BASIC MEDICAL SCIENCES

❓سؤال:

في حال إعطاء محاليل وريدية لمرضى التهاب الكبد أو تليف الكبد لماذا يفضل اعطاء محلول ال Dextrose على محاليل ال Ringer وال Saline..؟

🤏 ترسل الاجابات عبر زر التعليقات بالبوست👇

♕ لستة مجموعة قنواتنا على تلجرام:
1) BMS.PATHOLOGY:

https://t.me/pathologyBMS
"" "" "" "" "" "" "" "" "" "" "" "“" "" "" "" ""
2) BMS.ANATOMY:

https://t.me/bmsatnatomy
"" "" "" "" "" "" "" "" "" "" "" "" "" "" "" "" ""
3) BMS.EMBRYOLOGY:

https://t.me/bmsembryo
"" "" "" "" "" "" "" "" "" "" "" "" "" "" "" "" ""
4) BMS.PHYSIOLOGY:

https://t.me/bmsphysio
"" "" "" "" "" "" "" "" "" "" "" "" "" "" "" "" ""
5) BMS.Pharmacology:
https://t.me/Basicmedicalscience
"" "" "" "" "" "" "" "" "" "" "" "" "" "" "" "" ""
6) BMS.MICROBIOLOGY:

https://t.me/bmsmicrobiology
"" "" "" "" "" "" "" "" "" "" "" "" "" "" "" "" ""
7) BMS.CLINICAL MEDICINE:

https://t.me/MedicineBMS
"" "" "" "" "" "" "" "" "" "" "" "" "" "" "" "" "
8) BMS.PEDIATRIC:

https://t.me/bmspedo
"" "" "" "" "" "" "" "" "" "" "" "" "" "" "" ""

#إنتبه:-

🔺وانت قاعد ف الحوادث جاك عيان عدو ضيق نفس، كيف تفرق Clinically فقط ما بين ال:

1} Cardiac asthma
2} Bronchial asthma

1>>Cardiac Asthma🫀:-
""""""""""""""""""""""""""""""""""""""""
● بنقصد بيها ال PND. يلا دي بتتميز بإنو ال Dyspnea حقها:

◇Progressive dyspnea:
- يعني ضيق النفس دا كل فترة ماش للأسوأ؛ بسبب ال lung congesion.

- وطبعا عندها Grade اللي هي NYHA Classification.

◇Increase with walking & activity:
- العيان بقول ليك يا دكتور ضيق النفس دا بتزيد لما امش مسافات بعيدة. او لما اصلي او ف اسوأ الحالات لما يعمل أبسط مجهود مثلا مجرد مشى الحمام بس جاتو ضيق نفس.

◇ Associated with Orthopnea:
- لازم العيان يقول ليك ي دكتور ضيق النفس بتزيد لما اكون راقد وبتقل لما اقعد. او زمان كنت بستخدم مخدة واحدة اسي بستخدم 3 مخدات.
- ودي طبعا سببها انو ال Venous return بتزيد لما العيان يكون مستلقي وبالتالي بتزيد من ال Heart congesion بالتالي بتزيد من ال lung congesion.

◇Pt without cough:
- غالبا العيان دا م بشتكي من قحة ولو كانت موجودة بتكون Mild. و بتكون Productive والكحة فيها رغوة وشوية نقاط بتاعت دم.
Productive cough with frothy sputum

◇Centeral chest pain:
- لو العيان دا عندو الم صدر ح يكون Cardiac pain اللي هي central.

◇ Occurs at night:
العيان بقول ليك صحيت فجأة من النوم عندي ضيق نفس.

2>>Bronchial asthma 🫁:-
""""""""""""""""""""""""""""""""""""""""""""
- هنا ضيق النفس بتتميز بالآتي:

■ Epithodic & pt get well in between attacks:
- ضيق النفس م ثابت. بتمشي وتجي.
- وغالبا بتجي للعيان لما يتعرض واحد من ال Triggering factors مثل غبار او عطر...
- وبعد العلاج العيان بيكون زي الفل

■ Pt present with cough:
- لازم عيان الازما يكون عندو Cough وغالبا Dry وقد تكون Productive. يعني هو بقح وعندو ضيق نفس.

■ Peripheral chest pain:
هي ف الحقيقة م Pain. هي Tightness عدم راحة كدة يعني. واذا كان ف chest pain حتكون Peripheral.

■ Occur in early morning:
عادة ضيق النفس ف ناس الازما بتحصل عند الصباح الباكر. وطبعا ممكن تحصل بالليل برضو. لكن نهائي العيان م بقول ليك صحيت فجأة من النوم بضيق نفس.

🔸طيب هل الموضوع مهم يعني نعرف الفرق دا؟

- طبعا أكيد. إنت لو شخصت غلط ممكن تقتل العيان ببساطة يعني!!

- مثلا إنت شخص العيان Bronchial asthma وبديت العلاج واديت العيان B2 agonist مثلا Salbutamol. وأصلا كان العيان عندو Cardiac asthma هنا تتوقع البحصل شنو؟!

- ال B2 agonist دي Sympathomimatic يعني بتشتغل شغل ال Sympathetic وبالتالي تزيد من ال Heart rate واصلا عيانك عندو مشكلة ف القلب... فالموضوع ح يتفاقم وممكن العيان يخش ف Acute heart failure وقد يموت يعني.

#إنتبه:-

🔸وانت وحيد ف الحوادث؛ جاك عيان إستفرغ دم Hematemsis.كيف تفرق Clinically فقط انو دي:

1• Peptic ulcer bleedin
2• Variceal bleeding

● طيب أولا لازم نسأل العيان ونتأكد انو هل هو إستفرغ دم Hematemsis أم كح دم Hemoptysis.

>>أسباب ال Hematemsis كتيرة ولكن أهمها:
□ Gastric
□ Duodenal
□ Varices
□ Gastric cancer
□ Malorri-wess syndrome
□ Drug induced Gastritis

1>>Peptic ulcer:-
""""""""""""""""""""""""""""""
● لما نقول Peptic ulcer بنقصد بيها:
□ Gastric
□ Duodenal

طيب نمسك واحدة واحدة:
Peptic ulcer:-
هنا ال Hematemsis بتتميز بإنها:

♧ Bleeding is small in amount:
- الدم الطلع كميتو بتكون قليلة وبتحدث مرة او مرتين كل فترة

♧ Dark blood (coffee ground):
- يلا هنا الدم الطالع بتكون قليلة وحصل ليها Digestion بال HCl بالتالي لونها ح يكون أسود داكن عاملة زي القهوة

♧ There is pain in peptic ulcer no pain varices:
- ودا يمكن يكون مفترق طرق بين ال Ulcer وال Varices.

