Судьяларнинг ўзлари қонунларга бўйсунмаса, пешонаси шўр халқ кимга додини айтсин.
Бугун ФИБ Фарғона туманлараро судига соат 14:00 га тайинланган 2-1501-2407/36202-сонли иш бўйича журналист блогер сифатида ташриф буюрдик. Юқорида иш судья Д.Исматуллаеванинг иш юритувида бўлиб, 14:00 га тайинланган иш 15:00 лар чамасида бошланди.
Мен судга илтимоснома киритиб ишни видеотасвирга олиш ва суднинг ҳал қилув қарори кучга киргач ижтимоий тармоқда ёритишга рухсат беришни илтимос қилдим.
Устасифаранг судья Исматуллаева хоним бир йўла бизни суд залида қолиш қолмаслигимизни ҳам ўз ҳаёлида муҳокама қилиб, ҳаттоки маслаҳатҳонага ҳам кирмасдан ўтирган жойида, биратўла илтимосномани рад қилиш билан бирга бизни суд мажлиси залидан ҳам чиқариб юборишни ажрим қилди.
Бунақа ҳолат Республика бўйича онда сонда учраб турган эди, бундай ҳолатларга юқори турувчи органлар барҳам бергандур деб ўйлаган эканман, афсуски бундай бўлиб чиқмади.
Қизиқ, судья нима учун очиқ суд мажлисидан журналист блогерларни чиқариб юборди, балки у бир томонлама иш кўрмоқчи бўлгандур? Бунга блогерлар халақит қилиши мумкин деб чиқариб юбордими?
Мен бу судьялар билан қонунчилик бўйича тортишишдан фойда йўқ деб ҳисоблайман, чунки буларни ҳимоясига чиқадиган кенгаш бор, онени қози сўкса додингни кимга айтасан дейди-ку!
Фақат бир ҳолатга ойдинлик киритиб беринглар жаноби ҳозир жавоб раҳбарият! Айтингчи, судда берилган илтимоснома яъни суд мажлисини тасвирга олиш ҳақидаги илтимоснома, маслаҳат уйида ҳал қилинадими ёки судьяни ўтирган жойидами?
Мен айни шу мазмундаги илтимоснома бўйича ЖИБ Олтиариқ судида раислик этувчини 2 соаттан ортиқ маслаҳатҳонадан чиқишини кутиб хуноб бўлган эдим. Мана Исматуллаева хоним ўтирган жойида бир зумда ҳал қилиб қўйди-ку, биратўла очиқлик сиёсати ва очиқ суд мажлисига ҳам тупуриб қўйиб бизни суд залини тарк этишимизи талаб қилди-ку! Демак, судья истаса юқоридаги илтимоснома бўйича маслаҳат уйига киради истамаса ўз ўрнида ҳал қилади, истаса блогерни суд залида қолдиради истамаса чиқариб юборади.
Очиқ суд мажлиси очиқлик сиёсати фақатгина минбарларда туриб ҳалқни қулоғига лапша осиш учун ишлатиладими?
Ҳа, бу судья хонимни Марғилон фуқаролик судида ишлаган вақтида ҳам анча мунча қонунларни назар-писанд қилмагани ҳақида мурожаатчиларимиз гапириб беришса ишонмагандим(алоҳида тўхталаман бу ҳолатга), мана энди ўзим гувоҳи бўлиб турибман.
Юқоридаги ҳолатга на Олий суддан ва на судьялар кенгашидан адолатли муносабат кутишни ҳожати йўқ деб ҳисоблайман, чунки улар судьяни ёнини олишга эътибор қаратишади.
https://youtu.be/phmnQSHQSzg?si=kdbuyE_z2GStqvD3