The Queen of chess♟♟

🔘 قازان:

♦ دول مجموعة بريكس تتفق علي انشاء منطقة صناعية تجارية متكاملة
داخل المنطقة الاقتصادية لقناة السويس

تشارك كل دولة في المجموعة بكل امكانتها الصناعية و التكنولوجية .. لتكون مدينة تضاهي هونج كونج 👌🏻👌🏻

من قازان و درجة الحرارة 7 هاااا مراسل المراسل 😁

هما مش هيناموا
هو مصيف 🤔🤔
اني عايزة انااااام 🥹🥹

🔘 #قازان:

عرفت عرفت عايزه في ايه 🙈🙈

♦ الكونغو تطلب من مصر العمل معها علي انشاء مشروعات تنموية مائية
علي غرار تنزانيا
بدعم من بنك التنمية المحلي التابع لبريكس

" الماسورة الام بتتقفل علي الترزي نااااو 🤷🏻‍♀️🤷🏻‍♀️😂😂 "

ابي أحمد : الووو .. عنتيبي مش شغالة لو سمحت
مولانا : اقفل الراوووووتر و افتحه تاني 🙄🙄

🔘 #قازان:

رئيس جمهورية الكونغو الديموقراطية يطلب من معاونيه تنسيق مقابلة الرئيس عبد الفتاح السيسي علي هامش لقاءات بريكس

ثم لقاء اخر بحضور بوتين 🤔

" ما تخليها مقابلة واحدة و لا هتقوله اسرار 🤔 "

♦اااه صحيح 👈🏻 الكونغو طلبت تدخل اتفاقية الحزام و الطريق
و الصين وافقت
و هتتصل بالممر البري اللي بتعمله مصر " السكك الحديدية " 🤷🏻‍♀️🤷🏻‍♀️

بريطانيا تبكي في الزاوية 😂😂

مراسلتكم من قازان چيلانوفا 😎😎

🔘 صياحكم طرب و الله 😂

بحكم اني ست ف اعرف صورم الستات
و شوفت علي السوشيال ميديا صورم الرجالة 🙈

انما صورم الدول ده صعب اووووي 😂😂

♦بلومبيرج سابت كل اخبار بريكس
و منزلة مقالة بعنوان 👈🏻 بوتين يستضيف قادة بريكس ليظهر انه بعيد عن العزلة

طب ما هو بعيد عن العزلة فعلا
و صندوق الخراب بتاعكم لسه مطلع نااااو مطلع تقريره ان روسيا هتحقق في 2025 اعلي معدل نمو متوقع لها

و تقرير البنك الدولي ناااااو بردو بيقول انه بيزاحم علي ترتيب تالت اكبر اقتصاد 🤷🏻‍♀️🤷🏻‍♀️

ده لسه اليوم مخلصش
ده هناك مفاجآت 👌🏻

🔘 #قازان:

🔷🔶 الانتهاء من التوقيعات علي انشاء عملة موحدة تتداول بها مجموعة بريكس تجاريا و ائتمانيا
" يعني ايه ائتمانيا 👈🏻 يعني تاخد قرض تعنل بيه رصيد احتياطي للعملة عندك عشان تقدر تتداول بيه معاهم "

معلومات عن عملة بريكس الموحدة :
▪ تكون مقيمة علي اساس الذهب و الفضة
▪ حجم احتياطي البنوك المركزية من الذهب هو من سيتحكم في حصة كل دولة من العملة
" مع السلامة انت يا ابي احمد .. هتوحشنااااا .. خد بالك بقا من السلمة المكسورة ابقا اتزحلق من علي الدرابزين 😁 "
▪ ادارة معدلات تداول و معامل العملة سيكون من خلال لجنة من الاقتصاديين المتخصصين
▪ قيمة العملة تحددت علي أسس معادلات القيمة و التكلفة و الحتمية البديلة
اعتقد ان إلفيرا رجعت لمعادلات جودة العملة اثناء التقييم
و مبدأ الرواج و الاكتناز
" طبعا السادة الاقتصاديين عافية و بلطجة مفكرين اني بقول تعويذة دلوقت 🙄 "
" انا عارفة ان دي مصطلحات مكلكعة
هشرحهالكم بالتبسيط
لكن مش في بوست
هنعمل لايف من بتوعنا 😂
و اقول فيه
لأن الصراحة خسارة اقعد اشرح و بعد كده حد ياخد مجهودي و يطلع يتمنظر بيه في التليفزيون 🤷🏻‍♀️🤷🏻‍♀️ .. ف هنشرحه عائلي 😁😁"
عرفتوا كنا بنشتري دهب لييييييييه

♦تم الاتفاق علي الانتهاء لكل دول المجموعة من اصدار العملة الرقمية الخاصة بها
لتسهيل عملية التداول
" يا اخي شمتانة فيك و في خدودك اللي ملهاش عازة دي
حاطط القرار في الدرج و مسقعه
اهوووو جالك من فوق 🙄"

و طبعا الاخبار دي وصلت واشنطن
و ده متسبب في صياح كريستالينا من الصبح
علي العالم اللي هينهار
و الاقتصاد اللي بيتباطئ
و فاضل تحسبن 🙄🙄
يا تري هتحلي ازمة ال 100 تريليون دولار منييييين 🤔

من قازان كانت معكم چيلان ابو العافيييية 😁😁

🔘 #قازان:
هيكون في اجتماع " لم يعلن عنه حتي الان اعلاميا "
بين الصين - روسيا - مصر - الهند - الامارات
و ذلك لمناقشة انشاء كيان موازي لصندوق الغم الدولي .. منبثق من بنك التنمية المحلي التابع ل بريكس
و ذلك بعد اجتماع بوتين صباحا " 5 الصبح 🙄 " مع ديلما روسيف محافظ بنك التنمية و كذلك إليفيرا نابيولينا محافظ البنك المركزي الروسي
و ذلك لاطلاعه علي آخر نتيجة لشكل التمويلات و تحديد العوائد و الايرادات 👌🏻

" فاكرين في مايو 2022 لما قولت عالم جديد يعني مؤسسات مالية جديدة
طب فاكرين لما قولت في يونيو 2023 ان من اهم الخطوات اللي هيتخذها بوتين لانهاء سيطرة الدولار هو انشاء كيانات موازية 🤷🏻‍♀️🤷🏻‍♀️ "

🔷🔶 الكيان ده مش هيكون اقراضي فقط
لأن مبدأ الاقراض هو مبدأ سيطرة اقتصادية

طب هيكون ايه 👈🏻 المقترح هو الدخول مع الدولة المقترضة بشكل شراكة مؤقتة
بحيث الطرفين يكسبوا و البنك يسترد امواله دون ايقاع العبء المادي علي الدولة 🤷🏻‍♀️

ده امر لو تعلمون عظيم
لو قيسناها علي دولة زيننا
ده هيخلينا نتكلم بقلب جامد مع صندوق الخراب ... و نملي عليه رغباتنا كمان
خصوصا ان اجتماع الصندوق مع ادارته امبارح اثبتت له انه بيواجه كارثة انه امام مديونيات 100 تريليون دولار
معظمها مهدد بخطر التعثر نتيجة الاحداث العالمية السياسية 👌🏻

🔷🔶 النقطة التانية الهامة 👈🏻 هتكون الاتفاق رسميا علي تفعيل قرار انهاء التعاملات بالدولار بين دول المجموعة
" و مش كده وبسسسس لاااا 👈🏻 يحق لدول المجموعة ان تطلب من اي دولة اخري خارج مجموعة بريكس ان تتعامل معاها تجاريا بعملتها المحلية في اطار اتفاق تفعيلي .. في حالة ان تكون تلك الدولة وسيطة "

لأ فسري أكتر ... ترجمي 🙄
حاااااضر
♦مثال :
مصر هتجيب لتنزانيا اسمدة زراعية من روسيا
هنا مصر و روسيا دولتين مجموعة
لكن روسيا بائع
و مصر وسيط
مصر هتشتري من روسيا بالروبل او الجنيه
حلو الكلام .. حلوووو
تنزانيا هتتدفع لمصر
هيكون من حق مصر انها تطالب تنزانيا الدفع ده يكون بالجنيه المصري او الدولار " حسب رؤية مصر وقتها "
▪ لو جنيه مصري 👈🏻 هنستفيد زيادة الطلب علي الجنيه بالتالي يدخل موجة الاستقرار ثم مع خضوعه للعرض و الطلب اللي يدخله موجة زيادة القيمة 👌🏻
▪ لو دولار 👈🏻 ده هيزود عندك احتياطي الدولار و يوفره
لأنك هتدخله عندك مش هتطلعه ل روسيا بقا
ف يشارك معاك في حل الازمة الداخلية 👌🏻