- لاااازم لاااازم عيان ال P.ulcer يكون عندو Epigastric pain. وال Pain دا بختلف حسب نوع ال Ulcer:

- D.Ulcer pain increase with hanger pain:
هنا العيان لما يجوع بحس بالوجع زايد وبالتالي العيان دا ح يستمر يأكل بس الى أن يبقى Obese.

- G.Ucer pain increase by eating:
- هنا الألم بيزيد مع الأكل. لدرجة إنو العيان بيحصل ليهو Vomiting بمجرد ياخد ليهو لقمة واحدة. ف العيان دا ح يكره الأكل وبالتالي وزنه ح يقل شديد:

Gastric ulcer pt is miserable with severe nausia & anroxia & vomiting.

♧ Past Hx of epigastric pain & bleeding:
العيان بقول ليك قبل كدة جاني نفس الألم وحصل لي استفراغ دم بعد الألم.

2>>Varices:-
"""""""""""""""""""""""
- هنا ال Hematemsis بتتميز ب:

□Massive amount of blood:

- الدم الطالع كميته كبيرة لأنها ناتجة من انفجار شرايين. والعيان بكون دايخ بعد الاستفراغ

□Frank/ bright blood:
الدم الطالع بيكون لونه أحمر ناصع. لأنو دم طالع مباشر من الدورة الدموية.

□No epigastric pain:
- ماف ألم في منطقة المعدة.
-العيان دا قد يشتكي من ألم ف ال Rt hypochondroum أو منطقة ال LIver او قد م يشتكي من ألم أصلا.

□Past Hx of:
- هنا ال PMH مهم جدا لأنك ممكن تعرف عن طريقه التشخيص. فالعيان دا ممكن يطلع مشخص من زمان ب:

- Portal HTN
- Liver disease
- Schistosomiasis
- Hx of band ligation sclerose
- Hx of aspiration of ascites

>>ف دي كلها مفيدة بالنسبة ليك وبتديك Clue انك تصل للتشخيص الصح.

https://t.me/MedicineBMS

#بوست مستعار:-

🔺 طريقة إعطاء حقن الارتسونيت :

تستخدم حقن الارتسونيت في علاج الملاريا الحاده Severe Malaria فكان لابد من شرح طريقة إعطائها وحساب حرعاتها ليتمكن طلاب المجال الصحي فيها!

1_ معرفة عُمر المريض وحساب وزنه :
حقن الارتسونيت آمنة للأطفال منذ الولادة وحتى الحوامل والمرضعات ، ولكن لابد من حساب وزن المريض لإعطاء الجرعة بالصورة المطلوبة.

2_ حساب الجرعة للوزن المعين :
إذا كان المريض أقل من 20 Kg فإن الجرعة المطلوبة 3 mg لكل Kg، اما اذا كان وزن المريض أكثر من 20 Kg فإن الجرعة المطلوبة 2.4 mg لكل Kg.

3_ حساب عدد الفتائل الدوائية :
أقل من 25 كيلو = فتيل واحد 60 mg
26 - 50 كيلو = 2 فتيل 60 mg او فتيل 120 mg
51 - 75 كيلو = 3 فتايل 60 mg
76 - 100 كيلو = 4 فتيل 60 mg او فتيلين 120 mg

4_ طريقة التعبئة :
تحتوي العلبة على بدرة كرستاليه من الارتسونيت (اما 60 mg او 120 mg) وأيضا تحتوي على محلول بيكربونات الصوديوم (1 mg) وأيضا تحتوى على ماء مقطر للتخفيف (يمكن استخدام المحلول الملحي NS او محلول الدكستروز D5%).

نقوم بتفريغ بيكربونات الصوديوم والتي مقدارها (1 ml) في بدره الارتسونيت للتشبع ونرج المحلول مدة من الزمن ثم نضيف الماء المقطر للتخفيف.

5_ مقدار التخفيف بالماء المقطر :
في حالة الحقن الوريدي (IV) نستخدم ماء مقطر بمقدار (5 ml) ليكون حجم المحلول كاملاً (6 ml) ويكون تركيز الارتسونيت حينئذ 10 mg لكل ml، اما في حالة الحقن العضلي (IM) نستخدم ماء مقطر بمقدار (2 ml) ليكون حجم المحلول النهائي (3 ml) ويكون تركيز الارتسونيت عندها 20 mg لكل ml.

6_ حساب الجرعة المفردة :
في حالة الحقن الوريدي (IV) نقوم بضرب وزن المريض (×) الجرعة ونقسم (/) على تركيز الارتسونيت وهو 10، اما في حالة الحقن العضلي (IM) نقوم بضرب وزن المريض (×) الجرعة ونقسم (/) على تركيز الارتسونيت وهو 20.

7_ طريقة تناول الجرعات :
* الجرعة الأولى في الزمن المحدد ( 0 Hours).
* الجرعة الثانية بعد 12 ساعة من الجرعة الأولى.
* الجرعة الثالثة بعد 24 ساعة من الجرعة الأولى.

بعد الجرعة الثالثة يعطي المريض الأدوية الفمويه ( التي تبلع بالفم ) فإن تعذر ذلك نواصل في الحقن كل 24 ساعة لمدة 7 ايام كحد أقصى !

✔️ تطبيقات حية لكل ما سبق ✔️

1/ مريض عمره 3 أعوام ووزنه 10 كيلوجرام، تم تشخيصه بملاريا حاده ووصف له حقت الارتسونيت بالحقن الوريدي، احسب الجرعة المطلوبة لهذا المريض !؟

* وزن المريض = 10 kg
* تركيز الارتسونيت = 10 mg/ml
* الجرعة لكل كيلو جرام = 3 mg/kg

10kg× 3mg\kg / 10mg\ml = 3 ml
_

2/ مريض عمره 25 "عاماً ووزنه 40 كيلوجرام، وصف له حقن ارتسونيت بالحقن الوريدي، فما هي الجرعة المطلوبة لهذه الحالة ؟!

