﷽
🚽 വിസർജന മര്യാദകൾ
📌 ഒരുവൻ ടോയ്ലെറ്റ് പോലെ മറയുള്ള സ്ഥലത്തല്ല വിസർജിക്കുന്നതെങ്കിൽ, ഔറത്ത് മറ്റാരെങ്കിലും കണ്ടേക്കാം എന്നു ഭയപ്പെടുന്ന സാഹചര്യത്തിൽ, ഇരുന്ന ശേഷമേ തന്റെ തുണി ഉയർത്താൻ പാടുള്ളൂ, ഇത് ഔറത്ത് മറയ്ക്കുന്നതുമായി ബന്ധപ്പെട്ടുള്ള പൊതുവായ തെളിവുകളുടെ അടിസ്ഥാനത്തിൽ ആണ്. എന്നാൽ ഈ വിഷയത്തിൽ പ്രത്യേകമായി വന്നിട്ടുള്ള ഹദീഥുകൾ സ്ഥിരപ്പെട്ടിട്ടില്ല, അതിനാൽ തന്റെ ഔറത്ത് വെളിപ്പെടുന്ന അവസ്ഥ ഭയപ്പെടുന്നില്ലെങ്കിൽ അവന് നിന്നുകൊണ്ട് തന്നെ തന്റെ തുണി ഉയർത്താകുന്നതാണ്.
🏜 മലവിസർജനം നടത്തുവാൻ ഉദ്ദേശിക്കുന്നയാൾ ദൂരത്തോട്ട് പോകുന്നത് പ്രോത്സാഹിപ്പിക്കപ്പെട്ടിട്ടുള്ളതാണ്, ഇതിൽ ഏകാഭിപ്രായം ഉണ്ട്, എന്നാൽ മൂത്രവിസർജനം നടത്തുവാൻ ഉദ്ദേശിക്കുന്നവൻ ഇപ്രകാരം ചെയ്യേണ്ടതില്ല എന്നാണ് ചില ഹദീഥുകൾ തെളിയിക്കുന്നത്. ടോയ്ലറ്റിൽ കയറുന്ന ആൾ അതിന് ചുറ്റും ആളുകൾ ഉണ്ടെങ്കിലും ദൂരത്തേക്ക് പോകേണ്ടതില്ല എന്നും പണ്ഡിതന്മാർ സൂചിപ്പിച്ചിട്ടുണ്ട്.
🚪 ഒറ്റപ്പെട്ട അവസ്ഥയിൽ ഒരുവൻ നഗ്നനായി കുളിക്കുന്നതിൽ തെറ്റില്ല, കാരണം ഈ വിഷയത്തിൽ വന്നിട്ടുള്ള ഹദീഥുകൾ യാതൊന്നും നബി ﷺ യിലേക്ക് സ്ഥിരപ്പെട്ടിട്ടില്ല, എങ്കിലും കൂടുതൽ ഉത്തമമായത് തന്റെ ഔറത്ത് മറയ്ക്കുന്നതാണ്, അല്ലാഹുവിനാകുന്നു ഏറ്റവും നന്നായി അറിയാവുന്നത്.
💬 വിസർജിക്കുന്നതിനിടയിൽ സംസാരിക്കുന്നത് വെറുക്കപ്പെട്ടതും, മൗനം പാലിക്കുന്നത് പ്രോത്സാഹിപ്പിക്കപ്പെട്ടതുമാണ്. എന്നാൽ സംസാരം വിലക്കിയിട്ടുള്ള ഹദീഥ് സ്ഥിരപ്പെട്ടിട്ടില്ല.
⛔️ വിസർജിക്കുന്നതിനിടയിൽ അല്ലാഹുവിനെ സ്മരിക്കുന്നതും വെറുക്കപ്പെട്ടതാണ്.