♦الامارات هنا دورها كبير جدااااا 👈🏻 البانكير
السوق اللي هيتغير فيه كل العملات
و تكون سوق التداول
و ده اثره جيد علي مصر
لأننا قبل كده نفذنا تبادل عملات معاها
ف مش هيكون عندنا اي مشكلة
لو واجهنا عجز روبل .. اننا نتعامل بالدرهم او الجنيه 🤷🏻‍♀️
و ده هيخرجنا من شرنقة العملة القذرة دي اللي بتدمر احلامنا حرفيا
و كماااااان هتحسن اداء ميزان المدفوعات المصري
ليييييه 👈🏻 لأن احيانا عملية الحصول علي الواردات بتتوقف بسبب شح العملة
و هنا الواردات مش هتكون داخلية فقط
لأ انت هتستورد عشان تصدر بقيمة اعلي
و ده هيفيد ميزانك التجاري و حسابك الجاري يا عزيزي 👌🏻👌🏻

📌 شوفوا من القمة دي انا يهمني 3 حاجات :
▪ ان الريس اللي كان يحضر مش د.مدبولي عشان لو كان راح مكناش هنستفيد سياسيا
لأن وجود الريس بيفرق مع بوتين جدااا
▪ اقرار تفعيل اتفاقية وقف الدولار
▪ الدول الجديدة اللي هيتم قبولها و اهمها عندي ماليزيا و الكونجو
و الكونجو مدعو ضيف شرف
و اتمني يقدم ورقه
ليه الكونجو 👈🏻 امن مائي وعسكري مصري

اما كل الاتفاقيات اللي هتتم
او تمت
فالحقيقة السفير راجي الاتربي قايم ب دوره علي أكمل وجه .. وحقيقي اثبت نفسه
السيد سامح شكري عرف يربي 👌🏻👌🏻
وزير خارجية مصر القادم ده

اما بقا نقاشات الغرف المغلقة
اما مراسلي في قازان يراسلني .. هراسلكم علي طول
و اراسله ويراسلني و اراسلكم .. ونراسل بعضشينا كده سوا سوا 😁😁

♦كنت هنسسسسسسسسسسي 🙄
في هبدة كده ان بن سلمان مراحش عشان مش في بريكس
هو انت لو قولت معرفش هيجري حااااجة .. و النبي ما هيجري حاجة 🤷🏻‍♀️
▪ وزير خارجية السعودية الامير فيصل بن فرحان موجود في قازان بقاله اسبوع
نائبا عن الملك وولي العهد
وحضر كل الاجتماعات
و اجتمع ب بوتين و تشي بانج
▪ بن سلمان موجود مكانه يدير امور اخري
اهمها لقاءه اليوم مع الملك عبد الله
اللي كان بيجري مكالمة هاتفية هامة مع الرئيس السيسي امس و اول امس بعد سفر وفد الكونجرس 🤷🏻‍♀️🤷🏻‍♀️

📌 ايه تاني مهم في القمة دي 🤔🤔
اااه 👈🏻 نجاح تجنيد بوتين ل جوتيرتش الامين العام للأمم المتحدة 😂 .. مش سهل ابو البتابيت نوووو 😂

و دمتم بخير 🌺🌺

🔵 الصورة الحلوة دي هيتعملها update بكرة 😂😂

قولوا لعين الشمس متحامشي
احسن حبيب القلب صابح ماشي
❤❤❤❤

🔸 طعم اترمي لبوتين عشان يعملوا شو العداء بين ايران و اسرائيل
و يقنعوا المنطقة بيه
بوتين قالهم ياااااااه عليكم ايه داااا معقول خطط الحرب عندي كده
لا اما ألحق ابلغ ايران بقا 😂

و زاطوا بقا زي ما انتوا شايفين كده
و نتنياهو يعيط و بايدن يطبطب و خامئني يزعق
و بوتين ريأكتد 👈🏻 اللله يا فنانين جايزة اوسكار السنة دي يا مبدعين 👏🏻👏🏻

يا راجل بلا افلام بقا 🤷🏻‍♀️🤷🏻‍♀️

و بسسسس يا سيدي دي حكاية كوكب البط الاسبوع الماضي 👌🏻👌🏻

" بشر القاتل بقتله و لو بعد حين "
و انا موقفي واضح وصريح من 7 اكتوبر 2023
و كلمتي واحدة
هو بقا بيدافع عن اهله ف مات شهيد ... ولااااا يشغلني
تقييمي ده القصاص ان اولاده يتيتموا زي ما يتم ولادي " ده لو كان مات 😎 "

و يكفيييييني ان الدولة المصرية لم تنعي أحد من هؤلاء و لا تقدم فيه تعزية
و لو علي الدعم المعنوي اللي بتقدمه المخابرات المصرية للمجموعتين المتناحرتين فتح و حماس ... ف ده اخلاق من مصر عشان خاطر شلال الدم المنهمر من سكان غزة نساء واطفال ورجال بتولول كما النساء و الضفة زيهم ليس إلا .. كرم زيادة يعني 🙄

🔸و بمناسبة الحكام العرب المطبعين المنبطحين المتخاذليييييين يا قدسوووووو
و الشعارات الخايبة دي
احب اقولكم ان اللي طارد الولدين اللي اطلقوا نار علي المستوطنين الصهاينة و احتجزوهم في غرفة و بعدين قبضوا عليهم و سلموهم لجيش الاحتلال
يبقا قوات امن السلطة الفلسطينية .. الجناح العسكري لمنظمة فتح .. مقاومين الضفة 😏
لا فتح ايه بقاااا
احنا مش فتح .. قوليلي يا توووحا 🙄
ف ياريت بقا تروحوا تقنعوا الفلسطينيين يبطلوا تطبيع .. تطبيع ايييه ده تسقيع و تشبيع 🤷🏻‍♀️
صرعتوا دماغنا بالشعارات

و علي فكرة مش انا اللي بغير كلامي عشان اخاف من الهجوم
و لا ممكن اتحط في مقارنة مع حد
لأن انا اقل من كل النااااااس
و كله علي دماغي من فوق
الفارق بيني و بينهم 👈🏻 انا اللي بطلع صح و اللي كلامي بيتحقق بالحذفوووورة 🤷🏻‍♀️🤷🏻‍♀️
--------------------------------------------------------
🔷🔶 عراقجي بقا :
و زيارته في لفة عملها للاردن و مصر و تركيا
" و اما جه مصر صمم يا عيني ياكل كشري و رز بلبن ... و نزل الشارع بنفسه
بمنتهي الاماااان و الطمأنينة و قعد في محل ليتناول الكشري 🤷🏻‍♀️🤷🏻‍♀️

المنديل يا حكمت عشان دموع التأثر 🥹 "
▪سؤال 👈🏻 المصريين ميعرفوش شكل نص حكومتهم
عشان النكرة ده تهللوا له بالشجاعة
ده لو اتعرف انه مجوسي هينضرب بالحذااااء
" و لا نسيتوا الجزمة اللي اكلها نجادي علي دماغه و هو طالع من الازهر 🤔 "

📌 المهم دي تعليقات عيال اندر ايدچ عايشين في وهم محور المقاومة .. ميهدروش طاقتنا

♦انما كان جي لييييه 👈🏻 جاسوس
تركيا اعلنت عن رغبتها في تكوين حلف اسلامي لمواجهة اسرائيل يضم
ايران - تركيا - مصر - الاردن

اللي هو ما عايز تواجه .. اتفضل روح واجه
عايز مصر معاك ليه 🤔
و قال انه تواصل مع الاردن و مصر و عرض عليهم الفكرة
و لكن لحد اللحظة لا الاردن و لا مصر ردوا عليه .... و لا هيردوا 🤷🏻‍♀️🤷🏻‍♀️

◾لكن المدهش في الامر انه متواصلش مع ايران و عرض عليها الفكرة
احنا هنا بنتحط قدام احتمالين :
📌 الاول 👈🏻 أحدهم زق تركيا انه يعلن عن الفكرة
نوع من انواع كشف ايران و احراجها
و شار عليه انه يحط مصر و الاردن علي اساس انهم الدولتين اللي اسرائيل بتستفزهم بالتهجير
و احدهم بردو اللي طلب من مصر و الاردن عدم التعقيب
لجرجرة ايران داخل الفخ

و بناءا عليه عراقجي تم ارساله لتمثيل دور قادة المقاومة

📌 الثاني 👈🏻 و ده اللي انا بميل له أكتر
ان تركيا ليڤل الشعارات عندها زاد حبتين ... و افتكرت ان استعادة العلاقة مع مصر ممكن تؤهلها انها تحرك الجيش المصري 🤷🏻‍♀️🤷🏻‍♀️

وفي نفس الوقت الراجل خسران تجارة بالمليارات مع اسرائيل بسبب تصريحاته
و يهمه ان الحرب تخلص
عشان الامور تستقر
" 20.5% من ميزان مدفوعات تركيا متعلق بصادرات لاسرائيل 👌🏻"
فقال اما أهوش نتنياهو كده يمكن يرتجع 🙄

