવી...
ગાલ પર હાથ ફેરવી કહ્યું , સાચે જ મારો ભાઈ ખૂબ સુંદર છે , આંટી...
ભાવિકાએ કહ્યું, બેટા દીદી ને નમસ્તે બોલ,,, બાળકે પણ પ્રેમ થી નમસ્તે દીદી........કહ્યું.
દીકરી એ દરવાજો ખોલી બાળક ને તેડી લીધું.. પૂછયું, ભાઈ તારું નામ શું છે..??
દીદી મારું નામ ગોલું છે...
સાચે જ તું ગોળ મટોળ છે મારા ભાઈ...
તરબુચ ખાઈશ..?
એમ કહી એક તરબુચ લાવી ભાઈ નાં હાથ માં આપ્યું પરંતુ વજન હોવાથી હાથ માં થી નીચે પડી ત્રણ ચાર ટુકડા થઈ ગયા...
ગોલુ થી પડી ગયું એટલે રડવા લાગ્યો.
બેન બોલી, અરે ભાઈ રડ નહીં, હૂં બીજું લાવી આપું, એમ કહીને રેંકડી પર લેવા ગઈ, ત્યાં સુધીમાં ભાવિકા એ ગોલુ ને અંદર લઈ લીધો, દરવાજો બંધ કરી દીધો.
દીકરી આવી ખુલા કાચમાંથી તરબુચ આપતા બોલી.. લે ભાઈ આ મીઠું નીકળશે... વિશાલ આ બધી હરકત જોઈ રહ્યો હતો.
ભાવિકા એ કહ્યું , જે તૂટ્યું છે એના પૈસા નહી આપું, એ તો તારી ભુલ હતી.
દિકરી હસતાં હસતાં બોલી આંટી, બન્નેમાંથી એકેય ના પૈસા નથી જોતા, મેં તો મારા ભાઈ ને આપ્યું છે...
આટલું સાંભળી વિશાલ ને તેની પત્ની બન્ને ચોંકી ઉઠ્યા,, કહ્યું બેટા બન્ને ના પૈસા લઈ લે.. એમ કહી સો રૂપિયા હાથે થી લંબાવ્યા,
દિકરી ઝડપથી રેંકડી પાસે જતી રહી,
વિશાલ નીચે ઉતરી, પાસે આવીને કહ્યું , બેટા પૈસા લઈ લે, તારું ખૂબ નુકસાન થઈ જશે.
દિકરી બોલી... "મા કહેતી કે જ્યાં સંબંધની વાત આવે ત્યાં નફો નુકસાન નહી જોવાનું...
તમે ગોલુ ને મારો ભાઈ કહ્યો મને ખૂબ ગમ્યું... મારે પણ ગોલુ જેવો જ ભાઈ હતો પરંતુ..."
વિશાલે કહ્યું, શું થયું હતું તારા ભાઈ ને..?
દીકરી એ કહ્યું કે જ્યારે એ બે વર્ષ નો હતો ત્યારે રાત્રિ ના તાવ આવ્યો હતો, સવારે માં હોસ્પિટલ લઈ જાય તે પહેલા જ શ્વાસ છોડી દીધો હતો,, એના એક વર્ષ પહેલા પાપા પણ અમને મૂકી ને જતા રહ્યા.. અંકલ, મને મારા ભાઈની ખૂબ યાદ આવે છે...
ભાવિકા એ કહ્યું, બેટા પૈસા લઈ લે......
આંટી , હૂં પૈસા તો નહિ જ લઉં..
ભાવિકા ગાડી માં ગઈ, પોતાની બેગ માં થી એક ચાંદી ની ઝાંઝર ની જોડી કાઢી જે પોતાની આઠ વર્ષની દીકરી માટે આજે જ ત્રણ હજારમાં ખરીદી હતી...
દીકરી ને દેતા બોલી.. તે ગોલુ ને ભાઈ માન્યો છે ને તો હૂં તારી મા કહેવાઉં તો તું ના ન કહેતી...
દીકરીએ હાથ ન લંબાવ્યો, તો જબરદસ્તીથી દીકરીના ખોળામા ઝાંઝર મૂકતા બોલી, રાખી લે બેટા.. જ્યારે પણ પહેરીશ ત્યારે અમારી બધાની યાદ આવશે... આટલું કહી ઝડપથી ગાડી માં બેસી ગઈ.
દીકરીને, બાય, કહેતા વિશાલે ગાડી સ્ટાર્ટ કરી,,, ગાડી ચલાવતા ચલાવતા વિચારી રહ્યો હતો કે ભાવુકતા શું ચીજ છે ?
થોડા સમય પહેલા પોતાની પત્ની દસ વીસ રૂપિયા બચાવવા માટે બાંધ છોડ કરી રહી હતી, ને થોડી જ ક્ષણો મા આટલી બદલાઈ ગઈ..
જો તો ખરા...ત્રણ હજારનું ઝાંઝર આપી દીધું...!!
ત્યાં જ અચાનક વિશાલ ને દીકરીની વાત યાદ આવી... કે સંબંધ મા નફો કે નુકસાની ન જોવાય...
વિશાલ ને થોડા વર્ષો થી પ્રોપર્ટી બાબતે પોતાના જ ભાઈ સાથે કેસ ચાલી રહ્યો હતો..
વિશાલે તરત જ ભાઈ ને ફોન લગાવ્યો કહ્યું.. ભાઈ હૂં વિશાલ બોલું છું,
સામે થી ભાઈ એ કહ્યું... ફોન કેમ કર્યો..? વિશાલે કહ્યું ભાઈ મેઈન માર્કેટ વાળી દુકાન તું રાખી લે, બજાર વાળી હું રાખીશ...
અને હા મોટો પ્લોટ તું રાખી લે જ્યારે નાનો પ્લોટ હું રાખી લઈશ..
હું કાલે જ આપણો કેસ ચાલે છે એ પાછો ખેંચી લઈશ...
સામે થી થોડો સમય અવાજ જ ના આવ્યો, પછી મોટા ભાઈ એ કહ્યું,છોટુ ,આમ કરવાથી તો તને ખૂબ જ નુકસાન થશે...?
ત્યારે વિશાલે કહ્યું આજ મને સમજાણું છે કે સંબંધમા નફો કે નુકસાન ન જોવાઈ, એક બીજા ની ખુશી જોવાની હોય....
ફોન મા સામેથી એકદમ ખામોશી છવાય ગઈ, થોડી ક્ષણો પછી વિશાલ ને સામેથી મોટા ભાઈ નો રડવાનો અવાજ સંભળાયો, વિશાલે કહ્યું, રડી રહ્યા છો ભાઈ...?