Azvision.az ölkədə və dünyada baş verən hadisələri izləyir, təhlil edir, sizlərə çatdırır. Saytımız və kanalımız daha çox ciddi mövzulara, analitik materiallara üstünlük verir.
📝 Bizimlə əlaqə: t.me/AzVision_bot
AzVision
22 Oct, 14:30
🌧️🥀İntensiv yağan yağış nəticəsində tuneldə boğularaq ölən Kürdəmir sakini 48 yaşlı Elnur Şirinov.
🇨🇳 Cəmi 40 il əvvəl Şanxay - gündəlik dərdi bir ovuc düyü olan kasıb insanların yaşadığı daxmalardan ibarət şəhər idi. İndi isə Şanxay - Çinin əsas maliyyə mərkəzidir. Burada 1000-dən çox transmilli şirkətin qərargahı yerləşir. Şəhərdə xarici sərmayə əsasında yaradılmış 75 000 müəssisə fəaliyyət göstərir. Onlara qoyulmuş sərmayənin ümumi miqdarı 350 milyard dollardan çoxdur. #Çin #Şanxay
🇷🇺🇨🇳Si Cinpin BRİCS-in 16-cı sammitində iştirak etmək üçün Kazana səfər edib. ❗️Qeyd edək ki, bu gün Tatarıstanın paytaxtında BRİCS ölkəkəri dövlət başçılarının sammiti fəaliyyətə başlayır. Oktyabrın 24-dək davam edəcək sammitdə 30-dan çox ölkədən yüksək səviyyəli nümayəndə iştirak edəcək.
🇲🇩 Moldovada keçirilən seçkidə birinci turda heç kim 50%-lik baryeri aşa bilməyib. Hazırkı prezident Maya Sandu 41,92%, onun əsas rəqibi, keçmiş baş prokuror, sosialistlərin nümayəndəsi Aleksandr Stoyanoqlu 26,35% səs toplayıb. Bu o deməkdir ki, qalib noyabrın 3-də keçiriləcək ikinci turda müəyyən ediləcək.
🇮🇳 Hindistandakı Yamuna çayında fosfatlı tullantıların çoxalması nəticəsində suyun səthini zəhərli köpük örtüb. Yerli media bu vəziyyətin əhalinin sağlamlığına ciddi risklər yaratdığını yazır.
🇦🇿İlham Əliyev: “Azərbaycan regional sülh gündəliyini dəstəkləyir. Ermənistanın sülh müqaviləsinin mətni üzrə son təkliflərini 70 gündən sonra göndərməsi bu ölkənin prosesin irəli aparılması niyyəti ilə bağlı müəyyən suallar doğurur. Ermənistanın konstitusional əsasda Azərbaycana qarşı ərazi iddialarının sülh müqaviləsinin imzalanması yolunda başlıca maneədir. Azərbaycan prosesin irəli aparılması üçün bundan sonra da qəti addımlarını davam etdirəcək”.