* وزن المريض = 40 kg
* تركيز الارتسونيت = 10 mg/ml
* الجرعة لكل كيلوجرام = 2.4 mg/kg

40kg × 2.4mg\kg / 10mg\ml = 9.6 ml
_

3/ مريض كبير في السن وزنه 52 كيلو جرام يعاني من ملاريا متكررة وحاده وصف له الطبيب المتابع حقن الارتسونيت بالحقن العضلي، احسب الجرعة المطلوبة !؟

* وزن المريض = 52 kg
* تركيز الارتسونيت = 20 mg/ml
* الجرعة لكل كيلو جرام = 2.4 mg/kg

52kg × 2.4mg\kg / 20mg\ml = 6.2 ml

#عابر_سبيل

[﷽]
السلام عليكم👋

#CLINICAL_MEDICINE:-
""""""""""""""""""""""""""""""""""""""
#بوست_رقم(2)

🔴General History Taking:-
""""""""""""""""""""""""""""""""""""""""""""
↩ نواصل الحديث عن النقاط ال 7 في ال History..

3⃣ History of Present illness:-
"""""""""""""""""""""""""""""""""""""""""""""""""
✸ بيختصروها:  HPI#.

✸وطبعا دي أهم فقرة في ال History taking. في الفقرة دي بنكتب الحاجات اللي جاني بيها العيان بالتفصيل.

✸ يلا عشان نتحصل على المعلومات دي بالتفصيل؛ السؤال الاول يجب يكون:
When were you last symptom free ?🤔

✸👨‍⚕:  يا حاج محمد آخر مرة حسيت براحة من الألم متين؟!!

✸ من خلال التأريخ دا بيبدأ ال Present History.

✸ إذا حاج محمد قال لي آخر مرة كنت مرتاح/ Well الإسبوع الفات!!

✸ ع طول ح نقول انو ال Present history بدأ ليهو إسبوع..

☜ يعني ح تكتب:
[ The condition started one week ago...]
_
✸ ال Present History بيتميز بالآتي:
①Long:-
""""""""""""""
- بيكون فقرة طويلة لأنو بنتكلم بالتفصيل.
___
②Use medical terms:
""""""""""""""""""""""""""""""""""""
✪ هنا بنحول لغة المريض الا مصطلحات طبية بعد التأكد. مثلا:

✪ العيان في ال Complaint قال عندو ضيق نفس صح؟ يلا هنا بنسأله:

👨‍⚕: يا حاج محمد هل بتقصد إنك بتتنفس بسرعة أم مخنوق ماقادر تتنفس؟

✪ إذا قال مخنوق يبقى Dyspnea أما إذا قال بيتنفس سريع يبقى Tachypneaوهكذا...
___
③Analysis of all complaints and related symptoms:

✪ هنا بنقوم بتحليل كل الاعراض اللي ذكرها العيان مسبقا بالتفصيل. وبرضو بنسأله من اعراض اخرى ليها علاقة بالاعراض المذكورة.

[وركز شديد في عبارة ليها علاقة بالاعراض. يعني اذا لقيت الاعراض ماشة مع ال Respiratory تقوم تسأله من حاجات تبع نفس السيستم..]

✪ يعني العيان قال عندو Dyspnea ممكن نسأله في Cough ولا لا؟!!

✪ لأنو ال Cough عرض ذو صلة بالعرض المذكور.أو برضو ممكن العيان يكون فعلا بيشتكي من Cough ولكن نسى إنو يذكرها.
__
④ Arrange these symptoms chronologically:

✪ برضو بنقوم بترتيب الأعراض دي وفقا للترتيب الزمني لحدوثها.

☜ مثلا ظهرت ال Dysnea أولا ح نتكلم (Analysis) أولا عنها ومن ثم ال Cough...

✪ برضو بنذكر الأعراض الإيجابية أولا ومن ثم الأعراض السلبية. كيف يعني؟🤔

♦- أولا الأعراض الايجابية دي بسموها:
#Important_positive_symptoms

☜ يعني دي أعراض ما ذكرها المريض من تلقاء نفسه ولكن لما سألناهو قال ظهرت ليهو. مثلا:

👨‍⚕: يا حاج أحمد بتشعر بألم في الصدر برضو؟

🧔‍♂: أي يا دكتور بشعر بألم في الصدر

☜ طوالي بنعلق:
⇒ There is: Chest pain

[وطبعا لازم تعمل Analysis لل pain دة إياك تكتب حاجة Positive ساي من غير انك تعمل ليهو Analysis].

☜ولو سألتو من حاجة تانية و قال ظهرت ليهو؛ برضو ح تعمل ليها Analysis وهكذا...😉
____
♦- ثانيا الأعراض اللي م ظهرت للعيان لنفس ال System ودي بنسميها:
#Important_negative_symptoms

☜ يعني دي عبارة عن أعراض سألنا منها للعيان وقال ما ظهرت عندو. مثلا:

👨‍⚕:حاج أحمد حصل مرة كحيت دم؟
🧔‍♂: لالا خالص يا دكتور.

☜ طوالي بتعلق وتقول:
⇒ There is no: hemoptysis

[وطبعا هنا م بعمل Analaysis. ماهو عرض غير موجود ف المريض تعمل ليهو Analysis كيف..😄😄]
__
⑤ Complete analysis of each symptom:-

- طيب ي دكتور من  قبيل بتقول لينا Analysis يعني شنو؟🙃

- لما نقول Analaysis يعني بنقوم بتحليل كل عرض ذكرها المريض كالآتي:

1-☉Onset:
👨‍⚕: يا حاج محمد ألم ابصدر دا بدايتو كانت كيف؟ بدأ فجأء ولا بصورة تدريجية؟

☜ يعني هنا أنا عايز اعرف إنو الchest pain بدايتو كانت Acute أم Chronic.