📌 ടോയ്ലെറ്റിൽ പ്രവേശിക്കുന്നതിന് മുൻപ് അല്ലാഹുവിന്റെ നാമം അടങ്ങിയിട്ടുള്ള വസ്തുക്കൾ (ഉദ: മോതിരം പോലുള്ളവ) പുറത്ത് ഉപേക്ഷിക്കൽ പ്രോത്സാഹിപ്പിക്കപ്പെട്ടിരിക്കുന്നു എന്നതിൽ ഏകാഭിപ്രായമുണ്ട്. എന്നാൽ അത് വെളിവാകാത്തവണ്ണം എന്തിലെങ്കിലും സൂക്ഷിച്ചാൽ വലിയ പ്രശ്നമില്ല. അതുപോലെ അത് പുറത്ത് ഉപേക്ഷിച്ചാൽ മോഷ്ടിക്കപ്പെടുമെന്നോ മറ്റോ ഭയക്കുന്നെങ്കിലും അകത്തേക്ക് എടുക്കുന്നതിൽ പ്രശ്നമില്ല, ആ സാഹചര്യത്തിയിൽ അത് വെറുക്കപ്പെടുകയില്ല.
📚 മുസ്ഹഫ് (ഖുർആൻ) മേൽപറഞ്ഞ പ്രകാരമുള്ള ഒരു കാരണമില്ലാതെ ടോയ്ലെറ്റിൽ പ്രവേശിപ്പിക്കൽ ഹറാം ആണ്.
എന്നാൽ ഖുർആൻ പാരായണം റെക്കോർഡ് ചെയ്യപ്പെട്ടിട്ടുള്ള കാസറ്റുകളും ഫോണുകളും പ്രവേശിപ്പിക്കുന്നതിൽ കുഴപ്പമില്ല എന്നാണ് പല പണ്ഡിതന്മാരുടെയും അഭിപ്രായം.
⛔️ ഇസ്ലാമികനിയമമോ നാട്ടുനടപ്പോ മലമൂത്രവിസർജനം നടത്തുന്നത് വിലക്കിയിട്ടുള്ള (പൊതുവഴി, ബസ് സ്റ്റോപ്പുകൾ, ആളുകൾ കൂടിയിരിക്കുന്ന ഇടങ്ങൾ, പുഴകളുടെ തീരങ്ങൾ, പഴങ്ങൾ തരുന്ന വൃക്ഷങ്ങൾക്കു കീഴിൽ, എന്നിങ്ങനെ) ജനങ്ങൾ ഗുണമെടുക്കുന്ന ഇടങ്ങൾ അതിനായി സ്വീകരിക്കാൻ പാടുള്ളതല്ല, അത് ഹറാം ആക്കപ്പെട്ടിരിക്കുന്നു.
🚫 മാളങ്ങളിലേക്ക് മൂത്രവിസർജനം നടത്തുന്നത് വിലക്കപ്പെട്ടിരിക്കുന്നു.
🕋 ഖിബ്ലയ്ക്ക് നേരയോ അതിനോട് എതിരയോ ഉള്ള നിലയിൽ ഇരുന്നു വിസർജിക്കുന്നത് വെറുക്കപ്പെട്ടിരിക്കുന്നു. ഇത് കഅബയ്ക്ക് പ്രത്യേകമായുള്ളതാണ്, ബൈത്തുൽ മഖ്ദസിന് ബാധകമല്ല.
🌇 എന്നാൽ സൂര്യനെയോ ചന്ദ്രനെയോ ചില പ്രത്യേക നക്ഷത്രങ്ങളെയോ നേരിടരുത് എന്നോ, അവയോട് എതിരായി ഇരിക്കരുതെന്നോ പറയപ്പെടുന്നത് തികച്ചും ഒരു വിചിത്രവാദമാണ്.
📌 വിസർജനത്തിന് ശേഷം ശുദ്ധീകരണത്തിന്റെ സമയത്തു മേൽപറഞ്ഞ പ്രകാരം ഇരിക്കുന്നതിൽ പ്രശ്നമില്ല. അതുപോലെ ഒരുവൻ ബന്ധപ്പെടുന്ന സമയത്തും ഖിബ്ലയോട് മുന്നിടുന്നതിൽ പ്രശ്നമില്ല.