و لكن لا مصر و لا الاردن ردوا

◾و هنا ايران تخوفت ان يكون في تنسيقات سرية ثلاثية
ف قالوا ابعتوا عراقجي كده يطمن

▪وزير خارجية الاردن قاله الاردن مش ارض صراع
و مش طرف متحارب
عايز تحارب اسرائيل و تاخد حقك منها .... اتفضل حاااارب
و مش كده و بس
انا كمان هغلق اجوائي امامك انت و هما 👌🏻
و مش هنكون وطن بديل ... و لن نرضخ للتهجير
" طبعا دي حتة كده 👈🏻 اما ترجع تطمن نتنياهو .. ابقا بلغه موقفنا👌🏻"
▪مصر بقا عرفته انها لا هتتورط في صراع اقليمي ... هي قادرة علي ادارته بما يتناسب مع امنها القومي
و لا تؤيد فكرة الانزلاق لحرب شاملة
لككككككن 👈🏻 لو اي طرف سواء اسرائيل او غيرهااا " و ركز مع غيرها دي " تعدوا علي السيادة المصرية
ف هي قادرة علي ردعه بالقوة 👌🏻
" طبعا بعد ما الكلمتين وقفوا في زوره و جاله حموضة راح يطري علي قلبه ب رز بلبن 😒 "

اللي عجبني في الموضوع ان مكنش فيه وفد دبلوماسي مرافقه في جولته
اللي هو طب طريق السلامة انت يا عراقجي بقا و شغل ال gps عشان متوهش 🙄
------------------------------------------------------------
🔷🔶 انا عن موضوع الوثايق اللي اتسربت من تليجرام
اللي فيها اسرائيل بتعرض علي امريكا خطط ضرب ايران

الموضوع كوميدي بالنسبة لي
يعني اسرائيل و امريكا ملقوش ابليكشن يحتفظوا فيه بوثايق زي دي
الا تليجرام الروسي 🤔

🔷🔶 انا قعدت راجعت كلام الوزير بدر عبد العاطي عن حرب اقليمية شاملة

لقيت الكلام واضح 👈🏻 ان مصر تحذر من انزلاق المنطقة في حرب اقليمية شاملة تضر بالمنطقة

طب الكلام ده العالم كله بيقوله
و مصر قالته يوم 17 سبتمبر و 22 سبتمبر و 2 اكتوبر و 6 اكتوبر
و حذرت منه دول كتير 🤷🏻‍♀️🤷🏻‍♀️
يبقا هنا لا اعلننا حرب
و لا بنهدد
ده تحذير المفروض نكرره يوميا اساسا .. عشان نوضح إلتزامنا ب خيار سلام المنطقة و دعم استقرارها 👌🏻👌🏻
و زي ما قال كده 👈🏻 لا احد يستطيع التعدي علي حدودنا بمنتهي الوضوح بردو 👌🏻

♦هبدة تقدم الدعم السريع عند الحدود الجنوبية لمصر 🙄
" كأن الناس ناقصة قرف مثلا 😒 "

فتحت اخر خرايط القمر الصناعي اللي بترصد اماكن تمركزات الدعم السريع
لقيت انهاردة اخر update تمركزاتها
في شمال و غرب ولاية كاردفان
في مختلف ولايات اقليم دارفور و اكثرها ولاية سنار و ولاية القضارف
في ولاية النيل الابيض
و ولاية الجزيرة

📌 وانهاردة نجح الجيش السوداني في فك الحصار عن 3 ألوية لسلاح المدرعات و المشاة في جنوب الخرطوم
و بكده يبقا فاضله مساحة 22 كم مربع و يحرر الخرطوم بالكامل

ف معرفش اخبار تقدم الدعم السريع ناحية جنوب مصر دي جت منييييين
و اللي نشرها مفكرش ازاي ان الدعم عشان يطلع لحدود مصر دي .. لازم يعدي علي تمركزات الجيش السوداني كلها 🤷🏻‍♀️🤷🏻‍♀️

◾ و ليه اساسا ممكن نصدق كلام زي ده و نفقد الثقة في قدرات قواتنا
و نعمل حساب ميليشيا
لو الشباب عندنا العادي اللي مش جنوووود استنوهم علي الحدود .. هيزرعوهم علقة متتنساش
دعم سريع ايه يا جماعة
ده عصابة لا طلعت و لا نزلت
و لا اللي وراهم يجرأوا يورطوهم مع مصر 🤷🏻‍♀️🤷🏻‍♀️

📌 بالاضافة لاستسلام بعد القادة و اسر البعض من الدعم السريع
زي كيكل كده اللي استسلم امبارح بقواته و انضم للجيش

ف اللي هو آلهة الكذب في اليوتيوب هيبطلوا امتي تأجيج الناس بالاكاذيب 🤔
------------------------------------------------------
♦الهبدة بتاعت ابطال و مناضلي الكيبورد .. المناضلين الجزاروة
بتاعت مصر سلمت السنوار

📌 انا مش فارق معايا احفاد المليون و نصف لامؤاخذة يهزوا بيها
انا فارق معايا البقر اللي بيشيروا الكلام ده من المصريين
و كأنه واقع
الاخ ده عمره ما تواصل مع الوسيط المصري اساساااا .. و لا له علاقة مع مصر اصلا
▪ و لاااا كان عمره هيتواصل مع الوسيط المصري
لانه عارف كويس ان الوسيط المصري عارف ان سيادته يبقا المدبر لاقتحام السجون المصرية .. مع سيده قاسم سليماني في 2011 و سيديهاته موجودة 🤷🏻‍♀️🤷🏻‍♀️

و له تسجيلات مع البلتاجي اثناء اعتصام رابعة
و هو بيقول للبلتاجي انهم علي أهبة الاستعداد لاقتحام سيناء " مش ناقص غير شوية الصيع دول اللي يقتحموا الحدود قاااال .. كبيرهم العمليات اللي اتعملت مع الجنود و الظباط "
ف كان اجبن من التواصل مع اي مفاوض مصري اصلاااا
اصل اللواء احمد عبد الخالق مسئول الملف
كان هو اللي راصدله مكالماته مع مجموعة اختطاف المدرعتيت بتوعنا و اسرها داخل غزة .. اااه اللي دخلت المجموعة الخاصة بتاعتنا جابتها و جابتهم 👌🏻👌🏻

فكان بيتواصل مع المفاوض القطري
الحضانات بتاعتهم
اللي واخدينهم في حضنهم .. و اي حد اخواني علي طول الخط
لأن ده دورهم في اللعبة الامريكاني 🤷🏻‍♀️🤷🏻‍♀️

و اخر تواصل له من 4 ايام قبل المقبلا غير مدبرا يا ابا ابراهيم كان مع المفاوض القطري عشان الخروج الآمن
و اللي اعلنت ده قناتهم الرسمية 👈🏻 الجزيرة
ف لو اترصد مكانه
يبقا اترصد عن طريقهم
" ده علي فرضية انه مات اصلااااا 🤷🏻‍♀️🤷🏻‍♀️ "

🔸لكن مجاهدي الكيبورد لانهم دولة كرتونية faaaake
بتوع حنجوريات ليس إلا
حتي تاريخهم في النضال ضد المحتل كله عبارة عن حكايات الجدة بطة
ف لازم نحشر مصر في اي جملة مفيدة
و نصيييييح علي اوهام
و أهو بالمرة يداروا علي بيزنس توريد الغاز لاسرائيل اللي لسه شغال لحد دلوقت .. و اخر سفينة شحن و تموين من موانيهم كانت في 26 سبتمبر 2024 🤷🏻‍♀️🤷🏻‍♀️

الواحد لو هيطلع صندوقكم الاسود
هيبقا شكلكم زي الزفت .. من ايام الريس خضر البحار اللي سلم دولته لسليم الاول و قبض التمن 👌🏻👌🏻

📌 فكرة تقييم المشهد بالنسبة لي بتختلف .. وسبحان الله الايام بتثبت ان انا صح
اوووووسخ حاجة ممكن تحصل لانسان كان يحسب نفسه قائد رأي و يحمل رسالة توعية العامة ... ان الاخوان يحترموا رأيه و يأيدوه
نهاية مخزية لابطال السوشيال ميديا للاسف🤷🏻‍♀️🤷🏻‍♀️

📌 انت من حقك تشوفه شهيد " ده في حالة موته 😎 " .. و انا من حقي اشوفه عدوي اللي قتل اخواتي وولادي
انت من حقك تسترخص الدم و تهلل له وتشيد ببطولاته .. و انا من حقي اثبت علي موقفي و انتظر موتهم كلهم انتقاما لرجالي 🤷🏻‍♀️🤷🏻‍♀️