[خليها ثابتة في ذهنك: غالبا المرض ال Acute أخطر من المرض ال Chronic. لأنو ف ال chronic الجسم بفعل ال Compensatory mechanism وبحاول يعدل من التغير الحاصل. أما ف حالة ال Acute المرض بيتفاقم قبل حدوث ال C.mechanism..]
____
2-☉Course:
👨‍⚕: يا حاج ألم الصدر دا ماش ف تحسن ولا ماش للأسوأ ولا بحدث في صورة نوبات ولا زي ماهو..؟
____
3-☉ Duration:
👨‍⚕: يا حاج محمد ألم الصدر دا معاك من متين؟
____
4-☉ Associated symptoms:
☜ وهنا بنسأل المريض هل في  اعراض تانية ملازمة للعرض المذكور ولا لا ؟

👨‍⚕: يا حاج محمد هل ألم الصدر دا معاهو طمام واستفراغ ولا لا ؟

☜وطبعا السؤال دا بستبعد لي Differential diagnosis كتيرة..لأنو كتير من الامراض الألم بتاعها بتكون مصحوبة باعراض تانية. مثلا:

☜ ألم في الجزء الأيمن من البطن بيزيد مع أكل المواد الدهنية وصحوبة بطمام واستفراغ ⇐ دي طوالي Biliary colic/ Gall stone..وهكذا
___
#تابع_بقية_البوست_بالانضمام_هنا↡

https://t.me/MedicineBMS

🚨خارطة طريق لطلاب الطب في المستويات السريرية (الكلينيك)👇:

1⃣ بالنسبة للجراحة العامة:-

- أحضر فيديوهات د.علي حسيب كتيرة بس ظابطة. موجودة ف اليوتيوب

- برضو اسمع تسجيلات خالد ميلاد تسجيلات وفيديوهات اسلايد ظابطة شديد. بتلقاها هنا👇:
https://t.me/surgerykm

- برضو ممكن تحضر ل م. مجاهد. محاضراتو خفيفة وبديك الزيت👇
https://t.me/Dr_mujahid_records

- بالنسبة للمراجع أقرأ من مرجع BRS. ولو امتحانك قريب اقرأ القصر العيني أو ملخصات خالد ميلاد.
- كتاب بيلي & لوف معااط. بس ممكن تقرأ منو جابترات محددة. مثلا ال Abdomen وال Thyroid ظابطات فيها.
""""""""""""""""
2⃣ طيب بالنسبة لمقرر النساء والولادة:

- مقرر كتير وكلو حفظ بس ساهل شديد وبمش معاك.

- احضر فيديوهات د. نادين علاء. محاضراتها طويلة لكن ظابطة شديد👇
https://t.me/gynaandobsdrnadine

- او احضر د. محمد المندوه. محاصراتو شكل دياجرامات بفهمك كويس:
https://t.me/AUD_Mandooh

- برضو ف د. عبدالرحمن مجدي فيديوهات قصيرة وبديك الزيت. موجودة ف يوتيوب

- بالنسبة للمراجع اقرا من:

- اقرأ شيت د.تمبول + شيت الخرطوم مع بعض. ظابطات ومختصرات.

- كتاب Ten teatchers برضو ظابط.

- كتاب DC ظابط بس كتير. اقرا من ال Normal labour بس.

- برضو د. محمد المندوه عندو كتيبات ظابطة شديد موجودة ف نفس القناة. وكذلك د. نادين عندها ملخص

- ف كتاب اسمو ضياء الموافي ابعد منو. كلام حشو و فارغ ساي.

- حل MCQs وكيسات كتير.

- د. نادين عندها اسئلة ظابطة شديد وبتجي ف الامتحان مع الأجوبة النموذجية.

- طبعا بالاضافة للكلام دا كلو لازم تقرأ أكسفورد----> دا قرآن الأوبس...✋

- بالنسبة للكلينيك بتستفيد اكتر من الراوندات وشغل المستشفى.
"""""""""""""
3⃣ النسبة لمقرر الأطفال:-

- صراحة هو كتير واغلظ حاجة فيهو ال Doses اللي ح تحفظها.

- يلا عشان تظبطه:
- أسمع تسجيلات د. عمرو:
https://t.me/Dramropedia

- احضر فيديوهات كلينيك لانو الاكسامينيشن حقو فيهو استيشنات كتيرة.

- اقرا الكتب دي:
- نيلسون ريفيو (الكتاب المتوسط) او بيبي نيلسون. لكن الأهم من دا كلو اقرا اوكسفورد برضو معاهم.

- ف ملخصات كتيرة للبدياتريك ممكن تفيدك برضو.
- برضو الكلينيك بتلقى ليها ملخصات كتيرة زي دفتر اسراء المشهور.

- حل بيستات كتيرة وشوف الأجوبة النموذجية.

4⃣ بالنسبة لمقرر الباطنية:-

- طبعا هو الجوكر والفقري ف نفس الوقت.
- هو بحر واسع ممكن تقرأ سنة كامل وم تخلصه. عشان كدة قبلما تختار كتابك شوف نفسك بتقدر تقرا وتتوسع ولا لا.

- لكن اديكم خبرتي فيهو:
- زمان كانت الناس بتقرا من مرجع دنش هسي ماف زول بقرأ منها لانو فيهو أخطاء كتيرة وما Updated من حيث المعلومات. لكن برضو في بعض الجابترات فيهو كويسة شديد زي الكارديو مثلا. ف ما تقرأ منه كمصدر اساسي..✋

- أسي أغلب الطلاب بقرو الزيتونة بس..😄 أي قصدي ملخص كبريت.وفعلا هو اظبط ملخص ممكن يلاقيك ف الباطنية.. يلا قبلما تقرأ التوبيك اسمع التسجيلات. الراجل دا ملخص من كومار ومن اوكسفورد ومن مصادر م عرفتها ذاتو😄.

- كتاب مريح جدا وبوريك النقاط البتجي ف الامتحان؛ بعد تخلص الملخص شوف اي مرجع كبير راجع منه؛ بمش معاك زي الطلقة. يعني كبريت دا م تقراه براهو وخلاص. د.كبريت ربنا يجزيه خير..💖

[ لو م ببالع اقدر اقول ليك اي حرف ف ملخص كبريت اتوقع يجي ف الامتحان]
دي قناة كبريت👇
https://t.me/Kibreet

- برضو ممكن تقرأ اكسفورد مديسن أو Step-up medicine.

- ف كتب تانية ممكن تلاقيك زي القصر العيني واي شي بس كلها اقل نفعا من الكتب الذكرتها فوق.

