Baz باز

سەرۆکی ئەنجومەنی نوێنەران بە وەکالەت پیرۆزبایی لە سەرۆکی حکومەت دەکات

ئێوارەی ئەمڕۆ سێشەممە 10/22 ، مەسرور بارزانی سەرۆکی حکومەتی هەرێمی کوردستان ، پەیوەندییەکی تەلەفۆنی لە موحسین مەندەلاوی سەرۆک ئەنجومەنی نوێنەرانی عيراق بە وەکالەت پێگەیشت .
سەرۆکی ئەنجومەنی نوێنەران، لە پەیوەندییەکەدا پیرۆزبایی سەرکەوتنی هەڵبژاردنی خولی شەشەمی پەرلەمانی کوردستانی لە سەرۆکی حکومەتی هەرێمی کوردستان کرد.

سەرۆکی حکومەت پێشوازی لە کونسولی گشتیی نوێی ئەڵمانیا دەکات

ئەمڕۆ سێشەممە 10/22 مەسرور بارزانی سەرۆکی حکومەتی هەرێمی کوردستان، پێشوازی لە ئەلبرێشت فۆن ڤیتکە كونسولی گشتی نوێی ئەڵمانیا لە هەرێمی كوردستان کرد.

سەرۆکی حکومەت وێڕای پیرۆزبایی ، پشتیوانیی حکومەتی هەرێمی کوردستانی بۆ کونسولی گشتیی ئەڵمانیا دووپات کردەوە و هیوای سەرکەوتنی لە ئەرکەکەیدا بۆ خواست .

کونسولی گشتیی ئەڵمانیا ، ئامادەیی وڵاتەکەی بۆ پەرەپێدانی زیاتری پەیوەندییەکان لەگەڵ هەرێمی کوردستان دەربڕی.

لە تەوەرێکی دیکەی گفتوگۆکاندا ، ئاماژە بە سەرکەوتنی پرۆسەی هەڵبژاردنی پەرلەمانی کوردستاندا کرا کە لە کەشێکی ئارام و دیموکراتیانەدا ئەنجام درا سەرەڕای هەبوونی هەندێک کێشەی تەکنیکی و بێبەشبوونی ژمارەیەکی زۆری دەنگدەران لە مافی دەنگدان.

هەردوولا هاوڕابوون لەسەر گرنگیی و پێویستیی دەستکردن بە ڕێکارەکانی پێکهێنانی کابینەی نوێی حکومەت لە زووترین کاتدا، لە پێناو خزمەتکردنی زیاتری هاووڵاتییانی هەرێمی کوردستان .

دڵشاد ره‌شید مه‌لا، ئەندامی جڤاتی گشتیی گۆڕان:

یەکێتی خه‌ڵكی موسوڵمانی ده‌ڤه‌ری سلێمانی، به‌تایبه‌ت شارباژێڕی ناچار كرد‌ ده‌نگ بده‌نه‌ کاندیدێکی رە*یان کلدانی

لاجان محەمەد عوسمان
کاندیدی دەرنـەچووی یەکێتی لە هەولێر:

سوپاس ئەو خەڵکانەمان ناسی کە ساختە و دووڕووبوون لەگەڵمان.

نوژدار هەرکی:

یەکێتیەکەی بافڵ بانگەشەی روخاندن و کۆتایی پێ هێنانی پارتیان دەکرد، کەچی ئێستا دەنگی پارتی لە پارێزگای دهۆک بەقەد هەموو یەکێتییە لە کوردستان،  ئەوها وەریدەگرنەوە؟  باژۆن لۆ مارێ

پارتی هێزی یەكەمی هەرێمە و پارێزگاری لە پێگەی خۆی كرد

رۆژنامەى عەرەب، لە بڵاوکراوەی ئەوڕۆیدل دەڵێت؛ پارتی پێگەى خۆی پاراست و دەرگا بۆ گفتوگۆی لێکتێگەیشتن دەکاتەوە بەمەبەتى پێکهێنانى حکومەتى نوێ.