🔵 يحيا العدل .. يحيا العدل .. يحيا العدل

انا مبكلمش نفسي اهووووو

شكرا .. شكرا يا رب ان صريخي له صدي
شكرا يارب ان صريخي وصل لمولانا

📌 البعععععض طلع صح أهووو يا دكتور مصطفي
البعض طلع نحرة قلبه لها فايدة
يعني مطلعش البعض بتهاجمك افترا 🤷🏻‍♀️🤷🏻‍♀️

اللي بعتلي المقطع ده 👈🏻 روح ربنا يبشرك بما بشر انبياءه من الجزاء .. و يديمك و يحفظك و يجعل النصر خطاك زي ما بشرتني بيه 🙏🏻🙏🏻

▪فرض قوانين حماية لموظفي القطاع الخاص " العبيد "
يكون في قانون عمل ينظم حقوقهم
و رواتبهم
و علاوتهم
و زياداتهم
ده انت عايز تسلم البلد للقطاع الخاص كلها بدون ما تفكر حتي في حقوق العمالة دي 🤷🏻‍♀️
يعني يتم اعادة هيكلة الرواتب و الاجور بما يتناسب مع الاسعار الحالية
و كذلك المعاشات

🔸هتعمل ده منين 👈🏻 هتوجه 10% من عائد الاستثمارات المباشرة زي راس الحكمة و خلافه لاعادة هيكلة الرواتب
تضخها في الهيكل المالي للرواتب و المعاشات 🤷🏻‍♀️🤷🏻‍♀️

و ده هيكون لاجل 5 سنين مثلا لحد ما العجلة تدور
و تقدر تجيب عوائد و ايرادات و تحقق فائض في الموازنة

📌 المجموعة المالية الاقتصادية دي لازم تتهيكل
و لو علي حساب اقالات
و يتجاب حد مكانهم
احنا معدمناش متخصصي الادارة المالية و الاقتصادية و دول اللي فضلوا في الاوضة 😒😒

📌 يتم تكليف لجنة تعييييييد الاتفاق مع صندوق الغم الدولي
لانقاذ مصر
و لو معجبوووووش يمشي

◾واحد هيقولي ازااااي دهاللي بيديني ضمانات للمستثمرين
الله 🤔 .. انت صدقت الشعارات دي 🤔
هو انت مين المستثمرين بتوعك اساسا
▪روسيا .. الصين .. المجر .. بيلاروسيا .. تركيا .. الهند
مبيعترفوش بالصندوق اصلااااا
و روسيا و الصين و الهند مبيتعاملوش معاه اساسا
▪الامارات .. السعودية .. البحرين .. الكويت .. سلطنة عمان
اللي بيقود ملف استثماراتهم هو الريس
ف مش هنضحك علي بعض بقا
و الامارات تممت صفقتها قبل 6 مارس الاسود 🤷🏻‍♀️
" تخيل ان في عقلية عايشة معانا علي الكوكب عشان تاخد 825 مليون دولار ضيعت مكتسبات 35 مليار دولار ... وله عين يطلع يقول نجحنا في السيطرة علي السوق السوداء
مريض راح لدكتور عشان دخل مسمار في قدمه ... راح قطعله النص السفلي كله
بس نجح انه يخرج المسمار 😏 "
▪الاتحاد الاوروبي غصب عنه بيجيلك
لأن بتقفل عليه الدنيا بسبب روسيا و الصين
و لو مجاش ابعتله ال 20 مليون بلوة اللي عندك و سيبهم يولعوا 🤷🏻‍♀️🤷🏻‍♀️
تشتغل بريكس بكفاءة 100% .. مش هتحتاج لا صندوق و لا مدعوق اصلااااا

ف كفاية بقاااااا

🔷🔶 كل حاكم معاه بطانة
البطانة دي يا صالحة .. يا طالحة

فكرة رئيس الجمهورية ساحر الفودو دي فكرة ساذجة
لو رئيس مجلس ادارة شركة
لازم هيحتاج استشارات من اللي تحته
هما اللي بيقولوا له ده الصح و ده اللي المفروض نعمله
لحد هنا هي بطانة
▪ لما تقوله لكن الاثار السلبية كذا و الايجابية كذا
و معامل المخاطرة كذا
هي اصبحت بطانة صالحة
▪لما متقلبش الصفحة التانية من الاسكتش
و تسككككككت
ايا كان سبب السكوت
بقت بطانة طالحة

انت عشان تتابع مدارس ولادك كلهم .. محتاج اسبوع
ما بالك باللي مطلوب منه يتابع كل ما يتعلق ب 106 مليون داخليا و خارجيا
و في النهاية هو بشر مش مخلوق خارق
ف ياريت نبطل نغمة
و هو الريس فين
موجود
بس في اختراع اسمه صلاحيات
و بردو في حاجة اسمها الثقة في البطانة 🤷🏻‍♀️🤷🏻‍♀️

معلش الناس بتاعت اصل ده الدوا المر اللي لازم ناخده
و الجراحة الدقيقة عشان نتقدم
سامحوني حبايبي
زوري محتقن مش هقدر اغني معاكم الاغنية دي
عشان الدوا المر اتحول لسم قاتل
و مفيش حد بيتقدم و ناسه بتتعرض للافقار و طبقات اجتماعية بتتآكل و بتندثر و بتموت

و ااااه انا بفهم في الاقتصاد اكتر من فلان و علان و بتنجان عشان انا خريجة انضف كلية اقتصاد في الكوكب و بقالي 24 سنة بذاكر و بعمل دراسات و ابحاث و نماذج ومعضلات
و املك مهارات اقتصادية افضل من ناس علي مكاتب اونطة و ده بفضل الله عليا اولا و اخيرا
عشان اللي لسانهم طويل بس يعرفوا اني مش هسكتلهم 🤷🏻‍♀️🤷🏻‍♀️

اللهم بلغت اللهم فاشهد
للتاريخ نشر في 19 اكتوبر 2024 الساعة 10:15 بتوقيت جمهورية مصر العربية
ابراء لذمتي و راحة لضميري 🙋🏻🙋🏻

لأن الدعم هو نظام مالي أرساه النظام الاشتراكي من أجل رفع مستوي معيشة الافراد في حدود لا ترهق ميزانية الدولة .. و لا تؤدي بهم الي البذخ و الاسراف واهدار الموارد
▪ليييييه 👈🏻 و ذلك بهدف تخفيف الاثار السلبية للرواتب المتدنية المتاحة في حدود موارد الدولة 🤷🏻‍♀️🤷🏻‍♀️

حلو الكلام .. حلووووو
جه ابو خالد الخالد " ابو الغلابة ناصر الغلابة .. يعيش جمال حتي في موته "
عد غنماتك يا جحا
أدي الموارد المتاحة للمرتبات و المهايا
تمااااام .. هنعمل بقا دعم للناس في شكل مواد تموينية و غذائية و معونة شتاء و كسوة صيف

هوفرلهم الحد الادني من الحياة الكريمة اللي تحميهم من مد الايد
و النظام ده اتبعه 60% من دول العالم

▪مين اللي رفضه 👈🏻 الدول الاستعمارية اللصوص
اللي عايشة اساسا علي سرقة موارد الغير
و تاخد مقدرات الشعوب تصرفها علي شعوبها .. بالتابي مش خسرانة حاجة و لا محتاجة تدعمهم
ما هي بتسرقلهم 🤷🏻‍♀️🤷🏻‍♀️
▪راحت ظهرت الرأسمالية
ايه هي الرأسمالية 👈🏻 باختصار اللي معاه فلوس يعيش .. و الغلبان يموت ميقرفناش معاه
العالم لا يحتاج الي الفقراء

مع تدمير مبتدعي الاشتراكية اللي هو الاتحاد السوفيتي .. بدأت بعض الدول تتجه الرأسمالية
اللي هو ما تخدونا تحت جناحكم يا غرب و من جاور السعيد يسعد 🤔

" البعض اللي فارضين نفسهم علي الاقتصاد بالعافية .. عشان حاسين ان مهنتهم مش تريند
يقولك ايييييه 👈🏻 المبادئ الاشتراكية التي ألقتها شعوبها في سلة القمامة
يا سيدي الفاضل رجاءا تتنيل
ليييييه 👈🏻 لان هدم النظام المالي الاشتراكي تم عن طريق المعاول السياسية للحفاظ علي استمرارية الفكر الاستعماري اللي تحول من استعمار سياسي عسكري الي استعمار اقتصادي "

🔸دول الخليج بالكامل ليست راسمالية
دول اسيا بالكامل ليست رأسمالية
دول امريكا اللاتينية لما اتجهت فجأة للرأسمالية كلها انهارت
و لم تنجو الا البرازيل لما عملت نظام مختلط 🤷🏻‍♀️🤷🏻‍♀️

ليه الرأسمالية نجحت في الغرب 👈🏻 بسبب توااااافر الموارد اللي جابوها عن طريق السرقة 👌🏻