- كتب د. اسامة محمد برضو ظابطة. عندو كتيبات لكل جابتر. ملخصات قديمة لكن ظابطة.

- ملخصات د. مجاهد ومحاضراتو م عندي عنها فكرة.

- بالنسبة للكلينيك طبعا برضو كتيرة لكن اقرا كتاب Short cases & long cases. ودا طبعا م بغنيك عن حضورك للراوند تبع البوص حقك.

- برضو للراوندات جيب كتاب بيدسايد كلينيك او ماكلويد مفيد جدا والله.

- حل امتحانات كتيرة. بيستات و MCQs وكيسات.

- وممكن م تعمل دا كلو وتقرأ كبريت وتحضر راوندات لو كتمت والامتحان ع وشك. لأنو بوريك نقاط الامتحان وفعلا بتجي😂😁. كبريت دا بنتهي ف اسبوع لو قعدت ليهو..

#المحاليل :_
#البوست #رقم (٤) والأخير

🔥 #عايزين نشوف #استخدامات كل #محلول في البوست دا ..
#اولا ال isotonic solutions دي كلها بنستخدمها فى حالات ال 
Replacement with small & moderate volumes
👈 #بمعنى لو ح تدى 2-3 لتر للpatient استخدم ال isotonic عادى سواءا كان
Saline or glucose.
فى حالات ح تستخدم large volume
زى ال severe dehydration &
DKA
✨ #لازم انت تبقى عارف انو ال
isotonic solutions
ممكن تعمل هنا brain oedema للpatient ودي كتير بتحصل 👍
👈 #الحل بتاعك فى الحالة دى انك بس تقسم ال volume زى ما اتفقنا..
1/3 colloids
2/3 crystallized
🔥 #عندنا #ال hypertonic saline
لا يفضل استخداموا مع ال
severe dehydration
#لانو غالبا بكون معاهوا hypernatraemia لانك انت كده ح تضر الpatient اكتر 👍
💢 #بنستخدموا فى حالات ال hyponatraemia ودى غالبا بتكون فى ال severe oedema #بس ح تبقى حاسب كويس ال volume ال ح تديهوا حسب احتياج الpatient ودايما بحسبوا  معاهو ال Na deficit ✋
💢 #نجى تان لل
#Hypertonic #glucose
✨ #ده كمان في منو نوعين.. ال 10% و 25% 👈 #بنستخدمهم فى حالات ال hypoglycaemia بحسبة معينه كدا ح نقولها فى وقتها ان شاء الله 👍

💓 #سؤال #هام :_
✨ #هل ممكن ال hypertonic solutions نستخدمها كبديل ل colloids ؟
لو عملت كده ح تبقى بتحمل الpatient
Na or glucose load
عالى شديد.... عشان كدا بنفضل
لو انت مضطر زى حالات بكون ما عندك colloids ممكن تستخدمها بس لازم انت تبقى عارف انو كل
100 ml glucose 25% =500 ml glucose 5%
#وانو كل
100 ml saline 1.8 % = 200 ml saline 0.9%
👈 #من حيث تركيز السكر أو الملح 👍
💥 #فلو مثلا محتاج 1 ليتر normal saline ومضطر ح تقوم انت تستخدم 
100 ml saline 1.8%
يبقى تستخدم 1/2 الكمية فقط
Hypertonic saline
وتكمل الباقى ب glucose 5%
ما بي saline وضح 👍
💢 #نجى لل #manittol
#يلا #المانيتول سكر برضو بس سكر عديد التسكر يعني ما احادى التسكر زى ال glucose 👍
🔥 #الاستخدام #الأشهر لل manittol
كانوا بيستخدموهوا فى ال ICU
as a brain dehydrating measure with cases of mild to moderate CVS associated with brain oedema ✌️
☑️ #وبعدين قالوا ان #بعمل 👇
Brian cell dehydration
& doesn't have effect on mortality rate 👍
☑️ #فبطلوا يستخدموهوا  وبعدين ... تان رجعوا يستخدموهوا دا فى العرف السائد بس حاليا ماعارف آخر
guide lines
قالت شنو عنو ...✌️
☑️ #في استخدام آخر للمانيتول..
المانيتول من حيث ال osmolality
#يكافيء  ال glucose 25%
فممكن انت تستخدموا زى ال
glucose 25%
#بديل لل  colloids بالطريقة ال قولناها ولكن ده #لا يفضل أصلا الا لو انت كنت فاهم انك بتعمل شنو كويس #لانو بعمل
severe diuresis
✨ #وممكن بسهولة يدخل الpatient بتاعك فى
Dehydration
🔥 #بعد كده عندنا ال haemagel & hysteril ديل بنستخدمهم زى ماقولنا فوقوليهم استخدام آخر فى حالات ال
Haematemesis used as plasma expanders
💓 #يعنى #شنو الكلام #دا ؟
✨ #دا يعنى..لو عندك حالة نزيف من ال venous side يلا انت كدا بتبقى محتاج محلول يحتفظ بأكبر كمية من السوائل داخل ال
vascular system
#يلا الحاجه دي بعملها ال colloids
وبنستخدمها بنسبة عكس ال dehydration يلا هنا انت بتدى 2/3 of   the volume colloids
& 1/3 crystalloids
💢 #آخر حاجة ح نتكلم عن ال albumin
💥 #طبعا #الالبيومين بنديهو فى حالات ال
Liver cell failure
& nutritional hypoalnuminaemia
& any case of hypoalbuminaemia
النورمال البيومين
3.5 -5 gm/dl
اقل من 3.5 تدىهو وماعندو dose
✨ #يعني انت بتدى زجاجة 3 مرات فى اليوم وتعمل التحليل لحد ماتظبطوا.
ياخد يوم اتنين تلاتة مافي مشكلة.
زمان كان بدوهوا ل اي patient بتاع
liver.cell failure with hypoalbuminaemia
✨ #حاليا ليهو كم سنه عندو بروتوكول خاص كدا ✋

💢 وفي حاجة مهمه شديد بتخصنا فى الموضوع ده ركز معاي.
✨ #اى patient بنوم شوية ويقوم يحصل ليهو نقص في البيومين حتى لو الliver كان طبيعى فلازم ناخد بالنا من كده.. 👇
#any bed ridden patient will have hypoalbuminaemia after sometime..even if his liver is healthy....so ,
You should follow-up albumin serum level and correct it with I.V.albumim sunlemntation .

