🌹🌿АЁЛ
АЁЛ... Битта қовурғадан
яратилган зотдир у,
Яратгандан бу оламга
нафис мукофотдир у,
Ҳаё, ибо, меҳр-у вафо,
қаноатда тенги йўқ,
Момо ҲАВО онасига
муносиб зурёддир у..
Керак бўлса, боласига
ўйиб берар, кўзини,
Унинг бахти, камолига
фидо килар ўзини,
У Онадир, фарзандининг
биргина ютуғидан,
Дунёларга сиғмай кетар,
қувонч қоплаб, юзини..
У опадир, укасининг
ёмонини яширган,
У сингилдир, акасининг
яхшисини оширган,
Жондан азиз қизингиздир,
сизни соғиниб, қучиб,
Ғуборларингиз аритиб,
меҳрингизни тоширган..
Ҳар уйдаги фаришта у,
қўриқловчи, гардлардан,
Гарчи, ўзи азоб чекар,
ҳаёт берган дардлардан,
Аммо умид килиб, яшар,
эшик кокиб, бир куни,
Келажак ул, дориломон
кунлар, ёруғ бахтлардан..
Ана шундай иродаси,
сабри чексиз, АЁЛ, у,
Нозиккина жусса, лекин
кучда тенгсиз, АЁЛ, у,
Гўзаллиги, латофати
дунёларни лол этган,
Шижоатда, жасоратда,
шаҳди денгиз, АЁЛ, у..
Битта ширин табассуми
эритар, муз дилларни,
Аллоҳ учун севинг, асранг,
бу латиф кўнгилларни,
Мақтаб туринг, ширин сўз-ла,
борингга шукур дея,
Совға килинг, ўзи каби,
энг чиройли гулларни...
@baxtimsanxy