🔷🔶 طب الحل ايه 🤔
قفلت كده دومينو و لا ايه 🤔

انا هقول الحلول اللي ترضي ضميري
" و انا مش مسئول حكومي عشان بعد كده بتيجوا تحاسبوني هو منفذوش ليييييه .. معملوش بيه لييييييه
و انا ماااااالي .. انا ماااالي
يا اخي ده سيدنا النبي نفسي علي لسانه الشريف في القرآن الكريم قال 👈🏻 قل إنما أنا بشر مثلكم يوحي إلي أنما إلهكم إله واحد فمن كان يرجو لقاء ربه فليعمل عملا صالحا و لا يشرك بعبادة ربه أحدا 🤷🏻‍♀️

انا زي زيك يا عزيزي
عندي شوية علم ربنا من عليا بيهم .. و أمتلك مهارة ايجاد الحلول
اخدوا بيها اهلا و سهلا
ما اخدوش هما احرار .. هيتكتب اسمه في التاريخ انه رئيس وزراء صندوق النقد و هيتسأل عنكم 🤷🏻‍♀️🤷🏻‍♀️ "

♦الحلول مرحلية علي كذا اتجاه :
📌 اول حاجة ايقاف برنامج الطروحات الحكومي
متبعش املاكنا للقطاع الخاص
مش غلاسة مننا

لأ 👈🏻 لأن القطاع الخاص معناها رأسمالية مطلقة و سوق حر اثبت فشله
و انت اثبت فشلك في ادارته
يبقا سيب القطاع العام قاااااائم بذاته تستند عليه الدولة
" خصوصا ان شريحة رجال الاعمال عندك هما ابناء المرحوم فرج الاكتع بتاع فيلم كتيبة الاعدام أظن عارفه "
▪لكن هتعرضه للتطوير من القطاع الخاص فقط لا غير
" شراكة في حدود يعني "

📌 تاني حاجة 👈🏻 احنا عندنا ازمة في الدستور
لكن في ظل الظروف الحالية
محاولة اجراء استفتاء لتعديل الدستور هو اجراء عبثي
لييييييه 👈🏻 لعدم استقرار الجبهة الخارجية
و لأن عندنا في مصر 20 مليون قنبلة متمثلة في الزول و الزلمة و الغزاوية متسولي العروبة
ف طول ما دول موجودين
مفيش نزول شوارع لاجراء اي استحقاق 🤷🏻‍♀️🤷🏻‍♀️

▪طب مينفعش نتكتف
نعمل ايه 👈🏻 سن قوانين جديدة تشريعية و تنظيمية و جنائية عقابية
لتنظيم عمل السوق و الاقتصاد
ترميلي بقا البنود العرة دي علي جنب
و تجيب مشرعين فاهمين و اقتصاديين يقعدوا يصيغوا مادة دستورية قانونية من 10 بنود
تعالج العك ده كله
و تتعرض علي مجلس الشعب وفقا للدستور اهوووو
و يوافق عليها
" و اللي ميوافقش بالذوق يوافق بالسيديهات بتاعته 🙄 "

أحدهم هيقولي هو احنا عندنا مجلس شعب
ده مجلس شعب رجال الاعمال و الشمشرجية
اتفق و الله يا عزيزي
لكن ده غلطنا احنا لأننا مازلنا قاصرين سياسيا نتيجة 30 سنة تجهيل متعمد
ف نحاول نعمل اللي في مقدورنا
نجبرهم علي الشئ 🤷🏻‍♀️

اللي عنده حل تاني يقولي
بس انا معنديش غير اننا نتجمز بالجميز لحد ما يجينا التين
اهو البرلمان بتاعنا ده جميز 🤷🏻‍♀️

ما ضياء الدين داوود يا عيني عمااااال ينبح في صوته .. الحج عبد العال اصلا مبيسمعوش
لكن لما يسمعه بالامر .. هتختلف 😎

انبوبة البوتجاز بيتكلف انتاجها 340 جنيه و تباع ب 100 جنيه
و ده وضع صعب استمراره
ف كان لازم يتم تحريك سعرها عشان تستمر الدولة انها تقدم الخدمة

طب مين اتحمل هنا ال 100 ج الزيادة
بقت ب 200 ج و انت متحمل 140 ج 👈🏻 المواطن
اللي مرتبه ثابت بل و متآكل بسبب التضخم اللي انت مش عارف و مش هتعرف تسيطر عليه
يبقا انت اللي منوط بإيجاد الموارد من اجل استكمال الخدمة .. شيلت ايديك و لبستها للمواطن اللي موارده ثابتة اصلاااا 🤷🏻‍♀️🤷🏻‍♀️

♦طب نتحاسب بقا علي الاخفاقات المالية في ادارة الموارد :
▪فشل في صرف الشريحة الاولي من القرض المهبب في ديسمبر 2022
ال 235 مليون دولار اللي بدل ما يتوجهوا للبنوك تحت ادارة تشقف راحوا في الشبرقة
▪ فشل في احتواء السوق السوداء و سيادتك اول رئيس وزرا في تاريخ مصر يبقا عنده 4 انواع دولار
دولار البنك - دولار السوق السودا - دولار الدهب - دولار العربيات
" عارف ليه فشلت 👈🏻 عشان كنت مستني الخواجة يحلهالك .. برغم ان الخواجة هو اكبر تاجر عملة في العااااالم "
▪فشلت في ادارة الشريحة الاولي من رأس الحكمة
و دخلت في افراجات الجمارك عن السلع اللي المفروض نصها كان يتحدف في البحر اصلا 🤷🏻‍♀️
و لانك معرفتشششش تستغل الرقم العملاق ده
و اللي خفض الدولار الاسود لحد 38 جنيه
صحينا يوم 6 مارس علي الكابوس الاسود 🤷🏻‍♀️🤷🏻‍♀️
▪فشلت في احتواء الاثار السلبية للاجراء الاسود ده علي السوق
▪فشلت في العودة بالجنيه ل 42 جنيه/ دولار زي ما كل المؤسسات المالية توقعت بوصله ل 40 ل 42 ج بحلول اغسطس 2024

اقولك ليه 👈🏻 عشان ملكش فيها
و بالدليل 👇🏻

♦يوم افتتاح محطة بشتيل
السيد رئيس الجمهورية استعرض معانا ميزان المدفوعات
و قال لنا ان في عطور وماء تواليت و شاور چل و شيكولاتة و ورق فويل بمبلغ و قدره
و استنكر ضخامة المبلغ
" لأنه راجل ظابط
عايش طول حياته علي ميس الظباط
و حد الأمان الغذائي
مش بتوع رفاهيات يعني "
و في نفس الوقت اندهش ازاااااي مش قادرين ننتج ده و نوفر الحاجة للدولار 🤷🏻‍♀️🤷🏻‍♀️

و نفس الفكرة الفريق كامل بردو

📌 لكن نظرة الاقتصاديين اللي بيفهموا بقا تختلف
ازااااي 👈🏻 في حاجة اسمها نظرية البجعات السوداء
ايه هي النظرية دي 👈🏻 الادراك المتأخر لحدوث ازمة فعلية يتسبب في أزمة مالية و اقتصادية أكبر 👌🏻

🔸ايه هي البجعة السوداء في ميزان المدفوعات
ان في بنود من ميزان المدفوعات بتخدم شريحة 8% من الشعب .. علي حساب 92% اخرين

ازاااااي :
▪87% من العطور و ماء التواليت المستورد
مستورد من الاتحاد الاوروبي
المواطن اللي بيقف الصبح مستني الاتوبيس و بيتحشر في المترو و يشعبط ولاده في الميكروباصات
مش هو اللي بيشتري
eau de toilette Coco Chanel 🤷🏻‍♀️🤷🏻‍♀️

▪الاجبان المستوردة
أمنتال .. أڤانتي .. بلو تشيز .. قشقوان .. فلمنك .. بارميچان

حبيبي المواطن المصري مرتبه مكفي الجبنة الدمياطي بالعافية 😒😒
الجبنة التركي بقت رفاهيااااات 🤷🏻‍♀️

▪الشيكولاتة ال ليندت مش بتأكلها الموظفة اللي طافحة الدم لعيالها
هي اصلا لو جابتلهم كورونا يبقا رضا اوي و تبقا فجرت كمان
ده الكادبوري المعفنة الصايصة دي بقت ب 45 جنيه البار 🤷🏻‍♀️

▪ده غير بند الخمور بقاااا
و تروح علي البنك الدولي تقرير افاق في 2022
اللي بيقول ان 8.2% من المصريين بيحتسوا الخمور .. و ان اجمالي المبالغ المدفوعة لاستيراد الكحوليات المصنعة 93 مليار جنيه في 2022 و زادت الي 103 مليار جنيه في 2023
" عايزة اقول كلمة عيييييب لكن استحي 😒"

ف انت بتستنزف الدولار عشان تحقق رفاهية لسكان ايجبت ال 8% من الشعب
و بتدفع ال 92% سكان مصر بقا فاتورة الغباء ده
و ترجع يحصل عندك ازمة دولار
ف تضطر تعااااااني في تدبير العملة .. و فاتورة الزيادة تحملها للي بيدوخ من الاناناس فيروز 😒😒