🌐 #ابقى #فااهم 🌐
💢 #Clinical #Care 💢

tarch ده بيخلى جزئيات المحلول حجمها يكون كبير...وده ليهو فايدة؟؟
👈 #فايدتوا انو بخلى المحلول ده يحتفظ بوجودوا جوا ال blood vessels ومابقدر يطلع لينا منها زى ال crystalloids #ودى فايدة عظيمة جدا
🔥 #نجى للموضوع المهم وهو #كيف انا بدي #المحلول؟!
✨ #عندك العيان dehydrated قمت انت حسبت ال fluid deficit طبقا لدرجة ال dehydration بتاعة الpatient بتاعك .. قمت عرفت ال volume ال ح تتدي ليهو .. حلووووو
👈 يلا انت ح تقوم تاخد ال volume ده وتقوم تقسموا تلت وتلتين....
1/3 يبقى colloid
وال 2/3 crystalloid.
#ليييييه؟؟؟
✨ #عشان نستغل فايدة ال colloids ال قولنا عليها لو حجم المحلول المطلوب كبير ..عشان نقوم نحافظ على الحجم ده جوه ال
blood vessels
زى ماقولنا من شوية ✋
✨ #طيب والحجم الكبير ده #قدر شنو ؟؟
👈 #لو كان راجل أو مرأة كبيره ف العمر .. محتاج اكتر من 5 ليتر fluid deficit يعني حجم كبير ✋
☑️ #لو طفل محتاج اكتر من 1 ليتر يبقى حجم كبير..
#ولو طفل أقل من سنة 500 يبقى حجم كبير بس ديل ح نستخدم ال crystalloids بس عادى 👍

💦 نرجع ونقول تااانى. .الكلام ده very roughly
ممكن تقرأ فى مكان تلقى عن الأطفال بالذات كلام مختلف..يلا مافي مشكلة نحن بنديك guide تمشى عليها وان شاء الله ما ح تلقى اختلافات شديده 👍
..........
🔥 #الكلام الجاي دا للناس الشغاله فى وحدة أو استقبال بتاع الرعايات بانواعها
✨ #شوف اى patient بجي ليك #hypovolaemic بتركب ليهو طوالي CVL عشان تقوم تعرف تقيس ال central venous pressure
بتاع الpatient ...وبندى محاليل بعد مانحسب برضو ال fluid deficit بس بنكون
guided with CVP.
معاك لما تظبطوا وضح 👍
ال
normal CVP is 5-12 mm water
ف ناس ح تكتب 5-8 وناس 5-12 وفي ناس غريبة برضو ب تكتب من 5-16 👍
💥#المهم نحن ماشين بي 5-12
اهم حااجة انو أقل من 5 يبقى
hypovolaemia
ايا كان السبب 👍

☑️ #حتة أخيرة مهمه شديد ركز فيها
لو جايك patient بي نزيف لأى سبب..
#الpatient ده بيبقى 👇
hypovolaemic but not dehydrated
#وده يفرق؟؟
ايوووه تعال معاي 👇
☑️ #الpatient ده عندو ال extravascular fluid compartment سليم #بس ال وقع فجأة هو ال
Intra-vascular compartment.
#يعنى عروقوا اتصفت بس الخلايا محتواها المائي سليم #لانو النزيف بحصل بسرعة 👍
☑️ #الpatient ده ال عندو bleeder مفتوح وبنزف.... #اوعى اوعى تتديهوا مويه ..حذااااري تديهوا fluid volume كبير #ليييييه؟؟؟
💥 #لو عملت كده انت بترفع ال imtravascular pressure
طيب دي عارفك ح تقول لي حاجه كويسه لكن ح ارد ليك ح اقول ليك
لاااا ماكويسه .. #لانو لو عملت كده ح تخلي الpatient ينزف اكتر..كأنوا بالظبط ماسورة مويه مكسورة
كل ما تصب فى الطرف السليم الطرف المكسور ينزل فى الأرض فهمتا 😯😯
💢 #طيب #هل نخلي الpatient ينزف ونحولوا ؟؟
لاااا برضو ...ح يفقد كل الblood ال عندو لحد مايوصل المستشفى..
#طيب نعمل #شنو؟؟؟؟
#أول حاجة لو تقدر تربط مكان النزيف اربطوا.. #ولو ما قادر زى نزيف فى البطن مثلا.. intra-abdominal bleeding او فى الصدر من جوه.
Intra-thoracic bleeding
# او مريض haematemsis مثلا..
يبقى لا يكلف الله نفسا الا وسعها..
☑️ #يلا ده نتصرف معاهو #كيف ؟؟
✨ بس #ح تقوم تعلق ليهو محلول أى حاجة عندك بس ودايما بفضلوا 1000 سنتى مختلط..يعنى فى 2 كانيولا 500 ملح او جلوكوز. .و 500 هيماجل اوهستريل..... #وتقوم تمشيهوا ب rate متوسط ماشديد 👍
...........
🔥 #الخلاصه :_
-glucose-saline-Ringer's-mannitol are crystalloid solutions.
-albumin-haemagel-histryl are colloid solutions
-in large fluid deficit more than 5 give 1/3 of the volume colloids & 2/3 crystallioids.
-------------
Minimal dehydration 20ml/kg
Mild dehydration 50-60 ml/kg +800ml for sweating & breath ..In adults only add 800 ml.
Moderate dehydration 80 ml/kg + 800 ml in adults only.
-severe dehydration 100 ml/kg + 800 ml in adults & 20ml/kg In children above 20kg weight.
-don't give large volumes of fluids to patients with internal bleeding .
- in ICU you must be guided with a CVL to reach the normal CVP.
🔥 #تعديل بسيط.....
طبقا لأطباء الأطفال..
Mild & moderate dehydration..
👈 #هم بفضولوا انو يكون مافي محاليل وريدية ويدوا للطفل بالفم نفس الحجم المطلوب مع المتابعة الشديدة.