هەرچەندە لایەنەکان ململانێیان لەسەر ئەوە دەکرد کە رێڕەوى دەسەڵات و فەرمانڕەوایی لە کوردستان بگۆڕن بەڵام ئەنجامەکان وایدەردەخەن گۆڕانکاری روونادات و بۆ چوار سالی داهاتوو وەک خۆی دەمێنێتەوە، ئەوەى گۆڕانکاریی بەسەردا هاتووە پێشکەوتنى لستى نەوەى نوێیە

هۆڵەندا: پیرۆزبایی لە خەڵکی کوردستان دەکەین بەبۆنەی ئەنجامدانی هەڵبژاردنێکی ئاشتییانە

رێکەوت شێخانی لە تۆڕی کۆمەڵایەتی فەیسبووک دەنووسێت: گوتیان دەیروخێنین، ئێستا دەبێ دەستی پارتی ماچ بکەن، تا جەنتا هەڵگریان پێ بدرێتەوە.

بەربژێرێكی دەرنەچووی یەكێتی لە كۆیە: لە نێوخۆماندا فێڵ لە دەنگەكانمان كرا
”هەندێكیان بە پارە و پوول دەنگی خەڵكیان كڕی“

هەورام عەبدولخالق حەوێز، مافپەروەر و بەربژێری یەكێتی لە كۆیە، دوای ڕاگەیاندنی ئەنجامی بەرایی هەڵبژاردن و سەرنەكەوتنی، پەیامێكی بڵاو كردووەتەوە و لە بەشێكی پەیامەكەیدا ڕایگەیاندووە: ”سەربەرزم کە توانیم لەم پرۆسەیە کەسایەتیی خۆم بپارێزم و نەچمە ژێر باڵ و سێبەری هیچ کەسێك، بە مەبەستی سەرکەوتنم بۆ پەرلەمان، پەناش بۆ کڕینی دەنگی دەنڴدەر نەبەم، کە هەندێکیان بە پارە و پوول دەنگی خەڵکیان کڕی بۆ سەرخستنیان بۆ پەرلەمانی كوردستان.“

هاوكات پرسیاری ئەوەی لەو بەربژێرانەی یەكێتی كردووە كە بە دەنگی كڕدراو دەرچوون و دەڵێت:“ من لێرەوە دەپرسم، تۆ چۆن داکۆکیکاری مافی خەڵك دەبی لە پەرلەمان، کە بە دەنگی کڕاو دەرچووبی؟“

هەورام عەبدولخالق، نهێنیی بوونی فێڵ لە نێوخۆی یەكێتی ئاشكرا كردووە و نووسیویەتی: ”ئەوەی هێناومانە، بە دڵنیاییەوە ئەوە دەنگی ڕاستەقینەی ئێمە نییە، هەموو کاندیدێك سەنگ و قورسایی خۆی دەزانی و داتای دەنگدەری خۆی لایە، ئەوانەی دەرچوون، هەموو خەڵکی دەزانی کە کێ پاڵپشت و پشتیوانیان بوو، بە داخەوە لە ناو خۆمان فێڵ لە دەنگەكانمان کرا بۆ سەرخستنی کاندیدێکی دڵخوازی خۆیان، بە سەدان دەنگی کەسوکار و خانەوەدەکەی خۆمان، دۆست و لایەنگرانمان و تیمەکانمان بۆ کێ چوو؟“

لیژنەی ئەمنیی پارێزگای هەولێر:
سووڕانەوەی كاروانی زۆری ئۆتۆمبێل و دروستكردنی قەرەباڵغی قەدەغەیە و سزا دەدرێن

ئەمڕۆ، ڕۆژی دووەمی دابەشکردنی مووچەی مووچەخۆرانی بەشدار لە (هەژماری من)، لە هەولێر و سلێمانی و دهۆک بە سەرکەوتوویی بەڕێوە دەچێت.

ئەمەریکا و فەرەنسا و بەریتانیا پێشوازیی لە بەڕێوەچوونی هەڵبژاردنی پەرلەمانی کوردستان دەکەن و داوای زوو دەستبەکاربوونی پەرلەمان و پێکهێنانی کابینەی نوێی حکوومەت دەکەن.

ئەمڕۆ سێشەممە 22/10/2024، پارێزگای هەولێر ڕاگەیاندراوێكی بڵاو كردەوە، تێیدا هاتووە: "لە بەردەوامیی هەوڵەکانی باشترکردنی ڕێگاوبانەکان و خزمەتکردنی زیاتری هاووڵاتیان و هاتوچۆی شوفێران، لەسەر بودجەی پارێزگای هەولێر، دەست بە قیرتاوکردنی شەقامە ناوخۆییەکانى گەڕەکی حەسناوە و 11ـی ئازار لە سنووری ناحیەی کەسنەزان، كرا."