هي دي يا حبيبي البجعة السوداء اللي انت خلقتها في ميزان المدفوعات .. زي ما انت خلقتها في التضخم .. زي ما انت خلقتها في سعر العملة
و لا انت عارف و لا داري و لا فاهم اصلاااااا 🤷🏻‍♀️🤷🏻‍♀️

♦طب ايه حل العك ده 👈🏻 مش قادر تفرض قرار وقف استيراد سلع استفزازية
اعمل عليها ضريبة استيراد فورية تحصل بالدولار تعادل 100%
" ما هي ألمظ هانم بشتك متطفحش شيكولاتة و تحط عطر الانوثة الساحر الفرنسي علي قفا الست ام محمد اللي عاملة مشروع مطبخ اونلاين عشان تساعد الطور اللي داير في الساقية في مصاريف البيت 🤷🏻‍♀️

و اللي عايز يسكر .. يسكر علي حسابه يا دولتك 🤷🏻‍♀️ "
و ده اجراء يتناسب مع الدستور المهترئ و السوق الحر الفاشل الغير متناسب معانا و لا مع ظروف شعبنا

طيب .. حليت لك اهو ازمة دولار الرفاهيات لحد ما ربنا يكرمنا و تصنع
و ده انا عارفة ان الفريق كامل كفيل بيه 🤷🏻‍♀️🤷🏻‍♀️

🔷🔶 طب هو ليه الناس دي في صندوق الزفت بتكره الدعم .. و اول حاجة تعملها اول ما تدخل دولة نوو نوووو شيل الدعم يا فلااااااح انت 🙄🙄

حسبتها بالارقام لقيت اننا لو مشينا بالمعدل ده
يبقا صادراتنا الزراعية هتقفز بحلول اكتوبر 2025 بقيمة 22 مليار دولار
" جبتها منين 👈🏻 حسبت الانتاجية الحالية للاراضي الموجودة
و ضيفت عليها المشروعات المنتهية في ابريل 2025
مع ال 250 الف فدان بتوعنا اللي في تنزانيا
و قعدت اعمل معادلات
X + 2× Z distance .. power 3
و طلعتها "

فرحت كده و قلبي انشكح
بعدين افتكرت المجموعة المالية و الصندوق و كلام حسين ابو صدام ... قلبي انغم و انهم و قرف من الدنيا باللي فيها 😒😒

( و قولت لنفسي ما يا بنت الحلال مش انتي لوحدك اللي بتحسبي .. يعني ما اكيد طنط كريس عندها ناس بتحسب
و توصلوا لنفس المعادلة
و عرفوا ان ده هيسرع من كلمة الريس نفسي اوصل بميزان المدفوعات لصادرات 100 مليار دولار 🤔
و عليه 👈🏻 كان لازم ينضغط علي الحكومة انها ترفع الدعم عن السولار
الوقود الرئيسي اللي بيأكل الناس
عشان ده هيخليهم يخنقونا اكتر 🤷🏻‍♀️🤷🏻‍♀️

يعني اللي بيعمله عبد الفتاح السيسي باليمين .. بيدمره مصطفي مدبولي بالشمال
لانه رئيس وزرا يفتقر للادارة المالية و الاقتصادية و حول جهوده لخدمة صندوق النقد هو ومجموعته الفقيرة فكريا🤷🏻‍♀️🤷🏻‍♀️ )

🔷🔶 طبعا هيطلع المؤتمر الجي يقول البعض بيهاجم الحكومة و بيهاجم صندوق النقد
البعض اااه 🙄
ف انا مش بهاجم الحكومة
انا بهاجمك انت و مجموعتك المالية الغير كفء
" ايه انت دي
اسمها فخامة معالي عظمة دولة سيادة سمو رئيس الوزراء .. عشان موظفينه اللي بيتقمصوا 🤷🏻‍♀️🤷🏻‍♀️ "

الحكومة مجموعة من الحقائب الوزارية :
▪مهندس كريم بدوي وزير البترول .. ده هدية هداها ربنا لمصر
▪د . هاني سويلم وزير الري
جزمته علي دماغي علي كل اللي بيعمله عشان البلد
▪د . خالد الغفار وزير الصحة
التاريخ هيسجل اسمه بحروف من نور حقيقي
و ازمة الادوية مش مشكلته
دي مشكلة المصرفجي اللي عوم العملة و معرفش يلمها 🤷🏻‍♀️
▪شريف الشربيني وزير الاسكان
الحقيقة اسرع اداء وزير اسكان في ال 10سنين المنصرمة
▪حسن الخطيب وزير الاستثمار
مش وحش
بس مش واااو يعني
بيقفل ملفات ورا الريس
انما هو نفسه ملوش انجازات
▪د .محمود عصمت وزير الكهربا
هكتفي بإنه شغال
و معطلش نفسه علي اي حاجة و بيجاااااهد
▪محمد عبد اللطيف وزير التعليم
بيخوض نفس معركة طارق شوقي .. و اتمني انه مييأسش زيه و يكمل
" و لو علي الدكتوراه اللي تعباكم ياخد واحدة من عندي و اما يسيب الوزارة يبقا يرجعها 😏"
▪وزيرة التنمية المحلية
دي وزارة ينطبق عليها الاية الكريمة " لا يكلف الله نفسا إلا وسعها "
▪وزير السياحة ملوش اي تاتش
غالبا سايلنت
▪وزيرة التأمينات مفكرة نفسها رئيس بيوتي سنتر وسبا
فاصلة نفسها عن الدنيا
و النائبة بتاعتها شايلة الليلة
نيفين القباچ برقبتها
علي الاقل كانت بتعمل للناس علي قد ما تقدر ... انتي بقا يادوب بتعملي شعرك 😒
▪وزيرة البيئة د . ياسمين فؤاد
اشطر وزير بيئة جه مصر
الست دي بتعمل من الفسيخ شربات حرفيا
▪وزير الداخلية
مش هتكلم انا عندي عيال .. بس انت احد اسباب التعويم 🤷🏻‍♀️

الباقي الماليين جوا مجموعتك
الوزارات الديكورية التانية متفرقش معايا
يعني انا مليش دعوة بالحكومة
انا بنتقد اداء سئ للمجموعة المالية المتعاونة تحت قيادة لجنة المراقبة الدائمة لصندوق النقد الدولي 🤷🏻‍♀️🤷🏻‍♀️

بنتقد ناس معتقدة ان الخواجة بيفهم احسن منهم عشان خواجة
بالرغم من ان كل المعينين في صندوق الزفت ده معظمهم من افشل الوزراء و المسئولين و الموظفين في دولهم
و تعيينهم مجرد مكافأة لهم علي اجندة معينة نفذوها في اوطانهم طفحت اوطانهم الكوتة زي الحرامي بطرس غالي و الافندي اللي باع مصانع مصر كلها و خلانا شحاتين بنشحت حتي الشراب اللي بنلبسوه 🤷🏻‍♀️🤷🏻‍♀️

ومع ذلك ابقا قول اللي تقوله
معدش يهمني خلاص

🔷🔶 ايه الخطأ اللي انت عامله فخامتك
انك بتشرح بدون بنج
أنا ضد الدعم
لأنه ليه فاتورة تقيلة
لكن ضد انك تشيل الدعم و تحمل الفاتورة دي للمواطن
و تطلع تقول الدولة شايلة بردو
دي وظيفة الدول يا حبيبي .. حماية شعوبها 🤷🏻‍♀️🤷🏻‍♀️

و انت عشان تشيل الدعم تماما لااااازم تتوافر كافة اجراءات الحماية المالية و الاجتماعية
لان المواطنين دول لهم كرامة مش عبيد
و مش هتكلم علي تحويل الدعم من عيني لنقدي و القيم اللي بيحطها اللجنة المسئولة عشان دي عالم معندهاش ريحة الدم و لا الاخلاق اصلا
كأنهم بيتصدقوا علي الناس من جيوبهم
لا انت شيل الدعم كله مرة واحدة ... و لا 6 شهور و لا 9 شهور

بس زي ما في لجنة لتسعير المحروقات و الطاقة و الادوية و السخام الازرق كله
يبقا في لجنة لتسعير قيمة البني آدم المصري 🤷🏻‍♀️🤷🏻‍♀️
لجنة اجور و مرتبات و مهايا 🤷🏻‍♀️🤷🏻‍♀️

◾مثال 👈🏻 وفرت من دعم انبوبة الغاز 267 مليون دولار سنويا
" ده كلام رئيس الوزرا 🤷🏻‍♀️ "
هيروحوا فين بقا
هيتوزعوا في الدعم النقدي 🤔

🔵 #الدوران_في_الحلقة_المفرغة :