💓 #ابقى #فااهم 💓
💢 #Clinical #Care 💢

#المحاليل :_
💢 #بوست رقم (٣)

☑️ #عايزين نعرف #كيف نقدر نحسب ال fluid deficit؟
#وكيف نقدر ندي المحاليل؟

☀️ #يلا الجزو دا اهم جزو عندنا قبل ما نبدأ عاوزين نقول كلمتين مهمين بس عن ال dehydration بالذات فى الناس الأطفال لانو خطير شديد وكمان
نفس القواعد تنطبق على الناس الكبار ✋
💢 #وانا كمان جبت ليكم هنا تحت التقسيمة حقت الكلينيكال لل dehydration عشان مثلا لو سألتني وقولت لي لو كان في patient حاسي انو مهبط بس وما باين عليهو أى اعراض #هل ندى محلول أم لا.. طبعا الإجابة. .ايووه ندى وده دايما #بكون
mild hypovoliemia
✨ #وح تلقى عندو tachycardia ✌️
💢 #ال dehydration يا جماعة ممكن يكون ..
Minimal to mild.
Mild to moderate.
Moderate to severe.
More than severe 👉
وده بكون fatal.
الأعراض وال body weight loss in dehydration
ال body weight loss مهمة جداااا فى الأطفال خلي ليها بالك 👍
🔥 #المهم عندنا هنا عايزين نحسب ال
Fluid deficit
عشان نقدر نعرف الpatient محتاج volume قدر شنو ✋
☑️ طبعا عندنا طريقه roughly كده في الحساب قاعدين نستخدمها.. ح نستخدمها برضو هي مع إضافة صغيرة..
الحسبة دي كانت بتقول..
ح نجي نقول الإضافة في الأول 👇
If minimal dehydration give 20 ml fluids / kg body weight.

💥 #يعنى شنو الكلام ده؟؟
الكلام ده مهم شديد للناس ال ح يشتغلوا وحدات...لانك ح تكون
اكتر شي فى الأطفال. .خلوا بالكم..
✨ #لو كان المريض minimal يعنى يادوب عندو شوية tachycardia وكان حاسي بهبوط شويه كدا بس ماظاهر عليهو حاجة تانية.. 👈 ف الحاله دي ح تدى 20 مل محلول / كيلو من وزن الpatient بتاعك ✌️
☑️ #يعنى مثلا واحد وزنوا 80 كيلو وجاى باسهال مثلا وقام قال ليك انا مهبط زى ماقولنا إمس... قومت انت ك دكتور كشفت عليهو لقيت شكلوا كويس.... بس عندو شوية tachycardic 👈 #ده في الحاله دي تديهوا 20×80 يبقى 1600 مل.
ولو طفل ..نفس الحساب دا برضو وضح..
#الطفل وزنه 10 كيلو مثلا..
👈 #يبقى ح. تتديهوا 20×10 يبقى 200 مل وتمشى ال rate فى الأطفال. .يعنى مثلا
50-100 مل فى الساعة
يعنى ال 200 مل ديل الطفل ياخدهم على ساعتين 👍
🔥 #طيب لو بقى mild
#ح نعرفوا #كيف ؟ ؟
ح تقوم تلقى العيون حقت الطفل او الراجل دخلت لجوه ولو الجلد اتشدا ..ح يرجع بس ح ياخد وقت..ثانيتين تقريبا. .
ف الحاله دي طوالي ح تمشى للحسبه وح تبقى 40-50 مل / كيلو من الوزن
لو كان كبير ح تقوم تزود 800 مل. .قووول 1 ليتر على المطلوب عشان ال sweating
& breathing
👈 #ولو صغير ح تقوم تزيد لحدي 20 مل لكل كيلو لو الطفل كان فوق ال 20 كيلو.. يعنى..طفل 15 كيلو.. يبقى ياخد 40× 15 يبقى 600 مل... #ولو محتاج تانى تقوم تتديهوا 10×15يعنى 150 مل
يبقى المجموع كلو 750 مل ياخدهم على 6 إلى 8 ساعات ✋
#على فكرة الطفل 15 كيلو ده يعنى سنتين بس👍
💦 #طيب لو كان الطفل 25 كيلو او اكتر؟
👈 في الحاله دي ح تقوم تدى 20×20 يبقوا 400 زائدا 20×5 يبقوا 100
يبقى المجموع 500 #ولو كان محتاج لسه ح نكمل 40 مل / كيلو.
#يبقى تضيف400 كمان يبقى الtotal حقك 900 👍
☑️ #اما لو كان moderate dehydration
#ف الحاله دي بنحسب 60-80 مل/كيلو من الوزن وكالعادة لو كبير نضيف 800 مل أو 1ليتر لا sweating & breath
ولو طفل مامحتاجين نضيف 👍
💥 هم 80 مل لكل كيلو وخلاص.
💢 # لو severe dehydration
الحساب ف الحاله دي 90-100 مل /كيلو
مع إضافة ال 800 مل 👍
#ولو طفل ما ح نضيف حاجة..
يعنى مثلا...طفل 20 كيلو
Severly dehydrated
☑️ #ح ياخد 20× 100 يبقى 2 ليتر محلول... وياخدهم على مدااار اليووووم
اهم شي على مدار اليوم ✌️
☑️ #عشان لو اديت لطفل 2 ليتر فى ساعتين ح يموووت وضح 👍
💢 الكلام ده خلاصة 3 مصادر..
💥 #في ناس كاتبة مثلا فى ال moderate 50-60...مع إضافات. ..وناس كاتبة 70 وناس كاتبة 80 أنا حاولت اظبط الحساب بحيث يبقى رقم واحد عشاه يسهل عليكم عشان كدا ..خلوا بالكم من الأطفال 👍

☑️ #نجى لحاجه مهمه تانيه وهي عايزين نعرف #كيف ندى كمية ال fluid المطلوبة ؟؟ #وماهو نوع المحلول المطلوب؟؟؟

