Юрагида дардлари бор оталарга,
Боласини кўришга зор оталарга,
Йўқчилик деб сочлари қор оталарга,
Тангрим ўзинг куч бер ўша билакларга,
Омадини кутиб юрган эркакларга.
Совуқлардан омон ўтсин баҳор томон,
Кузи келмай қоматини қилма камон,
Қайда бўлса доим боши бўлсин омон,
Тангрим ўзинг куч бер ўша билакларга,
Омадини кутиб юрган эркакларга.
Барака бер топган ризқ-у, ҳалолига,
Қайғу, алам келмасин ҳеч хаёлига,
Сабр бергин, бардош бергин аёлига,
Тангрим ўзинг куч бер ўша билакларга,
Омадини кутиб юрган эркакларга.
Оғир юкдан бармоқлари ёрилмасин,
Юзларига бевақт ажин терилмасин,
Ночорликдан хасталикка берилмасин,
Тангрим ўзинг куч бер ўша билакларга,
Омадини кутиб юрган эркакларга.
Яноқлари доим кулиб кўринсинлар,
Давраларда бахтга тўлиб кўринсинлар,
Елкалари тоғдек бўлиб кўринсинлар,
Тангрим ўзинг куч бер ўша билакларга,
Омадини кутиб юрган эркакларга.
Юрагини чертар қўшиқ, сози бўлсин,
Яқинлари доим ундан рози бўлсин,
Инша аллоҳ, бир кун келиб ҳожи бўлсин,
Тангрим ўзинг куч бер ўша билакларга,
Омадини кутиб юрган эркакларга.
Яқинларингизга ҳам улашинг 🌹
Каналимизга қўшилинг 👇❤️
https://t.me/+51fyQTMOYFczZmZi
https://t.me/+51fyQTMOYFczZmZi