بتابع من امبارح طبعا ردود الافعال و قرأت يجي ربع مليون كومنت في كل حتة
لكن الجزء الاكبر اللي بتابعه بعد قرار تحريك اسعار المحروقات
بيكون للمنتجين
الصناع - الفلاحين

♦من الشخصيات المتزنة اللي بحب اتابعها نقيب الفلاحين " حسين ابو صدام " بفهم منه حاجات كتير
و في ازمات كتير كان بيوجه لحلها بشكل بسيط زي ازمة البصل بتاعت السنة اللي فاتت
و بيقدر يتصدي لشعبة تجار الخضروات و الفاكهة في الغرف التجارية و يهاجمهم جامد و يبين التكلفة الاساسية و معدلات هوامش الربح
راجل فهمان يعني و بيتكلم بالارقام دايما 👌🏻👌🏻

اول مررررررة ألاقيه بيتكلم بيأس امبارح
" هسيبلكم صورة التصريح في الكومنتات "
قال نصا 👈🏻 " ارتفاع سعر السولار بهذه القيمة يعد ضربة قاسية للمزارعين مما سيدفع بعض المزارعين للتوقف عن الزراعة بسبب ارتفاع التكلفة
رشقنا بخنجر في الكلمة دي 😒
و بعدين قال 👈🏻 الفترة الجاية ستشهد ارتفاع 15% في اسعار الخضر و الفاكهة بشكل عام عن الاسعار الحالية 🤷🏻‍♀️

و في المداخلة قال ان الاسعار اصلا مرتفعة حاليا بسبب تغيير الفصول و المحاصيل الموسمية
ازااااي تتجه الحكومة لرفع اسعار السولار في ظل عدم استقرار الاسواق اساسا
وبعد كده يجي يتكلم عن التضخم و الاسعار 😒

" اهدي يا حج ابو صدام بس .. يعني انت يرضيك كريستالينا تتقمص مننا
الست كانت هتعمل المراجعة بتاعت شريحة الملاليم يوم 17 اكتوبر و لما لقيتهم لسه مكملوش السلخانة اتقمصت ... يرضيك تتقمص و دي ست كبيرة و ممكن يكون عندها شوجر 🙄 "

♦انا مش ببص للأمور زيكم .. للأسف انا بتعمق في الامور و كلمة واحدة كفيلة تخليني افكر لما اسود عيشة نفسي
ايه بقا الكلمة اللي سودت عيشتي 👈🏻 مما يدفع بعض المزارعين للتوقف عن الزراعة

شوفتها ازاي أنا بقا 👇🏻👇🏻
▪توقف عن الزراعة بنسبة معينة
👇🏻
▪محتاج استعوض المحاصيل دي .. هتضطر استوردها
👇🏻
▪ميزان المدفوعات يزيد بند وارداته عن صادراته
👇🏻
▪يزداد الطلب علي الدولار في ظل ظروف غير اعتيادية زي نقص ايرادات قناة السويس مثلا اللي هي احد اهم موارد الدولار
👇🏻
▪ف نرجع تاني لخلق سوق سودا .. و ظهور اسعار مختلفة للعملة
👇🏻
▪ف تيجي كريستالينا تقولنا خفضوا عملة تااااااني 😱😱

" معلش هو انتوا هتحسوا ان عم ضياء بتاع كله رايح اللي بيكتب .. بس انا اصلي قرفت و جبت بعد اخري بشارع من المجموعة المالية دي 🤷🏻‍♀️🤷🏻‍♀️ "
📌 ايه المرجع بتاعي " النموذج الناجح العظيييييم المبهر للسيدة كريستالينا جورجيفا في الاصلاح الاقتصادي " 👈🏻 دولة الارجنتين الشقيقة
روحت اشوف هما وصلوا لفين هناك
لقيت ان بتاريخ 14 ابريل 2022 المزارعين اوقفوا زراعة 8 انواع محاصيل بسبب ارتفاع تكلفة الوقود .. " و عندهم ظرف استثنائي عشان اكون أمينة هو الجفاف " لكن لم يستطيعوا تدبير تكلفة الوقود في ظل تدني قيمة المرحوم البيزو ف وقفوا زراعة

ثم ماذا 👇🏻👇🏻
توقفت صادرات الزيوت و الدرة و القمح و فول الصويا اللي هي قيمتها كانت بتتجاوز ال 35 مليار دولار في ميزان مدفوعات الارجنتين

📌 قولت طب ما اشوف صندوق النقد الدولي العظيم حل الازمة دي للارجنتين
اااه دي ناس متعلمين و متثئفين و مستوعبين الاشياء و عليهم كرافيتة ترد الروح زي الباز افندي 🤔🤔

بذاكر من 6 الصبح بقا
و ادور في صندوق التنمية الزراعية الدولي ..و ادور في آفاق البنك الدولي
لقيت ان الحل اللي قدمه الصندوق للارجنتين 👈🏻 انهم يخفضوا قيمة العملة من 600 بيزو /دولار الي 850 بيزو / دولار
عشان يدوهم قرض 2.7 مليار دولار .. يشتروا بيهم محاصيل زراعية

الله 🤔🤔 .. طب ما الناس كانت بتزرع و بتصدر 🤷🏻‍♀️
قالك لا
اصل الدعم الحكومي للوقود لازم نتخلص منه و نعمل ترشيد نفقات

يا حبيبي ما انت لما رشدت النفقات محلتش الازمة بردوووو 👈🏻 ورطتهم في دين جديد عشان يشتروا بيه أكل
يبقا الصح انك كنت تستمر في دعمهم و تنمية الزراعة ف تزود الصادرات ف تحقق فائض في ميزان المدفوعات ف يسمع في الموازنة ف ادفعلك ديونك 🤷🏻‍♀️🤷🏻‍♀️

بس طبعا دي ناس بتفهم اكتر مننا .. ف أكيد هما عارفين ان تكبيل الارجنتين بالديون .. و اشعال حالة الهياج الداخلي ..و احداث تصدعات في الثقة بين الحكومة و الشعب
ده في مصلحة الشعب الارجنتيني 🤷🏻‍♀️🤷🏻‍♀️

و لا عايزينهم يزرعوا و يصدروا و لما يتحكموا في لقمتهم يتحكموا في قرارهم السياسي
ده مش بعيد تقولي بقا انكم عايزينهم يبقوا شعب انتاجي مش استهلاكي وعالة علي الغرب المتحضر الراقي
اتفضلوا قولوها .. ما هي الرؤوس اتساووت اصلها 🙄🙄
" معلش يا مدام كريس عندي دي .. امسحيها في وشي 🤷🏻‍♀️"

ف الحدوتة دي ودتني لنقطة كده اني اروح ابص علي صادراتنا الزراعية
لقيتها اللهم بارك عملت قفزة 4 مليار دولار
و ده بفضل الله اولا
ثم الاراضي الزراعية الجديدة اللي عملها الريس ... و الدلتا الجديدة و توشكي و الفيوم و كل ده

هل من الممكن ان سيادتك تتدخل لانقاذ المواطنين
اما بتنحيته و كفاية كده علي المجموعات التمويلية اللي بتتعاقب علي مصر
و اما بسحب صلاحياته الممنوحة له من قبلكم في اغسطس الماضي ... و تتولي سيادتك ملف التعامل مع صندوق الافقار ده لحد ما نخلص منه
--------------------------------------------------------------
انا مش متضررة
و مبخدش مرتب من مصر
و مش عايشة في مصر
و لو جيت اجازة ربع مرتبي هيعيشني ملكة في الاجازة دي
لو انا بحارب صندوق الزفت ده
بحاربه عشانكم
عشان مش عايزة اللي بيعمله الريس طول السنين اللي فاتت ... تدمره قرارات عنترية لمؤسسة افقرت و دمرت 26 دولة في 10 سنين و شحتتهم 🤷🏻‍♀️🤷🏻‍♀️

عشان الاستثمارات والانجازات و الخير يكون له مردود
لازم يتم ادارة الحكومة اقتصاديا مش تمويليا و بس

طبعا انا عارفة اني هتحاسب علي الكلام ده تشهير و خوض في عرضي و تهديد و سب و شتيمة
بس معلش
انا اتعودت اقف في الجانب الصح من الحياة
و بالتالي هقف في صف الناس اللي بتصرخ
مش هقف في صف السادة الموظفين عند كريستالينا هانم 🤷🏻‍♀️🤷🏻‍♀️

🔵 يا اخي الناس معاها حق تحسبن .. و تسب و تلعن و تطلع من ملتها كمااااان

و لو انا طلعت ابررلك
مش هختلف حاجة عن أي نصف متعلم بيرغي و خلاص
اساسا كل ما افتح بقي بكلمة يتقالي مش هو ده اللي كنتي بتأييديه
مش هو ده د . مدبولي اللي كنتي بتطبلي له و عايزاه يكمل و من أشد داعميه
و كأني كنت برتكب جناية مثلا