💥 #اولا تعالوا نشوف #أنواع #المحاليل. .
#كل محاليل الملح والجلوكوز والرينجر والمانيتول بكل تركيزاتها #اسمها
#Crystalloids
يلا دى لو اتاخدت بvolume كبير على وقت قصير 👈 اما ح تنزل كلها فى البول وتبقى انت ما مستفيد منها حاجة او ح تعمل لمريضك pulmonary oedema وده لو مريض كبير فى السن.
او tissue oedema لوالعيان
middle age 👍
💥 طيب...
#النوع الآخر من المحاليل هو ال colloids و ديل بشملوا لينا...
Human albumin.
Haemagel & hysteril.
☑️ #الالبيومين معروف..بنديهو لأى patient عندو hypoalbuminaemia يعنى أى عيان ال albumin بتاعوا أقل من
3.5gm/dl
النورمال بتاع ال albumin من 3.5-5
💢 #الهيماجيل #والهستريل دى عبارة عن محاليل فيها نشا. .starch..بس طبعا ما النشا بتاع الأكل حقنا دا .... يلا #الs

#المحاليل :_
✨ #بوست #رقم (٢)

☑️ #منو محتاج محلول ؟؟

البوست ده رغم انو طويل بس مهم شديد تابعوهوا :_

#انا قولت في الجزء ال فات انو #أنواع المحاليل كلها على بعضها وح نرتبها بعد شوية ✋

💥 #اول حاجة #عاوزين نعرفها #منو الشخص البحتاج محلول من الpatients ؟؟
✨ #منطقيا كده يا جماعة المحاليل دى عبارة عن volume انت بتدي من بره الجسم..لو كان ح تدى زيادة عن المطلوب عيانك ح يقوم يحصل ليهو oedema ممكن تكون tissue oedema or pulmonary oedema
ولو أديت أقل من المطلوب الpatient بتاعك ح يكون تعبان ✋
☑️ #يبقى نعرف نوع الpatient وكمية المحلول ال ح يحتاجها قدر شنو ..
✨ #وح نتوسع شويه في الكلام هنا
💢 #اولا #منو مطلوب ليهو محلول؟؟

✨ #طبعا كل الpatients ال عندهم dehydration
وديل يشملوا مريضين ال DKA... ديل اكتر ناس ح ياخدوا كمية بتاعت محاليل فى العالم ✋
☑️ #مريض old age وماكان بياكل كويس ليهو كم يوم وقام جاك بي انو هو dehydrated 👈 #وديل دايما بنشوفهم كتير على فكرة وللعلم الإنسان لمن يعجز بيرجع طفل تانى 😔...كل ال يأثر فى الأطفال يأثر فيهو .. يعنى الطفل لو اتمنع من الرضاعة في يوم طوالي بجي ليهو جفاف والعجوز كده برضو ... لو اتمنع من الاكل يوم طوالي بجيهو جفاف 👍
💢 #برضو في #فئة تانية..الpatients ال عندهم
Severe diarhhroea..
الإسهال... #ديل لانهم بفقدوا كمية سوائل رهيبة..وسواءا كانت
Physiological diarrhoea
زى القاعدين نشوفها على العيد الكبير نتيجة أكل الدسم كتيير ✋
او bactrial diarrhoea
زى الكوليرا ✌️
💢 #او نتيجة مشاكل فى القولون زى ال Crhon's disease والكلام ده..
كل ديل ح يحتاجوا محاليل 😐
💥 ايوا في مريضين النزيف لأى سبب الله يشفيهم..
واحد فى حادثة..
واحدة بتولد. .
عيان فى عملية..
وهكذا...
وتان في برضو الناس البتوتروا كل شي بوتر الشخص ✌️
💢 #مريض ماعندو ولا اى حاجة من ال فوق ديل ...وقام هبط عليك كده من السماء وانت قاعد فى الاستقبال ضغطوا كان منخفض 😕
💥 ده ح ياخد محلول..بس بشروط..
طيب تعالوا معاي نشوف الشروط دي؟ ؟
#اولا لازم تسأل على الأسباب ال فوق دى وتعرف أنها ما موجودة..
وحتى لو موجوده ماتفرح
لانو الpatient دا كارثة...
✨ #لأنو ممكن يكون في نزيف داخلى وانت تكون ماشايفوا ✌️
💢 عشان كدا لو جاك patient سليم من بره الواقع من جوه ده لازم لازم لازم تفحصوا كويس...😕
وتشوف ال
abdomen rigid or relaxed 😕😕
وتعمل صورة... ولو مرأه حامل أو بتفكر تحمل..متجوزة يعنى. ..لازم بتاع النساء والتوليد ي دكتور يطمنك انو مافي
ruptured ectopic pregnancy
✨ #ولو انت ي دكتور كنت براك فى الرعايه عندك صوره. ..لو لقيت الدنيا تمام..فل ..اوووك... لو شكيت...طوالي تقوم تركب كانيولا وتخت فيها 500 ملح

💥 #لو لقيت كل ال فوق ده تمام ومافي ااى مشاكل يبقى غالبا ده مريض orthostatic hypotention
✨ ديل ببقوا اكتر عند النساء ديل مشكلتهم بتكون ي اما 👈 عندهم sensetivity شوية فى ال autonomic nervous system😌
يعني لو مشوا فى الشمس بهبطوا. .فى الحر برضو بهبطوا. .مافطروا كويس بهبطوا.. لو ما اكلوا حاجة مالحة فى الفطور بهبطوا... مافطروا خالص برضو يهبطوا.. ولو اكلوا اكتر من اللازم يهبطوااا.......ولو اتنرفزوا يهبطوا 👍
☑️ #هم ما مريضين 😢😢 بس مهبطين لأنو ال blood vessele wall tone عندهم ضعيف شويه كدا.... ديل ح يهبطوا طوالي اثناء ماانت قاعد فى الاستقبال من غير سبب ✋
🔥 #لسه برضو عندك ال patients ال
vasovagal attacks
ديل هم الناس الجاتهم حاجه فأغمى عليهم...زى واحدة مثلا الليله فرح ابنها ..فرحت..وقعت..والناس فاكرينها بتدلع. 😢
او حاجة شينه ..خبر سيء.. يلا زي ديل مابتاعين orthostatic لا ديل ال pathology حقهم مختلف تماما..
فطبيعى يبقى العلاج مختلف تماما..
بس لو قولت ليكم العلاج بس خليكم لحدي هنا 👈 زي ديل بس نديهم 500 سنتى محلول زى اخواتهم وكفى الله المؤمنين القتال 🙌🙌🙌
#بس ديل عندهم ميزة...بقوموا براهم في الغالب ✋
#تابعوا البوست دا ف الموضوع الجاي

❤️ #خليك #فااهم ❤️
💢 #Clinical #Care 💢