♦و الله يا جماعة انا كنت و مازلت مؤيدة للمهندس مصطفي مدبولي اثناء توليه رئاسة الحكومة المصرية في فترة استطاع فيها انه ينجز مرحلة اعداد البنية التحتية
و الامتداد العمراني
و حركة البناء و التشييد و العمران
و تغيير الخريطة الچيوجغرافية ل مصر

و لاااا يمكن اني اجحد مجهوده و لا نجاحه و انجازاته دي ابدااا .. بحكم انه مهندس شاطر و ناجح

♦لكن مجموعة الموظفين عند صندوق النقد الدولي دول ... انا لا بأيد حد فيهم و لا بدعم و لا هدعم حد فيهم 🤷🏻‍♀️🤷🏻‍♀️
رئيس وزراء - وزير مالية - مجموعة اقتصادية - محافظ بنك مركزي
عشان اكون واضحة جدااااا اهووو

📌 ليه لا أدعم ولن أدعم حد فيهم 👈🏻 لأنهم مجموعة تمويلية شغالة عند سوق النقد
و اللي يزعل يزعل
و انا مسئولة عن كلامي
و متحملة كافة عواقبه 👌🏻👌🏻
و مش بدعمهم بحكم تخصصي
يعني مش عشان حد منهم جوز أمي مثلا ... لا ده عشان اللامنطق اللي بيحصل اقتصاديا
و أتحدي متخصص في الاقتصاد محترم و عنده ضمير ممكن يكذبني 🤷🏻‍♀️

🔷🔶 أنهي سوق في العالم ممكن يتحمل تحريك اسعار كل 90 يوم
▪ أي سوق في العالم ممكن يتحمل ان حكومته هي اللي بتعبث بالتضخم و بتزيفه
تحركه للأمام فعليا
و تقدم تقرير ورقي مضروب انه نزل
و اي عيل في تانية اقتصاد ينزل الشارع هيعرف انكم مزيفين 😒
▪ أي سوق في العالم ممكن مرتباته الغير مهيكلة تتحمل تآكل القوة الشرائية لوحداته النقدية بالشكل الاجرامي ده

ارتفاع اسعار الوقود و المحروقات
يترتب عليه ارتفاع كل اسعار السلع الغذائية بسبب ارتفاع تكلفة النقل و الانتاج
يترتب عليه مزيد من الافقار
لأن مفيش جهة تعويضية لرفع السعر ده 🤷🏻‍♀️🤷🏻‍♀️

📌 يا سيادة معالي دولة عظمة فخامة رئيس الوزراء الخديوي باشا
" حلو التفخيم ده .. عشان اللي هيدخلولي يدافعوا عنك بس و يتهموني اني بحاربك 🤷🏻‍♀️"

انت وعدت الشعب ده انك هتفرض اجراءات حماية اجتماعية و مالية
قبل اي رفع دعم قادم
و أخليت بوعدك اهوووو 🤷🏻‍♀️🤷🏻‍♀️
انت وعدت الشعب ده ان الحكومة هتتحمل مع الشعب جزء من صدمات السوق
و الحقيقة ان الناس اوشكت علي انهيار عصبي من الصدمات اللي ورا بعضها

▪ مينفعش ترفع دعم و مرتباتك مهترئة
▪ مينفعش تكون شريك في التضخم و اصحاب المعاشات عندك بيصرخوا
▪ مينفعش تفضل تزود في اسعار كل حاجة و عندك ناس مش لاقية شقق إيجار جديد عشان تتجوز .. حتي ب 5000 جنيه في الشهر
لان في الحواري و العشوائيات و جنب دواليب المخدرات ب 4000 ج

هو انت منفصل عن الواقع
هو انت بتترأس حكومة المجر و لا النرويج
هو انت مصدق أحمد موسي لما قال الطبقة المتوسطة بتروح تصيف في العلمين 4 ليالي بربع مليون جنيه
هو انت مش عارف عندك كااااام تلميذ في مدارس حكومية و ده مؤشر لمستوي أهاليهم المادي و الاجتماعي وطاقتهم
هو انت وزيرة التضامن مجابتش لك تقرير ان في 20 مليون مواطن تحت مظلة تكافل و كرامة .. يعني عندك 20 مليون عايشين ع العيش الحاف ... و انت عمااااال تدبح فيهم عشان ترضي صندوق الافقار الدولي

كل ده عشان اييييييه
عشان يجي الصندوق يوم 2 نوفمبر يقرلك الشريحة الجديدة ال 1.2 مليار
اللي انت و مجموعتك اقل من انكم تستغلوها صح و انا واثقة

مجاش علي بالك تقرا التجربة الارجنتينية
و أهي بنت امبارح كده 🤔
انت عايز ايه بالظبط 🤔

الاجراءات اللي بتحصل دي غلط
الاخوة بتوع التمويل بتوعك مش بيقلبوا الصفحة التانية من الاسكتش
أنا جيالك من المستقبل و بقولك انك مش هتحقق نمو
◾رفع الدعم عن المحروقات و الطاقة له اثرين :
▪ الاثر الاول 👈🏻 ارتفاع الاسعار كافة مما يؤدي الي ارتفاع التضخم
بالتالي هنلجأ لاتباع السياسات النقدية للسيطرة علي التضخم
يعني هنرفع الفايدة اللي مش عارفين نخفضها
يعني هنلم سيولة من السوق
يعني هنصدر شهادات بفايدة مرتفعة
يعني هنزود الدين الداخلي علي الدولة
يعني هنروح نقترض تاني عشان نسد الدين ده .. لو معملناش و خلقنا مصادر الايرادات اللي تلزم ده

▪ الاتجاه نحو الافقار 👈🏻 لأن القوة الشرائية للرواتب هتقل طبعا
ف السلعة اللي كنت بشتريها ب 100 وحدة نقدية ... هحتاج 125 وحدة نقدية
معنديش تعويض لل 25 وحدة الزيادة
يبقا هستغني عن رفاهيات او كماليات او الزاميات
دي اسمها سياسة الافقار

و كله هيسمع عندك في الاخر

🔷🔶 يا سيادة رئيس الجمهورية
السياسات التي ينفذها د .مدبولي لصندوق النقد ملهاش علاقة بالاصلاح الاقتصادي
و فخامة معالي دولة عظمة سيادته
يفتقر لفكر الادارة الاقتصادية
و مش قادر علي الصندوووووق
و لا قادر يحمي الشعب من سياساته

🔵 يالها من صدفة 🙄
يتواصل السنوار مع قطر من 4 ايام انه عايز الخروج الامن

يقوم هيئة البث من شوية يقولوا انهم عندهم ترجيحات شبه مؤكدة بمقتله في غازة علي جباليا 🤔

لأ و بيفحصوا ال DNA عشان يتأكدوا 🤔
▪ فحصdna معناها انه اشلاء مش كده 🤔
يعني مفيش جثة 😎
▪هو خريطة ال dna بتاعت السنوار بتعمل ايه عند الصهاينة
حتي لوووو كانوا بيعالجوه من كانسر المخ من 10 سنين
" انا اقتلك في غارة اااه .. انما اسيبك تموت في المعتقل من ورم مخ لأ انت مفكرني ايييييه معنديش قلب 🙄 "
ده مش حاجة طبية يلزمها ال dna بردووو
" يحيي ابن مين يا دادا عييييشة 🥹 "

اوعي تكون ولعت في غزة و سلمت الشمال لخطة الجنرالات وبعدين روحت عند املاكك في النمسا يا افرايم 🙄"

🔵 اللواء عباس كامل لم يتم اقالته يا سلطان
اللواء عباس كامل لم يتم احالته لأي حاجة يا سلطان
كفاية هبد يا أبو السلاطين

♦اللواء عباس كامل تم ترقيته يا ابو السلاطين .. و بروتوكوليا عشان يتم ترقيته لمسمي و توصيف وظيفي اخر انه يتم اقالته من المسمي الحالي
و الواقع هو ان اللواء عباس تم تعيينه بمسئولية كااااااملة عن كافة الاجهزة الامنية المصرية اللي هي 5 اجهزة من ضمنها المخابرات العامة 🤷🏻‍♀️🤷🏻‍♀️

و أهم شئ في الموضوع انه الامن الداخلي هيكون تحت ايديه ... يعني البعض هيبقا ليلته سودا يا ابو السلاطييييين 🙄🙄

♦رئيس الجهاز الجديد مش دكتور اسنان ... ده احد ابناء المؤسسة العسكرية و احد وكلاء الجهاز 🤷🏻‍♀️🤷🏻‍♀️

ياريت نريح نفسنا شوية
و نفهم ان حساسية الجهاز ده لااااا يمكن ان تكون مادة للهبد و لا محتوي سوشيال

المسئولية شوية يا جماعة
لسه بقول في الفويس احنا في مرحلة لازم نكون جميعنا علي قدر المسئولية 🙄🙄
#يارب_الفيسبؤس_يقع_سيستمه